कलस्सि निसुम्
निसुम्
कङ्ग पावलरे़ कलस्सि ये़क्यक्कोबा सेसेहुप्लक्को के़वाॽबा नसानिबाहाॽ हाक्तुसिबा सक्इङ्घङ्लो॥ कन् सेसेहुप्लक्किन् पावलरे़ हेःक्तुबा मेःन्लो, हे़क्केसाङ् कन् ये़क्यक्किन् खुने़ॽ याःक्ते़बा लाजेॽइल्ले़ कुबेसाङ् ने़स्से़आङ् खे़न् सेसेहुप्लक्किन् कम्ब्राङ् मे़प्मा आबाङेआङ् लक्पे़न्साबा चोःक्का लॽरिक् निङ्वाॽ इतुआङ् वये़रो॥ कन् सेसेहुप्लक्को माङ्से़वा चोःक्से़ पावलरे़ मनाहाॽ एफिसस ये़क्यक्लाम् पाङ्घुसिआङ् वये़रो॥ कलस्सिबा सेसेहुप्लक्को इङ्ले़क्पा सिक्साम्बाहाॽरे़ निङ्वाॽफुमाङ्ङिन् कुसिङ् निःप्मा नु से़क्खाए से़न्लप् खोमारे़ “याम्साम्मिल्ले़न् हाङ्युक्पे़न् नु मुक्साम्हाॽ” से़वा चोःक्मासि पोङ् लॽरिक् नसानिबाहाॽ साक्के़ल्ले़क्को मे़धासुसिआङ् मे़वये़रो॥ हे़क्केरक् मेःन्, कर खे़ङ्हाॽरे़ग हर्दो हे़क्मा पोङ्, चामा थुङ्माओआङ् अक्तङ्बा थिम्हाॽ इःप्मा नाःप्मा पोङ् लॽरिक् खुनिॽ निसाम्हाॽ मे़हुॽरुसिआङ् मे़वये़रो॥
हे़क्तङ्बा निसाम्हाॽग से़क्खाबा ख्रिस्तानि निसाम्मिल्ले़ अप्मा पोङ् फाॽआङ् पावलरे़ कलस्सिहाॽ सक्इङ्घङ् साप्तुआङ् हाक्तुसिरो॥ खुने़ॽ कुनोगप्पिल्ले़न् से़क्खाबा पान् अक्तङ्बा वाॽ—ये़सु ख्रिस्तरे़ कुलिङ्दो के़गे़प्पा से़न्लप् पिमा आसुक्, कर कन् वेॽसमा साम्यो पाःन्हाॽ नु साक्थिम्हाॽरे़ग मनाहाॽ खुने़ॽलाम् लाःत्लाःत् चोगुसिॽ॥ निङ्वाॽफुमाङ्ङिल्ले़ इक्सादिङ् खाम्बेःक्मान् ख्रिस्तलाम्बा चोगु हे़क्क्याङ् खुने़ॽलाम्बाए खे़न् इक्सा खाम्बेःक्कोबा मनाहाॽ आबाङे खुने़ॽओ तारुसिरो॥ हे़क्क्याङ् मनाहाॽरे़ से़न्लप् खोमारे़ लागि ख्रिस्ते़न्नु थिक्हुप् पोङ्माए पोङ्लो॥ हे़क्केलॽरिक् पावलरे़ नसानिबाहाॽरे़ खुनिॽ हिङ्मन्नो चाहाबा के़जोःक्पा कन् निसाम्मिल्ले़न् यम्बा कुबिहाॽ चे़क्तुसिरो॥
पावलरे़ साप्तुबा कन् सक्इङ्घङ्ङिन् तुखिकसे़ल्ले़ कलस्सि ये़क्यक्को तेॽरुआङ् वये़॥ खे़न्नु सोरिक् के़बेःक्पा मनाःङ्ग योःक्पा ओने़सिमसे़न् वये़॥ बा खे़न् ओने़सिमसे़ल्ले़ कुलागि पावलरे़ फिलेमोन मे़प्मनाबा सक्इङ्घङ्ङिन् साप्तुआङ् हाङुआङ् वये़रो॥
ताङ्बा थामिङ्
निसुम् १:१-८
ख्रिस्तरे़ कुये़प्ले़क् नु कुयाःम्बक् १:९–२:१९
ख्रिस्तओ के़वाॽबा कुसङ् हिङ्मन् २:२०–४:६
कुनुप्मा ४:७-१८
Currently Selected:
कलस्सि निसुम्: LIF
Highlight
Share
Copy
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.