MATAYO 26

1KANDI kyahika Yesu obuyamazire ebigambo ebi byona, 2yagambira ebegeswabe ati Mumanyire, ebiro bibiri bihinguireho, halibaho Okuhingurwaho, Nomwana womuntu alihebwayo okubambwa ha muti. 3Nubwo banyakatagara abakuru, nabakuru babantu bayesoroza omu kibira kya nyakatagara omukuru wabu, ibaralye Kayafa; 4bahanura ahamu okukwasa Yesu anamagezi, Bamuite. 5Baitu bakagamba ngu Kitaba omu biro byobugenyi, abantu baleke kuimuki’ra.

6Kandi Yesu obwakabali omu Besaniya, omu nju ya Simoni omugenge, 7omukazi akaija namberali ayina akasale kamagita ageseta agomuhendo omwingi muno, yagamusesera ha Mutwe. Aikalire nalya. 8Baitu abegeswa obubaboine, babihirwa nibagamba ngu Gafire ki ganu? 9baitu ganu kuba gaguzirwe gakurugirwemu ebintu bingi, okubaha abasege. 10baitu Yesu obuyayetegerie yabagambira ati Nimutuntuliza ki omukazi? Baitu ankozire ekigambo ekisemire. 11Baitu basege munyinabo ebiro byona; baitu timunyina nyowe ebiro byona. 12Baitui obwaseserege amagita ganu ga mubiri gwange, akikozire obwokuzika. 13Mananukwo nimbagambira nti Enjiri enu herakagambirwaga hona omu nsi yona, neki omukazi onuna ekyakozire kiragambwaga okumuijukaga.

14Nubwo, omu hali abo ikumi nababiri, ayetwa Yuda Isikalyota, yagenda hali banyakatagara abakuru nabagambira ati 15Nimuikiriza okumpa ki, nanyowe ndamuhayo nambere muli? Bamulengera ebicwaka ebyefeza amakumi asatu. 16Kandi okuruga obu yase’raga akasumi akalimuherayo.

17Kandi ha kiro ekyokubanza ekyemigati etatumbisibwe, abegeswa bakaija hali Yesu, nibamugambira ngu Nogonza tutekanize nkaha Okuhingurwaho, nambere orakulira? 18Yagamba ati Mugende ha rubuga ombananka, mumugambire ngu Omwegesa nagamba ati Akasumi kange kamalize kuija; omu nju yawe nuho ndalira Okuhingurwaho hamu nabegeswa bange. 19Abegeswa bakora nka Yesu okuyabagambire; batekaniza Okuhingurwaho. 20Kandi obuire obubwaizire, yaika’ra okulya nabegeswa ikumi nababiri. 21Kandi obubakaba nibalya, yagamba ati Mananukwo nimbagambira nti Omu halinywe arangobeza. 22Batuntura muno, nibabanza omu omu okumugambira ngu Mukama wange, ninywe? 23baitu yagarukamu nagamba ati Ogu rukukoza ahamu nanyowe omu rucuba, nuwe arangobeza. 24Omwana womuntu nagenda nkokukyamuhandikirwe; baitu zirimubona omuntu ogu aragobeza Omwana womuntu! Kyakubaire kirungi hali ogu kuba atarazairwe. 25Yuda ayamugobize yagarukamu nagamba ati Rabi, ninyowe? Yamugambira ati Nukwo ogambire. 26Kandi obubakaba nibalya, Yesu yakwata omugati, yasima, yagucwamu; yabaha abegeswa nabagambira ati Mukwate, mulye; gunu nugwo mubiri gwange. 27Yakwata empwahwa, yasima, yabaha, nagamba ati. Munywe ha enu inywena; 28baitu niyo sagama yange eyekiragano, eseseka habwa baingi obwokuihaho ebibi. 29baitu nimbagambira nti Tindinywa na kake okubanza hati ha kyana kinu ekyomuzabibu, okuhikya ekiro kiri ekindinyweramu ekihyaka ahamu nainywe omu bukama bwa Isenyowe.

30Obubamazire okuzina ezabuli, baturuka bagenda ha rusozi orwa Zeituni.

31Nubwo Yesu yabagambire ati Inywe inywena murayesitara habwange ha kiro kinu, baitu kikahandikwa ngu nditera omulisa, nentama ezomu igana zirirraranga. 32Baitu obundikamara okuhumbuka, ndibebembera okugenda omu Galiraya. 33Baitu Petero yagarukamu namugambira ati Bona nobubarayesitara habwawe,nyowe tindyesitara ebiro byona. 34Yesu yamugambira ati Mananukwo ninkugambira nti ha kiro kinu enkoko etakakokere, oranyehakana emirundi esatu. 35Petero yamugambira ati Nobundaba ninfera ahamu naiwe, tinkwehakane na kake. Nabegeswa bona nukwo bagambire bati.

36Nubwo Yesu yaija nabo omu kiikaro ekyetwa gesesemane, yagambira abegeswabe ati Muika’re hanu, ngende oku, nsabe. 37Yatwara hamu nauwe Petero nabana ba Zebedayo ababiri, yabanza okutuntura nokuganya muno. 38Nubwo yabagambire ati Omutima gwange gunyina obujune obwingi, bwaija kunyita; muikalege hanu, murole nanyowe. 39Yagendaho kake yainama nasaba, nagamba ati Ai bambi isenyowe, empwahwa enu endugeho, kiraba nikisoboka: baitu kitaba nkanyowe okundukugonza, rundi nka iwe okworukugonza. 40Yaija hali abegeswa, yabasanga bagwijagire, yagambira Petero ati Rundi timurukusobora okurora nanyowe akacu kamu? 41Murole, musabe, muleke okutaha omu kwohebwa. Omutima nugwo gururkugonza, baitu omubiri nugwo mugara. 42Kandi yagenda obwakabiri, yasaba, nagamba ati Ai bambi Isenyowe, kinu kiraba kitarukusobora kundugaho rundi, nyowe nkinywe, ekyorukugonza nikyo kikorwe. 43Yagaruka okuija, yabasanga bagwijagire, baitu amaiso gabu gakaba nigahungira. 44Yagaruka okubasiga, yagenda, yasaba obwakasatu, nagamba ebigambo bimu na biri. 45Nubwo yaija hali abegeswa, nabagambira ati Mubyamire kimu, muhumule hati bunu: dora akasumi kamalize kuhika, Nomwana womuntu ahairweyo omu mikono yabasisi. 46Muimuke, tegende; dora arukungonza amalize kuhika.

47Obwakaba nakibaza, dora Yuda, omu hali abo ikumi nababiri, akaija, kandi abamu nauwe ekitebe kingi, banyina empirima nemiigo, barugire hali banyakatagara abakuru, nabakuru babantu. 48Kandi ogu akaba namugobeza akabaha akokuro’raho, nabagambira ati Oundanywegera, nuwogu; mumukwate. 49Ahonaho yaija hali yesu, yamugambira ati Mirembe, Rabi; yamunywegera muno. 50Yesu yamugambira ati Mugenzi wange, kora ekyoizirire. Nubwo baija bamutaho Yesu emikono, bamukwata. 51Dora, omu hali abo abakaba bali na Yesu, yago’ra omukonogwe, yasomora empirimaye, yatema omuiru rubale wa nyakatagara omukuu wabu, yamucwaho okutu. 52Kandi Yesu yamugambira ati Empirima yawe ogiga’re omu kiikaro kyayo; baitu bona abakwata empirima balifa empirima. 53Rundi notekereza oti Tindukusobora kwesengereza Isenyowe okumpa hati bunu bamaraika okukira regione ikumi nabiri? 54Kandi birahiki’ra bita ebyahandikirwe ngu Kisemire okuba kiti? 55Omu kasimu ako Yesu yagambira ebiteba ati Muturukire nkokumuramagira omunyagi, nempirima nemiigo okunkwata? Naika’raga obukyabukya omu yekaru ninyegesa, mutankwate. 56Baitu kinu kyona kibaireho, banabi ebibahandikire bihiki’re. Nubwo abegeswa bona bamusiga bairuka.

57Nabakaba bakwasire Yesu bamutwara hali Kayafa nyakatagara omukuru wabu, abahandiki nabakuru nambere bayesorolize. 58Baitu Petero yamukuratira enyuma hara, okutaha omu zigati ya nyakatagara omukuru wabu, yahungira omunda yaika’ra hamu nabahereza, arorle ebyahanyuma. 59Kandi banyakatagara abakuru nabomu rukurato bona, base’ra bakaiso abebisuba okuhangi’ra Yesu, bamuite; 60kandi batakibone, bakaiso abebisuba nobubaizire baingi. Baitu hanyuma hakaija babiri, 61nibagamba ngu Omuntu onu akagamba ati Ninsobora okusesa yekaru ya Ruhanga nokugyombekera ebiro bisatu. 62Nyakatagara omukuru wabu yaimuka namugambira ati Torukwanukura na kake? Kigambo ki banu ekibarukukuhambiriza? 63Baitu Yesu yaculera. Nyakatagara omukuru wabu yamugambira ati Ninkurahiza Ruhanga omowmezi, otugambire obworaba ali Kristo, Omwana wa Ruhanga. 64Yesu yamugambira ati Nukwo ogambire; baitu nimbagambira nti okuruga hati mulirora Omwana womuntu aikalire ha Mukono ogwobulyo ogwamani, naizira ha bicu ebya ha iguru. 65Nubwo nyakatagara omukuru wabu yatemura ebyokujwarabye, Nagamba ati Ajumire Ruhanga; ntuseru’ra ki bakaiso abandi? Dora, hati bunu muhulire okujuma kunu. 66Nimutekereza Muta? Bagarukamu nibagamba ngu Asemerire okufa. 67Nubwo bamucwera omacwanta ha maisoge, nibamutera entomi: abandi nibamutera empi, 68nibagamba ngu Turagu’re, iwe kristo; noha okutire?

69Kandi petero akaba aikalire aheru omu kibira omuisiki yaija namberali namugambira ati Naiwe okaboli hamu na Yesu Omugaliraya. 70Baitu akehakana omu maiso ga bona,nagamba ati Ekyogambire tinkimanyire. 71Baitu obuyaturukire okuhika omu kiti kyomulyango, Omuisiki ondi yamubona, nagambira abantu abakaba baloho ati Nonu akabali hamu na Yesu Munazarayo. 72Yagaruka okwe hakana narahira ati Omuntu ogu ti’mumanyire. 73Kandi akasumi kake kahinguireho, abakaba bemerireho baija nibagambira petero ngu Mananukwo oli mutahi wabu; baitu engambo yawe etumanyisisze. 74Nubwo yabandize okukyena nokurahira ati Omunti ogu ti’mumanyire. Ahonaho enkoko yakoka. 75Petero yaijuka ekigambo Yesu ekiyagambire ati Enkoko etakakokere, oranyehakana emirundi esatu. Yaturuka eheru, na’ra muno.

Currently Selected:

MATAYO 26: BRR64

Highlight

Copy