MATAYO 1
1
1EKITABU ekyokuzarwa okwa Yesu Kristo omwana wa Daudi, omwana wa Iburahimu.
2Ibrahimu akazara Isaka; Isaka akazara Yuda nabenebabu; 3Yuda akazara Perezi akazara herezoni; Herezoni akazara Ramu 4Ramu akazara Aminadabu; Amidabu akazara Nasoni; Nasoni akazara Sarumoni; 5Sarumoni akazara Boazi omu Rahabu; Boazi akazara Obeda omu Rusi; Obeda akazara Yese; 6Yese akazara Daudi omukama.
Daudi akazara Sulemani ha muka Uriya, 7Sulemani akazara Rehoboamu; Rehoboamu akazara Abiya; Abiya akazara Asa 8Asa akazara Yehosafati; Yrhosafati akazara Yoramu; 9Yoramu akazara Uziya; Uziya akazara Yosamu; Yosamu akazara Ahazi; Ahazi akazara Hezekiya; 10Hezekiya akazara Manase; Manase akazara Amoni; Amoni akazara Yosiya 11Yosiya akazara Yekoniya nabenebabu, omu biro ebyokutwarwa Baburoni.
12Kandi hanyuma yokutwarwa Baburoni, Yekoniya akazara saratieri; Saratieri akazara Zarubaberi; 13Zerubaberi akazara Abiuda; Abiuda akazara Eriakimu; Eriakimu akazara Azoli; 14Azoli akazara Sadoka; Sadoka akazara Akimu; Akimu akazara Eriudi; 15Eriudi akazara Eriezali; Eriezali akazara Matani; Matani akazara Ykobo; 16Yakobo akazara Yusufu, iba Malyamu; ayazaire yesu, ayetwa Kristo.
17Nukwo buti, obuijukuru bwona, okuruga ha Iburahimu okuhika ha Daudi, buijukuru ikumi nabana; kandi, okuruga ha Daudi okuhika ha Kutwarwa Baburoni, buijukuru ikumi nabuna; kandi, okuruga ha kutwarwa Baburoni okuhika ha Masiya, buijukuru ikumi nabuna.
18Kandi okuzarwa kwa Yesu Kristo kukaba kuli kuti: Malyamu nyina obwakaba ajumbirwe Yusufu, uwe atakamugabuire, akarorwa ayinenda Eyomwoyo Ogurukwera.
19Yusufu iba, baitu akabali muntu ahikirire, atagonze kumukwasa ensoni bwa, akaba natekereza okumuleka omunsita. 20Obwakaba natekereza ebi, dora, maraika wa Mukama Yamubonekera omu kiroto, nagamba ati Yusufu, omwana wa Daudi, otatina okutwara Malyamu mukazi wawe, baitu ekiri omundaye Kyomwoyo Ogurukwera. 21Kandi alizara Omwana omwojo; kandi olimuruka ibaralye Yesu; baitu nuwe alijuna abantube omu bibi byabu. 22Kandi ebi byona bikozirwe, bihiki’re Mukama ebiyagambire omu nabi, ati,
23Dora, omuisiki atamanyire
musaija aliba nenda, alizara omwana omwojo
Balimuruka ibaralye Imanueri;
Ekisobo’rwa ngu Ruhanga ali naitwe. 24Yusufu yasisimuka omu turotwe, yakora nka maraika wa Mukama okuyamuragire, yagabura mukaziwe; kandi atamumanye okuhikya obuyazaire omwana: yamuruka ibaralye Yesu.
Currently Selected:
MATAYO 1: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.