YOHANA 17
17
1YESU akagamba ebi; yaimukya amaiso haiguru nagamba ati, Isenyowe akasumi kahikire; nyumiza Omwana wawe, Omwana wawe akaunyumize: 2nkokuwamuhaire obusobozi ha banyakuina omubiri bona, bona abawamuhaire, abahe obwomezi obutahwaho. 3Bunu nubwo bwomezi obutahwaho. Okumanya iwe Ruhanga omu owamananu, nogu ouwayumire, Yesu Kristo. 4Nyowe nkunyumize ha nsi, baitu omulimo oguwampaire okukora nguhikirize. 5Ai Isenyowe, na hati bunu ‘nyumiza nyowe hamu naiwe, omukitinisa eki ekinkabanyinanakyo hamu naiwe ensi etakabaireho. 6Mbolekire ibara lyawe abantu abawampaire okubaihamu omu nsi bakaba bali bawe, wabampa nyowe; nabo bakwasire ekigambo kyawe. 7Hati bunu bamanyire ngu byona byona ebiwanyire biruga haliwe: 8baitu ebigambo ebiwampaire mbibahaire: babiikiriza, nibamanya mananukwo nkaruga haliwe, nibaikiriza niwe wantumire. 9Nyowe nimbasabira abo: tindukusabira nsi, rundi abo abawampaire 10baitu bawe, nebyawe byange: nanyowe nyumizibwa omubo. 11Tinkiri omu nsi, baitu banu bali omu nsi, nanyowe ninyija namberoli. Isenyowe arukwera obalinde omu ibara lyawe abawampaire; baikale abamu, nka itwe okutuli. 12Obunkabandi nabo, nyowe nkabalinda omu ibara lyawe abawampaire: nimbasemba tihakaburaga muntu hali bo, rundi omwana owokuhwereke’ra; ebyahandikirwe bihiki’re. 13Baitu hati bunu ninyija namberoli; na binu nimbigamba omu nsi, babe nokusemererwa kwange, kuhikiri’re omubo. 14Mbahaire ekigambokyawe, kandi ensi ekabobaba, baitu tibuli bensi, nka nyowe okuntali wensi. 15Tindukusaba iwe okubaihamu omu nsi, baitu obalinde omu bubi. 16Tibali bansi, nka nyowe okuntali wensi. 17Obeze omu mananu: ekigambo kyawe nigo mananu. 18Nkokuwantumire omu nsi, nukwo nyowe mbatuma omu nsi. 19Kandi nyowe ninyeyeza habwabu, nabo bonka bayezebwe omu mananu. 20Kandi tindukusabira banu bonka, rundi nabo abarukunyikiriza habwekigambo kyabu, bona baikalege abamu; 21nka iwe, Isenyowe, okwoli omuli nyowe, nanyowe omuliwe, kandi nabo baikale omulitwe: ensi ikirize niwe wantumire. 22Nanyowe ekitinisa ekiwampaire nkibahaire; 23baikalega abamu nka itwe okutuli; nyowe omubo naiwe omuli nyowe, bahiki’re okuba abamu; ensi emanye niwe wantumire, kandi nogonza bo, nkokuwagondeze nyowe. 24Isenyowe, abawampaire, ningonza namberendi nabo baikaleyoga nanyowe; barole ekitinisa kyange ekiwampaire: baitu okagonza nyowe ensi etakahangirwe. 25Isenyowe ahikirire, ensi tekakumanyaga, baitu nyowe nkakumanya; na banu bakamanya niwe wantumire: 26Kandi nkabamanyisa ibara lyawe, kandi ndirimanyisa; okugonza okuwagondeze nyowe kuikale omubo, nanyowe omubo.
Currently Selected:
YOHANA 17: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
