BaKolosi 1

1Kufumung e ne na aBulus, atom aYeso Kristi ni kushim Adakunom, nɛ aruneng yit aTimoti. 2Ba tom iko sak na banet Adakunom, baruneng atsak fɛ́ ba se kufiri na Anet-Isheshek na aKolosi.

Won itek ni kusot kukyang fi ku nes na Ada yit Adakunom ni ku se ni yin.

ABulus nesek ifeng ni iras awon

3In nesek yit Adakunom, Ada aTisa yit aYeso Kristi ifeng kaakyi izen, fi in ki ras yin awon. 4Nek in mi fok yit, inɔɔk atsak yin na Anet-Isheshek aYeso ni ishim fi ibɛ yin sak na banet Adakunom ngma kusum. 5I nye yin anɔng, nek ite iyɛ ni ikyɛng fɛ́ Adakunom mi ki sak yin ne azanɛn, idɔng fi i mi tsang fok yin ayɛt ifɛ̀ atsak, fi i yet Ifɛ Itek 6fi i mi bɛ́ ni yin. Ngma azatse Ifɛ Itek e deng tsin shesheng áyɛ banet, i tsin bang rasak, kpaf ti fi i tsin nye nate yin, neme kunom fi i kin fok yin ide, i bi rēn yin ngma itek Adakunom ayɛt atsak. 7Iyin mɛɛs yin ide na afidang itomong yit Apafaras, iwu fɛ́ a yet afi itomong Anet-Isheshek ayɛt atsak akuce yit, 8iwu mi ki tak yit ishim fi i nye yin ayɛt abik Adakunom.

9Nek anɔng, neme atuk fi in kin fok yit ifɛ̀ naton yin, in mi wosong yit ira awon nek iyin awo, in nye yit na Adakunom na ki shining yin ni irēn ishim wu, ni i rēn yin ngma kutsitsɛng fi ku nes na abik wu gbɛngɛrɛng. 10In ras yit awon anɔng, nɔng iyin da kyem ni nye yin kusot fi ku tseng kpaf ni kusot aTisa, ni ku tɛrɛk yin iyɛ na kaakyi irèn: ni sɛs yin kurasak ayɛt kaakyi kutomong kutek, nɔng i da bang rēn yin Adakunom tsik-tsik. 11Won ni sɛs yin agap kpaf ni kukyem ízɔk wu, nɔng i da sɛ yin iyit iyɛ makiyi nɛ akabɔk ni nesek yin ifeng na Adakunom yit. 12Iwu fɛ́ a ki nye yin irèn isɛ kanu kafiin, ayɛt iya itekari bafi ikuus fɛ́ ba bi sɛ ni igwɔm mgbey. 13Nek iwu mi ki tun yit na ngamang ahwyi, a mi bɛ́ ni iyit ayɛt igwɔm Ari wu fi iwu shim, 14ni wu fɛ́ ba ki bisik yit mo, ba ki fuut yit mo anɛn yit.

Iratek Anet-Isheshek

15AYeso Kristi yet ikyɛng idi Adakunom, nek Adakunom ba kyem ba ku di awo, Anet-Isheshek me yet nggon imɛsɛng e azaton nkyɔrɔk fɛ́ ba nye. 16Ni wu Adakunom di nye kaakyi ikyɛng ni kubɔk wu: nkyɔrɔk fi in se azanɛn ni nfɛ́ azatse, nyɔng fɛ́ ba yere ni nyɔng fɛ́ ba di ina awo, ke ni in yet ata igwɔm ke bafɛ́ agap ke bágwɔm ke bafi kukyem ayi; ngma nkyɔrɔk e nang iwu fɛ́ a nye ina, mok ice wu. 17Anet-Isheshek wu a yet kashon akaakyɛ, ni wu fɛ́ ngma nkyɔrɔk kana yisik mo gyat na narɔ na. 18Iwu fɛ́ a yet ice kurɔm e, itusung bafi ikuus; iwu fɛ́ a yet afi imɛsɛng e nɛ afi imɛsɛng ayɛt idorok bafaben, nɔng ayɛt akaakyɛ iwu da sot afɛ́ ashon. 19Nek Adakunom kin bɛ́ kafa kakan na ku shining ni nse wu ngma kusum. 20Ayɛt wu fɛ́ Adakunom di bɛ́ ni inosong-ashi na akaakyi ikyɛng. Ke nin in yet nkyɔrɔk fi in se azatse ke in yɔng fi in se azanɛn ayi. AYeso bɛ́ ni kusot kukyang ni irèn inosong nasok wu naton kukum e.

21Ayame iyin tsang se yin yik-yik na Adakunom. Áyɛ yin se ni ifa na Adakunom, iras yin anyas. 22Awɛt yɔkɔnɔng, a mi nosong-ashi ni iyin, ni irèn iku aKristi, fɛ́ a nye ni kurɔm wu, nɔng a da ki nabak yin ashon Adakunom, jɛrɛ, vit inɛn, vit ikyɛng itsɛt inɛn. 23I se gbing-gbing ni ya yin kashon ni inɔɔk atsak yin, ni kuta yin aney tsik, nyeseng yin gey, vit iserek ni ite iyɛ fi i mi sɛ yin ni Ifɛ itek. Ifɛ Itek e deng fi i kin fok yin, idɔng fɛ́ ba mi taas sak na akaangan azatse, fi imi aBulus mi di sot asam.

Kutomong fɛ́ aBulus ra itusung bafi ikuus e

24In bi iyɛ ikan nek izot fi in sɔ mok iyin, nɔng ayɛt irɔm in, in di ya kashon ni izot fɛ́ Anet-Isheshek sɔ, nek itek irɔm wu, fi ku yet itusung bafi ikuus. 25Imi mi sot asam ko, nek ikasa fɛ́ Adakunom di nye ne, nɔng in da ki nesek yin ifɛ̀ Adakunom juut-juut. 26Ikyɛng fi i kin se ni nɛt ayɛ na ayɛ, awɛt kyɔrɔng ba mi tarak banet Adakunom ide. 27Ishim Adakunom yet na a sak Ícɛn-iduk ni irēn itek kurúm wu, fi ku tsang se ni nɛt, fi ku yet kufiri na Anet-Isheshek, yet ite iyɛ itek.

28Nek anɔng, in shara yit ifɛ̀ wu, in kɔk yit banet ato, ni in tees banet ayɛt kutsitsɛng, nɔng in da bin nabak yit kaangan gyatgyat ayɛt Anet-Isheshek. 29Nek anɔng wu fi in tsin kana bung mo ni tomong, ni in di muu ice ayɛt agap wu, fɛ́ a se ni kutomong ni imi gyet awo.

Currently Selected:

BaKolosi 1: IbaasNT

Highlight

Copy

Compare