1 BaKorinti 6
6
Bafi ikuus bi tses ne bafidang na atu ishɔt awo
1Ke akak yin bi kudaam ne afidang, iyet ikyɛng nsum na a tse ni kukun e ashon bafi nhwyi aza bafi ikuus awɛ? 2Ke iyin rēn yin fok bafi ikuus ba fɛ̀ ba bi ra kazatse ishɔt awɛ? Ki iyin ba i bi ra yin kazatse ishɔt, i da ira yin ishɔt naban ndaam awɛ? 3Ke iyin rēn yin fok, iyit ba in bi ra yit batomaza ishɔt awɛ? Wat na anɛ fi nkyɔrɔk kutset kang da ki gaat yit ɛ? 4Nek anɔng, ki kuri ndaam yɔng bɛ́, i da tse yin ne ashon banet fɛ́ da ba se ni irèn ikuus awo yɛ? 5In cɛɛt anɔng, nek nsum ki yit yin. A sot vit atsitsɛng akak ayɛt yin fɛ́ a da kyem a nɔ nate bafi ikuus fɛ́ ba bɛ́ kudaam ɛ? 6Aza anɔng, na afi ikuus a yo tse ni kukun aya, na ba nyeseng ashon bafi nhwyi!
7Atsak e yet, nkun fi i mi nɔɔs yin na bafidang, mi tonong kurat yin hwyiri-hwyiri. I kyem ishan inɛn e kyɛk awɛ, i kyem i won ba da mɔɔt kyɛk awɛ? 8Awɛt iyin ba, iras yin anyas ni mɔɔt yin bafidang, bayɔng fi i ka ba nyes yin anɔng e yet bafi ikuus.
9Iyin rēn yin fok bafɛ́ anyas bi kyem ba ya itekari igwɔm Adakunom awɛ? Akak bi ki wɔrɔk yin awo: Vit afi kujang, kɛ afi iya nabannom ntong, kɛ afi irɔs, kɛ amatek fɛ́ a yet inyak agwɔm, ke inye-izining fɛ́ ba kɔs ngma, 10kɛ akpatang, kɛ afi kuhwye, kɛ afi isɔs kutsit, kɛ afi itok, kɛ afi imɔɔt ayi, fɛ́ a bi ya itekari igwɔm Adakunom. 11Bakak yin kin se anɔng, awɛt ba mi ki kusu yin, ba mi ki te yin cɛ́l, ba mi ki nɔk yin kusot kutek ni iyerek aTisa yit aYeso Kristi, ni irèn Kabik Adakunom yit.
Teng yik-yik ni nggɔn iras kujang
12“In da kyem in ra akaakyɛ.” Awɛt kaakyɛ di ki bɛ́ ni ibarang awo. “In da kyem in ra akaakyɛ.” Awɛt in da sot asam akaakyɛ awo.
13Ba tɛ ba fɛ̀ fok, “Ba nye nayak nek kafa, nɛ kafa nek nayak.” Awɛt ngma nkyɔrɔk nfa me, Adakunom bi gang ni ina. Da ba nye kurɔm nek iras kujang awo, tit ba nye iko nek aTisa, aTisa se nek kurɔm. 14Ni kukyem wu Adakunom donong aTisa ni ifaben, anɔng wu a bi ki donong yit bà. 15Ke iyin rēn yin fok, nrɔm yin yet nkap Anet-Isheshek ice wu awɛ? Wat in da sok nkap Anet-Isheshek, ni in moon ni inyak agwɔm ɛ? Ye kye awey yo! 16Ke iyin rēn yin fok, ngma ayɔng fɛ́ a moon kurɔm ni inyak agwɔm, ba mi sot kurɔm kuzining ni wu awɛ? Nek i se ni jɛk ye, “Bafaa me da sot kurɔm kuzining.” 17Awɛt ngma ayɔng fɛ́ a moon ice wu ne aTisa, ba mi sot ikyɛng izining na abik.
18Kana kam yin yik-yik ni kujang. Ngma isherep anɛn fɛ́ anet ras, anet ras ina amatse kurɔm wu, awɛt ayɔng fɛ́ a ras kujang, a beseng kurɔm wu. 19Ke iyin rēn yin fok, kurɔm yin yet karɔ fɛ́ Kabik aJɛrɛ di sosok ni yin, fi i sɛ yin ne Adakunom awɛ? Iyin bɛ́ yin ice yin awo, 20nek ba kin ki shan yin, ni itarang. Nek anɔng, nesek yin Adakunom iratek ni nrɔm yin.
Currently Selected:
1 BaKorinti 6: IbaasNT
Highlight
Share
Copy
Want to have your highlights saved across all your devices? Sign up or sign in
© 2019 The Nigeria Bible Translation Trust and © 2019 Wycliffe Bible Translators, Inc.
1 BaKorinti 6
6
Bafi ikuus bi tses ne bafidang na atu ishɔt awo
1Ke akak yin bi kudaam ne afidang, iyet ikyɛng nsum na a tse ni kukun e ashon bafi nhwyi aza bafi ikuus awɛ? 2Ke iyin rēn yin fok bafi ikuus ba fɛ̀ ba bi ra kazatse ishɔt awɛ? Ki iyin ba i bi ra yin kazatse ishɔt, i da ira yin ishɔt naban ndaam awɛ? 3Ke iyin rēn yin fok, iyit ba in bi ra yit batomaza ishɔt awɛ? Wat na anɛ fi nkyɔrɔk kutset kang da ki gaat yit ɛ? 4Nek anɔng, ki kuri ndaam yɔng bɛ́, i da tse yin ne ashon banet fɛ́ da ba se ni irèn ikuus awo yɛ? 5In cɛɛt anɔng, nek nsum ki yit yin. A sot vit atsitsɛng akak ayɛt yin fɛ́ a da kyem a nɔ nate bafi ikuus fɛ́ ba bɛ́ kudaam ɛ? 6Aza anɔng, na afi ikuus a yo tse ni kukun aya, na ba nyeseng ashon bafi nhwyi!
7Atsak e yet, nkun fi i mi nɔɔs yin na bafidang, mi tonong kurat yin hwyiri-hwyiri. I kyem ishan inɛn e kyɛk awɛ, i kyem i won ba da mɔɔt kyɛk awɛ? 8Awɛt iyin ba, iras yin anyas ni mɔɔt yin bafidang, bayɔng fi i ka ba nyes yin anɔng e yet bafi ikuus.
9Iyin rēn yin fok bafɛ́ anyas bi kyem ba ya itekari igwɔm Adakunom awɛ? Akak bi ki wɔrɔk yin awo: Vit afi kujang, kɛ afi iya nabannom ntong, kɛ afi irɔs, kɛ amatek fɛ́ a yet inyak agwɔm, ke inye-izining fɛ́ ba kɔs ngma, 10kɛ akpatang, kɛ afi kuhwye, kɛ afi isɔs kutsit, kɛ afi itok, kɛ afi imɔɔt ayi, fɛ́ a bi ya itekari igwɔm Adakunom. 11Bakak yin kin se anɔng, awɛt ba mi ki kusu yin, ba mi ki te yin cɛ́l, ba mi ki nɔk yin kusot kutek ni iyerek aTisa yit aYeso Kristi, ni irèn Kabik Adakunom yit.
Teng yik-yik ni nggɔn iras kujang
12“In da kyem in ra akaakyɛ.” Awɛt kaakyɛ di ki bɛ́ ni ibarang awo. “In da kyem in ra akaakyɛ.” Awɛt in da sot asam akaakyɛ awo.
13Ba tɛ ba fɛ̀ fok, “Ba nye nayak nek kafa, nɛ kafa nek nayak.” Awɛt ngma nkyɔrɔk nfa me, Adakunom bi gang ni ina. Da ba nye kurɔm nek iras kujang awo, tit ba nye iko nek aTisa, aTisa se nek kurɔm. 14Ni kukyem wu Adakunom donong aTisa ni ifaben, anɔng wu a bi ki donong yit bà. 15Ke iyin rēn yin fok, nrɔm yin yet nkap Anet-Isheshek ice wu awɛ? Wat in da sok nkap Anet-Isheshek, ni in moon ni inyak agwɔm ɛ? Ye kye awey yo! 16Ke iyin rēn yin fok, ngma ayɔng fɛ́ a moon kurɔm ni inyak agwɔm, ba mi sot kurɔm kuzining ni wu awɛ? Nek i se ni jɛk ye, “Bafaa me da sot kurɔm kuzining.” 17Awɛt ngma ayɔng fɛ́ a moon ice wu ne aTisa, ba mi sot ikyɛng izining na abik.
18Kana kam yin yik-yik ni kujang. Ngma isherep anɛn fɛ́ anet ras, anet ras ina amatse kurɔm wu, awɛt ayɔng fɛ́ a ras kujang, a beseng kurɔm wu. 19Ke iyin rēn yin fok, kurɔm yin yet karɔ fɛ́ Kabik aJɛrɛ di sosok ni yin, fi i sɛ yin ne Adakunom awɛ? Iyin bɛ́ yin ice yin awo, 20nek ba kin ki shan yin, ni itarang. Nek anɔng, nesek yin Adakunom iratek ni nrɔm yin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 The Nigeria Bible Translation Trust and © 2019 Wycliffe Bible Translators, Inc.