SALMI 16
16
Salm 16
Alla l-aqwa ġid u hena
1Miktam. Ta’ David.
Ħarisni, o Alla, għax fik jien nistkenn.
2Jien għedt lill-Mulej: “Int Sidi,
m’għandix ġid ieħor ħliefek.”
3It-twajbin huma l-kbar f’din l-art;
fihom hi l-għaxqa kollha tiegħi.
4L-hemm tagħhom ikattru
dawk li jaħtru allat oħra.
Lil dawn ma nsawwabx id-demm b’sagrifiċċju,
anqas isimhom ma nsemmi b’xufftejja#16,4: Anqas isimhom ma nsemmi b’xufftejja: il-ġust lanqas biss isemmi l-allat foloz..
5Mulej, inti s-sehem tal-wirt u r-riżq tiegħi,
inti żżomm f’idejk xortija.#Num 18,20; Dt 10,9; Sir 45,20-22; Lam 3,24.
6Il-kejl tani art li tgħaxxaq:
messni sehem tassew għal qalbi.
7Imbierek lill-Mulej li tani l-fehma;
imqar billejl qalbi tgħallimni.
8Inżomm il-Mulej dejjem quddiemi,
għax bih f’leminti qatt ma nitħarrek.#Atti 2,25-28.#S 121,5.
9Hekk tifraħ qalbi u tithenna ruħi,
u ġismi wkoll jistrieħ fil-kwiet.#Num 16,33; S 49,16; 73,24; Atti 13,35.
10Għax int ma titlaqnix fl-imwiet#16,10: L-imwiet: ara nota 6,6. Dan il-vers hu interpretat minn San Pietru fis-sens tal-Qawmien ta’ Kristu mill-imwiet; ara Atti 2,27; 13,35. Flok il-kelma konkreta ‘qabar’ xi verżjonijiet jiktbu “taħsir” li huwa possibbli wkoll.,
ma tħallix il-maħbub tiegħek jara l-qabar.
11Int tgħallimni t-triq tal-ħajja;
hemm il-milja tal-ferħ quddiemek,
hemm l-għaxqa għal dejjem f’lemintek.
Currently Selected:
SALMI 16: MB20
Highlight
Share
Copy
Want to have your highlights saved across all your devices? Sign up or sign in
Maltese DC Bible © Malta Bible Society, 2020.