FILIPPIN 4
4
Kapitlu 4
1Għalhekk, intom, ħuti li intom l-għożża u x-xewqa tiegħi, ferħ u kuruna tiegħi#4,1: Kuruna tiegħi: ara 1 Tess 1,16., żommu sħiħ fil-Mulej, maħbubin tiegħi.#1 Tess 2,19-20.
Twissijiet
2Lil Evojda u lil Sintiki nitlobhom bil-ħerqa biex ikunu ta’ fehma waħda fil-Mulej. 3U lilek ukoll nitlob, sieħbi Siżigu, għinhom int, għax huma t-tnejn tħabtu miegħi fix-xogħol tal-Evanġelju flimkien ma’ Klement u l-bqija ta’ sħabi. Isimhom miktub fil-ktieb tal-ħajja.#Eż 32,32-33; S 69,28; Dan 12,1; Apk 3,5; 13,8; 17,8; 20,12-15; 21,27.
4Ifirħu dejjem fil-Mulej; nerġa’ ngħidilkom, ifirħu.#Fil 3,1.
5Il-ħlewwa tagħkom, ħa jkunu jafuha l-bnedmin kollha. Il-Mulej qorob.#Lhud 10,37; Ġak 5,8-9. 6Tħabbtu raskom b’xejn. Fit-talb kollu tagħkom itolbu u uru lil Alla xi jkollkom bżonn, u iżżuh ħajr.#Mt 6,25; Kol 4,2; 1 Pt 5,7. 7U s-sliem ta’ Alla, sliem li jgħaddi kulma l-moħħ jista’ jifhem, iżommilkom qalbkom u moħħkom sħaħ fi Kristu Ġesù.#Is 26,3; Ġw 14,27; Kol 3,15.
8Mill-bqija, l-aħwa, f’dan għandkom taħsbu: f’kulma hu veru, f’kulma hu xieraq, f’kulma hu ġust, f’kulma hu safi, f’kulma jiġbed l-imħabba, f’kulma jistħoqqlu l-ġieħ, f’kulma hu virtù, f’kulma ħaqqu t-tifħir; f’dan kollu aħsbu.#Rum 12,17. 9U kulma tgħallimtu u ħadtu mingħandna, u smajtu u rajtu fina, agħmluh. Alla tas-sliem ikun magħkom.#Rum 15,33; 16,20; 1 Kor 15,33; 1 Tess 5,23.
L-għajnuna tal-Filippin
10Jiena fraħt ħafna fil-Mulej talli fl-aħħar erġajtu ħadtu ħsiebi. Minn daqshekk intom dejjem ħsibtu fija, imma sa issa ma kellkomx okkażjoni. 11Qiegħed ngħid dan mhux għax neħtieġ xi ħaġa; jien issa tgħallimt ngħaddi b’dak li jkolli;#1 Tim 6,6. 12naf ngħix fl-għaks, u naf ngħix fil-ġid; kollox drajt u noqgħod għal kollox: ix-xaba’ u l-ġuħ, il-ġid u l-għaks. 13Għal kollox niflaħ bis-saħħa ta’ dak li jqawwini.#2 Kor 12,10; 2 Tim 4,17. 14Għamiltu sewwa ħafna meta qsamtu miegħi tbatijieti.
15Intom tafu wkoll, Filippin, li fil-bidu tax-xandir tal-Evanġelju, meta ħallejt il-Maċedonja, ebda knisja oħra ħliefkom ma ssieħbet miegħi fil-qligħ u t-telf;#2 Kor 11,9. 16għax imqar meta kont fit-Tessalonika, għal darba tnejn bgħattu tgħinuni meta kont neħtieġ. 17Mhux għax jien infittex l-għotjiet, iżda nfittex li l-frott joktor għall-ġid tagħkom.#1 Kor 9,11. 18Għandi kulma neħtieġ u iktar. Imtlejt b’kulma wasalli mingħandkom permezz ta’ Epafroditu bħala offerta tfuħ u sagrifiċċju milqugħ u mogħġub minn Alla.#Ġen 8,21; Eż 29,18; Eżek 20,41. 19Jimliekom Alla tiegħi b’kull ġid fil-ħtieġa tagħkom, skont l-għana tal-glorja fi Kristu Ġesù. 20Lil dan Alla u Missierna, glorja għal dejjem ta’ dejjem. Ammen.
L-aħħar tislijiet
21Sellu għal kull qaddis fi Kristu Ġesù. 22Isellmulkom l-aħwa li hawn miegħi. Isellmulkom il-qaddisin kollha, l-aktar dawk li huma mill-palazz ta’ Ċesari.#Fil 1,13. 23Il-grazzja ta’ Sidna Ġesù Kristu tkun magħkom.
Currently Selected:
FILIPPIN 4: MB20
Highlight
Share
Copy
Want to have your highlights saved across all your devices? Sign up or sign in
Maltese DC Bible © Malta Bible Society, 2020.