ISAIJA 12
12
Kapitlu 12
Għanja ta’ radd il-ħajr
1U inti tgħid dakinhar:
“Irroddlok ħajr, Mulej, għaliex għadabt għalija;
imma l-korla tiegħek reġgħet lura, u farraġtni.
2Ara, Alla s-salvazzjoni tiegħi,
jiena nittama u ma jkollix mniex nibża’.
Għax qawwieti u għanjieti hu l-Mulej,
għalija sar is-salvazzjoni.”#Eż 15,2; S 118,14.
3Kollkom ferħana timlew l-ilma
mill-għejun tas-salvazzjoni.#Is 55,1.
4F’dak il-jum għad tgħidu:
“Roddu ħajr lill-Mulej,
sejħu ismu,
għarrfu lill-ġnus bl-għemejjel tiegħu,
xandru li ismu huwa fl-għoli.#S 105,1.
5Għannu lill-Mulej għax għamel ħwejjeġ kbar;
ħa jkun dan magħruf mal-art kollha.#Eż 15,1.
6Aqbeż bil-ferħ, għanni, int li tgħammar f’Sijon,
għax kbir hu f’nofsok il-Qaddis ta’ Iżrael!”#Is 41,14-16; 54,1; Sof 3,14; Żak 2,10.
Currently Selected:
ISAIJA 12: MB20
Highlight
Share
Copy
Want to have your highlights saved across all your devices? Sign up or sign in
Maltese DC Bible © Malta Bible Society, 2020.