1 PIETRU 1
1
Kapitlu 1
Tislima
1San Pietru kiteb din l-ittra minn Ruma minn fejn ried jilħaq lill-insara mxerrda fl- Asja Minuri.#1,1: bil-Grieg fid-diaspora, kelma teknika biex tfisser il-Lhud imxerrda mad-dinja; hawn Pietru qiegħed jużaha għall-Knisja nisranija mxerrda mad-dinja kollha. bħala pellegrini f’Pontu, fil-Galazja, fil-Kappadoċja, fl-Asja u fil-Bitinja#1,1: F’Pontu, fil-Galazja, fil-Kappadoċja, fl-Asja u fil-Bitinja: ħames provinċji Rumani li kienu jiffurmaw l-Asja Minuri, illum it-Turkija.;#Ġak 1,1. 2magħżulin minn qabel skont il-ħsieb ta’ Alla l-Missier, imqaddsin bl-Ispirtu s-Santu, biex joqogħdu għall-kelma ta’ Ġesù Kristu u jkunu mraxxin b’demmu#1,2: U jkunu mraxxin b’demmu: Pietru juża kliem meħud mil-liturġija tat-Testment il-Qadim biex ifisser il-frott tal-mewt ta’ Ġesù Kristu; ara Eż 24,3-8; Lev 16,14-15.: lilkom grazzja u sliem bil-kotra.#Rum 8,29; 2 Tess 2,13; Lhud 12,24.
Tama ħajja
3Ikun imbierek Alla u Missier Sidna Ġesù Kristu, li fil-ħniena kbira tiegħu raġa’ wilidna għal tama ħajja bil-qawmien ta’ Ġesù Kristu mill-imwiet#2 Kor 1,3. 4u għal wirt li la jitħassar, la jittabba’, u lanqas jinxef. Dan il-wirt hu merfugħ għalikom fis-sema 5għax intom tinsabu taħt il-ħarsien tal-qawwa ta’ Alla fil-fidi tagħkom li twassal għas-salvazzjoni li lesta biex tidher fl-aħħar taż-żminijiet.#Ġw 10,28; 17,11.
6Għalhekk għandkom għax tifirħu mqar jekk issa, għal ftit żmien ieħor, jeħtiġilkom titnikktu taħt ħafna provi.#Ġak 1,2. 7Bħalma d-deheb, li jintemm, jgħaddi mill-prova tan-nar, hekk tgħaddi mill-prova l-fidi tagħkom, li tiswa aktar mid-deheb, biex ikun jistħoqqilha tasal għat-tifħir, għall-glorja, u għall-ġieħ, meta jidher Ġesù Kristu.#Ġob 23,10; S 66,10; Prov 17,3; Is 48,10; Żak 13,9; Mal 3,3; 1 Kor 3,13; Ġak 1,3. 8Lilu, għalkemm ma rajtuhx, intom tħobbuh; fih, għad li issa m’intomx tarawh, intom temmnu; fih intom tifirħu b’ferħ glorjuż, li ma jistax jitfisser,#Ġw 20,29; 2 Kor 5,7. 9waqt li tiksbu l-għan tal-fidi tagħkom, li hu s-salvazzjoni tagħkom.#Rum 6,22.
10Il-profeti, li ħabbru l-grazzja li kellha tingħata lilkom, stħarrġu u tkixxfu fuq din is-salvazzjoni;#Mt 13,17; Lq 10,24. 11huma kienu jitkixxfu l-mod u f’liema żmien kien qiegħed jaħseb l-Ispirtu ta’ Kristu, li kien fihom, meta kien jixhdilhom minn qabel it-tbatijiet ta’ Kristu u l-glorji tiegħu li kellhom jiġu warajhom.#S 22; Is 53; Lq 24,26. 12Lilhom kien mgħarraf li mhux għalihom infushom, imma għalikom, kien jiswa dak li huma kienu jħabbru, u li issa kien imxandar lilkom minn dawk li, bil-qawwa tal-Ispirtu s-Santu mibgħut mis-sema, qegħdin jagħtukom l-Evanġelju. Dawn huma ħwejjeġ li l-anġli stess jixtiequ jifhmuhom sewwa.#Ef 3,10.
Sejħa għal ħajja qaddisa
13Għalhekk kunu mħażżmin fir-ruħ rażżnu lilkom infuskom f’kollox#1,13: Kunu mħażżmin fir-ruħ rażżnu lilkom infuskom f’kollox: l-antiki, irġiel u nisa, kienu jilbsu libsa twila; għalhekk qabel jibdew jivvjaġġaw jew jagħmlu xi ħaġa kienu jitħażżmu sewwa, biex ma jkollhomx xkiel. Hawn tfisser il-preparazzjoni spiritwali għall-miġja ta’ Ġesù Kristu.; ittamaw għalkollox fil-grazzja li għad tingħatalkom meta jidher Ġesù Kristu.#Lq 12,35; Ef 6,14.
14Bħala wlied ubbidjenti, tgħixux skont il-ġibdiet ta’ qabel, meta kontu għadkom tgħixu fl-injuranza tagħkom;#Rum 12,2; Ef 2,3; 4,17-18. 15iżda, bħalma qaddis hu dak li sejħilkom, kunu intom ukoll qaddisin fl-imġiba tagħkom kollha, 16għax hu miktub: “Kunu qaddisin, għax qaddis jien.”#Lev 11,44-45; 19,2; 20,7.
17Jekk intom issejħu Missier lil dak li, bla ma jħares lejn l-uċuħ, jagħmel ħaqq minn kulħadd skont l-għemil ta’ kull wieħed, għixu fil-biża’ ż-żmien tal-ħajja li qegħdin tgħaddu f’art barranija.#2 Kron 19,7; S 28,4; 62,12; 89,26; Prov 24,12; Sir 23,4; Is 59,18; 64,8; Ġer 3,19; 17,10; Mt 6,9; Lq 11,12; Atti 10,34; Rum 2,6-11; 1 Kor 3,8; 2 Kor 11,15; Gal 2,6; Ef 6,9; Kol 3,25; 2 Tim 4,14; Apk 2,23; 18,6; 20,13-14; 22,12. 18Kunu afu li intom kontu mifdija mill-ħajja tagħkom fiergħa li ħadtu mingħand missirijietkom, mhux b’xi ħaġa li tintemm, bħalma hi l-fidda jew id-deheb, 19imma bid-demm għażiż ta’ Kristu, li kien bħal ħaruf bla għajb u bla tebgħa.#Atti 20,28; Lhud 9,12; 1 Pt 1,2. 20Hu kien ippredestinat sa minn qabel ma saret id-dinja, imma deher fl-aħħar taż-żminijiet minħabba fikom.#Atti 2,23; Ef 1,4. 21Bih intom temmnu f’Alla, li qajmu mill-imwiet u tah il-glorja; hekk il-fidi tagħkom hi wkoll tama f’Alla.#Ġw 14,6; Rum 4,24; 5,1-2; 10,9.
22Intom naddaftu rwieħkom billi qgħadtu għall-kelma tal-verità#1,22: Qgħadtu għall-kelma tal-verità: xi Mss jżidu permezz tal-Ispirtu. biex ikollkom l-imħabba sinċiera tal-aħwa; ħobbu ’l xulxin b’qalbkom kollha u bil-qawwa kollha.#Ġw 13,34; Rum 12,10. 23Ma twelidtux mill-ġdid minn nisel li jitħassar, imma minn nisel li ma jitħassarx, bis-saħħa tal-kelma ta’ Alla li tgħix u tibqa’ għal dejjem.#Ġw 1,13; Lhud 4,12. 24Għax
“Kull bniedem hu bħal ħaxix,
u l-glorja tiegħu kollha bħal ward ir-raba’;
il-ħaxix jinxef
u l-ward jaqa’, #
Is 40,6-8; Ġak 1,10-11.
25 imma l-kelma tal-Mulej tibqa’ għal dejjem.”
Din hi l-kelma tal-Evanġelju li kien imxandar lilkom.
Currently Selected:
1 PIETRU 1: MB20
Highlight
Share
Copy
Want to have your highlights saved across all your devices? Sign up or sign in
Maltese DC Bible © Malta Bible Society, 2020.