Ǐvel mə̌ğurxo 29
29
29-ci Ǐvel mə̌ğ
Davidi Ǐvel mə̌ğ
1 Q'ončuğoy s'iya alabanan, ay göynul bakala angelxo,
Şot'ay zora, Şot'ay kala s'iya ef muzel eçeri İz s'iya alabanan!
2Şot'ay hetər sa s'iye q'ončux baksuna ç̌oyel c'evk'anan,
Şot'in İz işiğ sakala ı̌velluğa haq'i c'eğat'an İz běš bul k'os'banan!
3 Q'ončuğoy səs xeyurxoy loxolxune c'eysa,
Şot'ay kalaluği səse c'eysa mo,
Göyen güruldayinşala k'inək'e güruldayinşbsa Şot'in t'e bə̌ğə̌loyuğxoy loxol!
4Ost'aare c'eysa Q'ončuğoy səs,
Kalaluğa ak'est'ala səse şo.
5Şame xodurxone sakon t'e səsen,
Livana bakala kala xodurxone tumexun c'evk'on.
6Buruxmoğone iz ganuxun galst'a şot'in!
Livani buruğo sa mozi k'inək',
Sirioni buruğo sa cəyil arak' k'inək' cupesest'a.
7 Q'ončuğoy səsəxun s'ə̌q'ene duğsa,
8Oç̌ale ǰı̌k'esa Şot'ay səsəxun,
Qadeş ams'i oç̌ale gale iz ganuxun.
9Mə̌xnə xodurxone k'os'bon,
Xazalxone śik'on c'ələye bakala xodurxoxun t'e səsen.
Mone, Şot'ay xrama sa səsen "alxışq'an baki!" next'un.
10Posk'ala xeyurxoy loxole laxe Q'ončuğon İz taxt'a,
Həmişəluğ padçağluğbseynak'e laxe şot'o.
11İz azuk'a zor tadalone Q'ončux,
T'e azuk'axun İz bol xeyir-bərəkətə nu kambalone Şo!
Currently Selected:
Ǐvel mə̌ğurxo 29: udi
Highlight
Copy
Compare
Share
Want to have your highlights saved across all your devices? Sign up or sign in
© Translation Services International Ltd.
