Ǐvel mə̌ğurxo 23
23
23-ci Ǐvel mə̌ğ
Davidi Ǐvel mə̌ğ
1 Q'ončuğon za İz sürünə ext'i zaynak' sa çobane baki,
Bezi het'uva eht'iyəc bakes bakon ene?
2Şot'in za göyün q'oruğxone otarişbsa,
Şip' tağala xeyurxoy t'ǒğǒle taşt'a.
3Şot'in za ük'e tast'a,
Düzgün bakala yaq'en taşeri İzi şu baksunane ak'est'a.
4Lap zülmət bayinq'luğenal tağayiz,
Şərəxun tez q'ı̌bon zu,
Şot'o görə ki, zaxunnu Hun.
Vi sa kul bez loxol baksunen arxayinebsa za.
5Bez düşmənxoy běš zaynak' həzirluğen běği Hun,
Bez bel c'əyin lə̌ə̌mdi ist'olin best'an arśevk'i,
Bez pula hik'k'ali loxol ten efi Hun.
6Vi çuresun q'a Vi ük' bok'ospsun
Hər ği zaxun baksuna avazu!
Heq'ədər ki bez nəfəs bez boşe
Həmişə Q'ončuğoy xrama hari bul k'os'boz zu!
Currently Selected:
Ǐvel mə̌ğurxo 23: udi
Highlight
Copy
Compare
Share
Want to have your highlights saved across all your devices? Sign up or sign in
© Translation Services International Ltd.
