Ǐvel mə̌ğurxo 19
19
19-ci Ǐvel mə̌ğ
Fark'alxoy dəst'in kalat'aynak'. Davidi Ǐvel mə̌ğ.
1 Q'ončuğoy kalaluğaxune əyite göyurxon,
Şot'ay kiyexun c'eri əşləyən aksa beş bula alabi běğat'an.
2Hari c'ovaksunen ğimxon sunat'un exlətpsa mot'o,
Hər c'ovakala şünen oşin eğala şünəne c'ovakest'a iz avabakalt'u.
3J̌omoxun c'eri hari ǔmǔğo laft'ala səs tene mo,
Əyiten p'ap'esp'ala exlət tene mo.
4Ama hetəresa p'urumal dirist' dünyənə haq'layinşebsa,
Oç̌ali sa belxun baśi t'e soğo belxun c'enesa.
Mone, göynul běğeynak' sa gane be Buxačuğon.
5C'eğat'an biney otağaxun c'eğala təzə bəy k'inək',
İçuxun běš t'it'al nu baksuna ava sa q'oççağ k'inək'e c'eysa şo.
6Göynul sa belxun c'eri
Taśi t'e belxun fırıpi enesa,
İzi gamluğ nu laft'ala sa şey tene manst'a.
7 Q'ončuğoy k'anunast'a kamluğ butene,
Amdari urufane təzələyinşbsa şot'in.
Q'ončuğoy buyruğxo əyit butene,
Ə̌xil nu ak'alt'u müdrike bsa şot'in.
8 Q'ončuğoy tadi nəsyətxo bito düzgüne,
Amdari ük'əne mǔqt'on şot'oğon.
Q'ončuğoy bürüşiyorox piin işiğe,
Tağala yaq'ane işiğbon şot'oğon.
9 Q'ončuğo çalxsunaxun şaat' şey butene,
Şot'o bul k'os'bsun həmişəluğe.
Q'ončuğoy k'anunxo bito serine,
Bito haq' gala əşeğalone.
10Şorox lap q'ızılaxunal dəyərlune,
Təmiz q'ızılaxun üst'üne şorox.
Şorox uč'axunal muč'ane,
Uč'e şamaxun barala uč'axun muč'a.
11Şoroxe me Vi k'ula efalo,
Şot'oğo əməlbsuni əvəz kalane.
12İz biq'i sərf əşlə ak'al butene,
Bezi nu avabaki əşp'est'i günaxxo bağışlayinşa za.
13Q'əst'en əşp'est'ala günaxxoxun ə̌xil biq'a za,
Ma barta şot'oğoy běš aciz bakaz zu!
T'e vədə zu təmizez mandon
Me kala günaxaxun murdarlayinşaki tez bakon!
14Barta bez ǰomoxun c'eğalorox q'a ük'e bakalorox
Vi piyes şaat'q'an ak'eśi, ay Q'ončux,
Ay bez Q'aya! Ay bez Çark'est'al bakala Q'ončux!
Currently Selected:
Ǐvel mə̌ğurxo 19: udi
Highlight
Copy
Compare
Share
Want to have your highlights saved across all your devices? Sign up or sign in
© Translation Services International Ltd.
