Ǐvel mə̌ğurxo 126
126
126-ci Ǐvel mə̌ğ
Sion buruğoy bel bakala Yerusalima lağat'an mə̌ğěğala Ǐvel mə̌ğ
1Şaat' ğinane c'evk'ey Q'ončuğon Siona #126:1 Sion - Yerusalim şəhər Sion buruğoy loxole, şot'o görəl Sion Yerusalima tadeśi s'iyurxoxun soğoney. p'urum,
Nep' k'inək'e eysay yaynak' t'e ğimxo.
2Axšume barst'ay beş ǰomoxun t'e vədə,
Mə̌ğpi əçiyanney yan.
Azuk'xonal beş loxol běği next'uniy:
"Kala əşure biq'e mot'oğoynak' Q'ončuğon!"
3Həgigiyal kala əşure biq'ey Q'ončuğon yaynak',
Beşiyal ük'e qayesay.
4Eça yaynak' p'urum t'e şaat' ğimxoxun, ay Q'ončux,
Negeva ams'i oç̌ala bakala q'aribaki oqurxo eçeri xenen buybala k'inək'.
5Neğ śik'a bit'alt'inal
Axšumk'a exp'ale,
6Śile toraya ǒnek'a taşalt'ayal
Yoqurxo eçat'an ük' qayeğale.
Currently Selected:
Ǐvel mə̌ğurxo 126: udi
Highlight
Copy
Compare
Share
Want to have your highlights saved across all your devices? Sign up or sign in
© Translation Services International Ltd.
