Ǐvel mə̌ğurxo 125
125
125-ci Ǐvel mə̌ğ
Sion buruğoy bel bakala Yerusalima lağat'an mə̌ğěğala Ǐvel mə̌ğ
1Sion burux k'inək't'un Q'ončuğo bač'an taradalorox,
İçoğoy ganuxun tene galk'on şorox, həmişəluğt'un çurk'on.
2İzi hərrəmine bakala buruxmoğon Yerusalima q'orişala k'inək'
Q'ončuğonal İz azuk'a q'orişi şuk'k'ala şot'o ı̌ša bist'a tene bare,
Həysəəl, meyin oşa həmişəl.
3Həmişə tene c'ovakal pist'oğoy əyit
Düzgünt'oğoynak' bakala me oç̌ala,
Tene, düzgün bakalo tene mandoy, şoroxal şər bakalt'oğoy yaq'ene tağoy.
4Şaat' bakalt'oğoynak',
İçoğoy ük' təmiz bakalt'oğoynak'
Şaat'luğba, ay Q'ončux.
5 Q'ončuğoy laxi yaq'axun c'erit'oğoy axır isə
Şot'o nu çalxalt'oğoy axır k'inək' bakale.
Barta İsrailaxun serluğ q'a xeyir-bərəkət kammaq'an baki!
Currently Selected:
Ǐvel mə̌ğurxo 125: udi
Highlight
Copy
Compare
Share
Want to have your highlights saved across all your devices? Sign up or sign in
© Translation Services International Ltd.
