Ǐvel mə̌ğurxo 11
11
11-ci Ǐvel mə̌ğ
Fark'alxoy dəst'in kalat'aynak'. Davidi Ǐvel mə̌ğ.
1Zu Q'ončuğoz bač'an tarade,
Za hetərnan "q'uş baka buruğo purpa taki" pes baksa?
2Mone, ük'təmizt'oğoy elmoğo haq'seynak'
Pist'oğon ox-kamana həzirbet'un,
Xişt'ik'xo kişp'i bayinq'una həzir çurpet'un.
3Binora lə̌q'bakit'uxun oşa
Śaresuni běšinə̌mə düzgün amdaren hetəre haq'es bakon?
4İz ı̌vel galane Q'ončux,
Göynule Şot'ay taxt'.
Şot'ay piyexun hik'k'al c'ap' tene mandon,
Bito amdarxoy ük'e bakalt'une aksa Şot'in.
5Düzgünt'ay ük'exun c'ovakalt'oğone běğsa Q'ončuğon,
Pisluğ q'a zülüm balt'u isə Şot'in nifrətəxun başq'a hik'k'al tene hisbon.
6Bok'ala s'il q'a ǰalk'a kükürd śik'ale Şot'in pist'oğoy loxol,
Bok'osp'i śik'ala muş bakale şot'oğo mandalo.
7Axıri Q'ončux düzgüne,
İz çureğaloval düzgünluğe.
Düz yaq'en tağalo Şot'oxun ə̌xil tene bital.
Currently Selected:
Ǐvel mə̌ğurxo 11: udi
Highlight
Copy
Compare
Share
Want to have your highlights saved across all your devices? Sign up or sign in
© Translation Services International Ltd.
