Apostles-Gasgai 28
28
Chapter 28.
1WAIGIEN tlistleuon itil et-tlagulgundlu, wodshi gwai-ē Melita hin kiāsi un itil ūnshidulgun.
2Waigien althjii haadgai gum gin un ūnshidunsī k'ianan, yenki itil un k'ung-gudung-gun; tl tsanūgun gien, itil wautliwon kwulthgang tl isdagun, waudlu dulāgun gien, tudagun altha.
3Waigien tlistleuon Paul kūk gudā isdagun gien, tsanusī il isdagundlu, sik sta katlagun, khoustagunī altha, waigien il stlai odō agung il gīlthilthdagun.
4Waigien tlistleuon althsgai haade gin tīiga il stlai sta dlīi-wos keng-gundlu, Anung ilthing-as ladia-lēgāgung; sīgai sta il koguntla-gulgunī k'ianan, Nung Las gum il hēnung-adiē da gudung-ung-gung, hin gu tl shudagun.
5Waigien gin tīigas hing-an tsanūsi il hīk'atusagun gien, gum tligwon il edang-gun.
6Waigien lang-a dunlthas gien, umlthīstan ishin il k'otulth-dl-dulth-dāashang tl gudung-gun; waigien tlistleuon da lang-a tl k'olthsdsū-hunsgīdun gien, gum tligwon il ēlthans tl keng-gundlu, tl gudung-ai āda elgun gien, shanung-itlagada il ising tl shugun.
7Waigien Publius hin nung kiā, gwai-e un itladasi gia tligai wodshi tligai un aānāgun; alth unis gudung-ai lā alth itil isdagun gien, shin lth'ōnulth gut k'wulthgang itil il lthdanūdagun.
8Waudlu Publius aung st'ī k'īna alth stigun gien, ai ishin il kāgwūlgun; althunis kwulth Paul kudsagun gien, singlthgang il gushugun, waigien la ing-gu stlang il isdagun gien, la il tl-ligulgun.
9Waigien tlistleuon hin il waugundlu, ga k'ulat st'i gwai-ē ing-gu isis ishin istlagun gien, tla il tl-ligulgun;
10Althsgai ishin itil ga gūtgut-euon-gun; waigien tlistleuon talung isdlīgundlu, gin ga itil stalthas ging-ān itil un tl isda-dlīgun.
11Waigien kōng kē-lth'ōnulth hīlūgun silīd, Alexandria sta ship isis, gwai-ē gu sing-gada-guni gwē talung isdlīgun, waigien adshi shipgai, Gūt hanltha ga tl'ōdas, hin kiāgun.
12Waigien Syracuse gu gīstlaguni gien, shin lth'ōnulth gu talung ijun.
13Waigien althsgai sta tligas gūt kāguni gien, Rhegium gu kātlagun; waigien gu tla da shin swonshung-gun silīd ousik k'otsīlgun, waigien shin stung-īlgundlu Puteoli gu kātlagun;
14Gai gu tou-alung talung keng-gun gien, k'wai k'wulthgang shin dsikwau itil tl kilijun; ou tliku Rome ā talung is-tljū-gun.
15Waigien althsgai sta itil tou-alung, tlistleuon itil tl king-gudang-andlu, Appius gia waudah-nagai isgien, lthdanou nai tīlth'ō-nulth ijun ishin gu, itil un istlagun; althsgai tlistleuon Paul keng-gundlu, Shanung-itlagadas ā il kil-lāgun gien, il gudung-ai tladsgulgun.
16Waigien tlistleuon Rome gu talung istlagundlu, Paul nung soldier-ga la ā lth'otsa un alth swonan giang nai ā la tl nādagun.
17Waigien waudla shin lth'ōnulth hīlūgundlu, Jews haade un ga itladasgai gudā un il ai-ing-gun; waigien tlistleuon gudā tl ijundlu, hin tla il shudagun: Di k'wai-alung, tl haada hanltha isgien, itil aung-alung tliku gin etgang-an hanltha ishin, gum lth edang-gun k'ianan, di tl k'ēchgu-waudagun gien, Jerusalem sta Rome haade stlai ai di tl isdagun;
18Althsgai tlistleuon di tl ging-kilisalung-gīgundlu, ak'won di etdie da gudung-gun, gum gin agunan di tiālthing-ē kāng-gang-gun altha.
19Waigien tlistleuon Jews haade hanltha gushugundlu, ak'won Cæsar agung lth ging-kilisalung-dahulgun; wai k'ianan gum giang haadgai hanltha etgai da di gudung-ung-gun.
20Althji alth adshi agunan di dalung kens gien, di alth gudā dalung gushuē un, dalung un lth ai-ing-gun; Israel haade gin yetdas lth yetdas agunan, adshi stakwūnsgulthdāwē alth di k'ēchgū-wos altha, hin il shugun.
21Waigien hin la tl shudagun, Gum kōgīn Judæa sta dung edē talung isda-ang-gun, itil tou-alung adlun istlas gien ishin gum dung alth gialthang-dāgūdāng-ung-gun.
22Tliku dung guduns tlou gudung-ai da itil gudung-gung; tlīidan adshi singlthgang gushue hanltha tl gūshūsī un itil ūnshitsī altha, hin la tl shudagun.
23Waigien tlistleuon la tl keng-sing-gun sing-ai ijundlu, tl shkūl-euon la k'wulth isdsagun; waigien a gin is un althsgai il ūnshidulthdagun, Shanung-itlagadas gia kingdomgai alth tla ga il gialthandagun gien, Moses gia king-gogung-ai sta isgien, ga prophetgasgai gia k'ālung-ai sta ishin, Jesus edē shin sh'oshgu tla geu gu il gushugun.
24Waigien tl t'īch gin il shudagun yetdagun gien, tl t'īch tlou gum yetdang-gun.
25Waigien gum gūt ging-ān tl shu-ung-gundān, tl istīidun, tlistleuon Paul gushou swonshung shudagun-dlu-a; Nung Hants Las Isaiah nung prophetgas alth dalung aung-alung ā yenki gushouon:
26Adshi haadgai ā lth kaid, Geu-ung alth gin dalung gudung-ashang, waigien gum lthingān un dalung ūnshidang-ashang; waigien hung-ung alth gin dalung keng-ashang, waigien gum lthing-ān ai dalung gūdā-ung-ashang, waigien lth hin shu;
27Adshi haadgai gudung-ai ai-ēlthsī altha, waigien gin gudung-ai ā tl geu k'otsang, waigien ishin tl ō-i-wilang; gin tl kens gien, ishin gin tl guduns gien, gudung-ung alth gin un tl ūnshidai ishin, waigien tl stīlths gien, tla lth tl-ligulai da ishin, gum tl gudung-uns altha, hinū Isaiah shouon.
28Althji alth adshi Shanung-itlagadas gia alth kogunai tliga k'ulat haade ā kil-itsgas gien, tla ishin gudung-asēsi lth un agung ūnshidū, hin Paul shugun.
30Waigien tuda stung nuh il shildiāgun ā il nāgun, waigien la k'wulth tl isdsas wautliwon ak'won k'wulthgang il isdsadagīni,
31Shanung-itlagadas gia kingdomgai alth tla geu gu il gūshūs gien, Shalana Jesus Christ edē ishin gudung-ai tladsga wautliwon alth gin tla il shkotadagīni, waigien gum nung swonshung-un lang-a gūdāung-ung-gīni.
Currently Selected:
Apostles-Gasgai 28: HAIDA
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society 1891-1899.
