Apostles-Gasgai 26
26
Chapter 26.
1EDĒLTHGANG dung gushuē lāgung, waigien hin Agrippa Paul shudaian. Waudlu Paul stlang jistlaian gien, edēlthgang il gus-houon:
2King Agrippa, gin agunan Jews haade di hanltha ets wautliwon edē aiat dung hang-gu lth shudas alth di gudung-ai lāgung;
3Tliku Jews haade ets isgien, tliku tl guduns ishin, yenki un dung ūnshit-ōdsūs altha; althji alth duman di kil dung gudung-ai da dung alth lth kiānung-gung.
4Di īnastlagun sta, tou-alung shu lth isgīgini, waigien Jerusalem gu lth isgien, tliku di ēdīni un Jews haade wautliwon ūnshi-dung;
5Di dsūdsūgundān di un tl ūnshidun, waigien unsta shougai da tl gudunsdlu, itil gia singlth-gang gushuē duman ga keng-euons ging-ān di Pharisee haadagun ishin un tl unshidung.
6Waigien wēt Shanung-itlagadas itil aungalung ga gin shudaian lth yetdas t'ā gingkilisalung-ai un adlun lth giāang-gung;
7A gin il shudaian itil gia gwaigang-ai tlāalth waugu stung algwau isgien, otgasdlu ishin, yenki Shanung-itlagadas un lthong-gwilas gien, ū isdie da tl gudung-gung. Nung king-gas, adshi yetdie agunan Jews haade di hanltha ēdung.
8Shanung-itlagadas ga k'otulthgias kalthougadung-dasdlu, gushintlou yetdie ga dalung kai-ing-gung?
9Ltha ishin Jesus Nazareth haadas kiē hanltha gin kwon lth isdie lang yenki lth gudung-gīni.
10Waigien Jerusalem gu ishin hin lth edīni; waigien liplet un ga itladasgai kōgīn tladsga di ga isdas gien, ga lasgai kwon k'ēchitnai ā t'ālth ltha ga lth shkoshgīdīni, waigien tlistleuon tl tl'dasdlu, tla hanltha lth gushugīni.
11Waigien synogogue-nagai wautliwon ai tla lth tlū-unshkotagīs gien, gushou dāung-a tl ging-shudie ishin lth isda-gudung-gīni; waigien yenki tla un di kalthi-yilthdas gien, lana jīng-a ā gin shing-idsa tla lth āndung-dāagini.
12Nung king-gas, waudlu liplet un ga itladasgai gia dugwīgai isgien, tl'agia king-go-gung-ai ishin dung-alth, Damascus ā lth kāgundān,
13Shintājā k'eu-e ā sha sta otga lth keng-gun, jūyē t'elg otgagun, di odō isgien, di alth ga istalgun odō ishin kok'ēshgīdun.
14Waigien tlistleuon tligai ing-gu itil dl-duldung-ōdsū-gundlu, Saul, Saul, gushintlou gin shing-idsa di dung āndung-dagung-gung? chātlē dung stagūgie dung un shing-idsang, Hebrew haade kilthga hin kil di shudas lth gudung-gun.
15Gīshdū dung ijung, Shalana? waigien hin lth shugun. Waigien Shalana hin shugun, Jesus, gin shing-idsa nung dung āndung-dagung-us ltha-u ijung.
16Kālthūltha, waigien lth giāa; gin dung lth kendagun isgien, gin dung lth kendāases ishin un dung lth lipletgēlthdas gien, ishin un dung ūnshitlēgagai un, agung dung lth kendagun;
17Tl haada isgien, tliga k'ulat haade ishin hung-i dung kil-helthilthgie un ā dung lth kil-isis sta dung lth kogundā-ashang,
18Alga sta otga gwī tl stīlths gien, Satan gia dugwīgai sta ishin Shanung-itlagadas gwī tl stīlths gien, tl dāung-as kalthshint lth guduns gien, di tl yetdas alth ga shkwūna-gulths-gai shū tl nā-ung-ai una, hin Shalana shugun.
19King Agrippa, althji alth sha sta gin lth keng-gun gum un di nung-ā-ung-gun;
20Gudung-ung tl stīlthdas gien, Shanung-itlagadas gwī tl stīlths gien, gudung-ung stīlthdie un gin lā tl isdie un, Damascus haade ga lth shuda-tlagang-gun, waigien Jerusalem gu isgien, Judæa tligai ashkwau-un gut ishin, tliga k'ulat haade ga ishin lth shudagun.
21Adshi agunan Jews haade temple-gai ā di gitsgīlthdagun gien, di tl tīisinsdlagun.
22Althji alth Shanung-itlagadas sha sta di da tlā-ēdun althū, adshi shantlanai k'eu lth giāang-gun gien, hēt tl gudung isgien, tl itlada ishin, geu gu lth gushugun, waigien ga prophet-gasgai isgien, Moses ishin gin isang-kashang shouon s'wonan lth shudagun;
23Christ waugung-ai las gien, k'otal sta il kālthuē alth tl haada isgien, tliga k'ulat haade ishin otga il kenda-tlagang-ashang lth shugun, hin Paul shouon.
24Waigien hāwun hin edēlthgang il gushugundān, Paul, dung kōnung-galāgung; gin dung shkota-kwons-ū dung ging-kōnung-galāgung, hin Festus kwūnan shouon.
25Waigien Paul hin shouon, Festus lā-euons, gum di kōnung-galā-ung-gung; gushou yenki et isgien, dagang gwūdajū ishin lth shudang.
26Anung king-gas adshi un ūnshitsī altha, la ā ishin gudung-ai lā alth lth gushugung; a gin is s'wonan gum la sta s'algāans yenki un di ūnshits altha; gum kwūn-gut ā adshi tl isdāung-guni altha.
27King Agrippa, ga prophetgasgai gu dung yetdi? dung yetdasi un di ūnshidung, hin Paul shouon.
28Lthing-ān s'wonan di ā dung gushus alth di christian-gēlthdiē da dung gudung-gung, waigien hin Agrippa Paul shudaian.
29Lthing-ān gushou alth isgien, kwūnan gushou alth ishin, dā isgien, tl wautliwon aiat di kil guduns ishin, di ging-ān elgai da di gudung-euon-gung, tlan adshi k'ēchgūgai s'wonan dalung andung-ai ga di gwou-ong, hin Paul shouon.
30Waigien nung king-gas isgien, nung governorgas ishin, Bernice ishin, la kwulth ga tl'ōdaian ishin, tljūgiāagan;
31Waigien tlistleuon sta tl istīidandlu, gudā tl gushouon, Anung ilthing-as tl tīie isgien, tl k'ēchgūstliē ligai un ishin gum gin isda-ang-gun, hin tl shouon.
32Anung ilthing-as Caesar il ging-kilisalungai da gum il gudung-ang-asdlu, tlan la tl k'ēchgū-wauda-dādung-gung, waigien hin Agrippa Festus shudaian.
Currently Selected:
Apostles-Gasgai 26: HAIDA
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society 1891-1899.
