ᕈᒪᓇ 9
9
ᒋᓴᒪᓂᑐᐤ ᑭᔭ ᒍᐤ ᐃᔪᒡ
Romans 9.1-5 (Proper-13 Year A)
1ᓂ ᑕᑈᓐ ᐅ ᒐ ᐃᔅᒋᔄᔭᓐ᙮ ᓇᒪ ᓂ ᑭᑭᒋᔭᓐ ᐛᔅ ᙭ ᓂ ᑎᐱᔨᐛᐅᓯᑐᑕᒄ᙮ ᓂ ᒐᔅᑎᓇᑕᔨᑕᓐ ᐊ ᑕᑈᔭᓐ ᑭᔭ ᑲ ᐸᔭᒋᓯᑦ ᐊᒐᐧᒄ ᓂ ᒋᔅᒐᔨᑎᒥᐃᒄ ᐊ ᑕᑈᐅᒡ᙮ 2ᓇᔅᒡ ᑕᑈ ᓂᑯᓱᑯᒪᒋᐅᓐ ᑭᔭ ᒧᔅ ᐱᒥᐱᔪᐤ ᓇᔅᒡ ᐊ ᒪᑯᔅᑲᑯᔭᓐ ᐊ ᒪᒥᑐᓇᔨᒥᒂᐤ ᓂᒡ ᐃᔅᕋᐃᓪ ᐃᔪᒡ᙮ 3ᒧᔭᒻ ᒋ ᓇᐃᐱᔨᑯᐱᓇ ᒐᒋ ᐃᑐᑕᑭᓄᐅᒡ ᓂᐸ ᐱᔅᑕᔨᒥᓱᓐ ᓂᔾ ᐊᐅᒄ ᒐᒋ ᐛᐛᓯᐃᑦ ᒋᓴᒪᓂᑐᐤ ᑭᔭ ᓂᔾ ᐊᐅᒄ ᒐᒋ ᐃᒐᑕᐃᑯᐅᔭᓐ ᙭ ᐅᒋ ᐊ ᑕᑦ᙮ 4ᐛᔅ ᐊᐅᒄ ᐊᓐᒡ ᐃᔅᕋᐃᓪ ᐃᔪᒡ ᒋᓴᒪᓂᑐᐛ ᑲ ᐅᑎᓂᑯᒡ ᒐᒋ ᐅᑦ ᐊᐛᓯᒥᑐᑕᑯᒡ ᑭᔭ ᒐᒋ ᒋᔅᑕᔨᑕᑯᐃᑯᒡ᙮ ᒋ ᐅᓯᑎᒪᑯᐅᒡ ᓂᔅᑯᒧᐅᓂᔪᐤ᙮ ᒋ ᒥᔨᑯᐅᒡ ᐎᓱᐛᐅᓂᔪᐤ᙮ ᒋ ᒋᔅᒐᔨᑎᒥᐃᑯᐅᒡ ᑕᓐ ᒐ ᐃᓯ ᐊᔭᒥᐊᔅᑐᐛᒡ᙮ ᓂᓇᐧᑯᐤ ᒐᒂᔪᐛ ᒋ ᐃᑎᑯᐅᒡ ᒐᔅᑎᓇᔅ ᒐ ᐃᑐᑎᒪᑯᒡ᙮ 5ᐊᓂᔭᐧᑲ ᐊᓂᔅᒐ ᒋᐛᐧᑯᒪᑭᓄᐛ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ ᐊ ᑕᔨᒋ ᒋ ᐅᒋ ᐊᓂᔅᒐ ᐱᒪᑎᓯᐅᒡ᙮ ᐊᑯᑕ ᑭᔭ ᐎᔾ ᒋᓴᔅ ᙭ ᑲ ᐅᒋ ᐊᓂᔅᒐ ᐱᒪᑎᓯᑦ ᐃᔅᐱ ᓇᐸᐛ ᑲ ᐃᓯᐊᑭᓄᐅᑦ᙮ ᒋᓴᒪᓂᑐᐤ ᐊᓐ ᒥᓯᐛ ᒐᒂᔪᐤ ᑲ ᐱᒥᐱᔨᑕᑦ, ᑲᒋᒡ ᒋᑭ ᐎ ᒪᒥᒋᒪᑭᓄᐤ᙮ ᐊᒥᓐ᙮
6ᓇᒪᐎᔾ ᑭᑈ ᒋᑭ ᒋ ᐃᓇᓄᐤ ᐊᑲ ᐅᒋ ᐃᑐᑕᐧᒃ ᒋᓴᒪᓂᑐᐤ ᑕᓐ ᐊᓂᔭᔪᐛ ᑲ ᐃᔅᒋᔄᑦ ᒐᔅᑎᓇᔅ ᒐ ᐃᑐᑕᐧᒃ ᐛᔅ ᑕᐸ ᒥᓯᐛ ᐊᓐᒡ ᒐᑭᐸ ᐊ ᑕᔨᒋ ᑲ ᐅᒋ ᐊᓂᔅᒐ ᐱᒪᑎᓯᒡ, ᐃᔅᕋᐃᓪ ᐃᔪᒡ ᑲ ᐃᓯᓂᐧᑲᑎᓱᒡ ᐅᑦ ᐃᔨᒥᑐᑕᑯᐅᒡ ᒋᓴᒪᓂᑐᐛ᙮ 7ᑭᔭ ᒪᒃ ᒥᒄ ᐱᔅᒐ ᐊᓐᒡ ᐊᑉᕋᐊᒻ ᐊ ᑕᔨᒋ ᑲ ᐅᒋ ᐊᓂᔅᒐ ᐱᒪᑎᓯᒡ ᐅᑦ ᐃᔨᒥᑐᑕᑯᐅᒡ ᒋᓴᒪᓂᑐᐛ᙮ ᐛᔅᑭᒡ ᐊᓐᑕ, ᒋᓴᒪᓂᑐᐤ ᒋ ᐃᑕᐤ ᐊᑉᕋᐊᒪ, “ᐊᐃᓯᒃ ᐊ ᑕᑦ ᒋᑭ ᐅᒋ ᐊᓂᔅᒐ ᐱᒪᑎᓯᐅᒡ ᐊᓐᒡ ᐊᐛᓐᒋ ᑲ ᐃᑎᑕᓐ ᒐᔅᑎᓇᔅ ᒐ ᒥᔨᑕᓐ᙮” 8ᐊᑯ ᒪᒃ ᓇᒪ ᒥᓯᐛ ᐊᐛᓐ ᐊᑉᕋᐊᒪ ᐊ ᑕᔨᒋ ᑲ ᐅᒋ ᐊᓂᔅᒐ ᐱᒪᑎᓯᑦ ᐅᑦ ᐊᐛᓯᒥᑐᑕᑯᐤ ᒋᓴᒪᓂᑐᐛ᙮ ᐊᓐᒡ ᐊᐛᓐᒋ ᒐ ᑕᑈᑎᒧᐛᒂ ᐊᓂᔭ ᑕᓐ ᑲ ᐃᔅᒋᔄᔨᒋ ᒋᓴᒪᓂᑐᐛ ᒐᔅᑎᓇᔅ ᒐ ᐃᑐᑎᒧᐛᔨᒋ ᐊᑉᕋᐊᒪ ᐊᐅᑯᓐᒡ ᐊᓐᒡ ᒋᓴᒪᓂᑐᐛ ᒐ ᐅᑦ ᐊᐛᓯᒥᑐᑕᑯᒡ᙮ 9ᐛᔅ ᒋ ᐃᑕᐤ ᒋᓴᒪᓂᑐᐤ ᐊᑉᕋᐊᒪ ᐅᔭ ᒐᔅᑎᓇᔅ ᒐ ᐃᑐᑎᒧᐛᑦ, “ᐸᐃᒄ ᐱᐳᓇ ᐃᔅᐱᔅ ᐊᑯ ᒥᓐ ᒐ ᐸᒋ ᓂᑐᐛᐱᒥᑕᓐ᙮ ᓴᔅ ᒋᑭ ᐊᔭᐛᐤ ᓴᕋ ᐅᑯᓴ ᒥᓐ ᐸᒋ ᓂᑐᐛᐱᒥᑕᓇ᙮”
10ᑭᔭ ᐎᔾ ᒪᒃ ᕋᐸᑲ ᓂᑲᓐ ᒋ ᐎᑎᒪᑯᐤ ᒋᓴᒪᓂᑐᐛ ᑕᓐ ᒐ ᐃᔅᐱᔨᒡ᙮ ᐊᓂᔭᔪᐛ ᐅᑯᓴ ᑲ ᓂᓯᔨᒋ ᑕᐱᔅᑯᓐ ᐊᓐᑕ ᐊᓂᔭᐧᑲ ᒋᑦ ᐊᓂᔅᒐ ᐛᐧᑯᒪᑭᓄᐛ ᐊᐃᓯᑲ ᐊ ᑕᔨᒋ ᒋ ᐅᒋᐅᒡ᙮ 11ᐊᔅᒄ ᒪᒃ ᐊᑲ ᐅᒋ ᐱᒪᑎᓯᔨᒋ ᐅᔭ ᐅᑯᓴ ᕋᐸᑲ, “ᐊᔅᒄ ᐊᑲ ᐛᐛᒡ ᐅᒋ ᒥᒋᑐᑎᒥᔨᒋ ᑭᔭ ᐊᑎ ᐊᔅᒄ ᐊᑲ ᐅᒋ ᒥᔪᑐᑎᒥᔨᒋ,” ᒋ ᐃᑎᑯᐤ ᒋᓴᒪᓂᑐᐛ, 12ᐊᓐ ᓂᔅᑎᒧᓴᓐ ᒋᑭ ᓂᑲᓂᔅᑲᑯᐤ ᐊᓂᔭᔪᐛ ᐅᓯᒪ᙮ ᒋᓴᒪᓂᑐᐤ ᐅᔭᔪᐤ ᒋ ᐃᑕᐤ ᒐᒋ ᐛᐸᑎᔨᐛᑦ ᐎᔾ ᐊ ᐅᑎᓇᑦ ᑕᓐ ᐊᓂᔭᔪᐛ ᐛ ᐛᔭᐱᒪᑦ ᐊᐛᔪᐛ ᒐ ᐅᑦ ᐃᔨᒥᑦ, ᓇᒪ ᐎ ᐊᓂᔭ ᑕᓐ ᐊ ᐃᑎᔨᒋ ᒪᒃ ᐊᑲ ᐊ ᐃᑎᔨᒋ ᐊᐛᔪᐛ ᐛᒋ ᐛᔭᐱᒪᑦ᙮ 13ᒧᔭᒻ ᐊᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᓂᒋ ᓴᒋᐊᐤ ᒐᑭᑉ ᐊᑯ ᐃᓴᐅ ᑲ ᐛᐧᑲᑎᒃ᙮”
14ᑕᓐ ᒪᒃ ᒐ ᐃᔅᒋᔄᔭᐧᒄ, ᒋᑭ ᒋ ᐃᔅᒋᔄᓇᓄᐤ ᐊ ᐊᑲ ᒪᒧᔭᒻ ᐃᑎᑦ ᒋᓴᒪᓂᑐᐤ᙮ ᓇᒪᐎᔾ ᑭᑈ᙮ 15ᐛᔅ ᐛᔅᑭᒡ ᐊᓐᑕ ᒋᓴᒪᓂᑐᐤ ᒋ ᐃᑕᐤ ᐊᓂᔭ ᒧᓱᓴ,
“ᓂᑭ ᒋᓴᐛᑐᑐᐛᐤ ᐊᓐ ᐊᐛᓐ ᐛ ᒋᓴᐛᑐᑐᐅᒃ ᑭᔭ ᓂᑭ ᒋᔅᑎᒪᒐᔨᒪᐤ ᐊᓐ ᐊᐛᓐ ᐛ ᒋᔅᑎᒪᒐᔨᒥᒃ᙮”
16ᒋᓴᒪᓂᑐᐤ ᒋᔅᑎᒪᒐᔨᒪᐤ ᑕᓐ ᐊᓂᔭᔪᐛ ᐊᐛᔪᐛ ᐛ ᒋᔅᑎᒪᒐᔨᒪᑦ᙮ ᓇᒪᔭᔪᐤ ᐎ ᐊᓂᔭ ᑕᓐ ᐊ ᐃᓯ ᓂᑐᐛᔨᑎᒥᔨᒋ ᐅᔭ ᒪᒃ ᐊ ᐃᓯ ᒥᔪᑐᑎᒥᔨᒋ ᐛᒋ ᒋᔅᑎᒪᒐᔨᒪᑦ᙮ 17ᐛᔅ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐎᑕᑯᓐ ᐸᕈᐤ ᐊᒋ ᐃᑕᑭᓄᐅᑦ, “ᔅᒋ ᐎᑲᐳᐃᑎᓐ ᒐᒋ ᒋᓴᐅᒋᒪᐎᔨᓐ ᒐᒋ ᓄᑯᑐᐅᒂᐤ ᒥᓯᐛ ᐊᐛᓐᒋ ᓂᓱᐧᑲᑎᓯᐅᓂᔪᐤ ᑭᔭ ᒥᓯᐛ ᐊᐛᓐ ᐅᑕ ᐊᔅᒋᒡ ᒐᒋ ᒋᔅᒐᔨᒥᑦ᙮” 18ᐊᑯ ᒪᒃ ᒋᓴᒪᓂᑐᐤ ᒐᔅᑎᒪᒐᔨᒪᑦ ᐊᓂᔭᔪᐛ ᐊᐛᔪᐛ ᐛ ᒋᔅᑎᒪᒐᔨᒪᑦ, ᑭᔭ ᑕᓐ ᐊᓂᔭᔪᐛ ᐛ ᐃᑐᑐᐛᑦ ᒐᒋ ᒥᔅᑯᐅᑕᐊᔨᒋ ᐊᐅᑯᓂ ᐊᓂᔭᔪᐛ ᒪᔅᑯᐅᑕᐊᑦ᙮
ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ ᑭᔭ ᐅᒋᓴᐛᑎᓯᐅᓐ
19ᒂᔄᓐ ᐸᐃᒄ ᐊᐛᓐ ᐊᓐᑕ ᐊ ᑎᓯᔭᒄ ᓂᐸ ᒋ ᐃᑎᒄ, “ᑕᑈ ᐅ ᐊ ᐃᓯᓇᑯᓂᒂ ᑕᓐᑕ ᐃᔭᐱᒡ ᐛᒋ ᐊᑕᒪᔨᒪᑦ ᒋᓴᒪᓂᑐᐤ ᐊᐛᔪᐛ ᒐᒂᔪᐤ᙮ ᑕᐤ ᐊ ᐊᐛᓐ ᒐᒋ ᓂᔅᑯᐅᔅᑎᒧᐛᑦ ᐅᑦ ᐃᑕᔨᑎᒧᐅᓂᔪᐤ ?” 20ᐊᐛᓐ ᒪᒃ ᐊ ᐃᑕᔨᒥᓱᔨᓐ ᒋᔾ ᐅᔭᔪᐤ ᑲ ᐃᓯ ᐎᑎᒪᐅᑦ ᒋᓴᒪᓂᑐᐤ ? ᒋᑭ ᒋ ᐊ ᐃᔅᒋᔄᒥᑭᓐ ᐊᓐ ᐊᓯᔅᒍᐤ ᐳᑎᔾ ᑲ ᐎᔅᒍᒋᓂᑭᓄᐅᒡ, “ᒐᒂᓐ ᐅ ᐛᒋ ᐃᓯᐃᔨᓐ ?” 21ᐊᓐ ᑲ ᐎᔅᒍᑎᓂᒐᑦ ᓇᒪᐎᔾ ᐊ ᒥᒄ ᒐᒂᔪᐤ ᐛ ᐅᓯᑕᑦ ᒋᑭ ᒋ ᐅᓯᑕᐤ ? ᓇᒪᐎᔾ ᐊ ᒋᑭ ᒋ ᐅᓯᑕᐤ ᓂᓱ ᐎᔭᑭᓇ ᐊᓐᑕ ᐅᒋ ᐊᓂᔭ ᐸᐃᒂᐤ ᐊ ᐱᔅᑯᔅᑕᔨᒡ ᐊᓯᔅᒋᔪᐤ ? ᐸᐃᒄ ᐎᔭᑭᓂᔪᐤ ᓇᔅᒡ ᐊ ᒥᔽᓯᔨᒡ ᒐᒋ ᐃᓯᓇᑯᑕᑦ ᒥᒄ ᓇᓂᑯᑎᓂᔾ ᒐᒋ ᐊᐱᑎᓂᔨᒡ ᐊᑯ ᑯᑎᒋᔪᐤ ᒧᔅ ᒐᒋ ᐊᐱᑎᓂᔨᒡ ᒐᒋ ᐃᓯᓇᑯᑕᑦ᙮
22ᐊᐅᑯᓐ ᒪᒃ ᒧᔭᒻ ᐊ ᐃᑎᑦ ᒋᓴᒪᓂᑐᐤ᙮ ᒋ ᐎᔭᔨᑎᒻ ᒐᒋ ᐛᐸᑎᔨᐛᑦ ᐅᑦ ᐊᐧᑯᔪᐛᓱᐅᓐ ᑭᔭ ᒋ ᐎ ᒋᔅᒐᔨᑕᑯᑕᐤ ᐅᓱᒐᔨᑕᑯᓱᐅᓐ᙮ ᐅᑕ ᐅᑕᒡ ᒧᔅ ᒋ ᐸᒋ ᓯᐱᔪᐛᓯᔅᑐᐛᐤ ᐊᓂᔭᔪᐛ ᑲ ᒋᔄᐃᑯᑦ ᐅᑕ ᐅᑕᒡ, ᐊᓂᔭᔪᐛ ᑲ ᐃᑕᔨᑕᑯᓂᔨᒡ ᒐᒋ ᓂᓱᐅᓇᑎᓯᔨᒋ᙮ 23ᐊᐅᒄ ᐅᔭᔪᐤ ᑲ ᐃᓯ ᐎᔭᔨᑕᐧᒃ ᐊᒋ ᐎ ᐛᐸᑎᔨᐛᑦ ᐊ ᐃᔅᐱᔅ ᐛᔪᑎᓂᔨᒡ ᐅᒋᔅᑕᔨᑕᑯᓱᐅᓐ ᑕᓐ ᐊᓂᔭᔪᐛ ᒪᔭᑦ ᐊᓂᔭᔪᐛ ᑲ ᐎᔭᔨᒪᑦ ᒐᒋ ᒋᓴᐛᑐᑐᐛᑦ, ᐊᐅᒄ ᒋᔭᓄᐤ᙮ ᓂᑲᓐ ᔅᒋ ᐎᔭᔨᒥᑯᓄᐤ ᒐᒋ ᒋᔅᒐᔨᑎᒺᐧᒄ ᐅᒋᔅᑕᔨᑕᑯᓱᐅᓐ᙮ 24ᒋᔭᓄᐤ ᔅᒋ ᑕᑈᑎᑯᓄᐤ ᒋᓴᒪᓂᑐᐤ ᒐᒋ ᐅᑦ ᐃᔨᒥᑐᑕᑕᒄ᙮ ᓇᒪ ᒪᒃ ᒥᒄ ᓂᔭᓐ ᒍᐤ ᑲ ᐃᑎᔅᑲᓇᓯᔭᒡ ᓂ ᐅᒋ ᑕᑈᑎᑯᓇᓐ ᑭᔭ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᔅᒋ ᑕᑈᑎᑯᐛᐤ᙮ 25ᐊᐅᒄ ᐅᔭ ᐊᔨᒧᑕᐧᒃ ᒋᓴᒪᓂᑐᐤ ᐊᓐᑕ ᐊᓂᔭᔪᐛ ᐅᓴᔭ ᑲ ᐃᓯᓂᐧᑲᓱᔨᒋ ᐅᑦ ᐃᔨᒧᐅᓂᒡ᙮ ᐃᑎᔅᑕᔪᐤ ᐊᓐᑕ,
ᐊᓐᒡ ᐊᑲ ᑲ ᐅᑦ ᐃᔨᒥᑐᑕᐅᒂᐤ, ᓂᑦ ᐃᔨᒥᒡ ᓂᑭ ᐃᓯᓂᐧᑲᑕᐅᒡ᙮ ᐊᑯ ᐊᓐᒡ ᐊᑲ ᓴᒋᐊᑭᓄᐎᒡ ᓇᔅᒡ ᓂᑭ ᓴᒋᐊᐅᒡ᙮ 26ᐊᓐᑕ ᐊᓂᔭ ᒪᒂᒡ ᑲ ᑕᒡ ᑲ ᐃᑎᑯᒡ ᒋᓴᒪᓂᑐᐛ, ᓇᒪᔭᐤ ᒋᔨᐛᐤ ᓂᑦ ᐃᔨᒥᒡ ᐊᑯᑕ ᐊᓐᑕ ᓇᓂᑎᒻ ᒐ ᐃᓯᓂᐧᑲᑕᑭᓄᐎᒡ ᒋᓴᒪᓂᑐᐤ ᑲ ᐱᒪᑎᓯᑦ ᐅᑯᓯᓴ᙮
27ᐊᑯ ᐊᓂᔭᐧᑲ ᐅᒋᔅᒋᐛᐃᒐᓱᐛ ᐊᐃᓴᔭ ᒋ ᑎᑯᓂᔪᐤ ᑕᓐ ᑲ ᐃᓯ ᐊᔨᒧᒪᑦ ᐃᔅᕋᐃᓪ ᐃᔪᐛ᙮ ᒋ ᐃᔅᒋᔄᑯᐱᓇ,
ᐊᑎ ᐊ ᐃᔅᐱᔅ ᐛᔪᑎᓯᒡ ᐃᔅᕋᐃᓪ ᐃᔪᒡ ᒧᔭᒻ ᐊᔅᐱᔅ ᐛᔪᒡ ᒥᒐᓂᔨᒋ ᐃᔭᑲᐤ ᓯᓱᒡ ᐎᓂᐸᑯᒡ ᐃᔭᐱᒡ ᓇᒪ ᒥᒐᑦ ᒋᑭ ᐅᒋ ᐱᒪᒋᐅᐎᒡ᙮ 28ᐛᔅ ᒋᑭ ᒋᔅᑕᐱᔪᐤ ᐅᑎᐸᔨᒋᒐᐤ ᑎᐸᔅᑯᓇᒐ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᑲ ᑕᔨᒋ ᑭᔭ ᒐᔅᑎᓇᔅ ᐊᐅᑯᓐ ᒐ ᐃᓯᓇᑯᓂᔨᒡ ᐊᓂᔭ ᑕᓐ ᑲ ᐃᔅᒋᔄᑦ ᒐ ᐃᓯ ᑎᐸᔅᑯᓂᒐᑦ᙮
29ᒋ ᓂᑲᓐ ᐎᑎᒻ ᑭᔭ ᐊᓂᔭᐧᑲ ᐅᒋᔅᒋᐛᐃᒐᓱᐤ ᐊᐃᓴᔭ ᑲ ᐃᔅᒋᔄᑦ,
ᒧᔭᒻ ᐅᑎᐸᔨᒋᒐᐤ ᓇᔅᒡ ᑲ ᓱᐧᑲᑎᓯᑦ ᐊᑲ ᐅᒋ ᐎᔭᔨᑎᒥᑯᐱᓇ ᐱᔅᒐ ᐊᓂᔭᔪᐛ ᐊᓂᔅᒐ ᒋᑦ ᐊᐛᓯᒥᓄᐛ ᒐᒋ ᐱᒪᒋᐊᑦ ᒥᓯᐛ ᒋᐸ ᓂᓱᐅᓇᑎᓯᓇᓄᐤ ᒧᔭᒻ ᑲ ᐃᓯ ᓂᓱᐅᓇᒋᐊᑭᓄᐎᒡ ᐊᓂᔭᐧᑲ ᐃᔪᒡ ᓱᑕᒻ ᑭᔭ ᑯᒧᕋ ᑲ ᑕᒡ᙮
ᐃᔅᕋᐃᓪ ᐅᑦ ᐊᓏᔨᑎᒧᐅᓄᐛᐤ
30ᒪᐅ ᐊ ᐃᓯ ᐎᑎᒪᒐᒥᑲᒡ ᒥᓯᐛ ᐅ ᑲ ᐃᓯ ᐊᔨᒧᑕᒡ, ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᓇᒪ ᐛᐛᒡ ᐅᒋ ᑯᒋᑕᐅᒡ ᒐᒋ ᑯᐃᔅᑯᓇᑯᐃᓱᒡ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᐊᐅᑯᓂ ᒪᒃ ᐅᔭ ᒋᓴᒪᓂᑐᐤ ᑲ ᑯᐃᔅᑯᓇᑯᐊᑦ ᐃᔅᐱ ᑲ ᑕᑈᑎᒥᔨᒋ᙮ 31ᐊᑯ ᐊᓐᒡ ᒍᐤ ᐃᔪᒡ ᒋᓴᒪᓂᑐᐛ ᑲ ᐅᑦ ᐃᔨᒥᑐᑕᑯᒡ, ᐊ ᓂᓇᐃᑕᒡ ᐎᓱᐛᐅᓇ ᒋ ᐎ ᐅᒋ ᐎ ᑯᐃᔅᑯᓇᑯᐃᓱᐅᒡ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᓇᒪ ᒪᒃ ᐅᑯᐃᔅᑯᑕᑎᓯᐅᒡ ᐅᒡ ᐃᓯ ᑭᓄᐛᐱᒥᑯᐅᒡ ᒋᓴᒪᓂᑐᐛ ᐅᔭ ᐊᒋ ᐃᑎᒡ᙮ 32ᒐᒂᔪᐤ ᒪᒃ ᐛᒋ ᐊᑲ ᐅᑯᐃᔅᑯᑕᑎᓯᐅᒡ ᐅᒋ ᐃᓯ ᑭᓄᐛᐱᒧᑯᒡ ᒋᓴᒪᓂᑐᐛ᙮ ᓇᒪ ᐅᒋ ᑕᑈᔭᔨᒪᐅᒡ ᒋᓴᒪᓂᑐᐛ ᒐᒋ ᑯᐃᔅᑯᓇᑯᐃᑯᒡ᙮ ᐊᐅᒄ ᒪᒃ ᐅᔭ ᐛᒋ ᐊᑲ ᐅᑯᐃᔅᑯᑕᑎᓯᐅᒡ ᐅᒋ ᐃᓯ ᑭᓄᐛᐱᒥᑯᐅᒡ ᒋᓴᒪᓂᑐᐛ᙮ ᒋ ᐃᑕᔨᑎᒧᒡ ᐊ ᒥᔪᑐᑎᒪᒡ ᒋᑭ ᐅᒋᐱᔪᐤ ᐅᑯᐃᔅᑯᑕᑎᓯᐅᒡ ᒐᒋ ᐃᓯ ᑭᓄᐛᐱᒥᔨᒥᑦ ᒋᓴᒪᓂᑐᐤ᙮ ᐊᑯ ᒪᒃ ᑲ ᐱᓱᔅᑯᐛᒡ ᐊᓂᔭᔪᐛ ᐊᓯᓂᔭ ᑲ ᐱᔅᑎᓇᑭᓄᔨᒋ ᒐ ᐱᓱᓯᒧᐛᔨᒋ᙮ 33ᐊᐅᒄ ᐊ ᐊᔨᒧᑕᒡ ᒋᓴᒪᓂᑐᐤ ᐅᒥᓯᓂᐃᑭᓂᒡ ᐊᓐᑕ ᑲ ᐃᑎᔅᑕᒡ,
ᐃᑕᐱᒄ ᒪ, ᓂ ᐱᔅᑎᓇᐤ ᓴᐃᔭᓂᒡ ᐊᓯᓂᔾ ᒐ ᐱᓱᓯᒧᐛᑦ᙮ ᒥᒐᐱᔅᒋᓱᐤ ᐅ ᐊᓯᓂᔾ, ᒋᑭ ᐸᒋᓯᓂᔪᐛ ᒪᒃ ᐊᓂᔭᔪᐛ ᐊᐛᔪᐛ ᒐ ᐱᓱᔅᑲᑯᑦ᙮
ᐊᓐ ᒪᒃ ᐊᐛᓐ ᒐ ᑕᑈᔭᔨᒪᒂ ᓇᒪ ᓂᑕ ᒋᑭ ᐅᒋ ᐃᑕᔨᑎᒻ ᓴᒐᔾ ᐊ ᑕᑈᔭᔨᒪᑦ᙮
Currently Selected:
ᕈᒪᓇ 9: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᕈᒪᓇ 9
9
ᒋᓴᒪᓂᑐᐤ ᑭᔭ ᒍᐤ ᐃᔪᒡ
Romans 9.1-5 (Proper-13 Year A)
1ᓂ ᑕᑈᓐ ᐅ ᒐ ᐃᔅᒋᔄᔭᓐ᙮ ᓇᒪ ᓂ ᑭᑭᒋᔭᓐ ᐛᔅ ᙭ ᓂ ᑎᐱᔨᐛᐅᓯᑐᑕᒄ᙮ ᓂ ᒐᔅᑎᓇᑕᔨᑕᓐ ᐊ ᑕᑈᔭᓐ ᑭᔭ ᑲ ᐸᔭᒋᓯᑦ ᐊᒐᐧᒄ ᓂ ᒋᔅᒐᔨᑎᒥᐃᒄ ᐊ ᑕᑈᐅᒡ᙮ 2ᓇᔅᒡ ᑕᑈ ᓂᑯᓱᑯᒪᒋᐅᓐ ᑭᔭ ᒧᔅ ᐱᒥᐱᔪᐤ ᓇᔅᒡ ᐊ ᒪᑯᔅᑲᑯᔭᓐ ᐊ ᒪᒥᑐᓇᔨᒥᒂᐤ ᓂᒡ ᐃᔅᕋᐃᓪ ᐃᔪᒡ᙮ 3ᒧᔭᒻ ᒋ ᓇᐃᐱᔨᑯᐱᓇ ᒐᒋ ᐃᑐᑕᑭᓄᐅᒡ ᓂᐸ ᐱᔅᑕᔨᒥᓱᓐ ᓂᔾ ᐊᐅᒄ ᒐᒋ ᐛᐛᓯᐃᑦ ᒋᓴᒪᓂᑐᐤ ᑭᔭ ᓂᔾ ᐊᐅᒄ ᒐᒋ ᐃᒐᑕᐃᑯᐅᔭᓐ ᙭ ᐅᒋ ᐊ ᑕᑦ᙮ 4ᐛᔅ ᐊᐅᒄ ᐊᓐᒡ ᐃᔅᕋᐃᓪ ᐃᔪᒡ ᒋᓴᒪᓂᑐᐛ ᑲ ᐅᑎᓂᑯᒡ ᒐᒋ ᐅᑦ ᐊᐛᓯᒥᑐᑕᑯᒡ ᑭᔭ ᒐᒋ ᒋᔅᑕᔨᑕᑯᐃᑯᒡ᙮ ᒋ ᐅᓯᑎᒪᑯᐅᒡ ᓂᔅᑯᒧᐅᓂᔪᐤ᙮ ᒋ ᒥᔨᑯᐅᒡ ᐎᓱᐛᐅᓂᔪᐤ᙮ ᒋ ᒋᔅᒐᔨᑎᒥᐃᑯᐅᒡ ᑕᓐ ᒐ ᐃᓯ ᐊᔭᒥᐊᔅᑐᐛᒡ᙮ ᓂᓇᐧᑯᐤ ᒐᒂᔪᐛ ᒋ ᐃᑎᑯᐅᒡ ᒐᔅᑎᓇᔅ ᒐ ᐃᑐᑎᒪᑯᒡ᙮ 5ᐊᓂᔭᐧᑲ ᐊᓂᔅᒐ ᒋᐛᐧᑯᒪᑭᓄᐛ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ ᐊ ᑕᔨᒋ ᒋ ᐅᒋ ᐊᓂᔅᒐ ᐱᒪᑎᓯᐅᒡ᙮ ᐊᑯᑕ ᑭᔭ ᐎᔾ ᒋᓴᔅ ᙭ ᑲ ᐅᒋ ᐊᓂᔅᒐ ᐱᒪᑎᓯᑦ ᐃᔅᐱ ᓇᐸᐛ ᑲ ᐃᓯᐊᑭᓄᐅᑦ᙮ ᒋᓴᒪᓂᑐᐤ ᐊᓐ ᒥᓯᐛ ᒐᒂᔪᐤ ᑲ ᐱᒥᐱᔨᑕᑦ, ᑲᒋᒡ ᒋᑭ ᐎ ᒪᒥᒋᒪᑭᓄᐤ᙮ ᐊᒥᓐ᙮
6ᓇᒪᐎᔾ ᑭᑈ ᒋᑭ ᒋ ᐃᓇᓄᐤ ᐊᑲ ᐅᒋ ᐃᑐᑕᐧᒃ ᒋᓴᒪᓂᑐᐤ ᑕᓐ ᐊᓂᔭᔪᐛ ᑲ ᐃᔅᒋᔄᑦ ᒐᔅᑎᓇᔅ ᒐ ᐃᑐᑕᐧᒃ ᐛᔅ ᑕᐸ ᒥᓯᐛ ᐊᓐᒡ ᒐᑭᐸ ᐊ ᑕᔨᒋ ᑲ ᐅᒋ ᐊᓂᔅᒐ ᐱᒪᑎᓯᒡ, ᐃᔅᕋᐃᓪ ᐃᔪᒡ ᑲ ᐃᓯᓂᐧᑲᑎᓱᒡ ᐅᑦ ᐃᔨᒥᑐᑕᑯᐅᒡ ᒋᓴᒪᓂᑐᐛ᙮ 7ᑭᔭ ᒪᒃ ᒥᒄ ᐱᔅᒐ ᐊᓐᒡ ᐊᑉᕋᐊᒻ ᐊ ᑕᔨᒋ ᑲ ᐅᒋ ᐊᓂᔅᒐ ᐱᒪᑎᓯᒡ ᐅᑦ ᐃᔨᒥᑐᑕᑯᐅᒡ ᒋᓴᒪᓂᑐᐛ᙮ ᐛᔅᑭᒡ ᐊᓐᑕ, ᒋᓴᒪᓂᑐᐤ ᒋ ᐃᑕᐤ ᐊᑉᕋᐊᒪ, “ᐊᐃᓯᒃ ᐊ ᑕᑦ ᒋᑭ ᐅᒋ ᐊᓂᔅᒐ ᐱᒪᑎᓯᐅᒡ ᐊᓐᒡ ᐊᐛᓐᒋ ᑲ ᐃᑎᑕᓐ ᒐᔅᑎᓇᔅ ᒐ ᒥᔨᑕᓐ᙮” 8ᐊᑯ ᒪᒃ ᓇᒪ ᒥᓯᐛ ᐊᐛᓐ ᐊᑉᕋᐊᒪ ᐊ ᑕᔨᒋ ᑲ ᐅᒋ ᐊᓂᔅᒐ ᐱᒪᑎᓯᑦ ᐅᑦ ᐊᐛᓯᒥᑐᑕᑯᐤ ᒋᓴᒪᓂᑐᐛ᙮ ᐊᓐᒡ ᐊᐛᓐᒋ ᒐ ᑕᑈᑎᒧᐛᒂ ᐊᓂᔭ ᑕᓐ ᑲ ᐃᔅᒋᔄᔨᒋ ᒋᓴᒪᓂᑐᐛ ᒐᔅᑎᓇᔅ ᒐ ᐃᑐᑎᒧᐛᔨᒋ ᐊᑉᕋᐊᒪ ᐊᐅᑯᓐᒡ ᐊᓐᒡ ᒋᓴᒪᓂᑐᐛ ᒐ ᐅᑦ ᐊᐛᓯᒥᑐᑕᑯᒡ᙮ 9ᐛᔅ ᒋ ᐃᑕᐤ ᒋᓴᒪᓂᑐᐤ ᐊᑉᕋᐊᒪ ᐅᔭ ᒐᔅᑎᓇᔅ ᒐ ᐃᑐᑎᒧᐛᑦ, “ᐸᐃᒄ ᐱᐳᓇ ᐃᔅᐱᔅ ᐊᑯ ᒥᓐ ᒐ ᐸᒋ ᓂᑐᐛᐱᒥᑕᓐ᙮ ᓴᔅ ᒋᑭ ᐊᔭᐛᐤ ᓴᕋ ᐅᑯᓴ ᒥᓐ ᐸᒋ ᓂᑐᐛᐱᒥᑕᓇ᙮”
10ᑭᔭ ᐎᔾ ᒪᒃ ᕋᐸᑲ ᓂᑲᓐ ᒋ ᐎᑎᒪᑯᐤ ᒋᓴᒪᓂᑐᐛ ᑕᓐ ᒐ ᐃᔅᐱᔨᒡ᙮ ᐊᓂᔭᔪᐛ ᐅᑯᓴ ᑲ ᓂᓯᔨᒋ ᑕᐱᔅᑯᓐ ᐊᓐᑕ ᐊᓂᔭᐧᑲ ᒋᑦ ᐊᓂᔅᒐ ᐛᐧᑯᒪᑭᓄᐛ ᐊᐃᓯᑲ ᐊ ᑕᔨᒋ ᒋ ᐅᒋᐅᒡ᙮ 11ᐊᔅᒄ ᒪᒃ ᐊᑲ ᐅᒋ ᐱᒪᑎᓯᔨᒋ ᐅᔭ ᐅᑯᓴ ᕋᐸᑲ, “ᐊᔅᒄ ᐊᑲ ᐛᐛᒡ ᐅᒋ ᒥᒋᑐᑎᒥᔨᒋ ᑭᔭ ᐊᑎ ᐊᔅᒄ ᐊᑲ ᐅᒋ ᒥᔪᑐᑎᒥᔨᒋ,” ᒋ ᐃᑎᑯᐤ ᒋᓴᒪᓂᑐᐛ, 12ᐊᓐ ᓂᔅᑎᒧᓴᓐ ᒋᑭ ᓂᑲᓂᔅᑲᑯᐤ ᐊᓂᔭᔪᐛ ᐅᓯᒪ᙮ ᒋᓴᒪᓂᑐᐤ ᐅᔭᔪᐤ ᒋ ᐃᑕᐤ ᒐᒋ ᐛᐸᑎᔨᐛᑦ ᐎᔾ ᐊ ᐅᑎᓇᑦ ᑕᓐ ᐊᓂᔭᔪᐛ ᐛ ᐛᔭᐱᒪᑦ ᐊᐛᔪᐛ ᒐ ᐅᑦ ᐃᔨᒥᑦ, ᓇᒪ ᐎ ᐊᓂᔭ ᑕᓐ ᐊ ᐃᑎᔨᒋ ᒪᒃ ᐊᑲ ᐊ ᐃᑎᔨᒋ ᐊᐛᔪᐛ ᐛᒋ ᐛᔭᐱᒪᑦ᙮ 13ᒧᔭᒻ ᐊᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᓂᒋ ᓴᒋᐊᐤ ᒐᑭᑉ ᐊᑯ ᐃᓴᐅ ᑲ ᐛᐧᑲᑎᒃ᙮”
14ᑕᓐ ᒪᒃ ᒐ ᐃᔅᒋᔄᔭᐧᒄ, ᒋᑭ ᒋ ᐃᔅᒋᔄᓇᓄᐤ ᐊ ᐊᑲ ᒪᒧᔭᒻ ᐃᑎᑦ ᒋᓴᒪᓂᑐᐤ᙮ ᓇᒪᐎᔾ ᑭᑈ᙮ 15ᐛᔅ ᐛᔅᑭᒡ ᐊᓐᑕ ᒋᓴᒪᓂᑐᐤ ᒋ ᐃᑕᐤ ᐊᓂᔭ ᒧᓱᓴ,
“ᓂᑭ ᒋᓴᐛᑐᑐᐛᐤ ᐊᓐ ᐊᐛᓐ ᐛ ᒋᓴᐛᑐᑐᐅᒃ ᑭᔭ ᓂᑭ ᒋᔅᑎᒪᒐᔨᒪᐤ ᐊᓐ ᐊᐛᓐ ᐛ ᒋᔅᑎᒪᒐᔨᒥᒃ᙮”
16ᒋᓴᒪᓂᑐᐤ ᒋᔅᑎᒪᒐᔨᒪᐤ ᑕᓐ ᐊᓂᔭᔪᐛ ᐊᐛᔪᐛ ᐛ ᒋᔅᑎᒪᒐᔨᒪᑦ᙮ ᓇᒪᔭᔪᐤ ᐎ ᐊᓂᔭ ᑕᓐ ᐊ ᐃᓯ ᓂᑐᐛᔨᑎᒥᔨᒋ ᐅᔭ ᒪᒃ ᐊ ᐃᓯ ᒥᔪᑐᑎᒥᔨᒋ ᐛᒋ ᒋᔅᑎᒪᒐᔨᒪᑦ᙮ 17ᐛᔅ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐎᑕᑯᓐ ᐸᕈᐤ ᐊᒋ ᐃᑕᑭᓄᐅᑦ, “ᔅᒋ ᐎᑲᐳᐃᑎᓐ ᒐᒋ ᒋᓴᐅᒋᒪᐎᔨᓐ ᒐᒋ ᓄᑯᑐᐅᒂᐤ ᒥᓯᐛ ᐊᐛᓐᒋ ᓂᓱᐧᑲᑎᓯᐅᓂᔪᐤ ᑭᔭ ᒥᓯᐛ ᐊᐛᓐ ᐅᑕ ᐊᔅᒋᒡ ᒐᒋ ᒋᔅᒐᔨᒥᑦ᙮” 18ᐊᑯ ᒪᒃ ᒋᓴᒪᓂᑐᐤ ᒐᔅᑎᒪᒐᔨᒪᑦ ᐊᓂᔭᔪᐛ ᐊᐛᔪᐛ ᐛ ᒋᔅᑎᒪᒐᔨᒪᑦ, ᑭᔭ ᑕᓐ ᐊᓂᔭᔪᐛ ᐛ ᐃᑐᑐᐛᑦ ᒐᒋ ᒥᔅᑯᐅᑕᐊᔨᒋ ᐊᐅᑯᓂ ᐊᓂᔭᔪᐛ ᒪᔅᑯᐅᑕᐊᑦ᙮
ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ ᑭᔭ ᐅᒋᓴᐛᑎᓯᐅᓐ
19ᒂᔄᓐ ᐸᐃᒄ ᐊᐛᓐ ᐊᓐᑕ ᐊ ᑎᓯᔭᒄ ᓂᐸ ᒋ ᐃᑎᒄ, “ᑕᑈ ᐅ ᐊ ᐃᓯᓇᑯᓂᒂ ᑕᓐᑕ ᐃᔭᐱᒡ ᐛᒋ ᐊᑕᒪᔨᒪᑦ ᒋᓴᒪᓂᑐᐤ ᐊᐛᔪᐛ ᒐᒂᔪᐤ᙮ ᑕᐤ ᐊ ᐊᐛᓐ ᒐᒋ ᓂᔅᑯᐅᔅᑎᒧᐛᑦ ᐅᑦ ᐃᑕᔨᑎᒧᐅᓂᔪᐤ ?” 20ᐊᐛᓐ ᒪᒃ ᐊ ᐃᑕᔨᒥᓱᔨᓐ ᒋᔾ ᐅᔭᔪᐤ ᑲ ᐃᓯ ᐎᑎᒪᐅᑦ ᒋᓴᒪᓂᑐᐤ ? ᒋᑭ ᒋ ᐊ ᐃᔅᒋᔄᒥᑭᓐ ᐊᓐ ᐊᓯᔅᒍᐤ ᐳᑎᔾ ᑲ ᐎᔅᒍᒋᓂᑭᓄᐅᒡ, “ᒐᒂᓐ ᐅ ᐛᒋ ᐃᓯᐃᔨᓐ ?” 21ᐊᓐ ᑲ ᐎᔅᒍᑎᓂᒐᑦ ᓇᒪᐎᔾ ᐊ ᒥᒄ ᒐᒂᔪᐤ ᐛ ᐅᓯᑕᑦ ᒋᑭ ᒋ ᐅᓯᑕᐤ ? ᓇᒪᐎᔾ ᐊ ᒋᑭ ᒋ ᐅᓯᑕᐤ ᓂᓱ ᐎᔭᑭᓇ ᐊᓐᑕ ᐅᒋ ᐊᓂᔭ ᐸᐃᒂᐤ ᐊ ᐱᔅᑯᔅᑕᔨᒡ ᐊᓯᔅᒋᔪᐤ ? ᐸᐃᒄ ᐎᔭᑭᓂᔪᐤ ᓇᔅᒡ ᐊ ᒥᔽᓯᔨᒡ ᒐᒋ ᐃᓯᓇᑯᑕᑦ ᒥᒄ ᓇᓂᑯᑎᓂᔾ ᒐᒋ ᐊᐱᑎᓂᔨᒡ ᐊᑯ ᑯᑎᒋᔪᐤ ᒧᔅ ᒐᒋ ᐊᐱᑎᓂᔨᒡ ᒐᒋ ᐃᓯᓇᑯᑕᑦ᙮
22ᐊᐅᑯᓐ ᒪᒃ ᒧᔭᒻ ᐊ ᐃᑎᑦ ᒋᓴᒪᓂᑐᐤ᙮ ᒋ ᐎᔭᔨᑎᒻ ᒐᒋ ᐛᐸᑎᔨᐛᑦ ᐅᑦ ᐊᐧᑯᔪᐛᓱᐅᓐ ᑭᔭ ᒋ ᐎ ᒋᔅᒐᔨᑕᑯᑕᐤ ᐅᓱᒐᔨᑕᑯᓱᐅᓐ᙮ ᐅᑕ ᐅᑕᒡ ᒧᔅ ᒋ ᐸᒋ ᓯᐱᔪᐛᓯᔅᑐᐛᐤ ᐊᓂᔭᔪᐛ ᑲ ᒋᔄᐃᑯᑦ ᐅᑕ ᐅᑕᒡ, ᐊᓂᔭᔪᐛ ᑲ ᐃᑕᔨᑕᑯᓂᔨᒡ ᒐᒋ ᓂᓱᐅᓇᑎᓯᔨᒋ᙮ 23ᐊᐅᒄ ᐅᔭᔪᐤ ᑲ ᐃᓯ ᐎᔭᔨᑕᐧᒃ ᐊᒋ ᐎ ᐛᐸᑎᔨᐛᑦ ᐊ ᐃᔅᐱᔅ ᐛᔪᑎᓂᔨᒡ ᐅᒋᔅᑕᔨᑕᑯᓱᐅᓐ ᑕᓐ ᐊᓂᔭᔪᐛ ᒪᔭᑦ ᐊᓂᔭᔪᐛ ᑲ ᐎᔭᔨᒪᑦ ᒐᒋ ᒋᓴᐛᑐᑐᐛᑦ, ᐊᐅᒄ ᒋᔭᓄᐤ᙮ ᓂᑲᓐ ᔅᒋ ᐎᔭᔨᒥᑯᓄᐤ ᒐᒋ ᒋᔅᒐᔨᑎᒺᐧᒄ ᐅᒋᔅᑕᔨᑕᑯᓱᐅᓐ᙮ 24ᒋᔭᓄᐤ ᔅᒋ ᑕᑈᑎᑯᓄᐤ ᒋᓴᒪᓂᑐᐤ ᒐᒋ ᐅᑦ ᐃᔨᒥᑐᑕᑕᒄ᙮ ᓇᒪ ᒪᒃ ᒥᒄ ᓂᔭᓐ ᒍᐤ ᑲ ᐃᑎᔅᑲᓇᓯᔭᒡ ᓂ ᐅᒋ ᑕᑈᑎᑯᓇᓐ ᑭᔭ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᔅᒋ ᑕᑈᑎᑯᐛᐤ᙮ 25ᐊᐅᒄ ᐅᔭ ᐊᔨᒧᑕᐧᒃ ᒋᓴᒪᓂᑐᐤ ᐊᓐᑕ ᐊᓂᔭᔪᐛ ᐅᓴᔭ ᑲ ᐃᓯᓂᐧᑲᓱᔨᒋ ᐅᑦ ᐃᔨᒧᐅᓂᒡ᙮ ᐃᑎᔅᑕᔪᐤ ᐊᓐᑕ,
ᐊᓐᒡ ᐊᑲ ᑲ ᐅᑦ ᐃᔨᒥᑐᑕᐅᒂᐤ, ᓂᑦ ᐃᔨᒥᒡ ᓂᑭ ᐃᓯᓂᐧᑲᑕᐅᒡ᙮ ᐊᑯ ᐊᓐᒡ ᐊᑲ ᓴᒋᐊᑭᓄᐎᒡ ᓇᔅᒡ ᓂᑭ ᓴᒋᐊᐅᒡ᙮ 26ᐊᓐᑕ ᐊᓂᔭ ᒪᒂᒡ ᑲ ᑕᒡ ᑲ ᐃᑎᑯᒡ ᒋᓴᒪᓂᑐᐛ, ᓇᒪᔭᐤ ᒋᔨᐛᐤ ᓂᑦ ᐃᔨᒥᒡ ᐊᑯᑕ ᐊᓐᑕ ᓇᓂᑎᒻ ᒐ ᐃᓯᓂᐧᑲᑕᑭᓄᐎᒡ ᒋᓴᒪᓂᑐᐤ ᑲ ᐱᒪᑎᓯᑦ ᐅᑯᓯᓴ᙮
27ᐊᑯ ᐊᓂᔭᐧᑲ ᐅᒋᔅᒋᐛᐃᒐᓱᐛ ᐊᐃᓴᔭ ᒋ ᑎᑯᓂᔪᐤ ᑕᓐ ᑲ ᐃᓯ ᐊᔨᒧᒪᑦ ᐃᔅᕋᐃᓪ ᐃᔪᐛ᙮ ᒋ ᐃᔅᒋᔄᑯᐱᓇ,
ᐊᑎ ᐊ ᐃᔅᐱᔅ ᐛᔪᑎᓯᒡ ᐃᔅᕋᐃᓪ ᐃᔪᒡ ᒧᔭᒻ ᐊᔅᐱᔅ ᐛᔪᒡ ᒥᒐᓂᔨᒋ ᐃᔭᑲᐤ ᓯᓱᒡ ᐎᓂᐸᑯᒡ ᐃᔭᐱᒡ ᓇᒪ ᒥᒐᑦ ᒋᑭ ᐅᒋ ᐱᒪᒋᐅᐎᒡ᙮ 28ᐛᔅ ᒋᑭ ᒋᔅᑕᐱᔪᐤ ᐅᑎᐸᔨᒋᒐᐤ ᑎᐸᔅᑯᓇᒐ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᑲ ᑕᔨᒋ ᑭᔭ ᒐᔅᑎᓇᔅ ᐊᐅᑯᓐ ᒐ ᐃᓯᓇᑯᓂᔨᒡ ᐊᓂᔭ ᑕᓐ ᑲ ᐃᔅᒋᔄᑦ ᒐ ᐃᓯ ᑎᐸᔅᑯᓂᒐᑦ᙮
29ᒋ ᓂᑲᓐ ᐎᑎᒻ ᑭᔭ ᐊᓂᔭᐧᑲ ᐅᒋᔅᒋᐛᐃᒐᓱᐤ ᐊᐃᓴᔭ ᑲ ᐃᔅᒋᔄᑦ,
ᒧᔭᒻ ᐅᑎᐸᔨᒋᒐᐤ ᓇᔅᒡ ᑲ ᓱᐧᑲᑎᓯᑦ ᐊᑲ ᐅᒋ ᐎᔭᔨᑎᒥᑯᐱᓇ ᐱᔅᒐ ᐊᓂᔭᔪᐛ ᐊᓂᔅᒐ ᒋᑦ ᐊᐛᓯᒥᓄᐛ ᒐᒋ ᐱᒪᒋᐊᑦ ᒥᓯᐛ ᒋᐸ ᓂᓱᐅᓇᑎᓯᓇᓄᐤ ᒧᔭᒻ ᑲ ᐃᓯ ᓂᓱᐅᓇᒋᐊᑭᓄᐎᒡ ᐊᓂᔭᐧᑲ ᐃᔪᒡ ᓱᑕᒻ ᑭᔭ ᑯᒧᕋ ᑲ ᑕᒡ᙮
ᐃᔅᕋᐃᓪ ᐅᑦ ᐊᓏᔨᑎᒧᐅᓄᐛᐤ
30ᒪᐅ ᐊ ᐃᓯ ᐎᑎᒪᒐᒥᑲᒡ ᒥᓯᐛ ᐅ ᑲ ᐃᓯ ᐊᔨᒧᑕᒡ, ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᓇᒪ ᐛᐛᒡ ᐅᒋ ᑯᒋᑕᐅᒡ ᒐᒋ ᑯᐃᔅᑯᓇᑯᐃᓱᒡ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᐊᐅᑯᓂ ᒪᒃ ᐅᔭ ᒋᓴᒪᓂᑐᐤ ᑲ ᑯᐃᔅᑯᓇᑯᐊᑦ ᐃᔅᐱ ᑲ ᑕᑈᑎᒥᔨᒋ᙮ 31ᐊᑯ ᐊᓐᒡ ᒍᐤ ᐃᔪᒡ ᒋᓴᒪᓂᑐᐛ ᑲ ᐅᑦ ᐃᔨᒥᑐᑕᑯᒡ, ᐊ ᓂᓇᐃᑕᒡ ᐎᓱᐛᐅᓇ ᒋ ᐎ ᐅᒋ ᐎ ᑯᐃᔅᑯᓇᑯᐃᓱᐅᒡ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᓇᒪ ᒪᒃ ᐅᑯᐃᔅᑯᑕᑎᓯᐅᒡ ᐅᒡ ᐃᓯ ᑭᓄᐛᐱᒥᑯᐅᒡ ᒋᓴᒪᓂᑐᐛ ᐅᔭ ᐊᒋ ᐃᑎᒡ᙮ 32ᒐᒂᔪᐤ ᒪᒃ ᐛᒋ ᐊᑲ ᐅᑯᐃᔅᑯᑕᑎᓯᐅᒡ ᐅᒋ ᐃᓯ ᑭᓄᐛᐱᒧᑯᒡ ᒋᓴᒪᓂᑐᐛ᙮ ᓇᒪ ᐅᒋ ᑕᑈᔭᔨᒪᐅᒡ ᒋᓴᒪᓂᑐᐛ ᒐᒋ ᑯᐃᔅᑯᓇᑯᐃᑯᒡ᙮ ᐊᐅᒄ ᒪᒃ ᐅᔭ ᐛᒋ ᐊᑲ ᐅᑯᐃᔅᑯᑕᑎᓯᐅᒡ ᐅᒋ ᐃᓯ ᑭᓄᐛᐱᒥᑯᐅᒡ ᒋᓴᒪᓂᑐᐛ᙮ ᒋ ᐃᑕᔨᑎᒧᒡ ᐊ ᒥᔪᑐᑎᒪᒡ ᒋᑭ ᐅᒋᐱᔪᐤ ᐅᑯᐃᔅᑯᑕᑎᓯᐅᒡ ᒐᒋ ᐃᓯ ᑭᓄᐛᐱᒥᔨᒥᑦ ᒋᓴᒪᓂᑐᐤ᙮ ᐊᑯ ᒪᒃ ᑲ ᐱᓱᔅᑯᐛᒡ ᐊᓂᔭᔪᐛ ᐊᓯᓂᔭ ᑲ ᐱᔅᑎᓇᑭᓄᔨᒋ ᒐ ᐱᓱᓯᒧᐛᔨᒋ᙮ 33ᐊᐅᒄ ᐊ ᐊᔨᒧᑕᒡ ᒋᓴᒪᓂᑐᐤ ᐅᒥᓯᓂᐃᑭᓂᒡ ᐊᓐᑕ ᑲ ᐃᑎᔅᑕᒡ,
ᐃᑕᐱᒄ ᒪ, ᓂ ᐱᔅᑎᓇᐤ ᓴᐃᔭᓂᒡ ᐊᓯᓂᔾ ᒐ ᐱᓱᓯᒧᐛᑦ᙮ ᒥᒐᐱᔅᒋᓱᐤ ᐅ ᐊᓯᓂᔾ, ᒋᑭ ᐸᒋᓯᓂᔪᐛ ᒪᒃ ᐊᓂᔭᔪᐛ ᐊᐛᔪᐛ ᒐ ᐱᓱᔅᑲᑯᑦ᙮
ᐊᓐ ᒪᒃ ᐊᐛᓐ ᒐ ᑕᑈᔭᔨᒪᒂ ᓇᒪ ᓂᑕ ᒋᑭ ᐅᒋ ᐃᑕᔨᑎᒻ ᓴᒐᔾ ᐊ ᑕᑈᔭᔨᒪᑦ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada