ᕈᒪᓇ 8
8
ᐊᓂᔭ ᐱᒪᑎᓯᐅᓂᔪᐤ ᑲ ᐸᔭᒋᓯᑦ ᐊᒐᐧᒄ ᒪᔭᑦ ᐊᐛᔪᐛ
Romans 8.1-11 (Proper-10 Year A)
1ᓇᒪ ᐊᑯ ᓂᓱᐅᓇᒋᒥᑯᐅᒡ ᒋᓴᒪᓂᑐᐛ ᐊᓐᒡ ᐊᐛᓐᒋ ᒋᓴᔅ ᙭ᑕ ᑲ ᐎᒐᐛᒡ᙮ 2ᐛᔅ ᒋᓴᒪᓂᑐᐤ ᐅᑦ ᐊᒐᒂ ᒋᑦ ᐃᑐᑕᑭᓄᐤ ᒐᒋ ᐱᒪᑎᓯᔭᐧᒄ ᙭ ᒋᓴᓴ ᐅᒡ᙮ ᐊᐅᒄ ᑲ ᐊᐱᐧᑯᓂᑦ ᑕᓐ ᑲ ᐃᓯ ᑎᐸᔨᒥᑯᐅᒡ ᒥᒐᑎᓯᐅᓂᔪᐤ ᑭᔭ ᓂᐳᐅᓂᔪᐤ᙮ 3ᒥᓯᐛ ᐊᐛᓐ ᓇᒪ ᐅᒋ ᐃᑐᐤ ᓇᔅᒡ ᒐᒋ ᓂᓇᐃᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ ᒐᒋ ᐅᒋ ᐱᒪᒋᐅᑦ᙮ ᐊᑯ ᒪᒃ ᒋᓴᒪᓂᑐᐤ ᒂ ᐸᒋ ᐃᑎᓴᐛᑦ ᐅᑯᓴ ᒧᔭᒻ ᒋᔭᓄᐤ ᐊ ᐃᓯᓇᑯᓱᐛᐧᒄ ᒐᒋ ᐃᓯᓇᑯᓯᔨᒋ᙮ ᒋ ᐸᒋ ᐃᑎᓴᐛᐤ ᒐᒋ ᓂᐱᔅᑎᒪᑎᑕᐧᑯ᙮ ᐊᑯᑕ ᐅ ᑲ ᐅᒋ ᓂᓱᐅᓇᒋᑕᑦ ᑕᓐ ᑲ ᐃᓯ ᑎᐸᔨᒥᑯᐛᐧᒄ ᒥᒐᑎᓯᐅᓂᔪᐤ᙮ 4ᒋ ᐃᑐᑎᒻ ᐅᔭ ᒐᒋ ᐅᒋ ᓇᔅᒡ ᑎᐸᑐᑎᒪᐧᒄ ᑕᓐ ᐊ ᐃᓯ ᑯᐃᔅᒄ ᐃᑕᔨᑕᑯᓂᔨᒡ ᐊ ᐃᑎᓱᐛᒥᑭᓂᔨᒡ ᐅᐎᓱᐛᐅᓐ᙮ ᑲ ᐸᔭᒋᓯᑦ ᐊᒐᐧᒄ ᐊ ᑎᐸᔨᒥᑕᐧᒄ ᐊᑯ ᐃᔭᒄ ᒐᒋ ᐃᑐᑎᒪᐧᒄ ᐅ ᓇᒪ ᐎ ᒋᒥᒐᑎᓯᐅᓄᐛ ᐊ ᑎᐸᔨᒥᑯᔭᐧᒄ᙮
5ᐊᓐᒡ ᒥᒄ ᐊ ᐃᓯ ᐛᐸᒥᐱᔨᒡ ᒐᒋ ᒥᒐᑎᓯᒡ ᑲ ᐃᓯ ᐱᒪᑎᓯᒡ, ᒥᒄ ᐎᔨᐛᐤ ᓂᑎᒥᒄ ᒐᒋ ᐃᓯ ᓂᓇᐊᔨᑎᒥᐃᓱᒡ ᐃᓯ ᒪᒥᑐᓇᔨᑎᒧᒡ᙮ ᐊᑯ ᐊᓐᒡ ᑲ ᐸᔭᒋᓯᔨᒋ ᐊᒐᒂ ᑲ ᐱᔅᑎᓇᒡ ᒐᒋ ᑎᐸᔨᒥᑯᒡ ᑕᓐ ᒐ ᐃᓯ ᐱᒪᑎᓯᒡ, ᐱᓯᒄ ᒐᒋ ᓂᓇᐊᔨᑎᒥᐊᒡ ᑲ ᐸᔭᒋᓯᔨᒋ ᐊᒐᒂ ᐃᓯ ᒪᒥᑐᓇᔨᑎᒧᒡ᙮
Romans 8.6-11 (Lent-5 Year A)
6ᒥᒄ ᓂᑎᒥᒄ ᐎᓯ ᓂᓇᐊᔨᑎᒥᐃᓱᒐ ᐊᐛᓐ, ᒋᑭ ᓂᐸᐃᑯᐤ ᐅᔭ ᐊ ᐃᑎᑦ᙮ ᐱᓯᒄ ᑲ ᐸᔭᒋᓯᔨᒋ ᐊᒐᒂ ᒐᒋ ᓂᓇᐊᔨᑎᒥᐊᑦ ᐊ ᐃᓯ ᒪᒥᑐᓇᔨᑕᐧᒃ ᐊᐛᓐ ᐱᒪᑎᓯᐅᓂᔪᐤ ᑭᔭ ᒋᔭᒪᔨᑎᒧᐅᓂᔪᐤ ᐊᔭᐤ᙮ 7ᐛᔅ ᐊᓐᒡ ᓂᑎᒥᒄ ᒐᒋ ᐃᓯ ᓂᓇᐊᔨᑎᒥᐃᓱᒡ ᑲ ᐃᓯ ᒪᒥᑐᓇᔨᑕᒡ ᓂᔅᑯᔅᑐᐛᐅᒡ ᒋᓴᒪᓂᑐᐛ᙮ ᓇᒪ ᐃᑐᑎᒺᐅᒡ ᑕᓐ ᐊ ᐃᑎᓱᐛᔨᒋ᙮ ᓇᒪ ᐛᐛᒡ ᒋ ᐃᑐᑎᒺᐅᒡ᙮ 8ᐊᓐᒡ ᓂᑎᒥᒄ ᑲ ᐃᓯ ᐱᒪᑎᓯᒡ ᓇᒪ ᒋᑭ ᒋ ᓇᐊᔨᑎᒪᐊᐅᒡ ᒋᓴᒪᓂᑐᐛ᙮
9ᒋᔨᐛᐤ ᒪᒃ ᐎ, ᓇᒪ ᒋ ᑎᐸᔨᒥᑯᓇᐛᐤ ᓂᑎᒥᒄ ᐊ ᐎ ᐃᓯ ᓇᐊᔨᑎᒥᐃᓱᔭᒄ᙮ ᑲ ᐸᔭᒋᓯᑦ ᐊᒐᐧᒄ ᐊᐅᒄ ᑕᐸᔨᒥᑕᒄ ᒧᔭᒻ ᑕᑈ ᐸᒋᔅᑲᑕᒂ᙮ ᐊᐛᓐ ᒪᒃ ᐊᑲ ᐸᒋᔅᑲᑯᒂ ᑲ ᐸᔭᒋᓯᔨᒋ ᐊᒐᒂ ᓇᒪ ᑎᐱᔨᐛᐅᓯᑐᑕᑯᐤ ᒋᓴᓴ᙮ 10᙭ ᒪᒃ ᐊ ᐱᒋᔅᑲᑕᒄ ᐊᑯᑕ ᐛᒋ ᐃᔅᐱᔨᒡ ᑕᑈ ᒐᒋ ᐱᒪᑎᓯᒡ ᒋᑦ ᐊᒐᐧᑯᐛᐅᒡ ᐛᔅ ᐊ ᑯᐃᔅᑯᑕᑎᓯᐛᒄ ᒋ ᐊᑎ ᐃᓯ ᑭᓄᐛᐱᒥᑯᐛᐤ ᒋᓴᒪᓂᑐᐤ, ᐊᑎ ᐊᓄᒡ ᐊ ᐊᑎ ᓂᐱᒥᑲᒋ ᒋᔪᐛᐛ ᐊᓐ ᐅᒋ ᐊ ᒥᒐᑎᓯᔭᒄ᙮ 11ᒧᔭᒻ ᐸᒋᔅᑲᑎᔨᑕᑯ ᐅ ᐸᔭᒋᓯᔪᐤ ᐊᒐᒂ ᐊᓐ ᑲ ᐅᓂᔅᑲᓇᑦ ᒋᓴᓴ ᓂᐳᐅᓂᒡ ᐅᒋ, ᒐᔅᑎᓇᔅ ᒋᑭ ᐅᓂᔅᑲᓂᑯᐛᐤ ᑭᔭ ᒋᔨᐛᐤ ᓂᐳᐅᓂᒡ ᐅᒡ ᐊᓂᔭᔪᐛ ᐅ ᑲ ᐸᔭᒋᓯᔪᐤ ᐊᒐᒂ ᐅᒋ᙮ ᐊᑯᑕ ᒪᒃ ᒐᒋ ᐅᒋ ᐱᒪᒋᑕᑭᓄᐅᒋ ᐊᓂᔭᔪᐛ ᒋᔪᐛᐛ ᑲ ᐃᓯᓇᒂᒋ ᒐ ᓂᐱᒥᑲᒋ᙮
Romans 8.12-17 (Trinity Year B; Proper-11 Year A)
12ᓂᐧᑲᓂᓯᑐᒄ, ᒋ ᓂᑐᐛᔨᑕᑯᓯᓇᓄᐤ ᐊᑲ ᐎᔭᓱᐅᓂᒡ ᒐᒋ ᐃᓯ ᐱᒪᑎᓯᔭᐧᒄ, ᓇᒪ ᒋᐸ ᐅᒋ ᐃᓯ ᐱᒪᑎᓯᓇᓄᐤ ᑕᓐ ᐊ ᐃᓯ ᓂᑐᐛᔨᑎᒧᒥᑲᒋ ᒋᔭᓯᓄᐛ᙮ 13ᐛᔅ ᐊᓐ ᐃᓯ ᐱᒪᑎᓯᔨᓇ ᑕᓐ ᐊ ᐃᓯ ᓂᑐᐛᔨᑎᒧᒥᑲᒡ ᒋᐎᔭᔅ, ᒋᑭ ᓂᐱᓐ᙮ ᐱᔅᑎᓂᑕ ᒪᒃ ᑲ ᐸᔭᒋᓯᑦ ᐊᒐᐧᒄ ᒐᒋ ᐎᒋᐃᔅᒃ ᒐᒋ ᐳᓂᑕᐅᑦ ᑕᓐ ᐛ ᐃᓯ ᐛᒋᐱᔨᒡ ᒐᒋ ᒥᒋᑐᑎᒧᑦ ᐊᑯ ᑭᑈ ᑕᑈ ᒐ ᐱᒪᑎᓯᔨᓐ᙮
14ᒥᓯᐛ ᐊᓐᒡ ᑲ ᐸᔭᒋᓯᔨᒋ ᐊᒐᒂ ᑲ ᒋᔅᒋᓄᑕᐃᑯᒡ ᒋᓴᒪᓂᑐᐛ ᐅᑦ ᐊᐛᓯᒥᑕᑯᐅᒡ᙮ 15ᐛᔅ ᑕᐸ ᒋᑦ ᐃᑐᑕᑯᐛᐤ ᐊᓐ ᐊᒐᐧᒄ ᒋᓴᒪᓂᑐᐤ ᑲ ᒥᔨᑕᒄ ᑲᐤ ᒐᒋ ᑎᐸᔨᒥᑯᐛᒄ ᓴᒋᓱᐅᓂᔪᐤ᙮ ᐅ ᐊᒐᐧᒄ ᐅᒋ ᐊᑯᑕ ᐛᒋ ᐃᓯᐃᑕᒄ ᒋᓴᒪᓂᑐᐤ ᒐᒋ ᐅᑦ ᐊᐛᓯᒥᑕᑕᒄ ᑭᔭ ᒐᒋ ᐃᑕᐧᒄ, “ᓄᑕ, ᓄᑕᐎᔾ᙮” 16ᑲ ᐸᔭᒋᓯᑦ ᐊᒐᐧᒄ ᒋ ᒋᔅᒐᔨᑎᒥᐃᑯᓄᐤ ᒋᑕᐃᓇᒡ ᑕᑈ ᒋᓴᒪᓂᑐᐤ ᐊ ᐅᑦ ᐊᐛᓯᒥᑕᑕᐧᒄ᙮ 17ᐊᑯ ᒪᒃ ᐊ ᐅᑦ ᐊᐛᓯᒥᑕᑕᐧᒄ ᒋᓴᒪᓂᑐᐤ ᒐᔅᑎᓇᔅ ᒋᑭ ᒥᔨᑯᓄᐤ ᐊᓂᔭᔪᐛ ᑲ ᐃᓯ ᒥᔽᓯᔨᒋ ᓱᐛᔨᒋᒐᐅᓇ ᑲ ᐊᔭᔅᑯᔅᑎᒧᐛᑦ ᐅᑦ ᐊᐛᓯᒪ᙮ ᑭᔭ ᑕᐱᔅᑯᓐ ᒋᓴᔅ ᑭᔭ ᒋᔭᓄᐤ ᒋᑭ ᐊᔭᓇᓄᐤ ᑕᓐ ᑲ ᐃᓯ ᐊᔭᔅᑯᔅᑎᒧᐛᑭᓄᐅᑦ ᒋᓴᔅ᙮ ᐛᔅ ᒧᔭᒻ ᐎᒋ ᓂᓇᐧᑲᑕᔨᒧᒪᒂ ᒋᓴᔅ ᐊᓂᔭ ᐊ ᑕᑈᔭᔨᒪᐧᒄ ᑭᔭ ᒋᔭᓄᐤ ᒋᑭ ᒋᔅᑕᔨᑕᑯᐃᑯᓇᓄᐤ ᒋᔅᑕᔨᑕᑯᐊᑭᓄᐅᒐ᙮
ᐊᔅᒄ ᒋᑭ ᒋᔅᑕᔨᑕᑯᐃᑯᓇᓄᐤ
18ᓂᔾ ᐊ ᐃᑕᔨᑎᒪᓐ ᑕᓐ ᐊ ᐃᓯ ᓂᓇᐧᑲᑕᔨᒧᔭᐧᒄ ᐊᓄᒡ ᓇᒪ ᓇᔅᒡ ᒐᒂᓐ ᒋᑭ ᐅᒋ ᐃᑕᔨᑕᑯᓐ ᒐ ᐃᑕᔨᑕᒂᒡ ᐃᔅᐱ ᐅᑎᒋᐱᔨᒐ ᐊᓐᑕ ᒐ ᒋᔅᑕᔨᑕᑯᐃᑕᐧᒄ ᒋᓴᒪᓂᑐᐤ᙮ 19ᒥᓯᐛ ᒐᒂᔪᐤ ᑕᓐ ᑲ ᐃᓯ ᐅᓯᑕᑦ ᒋᓴᒪᓂᑐᐤ ᓇᔅᒡ ᐱᒂᔨᑎᒧᒥᑭᓂᔪᐤ ᐊ ᐊᓱᐛᐸᑎᒧᒥᑭᓂᔨᒡ ᒐ ᐃᔅᐱᔅ ᒧᓴ ᓄᑯᐊᑦ ᐅᑦ ᐊᐛᓯᒪ᙮ 20ᐛᔅ ᒥᓯᐛ ᒐᒂᔪᐤ ᑲ ᐃᓯ ᐅᓯᑕᑦ ᒋᓴᒪᓂᑐᐤ ᒋ ᐅᓯᑕᐤ ᒐᒃ ᒐᒋ ᐊᑎ ᐅᓂᑎᓂᔨᒡ᙮ ᓇᒪᔭᐤ ᒪᒃ ᐅ ᑲ ᐃᓯ ᓂᑐᐛᔨᑎᒧᒥᑲᒡ ᒥᓯᐛ ᐊᓐ ᑲ ᐃᓯ ᐅᓯᑕᑭᓄᐅᒡ ᒐᒋ ᐃᓯᓇᒂᒡ᙮ ᐎᔾ ᒋᓴᒪᓂᑐᐤ ᑲ ᐃᑕᔨᑕᐧᒃ ᐅᔭ ᒐᒋ ᐃᓯᓇᑯᓂᔨᒡ᙮ 21ᐃᔭᐱᒡ ᒪᒃ ᒋ ᐃᑕᔨᑎᒻ ᐊᔅᒄ ᐸᐃᒂᐤ ᐊ ᒋᓯᑲᔨᒡ ᑲᐤ ᒐ ᐃᓯᑕᑦ ᒥᓯᐛ ᑕᓐ ᑲ ᐃᓯ ᐅᓯᑕᑦ ᐊᑲ ᓂᑕ ᒐᒋ ᐅᓂᑎᓂᔨᒡ ᑭᔭ ᐊᑲ ᐊᑯ ᓂᓱᐅᓇᑎᓯᐅᓂᒡ ᒐᒋ ᐃᓯ ᑎᐸᔨᑕᑯᓂᔨᒡ᙮ ᒋ ᐃᑕᔨᑎᒻ ᒐᒋ ᐊᓯᒡ ᒋᔅᑕᔨᑕᑯᑕᑭᓄᔨᒋ ᐅᔭ ᒋᔅᑕᔨᑕᑯᐊᑭᓄᔨᒐᓂ ᐅᑦ ᐊᐛᓯᒪ᙮
22ᒋ ᒋᔅᒐᔨᑕᓇᓄᐤ ᐊᓐᑕ ᒥᓯᐛ ᑕᓐ ᑲ ᐃᓯ ᐅᓯᑕᑦ ᒋᓴᒪᓂᑐᐤ ᐊ ᑎᑯᓂᔨᒡ ᑕᓐ ᐊ ᐃᓯ ᓂᓇᐧᑲᑕᔨᒧᒥᑭᓂᔨᒡ, ᒧᔭᒻ ᐊ ᐃᓯᓇᑯᓯᑦ ᐃᔎᐤ ᐃᔅᐱ ᐊ ᐊᑎ ᒋᒋᐱᔨᒡ ᒐ ᐛᐱᒪᐅᓱᑦ᙮ 23ᓇᒪ ᒪᒃ ᒥᒄ ᐅᔭ ᒐᒂᔪᐛ ᓂᓇᐧᑲᑕᔨᒧᒥᑭᓇ᙮ ᒋᔭᓄᐤ ᑭᔭ ᒋᓴᒪᓂᑐᐤ ᑲ ᐅᑦ ᐊᐛᓯᒥᑐᑕᑕᐧᒄ ᒋ ᓂᓇᐧᑲᑕᔨᒧᓇᓄᐤ ᒋᑕᐃᓇᒡ ᒪᒂᒡ ᐊ ᐊᓱᐛᐸᑎᒪᐧᒄ ᒋᓴᒪᓂᑐᐤ ᐅᑦ ᐊᐛᓯᒪ ᒐᒋ ᐃᓯ ᓄᑯᐃᑯᐅᔭᐧᒄ ᑭᔭ ᒐᒋ ᐃᓯᐃᑯᐅᔭᐧᒄ ᐊᑲ ᓂᑕ ᒥᓐ ᒐᒋ ᓂᓇᐧᑲᑕᔨᒧᔭᐧᒄ, ᑲᒋᒡ ᒐᒋ ᐱᒪᑎᓯᔭᐧᒄ᙮ ᓴᔅ ᒪᒃ ᔅᒋ ᒥᔨᑯᓄᐤ ᒋᓴᒪᓂᑐᐤ ᐅᑦ ᐊᒐᒂ ᒐᒋ ᐅᒋ ᒋᔅᒐᔨᑎᒪᐧᒄ ᒥᓯᐛ ᑕᑈ ᒐ ᐃᔅᐱᔨᒡ ᐅᔭ᙮ 24ᐊᑯ ᒪᒃ ᐊ ᐃᓯᓇᑯᓯᔭᐧᒄ ᑲ ᐃᔅᐱᔅ ᐱᒪᒋᐃᑕᐧᒄ ᒋᓴᒪᓂᑐᐤ ᐊ ᐊᔅᐸᔨᒧᔭᐧᒄ ᒐ ᐅᑎᒋᐱᔨᒡ ᐅ᙮ ᐃᔅᐱ ᒪᒃ ᒋ ᐅᑎᒋᐱᔨᒐ ᑭᑈ ᓇᒪ ᐊᑯ ᒋᑭ ᐅᒋ ᐊᓱᐛᐸᑕᓇᓄᐤ᙮ ᐛᔅ ᑕᐸ ᐊᓱᐛᐸᑎᒻ ᐊᐛᓐ ᒐᒂᔪᐤ ᒐᒋ ᐃᔅᐱᔨᒡ ᓴᔅ ᐊᒋ ᐃᔅᐱᔨᒡ᙮ 25ᒋᑦ ᐊᓱᐛᐸᑕᓇᓄᐤ ᒪᒃ ᒐᒂᓐ ᐊᑲ ᓂᑕ ᐅᒋ ᐛᐸᑎᒪᐧᒄ᙮ ᒋ ᓯᐱᔪᐛᓯᓇᓄᐤ ᒪᒃ ᐊ ᐊᓱᐛᐸᑎᒪᐧᒄ᙮
Romans 8.26-39 (Proper-12 Year A)
26ᑎᑯᓐ ᑕᓐ ᐊᔅᐱᔅ ᐊᑲ ᓴᐸᔨᑎᒪᐧᒄ ᒥᒄ ᒪᒃ ᑕᐤ ᑲ ᐸᔭᒋᓯᑦ ᐊᒐᐧᒄ ᒐᒋ ᐎᒋᐃᑕᐧᒄ᙮ ᒧᔭᒻ ᐊ ᐃᓯᓇᑯᓯᔭᐧᒄ ᓇᓂᑯᑎᓂᔾ ᐊᑲ ᒋᔅᒐᔨᑎᒪᐧᒄ ᑕᓐ ᐊᓐ ᒋᐸ ᐃᓯ ᐊᔭᒥᐊᓇᓄᐤ᙮ ᐊᑯᑕ ᒪᒃ ᓇᑐᑎᒪᔅᑎᒪᑕᒄ ᑲ ᐸᔭᒋᓯᑦ ᐊᒐᐧᒄ ᐅᑎᔅᑯᐤ ᒋᓴᒪᓂᑐᐛ ᐊ ᑕᔨᒋ ᐊ ᒪᒪᑥᔭᐧᒄ ᐊᑲ ᒋ ᐎᑎᒧᐛᐧᒄ ᑕᓐ ᐊᓐ ᐊ ᐃᑎᒪᒋᐅᔭᐧᒄ᙮ 27ᒋᓴᒪᓂᑐᐤ ᒪᒃ ᑲ ᒋᔅᒐᔨᑕᐧᒃ ᒥᓯᐛ ᒋᑕᐃᓄᐛ ᒋᔅᒐᔨᑎᒻ ᑕᓐ ᐊᓐ ᐊ ᐃᓯ ᓂᑐᑎᒪᔅᑎᒪᒐᔨᒋ ᐊᒐᒂ ᐛᔅ ᓂᑐᑎᒪᔅᑎᒧᐛᔪᐛ ᐊᓂᔭᔪᐛ ᑲ ᑕᑈᑎᒥᔨᒋ ᒐᒋ ᐃᑐᑕᑭᓄᐎᒡ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ᙮
28ᒋ ᒋᔅᒐᔨᑕᓇᓄᐤ ᒪᒃ ᒥᓯᐛ ᒐᒂᔪᐛ ᐊ ᐃᔅᐱᔨᒋ ᐅᐱᒪᑎᓯᐅᓂᔨᒡ ᐊᓂᔭᔪᐛ ᑲ ᓴᒋᐃᑯᑦ ᒋᓴᒪᓂᑐᐤ, ᐃᑐᑎᒧᐛᐤ ᒥᓯᐛ ᒐᒋ ᒥᔪᑐᑕᑯᔨᒋ᙮ ᐊᐅᑯᓐ ᐊ ᐃᑐᑎᒧᐛᑦ ᐊᓂᔭᔪᐛ ᐎᔾ ᑲ ᐃᑕᔨᑕᐧᒃ ᒐᒋ ᐅᑎᓇᑦ ᒐᒋ ᐅᑦ ᐃᔨᒥᑦ᙮ 29ᐛᔅ ᓂᑲᓐ ᒋ ᒋᔅᒐᔨᒪᐤ ᒋᓴᒪᓂᑐᐤ ᐊᐛᔪᐛ ᒐ ᐅᑦ ᐃᔨᒥᑦ, ᐊᐅᑯᓐ ᒪᒃ ᐅᔭ ᑲ ᐅᑎᓇᑦ ᒐ ᓂᔅᐱᑐᐛᔨᒋ ᐅᑯᓴ᙮ ᐊᐅᒄ ᐅᔭ ᑲ ᐃᑎᑦ ᒋᓴᒪᓂᑐᐤ ᓂᔅᑎᒧᓴᓐ ᒐᒋ ᑕᔨᒋ ᐅᑯᓴ ᐊᓐᑕ ᒪᒂᒡ ᐊ ᒥᒐᑎᔨᒋ ᐎᐧᑲᓂᓯᒪᐛ᙮ 30ᐊᓂᔭᔪᐛ ᒪᒃ ᓂᑲᓐ ᑲ ᐎᔭᔨᒪᑦ ᐊᐛᔪᐛ ᒋ ᑕᑈᑕᐤ᙮ ᐅᔭ ᒪᒃ ᑲ ᑕᑈᑕᑦ ᒋ ᑯᐃᔅᑯᓇᑯᐊᐤ ᐎᔾ ᐃᔅ ᐊ ᑕᑦ᙮ ᐅᔭ ᒪ ᑲ ᑯᐃᔅᑯᓇᑯᐊᑦ ᒋ ᒋᔅᑕᔨᑕᑯᐊᐤ᙮
ᐊᔅᐱᔅ ᓴᒋᐃᑕᒄ ᒋᓴᒪᓂᑐᐤ
31ᒥᓯᐛ ᒪᒃ ᐅ ᐊ ᒋᔅᒐᔨᑎᒪᒄ ᒪᐅ ᒐᒋ ᐃᔅᒋᔄᔭᐧᒄ, ᑕᑈ ᒋᓴᒪᓂᑐᐤ ᐛᒋᐃᑯᐛᐅᒂ ᓇᒪ ᐊᐛᓐ ᒋᑭ ᒋ ᓴᐧᑯᒋᐃᑯᓄᐤ᙮ 32ᓇᒪ ᐛᐛᒡ ᐅᑯᓴ ᒋ ᐅᒋ ᒥᓇᑎᓂᒪᑭᓄᐤ᙮ ᒋ ᐱᔅᑎᓇᐤ ᒐᒋ ᓂᐱᔅᑎᒪᑎᑕᐧᑯᐤ᙮ ᐊᓂᔭ ᒪᒃ ᐛᐛᒡ ᑎᐱᔨᐛ ᐅᑯᓴ ᐊᒋ ᐱᔅᑎᓇᑦ ᒐᒋ ᓂᐸᐊᑭᓄᔨᒋ ᒋᔭᓄᐤ ᐅᒋ ᐊᑯᑕ ᒐ ᐅᒋ ᒐᔅᑎᓇᐅᔭᐧᒄ ᒥᒄ ᒐ ᐃᓯ ᒥᔨᑯᐅᔭᐧᒄ ᑯᑎᑲ ᒐᒂᔪᐛ᙮ 33ᐊᐛᓐ ᒐᒋ ᒪᒥᓯᒪᑦ ᒋᓴᒪᓂᑐᐛ ᐅᐅᑎᓇᑭᓂᔪᐛ᙮ ᐎᔾ ᒋᓴᒪᓂᑐᐤ ᐅᑯᐃᔅᑯᑕᑎᓯᐅᒡ ᐃᓯ ᑭᓄᐛᐱᒪᐤ ᐊᓂᔭ ᑲ ᐅᑎᓇᑦ᙮ 34ᓇᒪ ᒪᒃ ᐊᐛᓐ ᒋᑭ ᒋ ᓂᓱᐅᓇᒋᒪᐤ ᒋᓴᒪᓂᑐᐛ ᐅᐅᑎᓇᑭᓂᔪᐛ ᒐᒋ ᐃᔅᒋᔄᑦ ᐊ ᐃᑕᔨᑕᑯᓂᔨᒡ ᒐᒋ ᐛᐛᓯᐊᑭᓄᔨᒋ ᐅᒥᒋᑥᐅᓂᔪᐤ ᐅᒡ᙮ ᐛᔅ ᓇᒪ ᒥᒄ ᒋ ᐅᒋ ᓂᐱᔅᑎᒪᑭᓄᐤ ᙭ ᐊᔪᐤ ᒋ ᐅᓂᔅᑲᓇᑭᓄᐤ ᓂᐳᐅᓂᒡ ᐅᒡ᙮ ᒪᒂᒡ ᒪᒃ ᒋᓴᒪᓂᑐᐛ ᐅᒥᔪᐅᓂᒡ ᐊᐳᐤ ᐊ ᐊᔭᒥᐊᔅᑎᒪᑕᐧᒄ᙮ 35ᐊᐛᓐ ᒪᒃ ᒐᒋ ᐃᒐᓂᑕᐧᒄ ᙭ᑕ ᐅᓴᒋᐃᐛᐅᓂᔨᒡ ᐅᒋ᙮ ᐊᑎ ᓇᔅᒡ ᓂᓇᐧᑲᑕᔨᒧᔭᒂ ᒪᒃ ᓇᔅᒡ ᐊᔨᒥᐅᔭᒂ, ᑭᔭ ᐊᑎ ᐛᐎᓯᒐᔨᑎᒥᐃᑯᐅᔭᒂ, ᐊᑎ ᐃᓯᓇᒂᒐ ᒐᒋ ᑯᐅᐧᑭᑕᔭᐧᒄ, ᑭᔭ ᐊᑎ ᓇᔅᒡ ᒋᔅᑎᒪᑎᓯᔭᒂ, ᐊᑎ ᓇᔅᒡ ᑯᔅᑕᑎᒂᒐ ᑕᓐᑕ ᐊ ᑕᐛᐧᒄ ᑭᔭ ᒪᒃ ᐊᑎ ᓂᐸᐃᑯᐅᔭᒂ ᓇᒪ ᐃᔭᐱᒡ ᒋᑭ ᒋ ᐃᒐᑕᐃᑯᓇᓄᐤ ᒋᓴᔅ ᐅᓴᒋᐃᐛᐅᓂᒡ ᐅᒋ᙮ 36ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
ᐊᓯᑯᒻ ᒋᓯᑲᐛ ᑯᔅᐱᓇᔨᑕᑯᓐ ᒐᒋ ᓂᐸᐃᑯᐅᔭᒡ ᐊ ᓇᓴᐅᑕᒡ᙮
ᒧᔭᒻ ᒪᔭᑕᓂᓯᒡ ᑲ ᐸᓱᐛᑭᓄᐎᒡ ᒐᒋ ᓂᐸᐊᑭᓄᐎᒡ ᐊᐅᑯᓐ ᐊ ᐃᓯᓇᑯᓯᔭᒡ᙮
37ᐊᑎ ᒪᒃ ᒥᓯᐛ ᐅ ᐊ ᐃᓯ ᓂᓇᐧᑯᐤ ᐃᔅᐱᔨᒡ ᐊᓐᑕ ᐊ ᑕᔭᐧᒄ ᒋ ᑭᓄᐛᔨᑕᓇᓄᐤ ᐱᔅᒋᔭᒐᐅᓐ ᙭ ᐅᒋ, ᐊᓐ ᑲ ᓴᒋᐃᑕᐧᒄ ᐛᔅ ᐎᔾ ᒋ ᐎᒋᐃᑯᓄᐤ᙮ 38ᓂ ᒐᔅᑎᓇᐅᓐ ᐊᑲ ᒐᒂᓐ ᑎᒂᒡ ᒐᒋ ᐃᒐᑕᐃᑯᔭᐧᒄ ᙭ ᐅᓴᒋᐃᐛᐅᓂᒡ ᐅᒡ᙮ ᐳᓂᐱᒪᑎᓯᔭᐧᒄ ᑭᔭ ᒪᒃ ᐱᒪᑎᓯᔭᐧᒄ ᐃᔭᐱᒡ ᒋᐸ ᓴᒋᐃᑯᓄᐤ᙮ ᓇᒪ ᐛᐛᒡ ᐊᓐᒋᓐᒡ ᒪᒃ ᒥᒋ ᐊᒐᐧᑯᒡ ᒋᑭ ᒋ ᐃᒐᑕᐃᑯᓄᐅᒡ ᙭ᑕ ᐅᓴᒋᐃᐛᐅᓂᔨᒡ ᐅᒡ᙮ ᓇᒪ ᒐᒂᓐ ᒋᑭ ᒋ ᐃᔅᐱᔪᐤ ᐊᓄᒡ ᒪᒃ ᐊᓐᑕ ᓂᔅᑕᒥᒡ ᒐᒋ ᐃᒐᑕᐃᑯᔭᐧᒄ ᐅᓴᒋᐃᐛᐅᓂᒡ ᐅᒡ᙮ 39ᓇᒪ ᑎᑯᓇ ᓱᒐᔨᑕᑯᓱᐅᓇ ᐊᓐᑕ ᐃᔅᐱᒥᒡ ᑭᔭ ᒪᒃ ᐅᑕ ᓂᑕᒡ ᒐᒋ ᐃᒐᑕᐃᑯᔭᐧᒄ ᐅᓴᒋᐃᐛᐅᓂᒡ ᐅᒋ᙮ ᑭᔭ ᓇᒪ ᑎᑯᓂᔪᐤ ᒐᒂᔪᐤ ᐊᒋ ᐅᓯᑕᑦ ᒋᓴᒪᓂᑐᐤ ᒐᒋ ᐃᒐᑕᐃᑯᔭᐧᒄ ᙭ ᐅᓴᒋᐃᐛᐅᓂᒡ ᐅᒋ᙮ ᐊᓂᔭ ᑕᓐ ᑲ ᐃᓯ ᐃᑐᑎᒪᑕᐧᒄ ᒋᓴᔅ ᙭ᑕ ᒋᑎᐸᔨᒋᒐᓯᒥᓄᐛ ᐊᑯᑕ ᑲ ᐛᐸᑎᔨᑕᐧᒄ ᑕᓐ ᐊᔅᐱᔅ ᓴᒋᐃᑕᐧᒄ ᒋᓴᒪᓂᑐᐤ᙮
Currently Selected:
ᕈᒪᓇ 8: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᕈᒪᓇ 8
8
ᐊᓂᔭ ᐱᒪᑎᓯᐅᓂᔪᐤ ᑲ ᐸᔭᒋᓯᑦ ᐊᒐᐧᒄ ᒪᔭᑦ ᐊᐛᔪᐛ
Romans 8.1-11 (Proper-10 Year A)
1ᓇᒪ ᐊᑯ ᓂᓱᐅᓇᒋᒥᑯᐅᒡ ᒋᓴᒪᓂᑐᐛ ᐊᓐᒡ ᐊᐛᓐᒋ ᒋᓴᔅ ᙭ᑕ ᑲ ᐎᒐᐛᒡ᙮ 2ᐛᔅ ᒋᓴᒪᓂᑐᐤ ᐅᑦ ᐊᒐᒂ ᒋᑦ ᐃᑐᑕᑭᓄᐤ ᒐᒋ ᐱᒪᑎᓯᔭᐧᒄ ᙭ ᒋᓴᓴ ᐅᒡ᙮ ᐊᐅᒄ ᑲ ᐊᐱᐧᑯᓂᑦ ᑕᓐ ᑲ ᐃᓯ ᑎᐸᔨᒥᑯᐅᒡ ᒥᒐᑎᓯᐅᓂᔪᐤ ᑭᔭ ᓂᐳᐅᓂᔪᐤ᙮ 3ᒥᓯᐛ ᐊᐛᓐ ᓇᒪ ᐅᒋ ᐃᑐᐤ ᓇᔅᒡ ᒐᒋ ᓂᓇᐃᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ ᒐᒋ ᐅᒋ ᐱᒪᒋᐅᑦ᙮ ᐊᑯ ᒪᒃ ᒋᓴᒪᓂᑐᐤ ᒂ ᐸᒋ ᐃᑎᓴᐛᑦ ᐅᑯᓴ ᒧᔭᒻ ᒋᔭᓄᐤ ᐊ ᐃᓯᓇᑯᓱᐛᐧᒄ ᒐᒋ ᐃᓯᓇᑯᓯᔨᒋ᙮ ᒋ ᐸᒋ ᐃᑎᓴᐛᐤ ᒐᒋ ᓂᐱᔅᑎᒪᑎᑕᐧᑯ᙮ ᐊᑯᑕ ᐅ ᑲ ᐅᒋ ᓂᓱᐅᓇᒋᑕᑦ ᑕᓐ ᑲ ᐃᓯ ᑎᐸᔨᒥᑯᐛᐧᒄ ᒥᒐᑎᓯᐅᓂᔪᐤ᙮ 4ᒋ ᐃᑐᑎᒻ ᐅᔭ ᒐᒋ ᐅᒋ ᓇᔅᒡ ᑎᐸᑐᑎᒪᐧᒄ ᑕᓐ ᐊ ᐃᓯ ᑯᐃᔅᒄ ᐃᑕᔨᑕᑯᓂᔨᒡ ᐊ ᐃᑎᓱᐛᒥᑭᓂᔨᒡ ᐅᐎᓱᐛᐅᓐ᙮ ᑲ ᐸᔭᒋᓯᑦ ᐊᒐᐧᒄ ᐊ ᑎᐸᔨᒥᑕᐧᒄ ᐊᑯ ᐃᔭᒄ ᒐᒋ ᐃᑐᑎᒪᐧᒄ ᐅ ᓇᒪ ᐎ ᒋᒥᒐᑎᓯᐅᓄᐛ ᐊ ᑎᐸᔨᒥᑯᔭᐧᒄ᙮
5ᐊᓐᒡ ᒥᒄ ᐊ ᐃᓯ ᐛᐸᒥᐱᔨᒡ ᒐᒋ ᒥᒐᑎᓯᒡ ᑲ ᐃᓯ ᐱᒪᑎᓯᒡ, ᒥᒄ ᐎᔨᐛᐤ ᓂᑎᒥᒄ ᒐᒋ ᐃᓯ ᓂᓇᐊᔨᑎᒥᐃᓱᒡ ᐃᓯ ᒪᒥᑐᓇᔨᑎᒧᒡ᙮ ᐊᑯ ᐊᓐᒡ ᑲ ᐸᔭᒋᓯᔨᒋ ᐊᒐᒂ ᑲ ᐱᔅᑎᓇᒡ ᒐᒋ ᑎᐸᔨᒥᑯᒡ ᑕᓐ ᒐ ᐃᓯ ᐱᒪᑎᓯᒡ, ᐱᓯᒄ ᒐᒋ ᓂᓇᐊᔨᑎᒥᐊᒡ ᑲ ᐸᔭᒋᓯᔨᒋ ᐊᒐᒂ ᐃᓯ ᒪᒥᑐᓇᔨᑎᒧᒡ᙮
Romans 8.6-11 (Lent-5 Year A)
6ᒥᒄ ᓂᑎᒥᒄ ᐎᓯ ᓂᓇᐊᔨᑎᒥᐃᓱᒐ ᐊᐛᓐ, ᒋᑭ ᓂᐸᐃᑯᐤ ᐅᔭ ᐊ ᐃᑎᑦ᙮ ᐱᓯᒄ ᑲ ᐸᔭᒋᓯᔨᒋ ᐊᒐᒂ ᒐᒋ ᓂᓇᐊᔨᑎᒥᐊᑦ ᐊ ᐃᓯ ᒪᒥᑐᓇᔨᑕᐧᒃ ᐊᐛᓐ ᐱᒪᑎᓯᐅᓂᔪᐤ ᑭᔭ ᒋᔭᒪᔨᑎᒧᐅᓂᔪᐤ ᐊᔭᐤ᙮ 7ᐛᔅ ᐊᓐᒡ ᓂᑎᒥᒄ ᒐᒋ ᐃᓯ ᓂᓇᐊᔨᑎᒥᐃᓱᒡ ᑲ ᐃᓯ ᒪᒥᑐᓇᔨᑕᒡ ᓂᔅᑯᔅᑐᐛᐅᒡ ᒋᓴᒪᓂᑐᐛ᙮ ᓇᒪ ᐃᑐᑎᒺᐅᒡ ᑕᓐ ᐊ ᐃᑎᓱᐛᔨᒋ᙮ ᓇᒪ ᐛᐛᒡ ᒋ ᐃᑐᑎᒺᐅᒡ᙮ 8ᐊᓐᒡ ᓂᑎᒥᒄ ᑲ ᐃᓯ ᐱᒪᑎᓯᒡ ᓇᒪ ᒋᑭ ᒋ ᓇᐊᔨᑎᒪᐊᐅᒡ ᒋᓴᒪᓂᑐᐛ᙮
9ᒋᔨᐛᐤ ᒪᒃ ᐎ, ᓇᒪ ᒋ ᑎᐸᔨᒥᑯᓇᐛᐤ ᓂᑎᒥᒄ ᐊ ᐎ ᐃᓯ ᓇᐊᔨᑎᒥᐃᓱᔭᒄ᙮ ᑲ ᐸᔭᒋᓯᑦ ᐊᒐᐧᒄ ᐊᐅᒄ ᑕᐸᔨᒥᑕᒄ ᒧᔭᒻ ᑕᑈ ᐸᒋᔅᑲᑕᒂ᙮ ᐊᐛᓐ ᒪᒃ ᐊᑲ ᐸᒋᔅᑲᑯᒂ ᑲ ᐸᔭᒋᓯᔨᒋ ᐊᒐᒂ ᓇᒪ ᑎᐱᔨᐛᐅᓯᑐᑕᑯᐤ ᒋᓴᓴ᙮ 10᙭ ᒪᒃ ᐊ ᐱᒋᔅᑲᑕᒄ ᐊᑯᑕ ᐛᒋ ᐃᔅᐱᔨᒡ ᑕᑈ ᒐᒋ ᐱᒪᑎᓯᒡ ᒋᑦ ᐊᒐᐧᑯᐛᐅᒡ ᐛᔅ ᐊ ᑯᐃᔅᑯᑕᑎᓯᐛᒄ ᒋ ᐊᑎ ᐃᓯ ᑭᓄᐛᐱᒥᑯᐛᐤ ᒋᓴᒪᓂᑐᐤ, ᐊᑎ ᐊᓄᒡ ᐊ ᐊᑎ ᓂᐱᒥᑲᒋ ᒋᔪᐛᐛ ᐊᓐ ᐅᒋ ᐊ ᒥᒐᑎᓯᔭᒄ᙮ 11ᒧᔭᒻ ᐸᒋᔅᑲᑎᔨᑕᑯ ᐅ ᐸᔭᒋᓯᔪᐤ ᐊᒐᒂ ᐊᓐ ᑲ ᐅᓂᔅᑲᓇᑦ ᒋᓴᓴ ᓂᐳᐅᓂᒡ ᐅᒋ, ᒐᔅᑎᓇᔅ ᒋᑭ ᐅᓂᔅᑲᓂᑯᐛᐤ ᑭᔭ ᒋᔨᐛᐤ ᓂᐳᐅᓂᒡ ᐅᒡ ᐊᓂᔭᔪᐛ ᐅ ᑲ ᐸᔭᒋᓯᔪᐤ ᐊᒐᒂ ᐅᒋ᙮ ᐊᑯᑕ ᒪᒃ ᒐᒋ ᐅᒋ ᐱᒪᒋᑕᑭᓄᐅᒋ ᐊᓂᔭᔪᐛ ᒋᔪᐛᐛ ᑲ ᐃᓯᓇᒂᒋ ᒐ ᓂᐱᒥᑲᒋ᙮
Romans 8.12-17 (Trinity Year B; Proper-11 Year A)
12ᓂᐧᑲᓂᓯᑐᒄ, ᒋ ᓂᑐᐛᔨᑕᑯᓯᓇᓄᐤ ᐊᑲ ᐎᔭᓱᐅᓂᒡ ᒐᒋ ᐃᓯ ᐱᒪᑎᓯᔭᐧᒄ, ᓇᒪ ᒋᐸ ᐅᒋ ᐃᓯ ᐱᒪᑎᓯᓇᓄᐤ ᑕᓐ ᐊ ᐃᓯ ᓂᑐᐛᔨᑎᒧᒥᑲᒋ ᒋᔭᓯᓄᐛ᙮ 13ᐛᔅ ᐊᓐ ᐃᓯ ᐱᒪᑎᓯᔨᓇ ᑕᓐ ᐊ ᐃᓯ ᓂᑐᐛᔨᑎᒧᒥᑲᒡ ᒋᐎᔭᔅ, ᒋᑭ ᓂᐱᓐ᙮ ᐱᔅᑎᓂᑕ ᒪᒃ ᑲ ᐸᔭᒋᓯᑦ ᐊᒐᐧᒄ ᒐᒋ ᐎᒋᐃᔅᒃ ᒐᒋ ᐳᓂᑕᐅᑦ ᑕᓐ ᐛ ᐃᓯ ᐛᒋᐱᔨᒡ ᒐᒋ ᒥᒋᑐᑎᒧᑦ ᐊᑯ ᑭᑈ ᑕᑈ ᒐ ᐱᒪᑎᓯᔨᓐ᙮
14ᒥᓯᐛ ᐊᓐᒡ ᑲ ᐸᔭᒋᓯᔨᒋ ᐊᒐᒂ ᑲ ᒋᔅᒋᓄᑕᐃᑯᒡ ᒋᓴᒪᓂᑐᐛ ᐅᑦ ᐊᐛᓯᒥᑕᑯᐅᒡ᙮ 15ᐛᔅ ᑕᐸ ᒋᑦ ᐃᑐᑕᑯᐛᐤ ᐊᓐ ᐊᒐᐧᒄ ᒋᓴᒪᓂᑐᐤ ᑲ ᒥᔨᑕᒄ ᑲᐤ ᒐᒋ ᑎᐸᔨᒥᑯᐛᒄ ᓴᒋᓱᐅᓂᔪᐤ᙮ ᐅ ᐊᒐᐧᒄ ᐅᒋ ᐊᑯᑕ ᐛᒋ ᐃᓯᐃᑕᒄ ᒋᓴᒪᓂᑐᐤ ᒐᒋ ᐅᑦ ᐊᐛᓯᒥᑕᑕᒄ ᑭᔭ ᒐᒋ ᐃᑕᐧᒄ, “ᓄᑕ, ᓄᑕᐎᔾ᙮” 16ᑲ ᐸᔭᒋᓯᑦ ᐊᒐᐧᒄ ᒋ ᒋᔅᒐᔨᑎᒥᐃᑯᓄᐤ ᒋᑕᐃᓇᒡ ᑕᑈ ᒋᓴᒪᓂᑐᐤ ᐊ ᐅᑦ ᐊᐛᓯᒥᑕᑕᐧᒄ᙮ 17ᐊᑯ ᒪᒃ ᐊ ᐅᑦ ᐊᐛᓯᒥᑕᑕᐧᒄ ᒋᓴᒪᓂᑐᐤ ᒐᔅᑎᓇᔅ ᒋᑭ ᒥᔨᑯᓄᐤ ᐊᓂᔭᔪᐛ ᑲ ᐃᓯ ᒥᔽᓯᔨᒋ ᓱᐛᔨᒋᒐᐅᓇ ᑲ ᐊᔭᔅᑯᔅᑎᒧᐛᑦ ᐅᑦ ᐊᐛᓯᒪ᙮ ᑭᔭ ᑕᐱᔅᑯᓐ ᒋᓴᔅ ᑭᔭ ᒋᔭᓄᐤ ᒋᑭ ᐊᔭᓇᓄᐤ ᑕᓐ ᑲ ᐃᓯ ᐊᔭᔅᑯᔅᑎᒧᐛᑭᓄᐅᑦ ᒋᓴᔅ᙮ ᐛᔅ ᒧᔭᒻ ᐎᒋ ᓂᓇᐧᑲᑕᔨᒧᒪᒂ ᒋᓴᔅ ᐊᓂᔭ ᐊ ᑕᑈᔭᔨᒪᐧᒄ ᑭᔭ ᒋᔭᓄᐤ ᒋᑭ ᒋᔅᑕᔨᑕᑯᐃᑯᓇᓄᐤ ᒋᔅᑕᔨᑕᑯᐊᑭᓄᐅᒐ᙮
ᐊᔅᒄ ᒋᑭ ᒋᔅᑕᔨᑕᑯᐃᑯᓇᓄᐤ
18ᓂᔾ ᐊ ᐃᑕᔨᑎᒪᓐ ᑕᓐ ᐊ ᐃᓯ ᓂᓇᐧᑲᑕᔨᒧᔭᐧᒄ ᐊᓄᒡ ᓇᒪ ᓇᔅᒡ ᒐᒂᓐ ᒋᑭ ᐅᒋ ᐃᑕᔨᑕᑯᓐ ᒐ ᐃᑕᔨᑕᒂᒡ ᐃᔅᐱ ᐅᑎᒋᐱᔨᒐ ᐊᓐᑕ ᒐ ᒋᔅᑕᔨᑕᑯᐃᑕᐧᒄ ᒋᓴᒪᓂᑐᐤ᙮ 19ᒥᓯᐛ ᒐᒂᔪᐤ ᑕᓐ ᑲ ᐃᓯ ᐅᓯᑕᑦ ᒋᓴᒪᓂᑐᐤ ᓇᔅᒡ ᐱᒂᔨᑎᒧᒥᑭᓂᔪᐤ ᐊ ᐊᓱᐛᐸᑎᒧᒥᑭᓂᔨᒡ ᒐ ᐃᔅᐱᔅ ᒧᓴ ᓄᑯᐊᑦ ᐅᑦ ᐊᐛᓯᒪ᙮ 20ᐛᔅ ᒥᓯᐛ ᒐᒂᔪᐤ ᑲ ᐃᓯ ᐅᓯᑕᑦ ᒋᓴᒪᓂᑐᐤ ᒋ ᐅᓯᑕᐤ ᒐᒃ ᒐᒋ ᐊᑎ ᐅᓂᑎᓂᔨᒡ᙮ ᓇᒪᔭᐤ ᒪᒃ ᐅ ᑲ ᐃᓯ ᓂᑐᐛᔨᑎᒧᒥᑲᒡ ᒥᓯᐛ ᐊᓐ ᑲ ᐃᓯ ᐅᓯᑕᑭᓄᐅᒡ ᒐᒋ ᐃᓯᓇᒂᒡ᙮ ᐎᔾ ᒋᓴᒪᓂᑐᐤ ᑲ ᐃᑕᔨᑕᐧᒃ ᐅᔭ ᒐᒋ ᐃᓯᓇᑯᓂᔨᒡ᙮ 21ᐃᔭᐱᒡ ᒪᒃ ᒋ ᐃᑕᔨᑎᒻ ᐊᔅᒄ ᐸᐃᒂᐤ ᐊ ᒋᓯᑲᔨᒡ ᑲᐤ ᒐ ᐃᓯᑕᑦ ᒥᓯᐛ ᑕᓐ ᑲ ᐃᓯ ᐅᓯᑕᑦ ᐊᑲ ᓂᑕ ᒐᒋ ᐅᓂᑎᓂᔨᒡ ᑭᔭ ᐊᑲ ᐊᑯ ᓂᓱᐅᓇᑎᓯᐅᓂᒡ ᒐᒋ ᐃᓯ ᑎᐸᔨᑕᑯᓂᔨᒡ᙮ ᒋ ᐃᑕᔨᑎᒻ ᒐᒋ ᐊᓯᒡ ᒋᔅᑕᔨᑕᑯᑕᑭᓄᔨᒋ ᐅᔭ ᒋᔅᑕᔨᑕᑯᐊᑭᓄᔨᒐᓂ ᐅᑦ ᐊᐛᓯᒪ᙮
22ᒋ ᒋᔅᒐᔨᑕᓇᓄᐤ ᐊᓐᑕ ᒥᓯᐛ ᑕᓐ ᑲ ᐃᓯ ᐅᓯᑕᑦ ᒋᓴᒪᓂᑐᐤ ᐊ ᑎᑯᓂᔨᒡ ᑕᓐ ᐊ ᐃᓯ ᓂᓇᐧᑲᑕᔨᒧᒥᑭᓂᔨᒡ, ᒧᔭᒻ ᐊ ᐃᓯᓇᑯᓯᑦ ᐃᔎᐤ ᐃᔅᐱ ᐊ ᐊᑎ ᒋᒋᐱᔨᒡ ᒐ ᐛᐱᒪᐅᓱᑦ᙮ 23ᓇᒪ ᒪᒃ ᒥᒄ ᐅᔭ ᒐᒂᔪᐛ ᓂᓇᐧᑲᑕᔨᒧᒥᑭᓇ᙮ ᒋᔭᓄᐤ ᑭᔭ ᒋᓴᒪᓂᑐᐤ ᑲ ᐅᑦ ᐊᐛᓯᒥᑐᑕᑕᐧᒄ ᒋ ᓂᓇᐧᑲᑕᔨᒧᓇᓄᐤ ᒋᑕᐃᓇᒡ ᒪᒂᒡ ᐊ ᐊᓱᐛᐸᑎᒪᐧᒄ ᒋᓴᒪᓂᑐᐤ ᐅᑦ ᐊᐛᓯᒪ ᒐᒋ ᐃᓯ ᓄᑯᐃᑯᐅᔭᐧᒄ ᑭᔭ ᒐᒋ ᐃᓯᐃᑯᐅᔭᐧᒄ ᐊᑲ ᓂᑕ ᒥᓐ ᒐᒋ ᓂᓇᐧᑲᑕᔨᒧᔭᐧᒄ, ᑲᒋᒡ ᒐᒋ ᐱᒪᑎᓯᔭᐧᒄ᙮ ᓴᔅ ᒪᒃ ᔅᒋ ᒥᔨᑯᓄᐤ ᒋᓴᒪᓂᑐᐤ ᐅᑦ ᐊᒐᒂ ᒐᒋ ᐅᒋ ᒋᔅᒐᔨᑎᒪᐧᒄ ᒥᓯᐛ ᑕᑈ ᒐ ᐃᔅᐱᔨᒡ ᐅᔭ᙮ 24ᐊᑯ ᒪᒃ ᐊ ᐃᓯᓇᑯᓯᔭᐧᒄ ᑲ ᐃᔅᐱᔅ ᐱᒪᒋᐃᑕᐧᒄ ᒋᓴᒪᓂᑐᐤ ᐊ ᐊᔅᐸᔨᒧᔭᐧᒄ ᒐ ᐅᑎᒋᐱᔨᒡ ᐅ᙮ ᐃᔅᐱ ᒪᒃ ᒋ ᐅᑎᒋᐱᔨᒐ ᑭᑈ ᓇᒪ ᐊᑯ ᒋᑭ ᐅᒋ ᐊᓱᐛᐸᑕᓇᓄᐤ᙮ ᐛᔅ ᑕᐸ ᐊᓱᐛᐸᑎᒻ ᐊᐛᓐ ᒐᒂᔪᐤ ᒐᒋ ᐃᔅᐱᔨᒡ ᓴᔅ ᐊᒋ ᐃᔅᐱᔨᒡ᙮ 25ᒋᑦ ᐊᓱᐛᐸᑕᓇᓄᐤ ᒪᒃ ᒐᒂᓐ ᐊᑲ ᓂᑕ ᐅᒋ ᐛᐸᑎᒪᐧᒄ᙮ ᒋ ᓯᐱᔪᐛᓯᓇᓄᐤ ᒪᒃ ᐊ ᐊᓱᐛᐸᑎᒪᐧᒄ᙮
Romans 8.26-39 (Proper-12 Year A)
26ᑎᑯᓐ ᑕᓐ ᐊᔅᐱᔅ ᐊᑲ ᓴᐸᔨᑎᒪᐧᒄ ᒥᒄ ᒪᒃ ᑕᐤ ᑲ ᐸᔭᒋᓯᑦ ᐊᒐᐧᒄ ᒐᒋ ᐎᒋᐃᑕᐧᒄ᙮ ᒧᔭᒻ ᐊ ᐃᓯᓇᑯᓯᔭᐧᒄ ᓇᓂᑯᑎᓂᔾ ᐊᑲ ᒋᔅᒐᔨᑎᒪᐧᒄ ᑕᓐ ᐊᓐ ᒋᐸ ᐃᓯ ᐊᔭᒥᐊᓇᓄᐤ᙮ ᐊᑯᑕ ᒪᒃ ᓇᑐᑎᒪᔅᑎᒪᑕᒄ ᑲ ᐸᔭᒋᓯᑦ ᐊᒐᐧᒄ ᐅᑎᔅᑯᐤ ᒋᓴᒪᓂᑐᐛ ᐊ ᑕᔨᒋ ᐊ ᒪᒪᑥᔭᐧᒄ ᐊᑲ ᒋ ᐎᑎᒧᐛᐧᒄ ᑕᓐ ᐊᓐ ᐊ ᐃᑎᒪᒋᐅᔭᐧᒄ᙮ 27ᒋᓴᒪᓂᑐᐤ ᒪᒃ ᑲ ᒋᔅᒐᔨᑕᐧᒃ ᒥᓯᐛ ᒋᑕᐃᓄᐛ ᒋᔅᒐᔨᑎᒻ ᑕᓐ ᐊᓐ ᐊ ᐃᓯ ᓂᑐᑎᒪᔅᑎᒪᒐᔨᒋ ᐊᒐᒂ ᐛᔅ ᓂᑐᑎᒪᔅᑎᒧᐛᔪᐛ ᐊᓂᔭᔪᐛ ᑲ ᑕᑈᑎᒥᔨᒋ ᒐᒋ ᐃᑐᑕᑭᓄᐎᒡ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ᙮
28ᒋ ᒋᔅᒐᔨᑕᓇᓄᐤ ᒪᒃ ᒥᓯᐛ ᒐᒂᔪᐛ ᐊ ᐃᔅᐱᔨᒋ ᐅᐱᒪᑎᓯᐅᓂᔨᒡ ᐊᓂᔭᔪᐛ ᑲ ᓴᒋᐃᑯᑦ ᒋᓴᒪᓂᑐᐤ, ᐃᑐᑎᒧᐛᐤ ᒥᓯᐛ ᒐᒋ ᒥᔪᑐᑕᑯᔨᒋ᙮ ᐊᐅᑯᓐ ᐊ ᐃᑐᑎᒧᐛᑦ ᐊᓂᔭᔪᐛ ᐎᔾ ᑲ ᐃᑕᔨᑕᐧᒃ ᒐᒋ ᐅᑎᓇᑦ ᒐᒋ ᐅᑦ ᐃᔨᒥᑦ᙮ 29ᐛᔅ ᓂᑲᓐ ᒋ ᒋᔅᒐᔨᒪᐤ ᒋᓴᒪᓂᑐᐤ ᐊᐛᔪᐛ ᒐ ᐅᑦ ᐃᔨᒥᑦ, ᐊᐅᑯᓐ ᒪᒃ ᐅᔭ ᑲ ᐅᑎᓇᑦ ᒐ ᓂᔅᐱᑐᐛᔨᒋ ᐅᑯᓴ᙮ ᐊᐅᒄ ᐅᔭ ᑲ ᐃᑎᑦ ᒋᓴᒪᓂᑐᐤ ᓂᔅᑎᒧᓴᓐ ᒐᒋ ᑕᔨᒋ ᐅᑯᓴ ᐊᓐᑕ ᒪᒂᒡ ᐊ ᒥᒐᑎᔨᒋ ᐎᐧᑲᓂᓯᒪᐛ᙮ 30ᐊᓂᔭᔪᐛ ᒪᒃ ᓂᑲᓐ ᑲ ᐎᔭᔨᒪᑦ ᐊᐛᔪᐛ ᒋ ᑕᑈᑕᐤ᙮ ᐅᔭ ᒪᒃ ᑲ ᑕᑈᑕᑦ ᒋ ᑯᐃᔅᑯᓇᑯᐊᐤ ᐎᔾ ᐃᔅ ᐊ ᑕᑦ᙮ ᐅᔭ ᒪ ᑲ ᑯᐃᔅᑯᓇᑯᐊᑦ ᒋ ᒋᔅᑕᔨᑕᑯᐊᐤ᙮
ᐊᔅᐱᔅ ᓴᒋᐃᑕᒄ ᒋᓴᒪᓂᑐᐤ
31ᒥᓯᐛ ᒪᒃ ᐅ ᐊ ᒋᔅᒐᔨᑎᒪᒄ ᒪᐅ ᒐᒋ ᐃᔅᒋᔄᔭᐧᒄ, ᑕᑈ ᒋᓴᒪᓂᑐᐤ ᐛᒋᐃᑯᐛᐅᒂ ᓇᒪ ᐊᐛᓐ ᒋᑭ ᒋ ᓴᐧᑯᒋᐃᑯᓄᐤ᙮ 32ᓇᒪ ᐛᐛᒡ ᐅᑯᓴ ᒋ ᐅᒋ ᒥᓇᑎᓂᒪᑭᓄᐤ᙮ ᒋ ᐱᔅᑎᓇᐤ ᒐᒋ ᓂᐱᔅᑎᒪᑎᑕᐧᑯᐤ᙮ ᐊᓂᔭ ᒪᒃ ᐛᐛᒡ ᑎᐱᔨᐛ ᐅᑯᓴ ᐊᒋ ᐱᔅᑎᓇᑦ ᒐᒋ ᓂᐸᐊᑭᓄᔨᒋ ᒋᔭᓄᐤ ᐅᒋ ᐊᑯᑕ ᒐ ᐅᒋ ᒐᔅᑎᓇᐅᔭᐧᒄ ᒥᒄ ᒐ ᐃᓯ ᒥᔨᑯᐅᔭᐧᒄ ᑯᑎᑲ ᒐᒂᔪᐛ᙮ 33ᐊᐛᓐ ᒐᒋ ᒪᒥᓯᒪᑦ ᒋᓴᒪᓂᑐᐛ ᐅᐅᑎᓇᑭᓂᔪᐛ᙮ ᐎᔾ ᒋᓴᒪᓂᑐᐤ ᐅᑯᐃᔅᑯᑕᑎᓯᐅᒡ ᐃᓯ ᑭᓄᐛᐱᒪᐤ ᐊᓂᔭ ᑲ ᐅᑎᓇᑦ᙮ 34ᓇᒪ ᒪᒃ ᐊᐛᓐ ᒋᑭ ᒋ ᓂᓱᐅᓇᒋᒪᐤ ᒋᓴᒪᓂᑐᐛ ᐅᐅᑎᓇᑭᓂᔪᐛ ᒐᒋ ᐃᔅᒋᔄᑦ ᐊ ᐃᑕᔨᑕᑯᓂᔨᒡ ᒐᒋ ᐛᐛᓯᐊᑭᓄᔨᒋ ᐅᒥᒋᑥᐅᓂᔪᐤ ᐅᒡ᙮ ᐛᔅ ᓇᒪ ᒥᒄ ᒋ ᐅᒋ ᓂᐱᔅᑎᒪᑭᓄᐤ ᙭ ᐊᔪᐤ ᒋ ᐅᓂᔅᑲᓇᑭᓄᐤ ᓂᐳᐅᓂᒡ ᐅᒡ᙮ ᒪᒂᒡ ᒪᒃ ᒋᓴᒪᓂᑐᐛ ᐅᒥᔪᐅᓂᒡ ᐊᐳᐤ ᐊ ᐊᔭᒥᐊᔅᑎᒪᑕᐧᒄ᙮ 35ᐊᐛᓐ ᒪᒃ ᒐᒋ ᐃᒐᓂᑕᐧᒄ ᙭ᑕ ᐅᓴᒋᐃᐛᐅᓂᔨᒡ ᐅᒋ᙮ ᐊᑎ ᓇᔅᒡ ᓂᓇᐧᑲᑕᔨᒧᔭᒂ ᒪᒃ ᓇᔅᒡ ᐊᔨᒥᐅᔭᒂ, ᑭᔭ ᐊᑎ ᐛᐎᓯᒐᔨᑎᒥᐃᑯᐅᔭᒂ, ᐊᑎ ᐃᓯᓇᒂᒐ ᒐᒋ ᑯᐅᐧᑭᑕᔭᐧᒄ, ᑭᔭ ᐊᑎ ᓇᔅᒡ ᒋᔅᑎᒪᑎᓯᔭᒂ, ᐊᑎ ᓇᔅᒡ ᑯᔅᑕᑎᒂᒐ ᑕᓐᑕ ᐊ ᑕᐛᐧᒄ ᑭᔭ ᒪᒃ ᐊᑎ ᓂᐸᐃᑯᐅᔭᒂ ᓇᒪ ᐃᔭᐱᒡ ᒋᑭ ᒋ ᐃᒐᑕᐃᑯᓇᓄᐤ ᒋᓴᔅ ᐅᓴᒋᐃᐛᐅᓂᒡ ᐅᒋ᙮ 36ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
ᐊᓯᑯᒻ ᒋᓯᑲᐛ ᑯᔅᐱᓇᔨᑕᑯᓐ ᒐᒋ ᓂᐸᐃᑯᐅᔭᒡ ᐊ ᓇᓴᐅᑕᒡ᙮
ᒧᔭᒻ ᒪᔭᑕᓂᓯᒡ ᑲ ᐸᓱᐛᑭᓄᐎᒡ ᒐᒋ ᓂᐸᐊᑭᓄᐎᒡ ᐊᐅᑯᓐ ᐊ ᐃᓯᓇᑯᓯᔭᒡ᙮
37ᐊᑎ ᒪᒃ ᒥᓯᐛ ᐅ ᐊ ᐃᓯ ᓂᓇᐧᑯᐤ ᐃᔅᐱᔨᒡ ᐊᓐᑕ ᐊ ᑕᔭᐧᒄ ᒋ ᑭᓄᐛᔨᑕᓇᓄᐤ ᐱᔅᒋᔭᒐᐅᓐ ᙭ ᐅᒋ, ᐊᓐ ᑲ ᓴᒋᐃᑕᐧᒄ ᐛᔅ ᐎᔾ ᒋ ᐎᒋᐃᑯᓄᐤ᙮ 38ᓂ ᒐᔅᑎᓇᐅᓐ ᐊᑲ ᒐᒂᓐ ᑎᒂᒡ ᒐᒋ ᐃᒐᑕᐃᑯᔭᐧᒄ ᙭ ᐅᓴᒋᐃᐛᐅᓂᒡ ᐅᒡ᙮ ᐳᓂᐱᒪᑎᓯᔭᐧᒄ ᑭᔭ ᒪᒃ ᐱᒪᑎᓯᔭᐧᒄ ᐃᔭᐱᒡ ᒋᐸ ᓴᒋᐃᑯᓄᐤ᙮ ᓇᒪ ᐛᐛᒡ ᐊᓐᒋᓐᒡ ᒪᒃ ᒥᒋ ᐊᒐᐧᑯᒡ ᒋᑭ ᒋ ᐃᒐᑕᐃᑯᓄᐅᒡ ᙭ᑕ ᐅᓴᒋᐃᐛᐅᓂᔨᒡ ᐅᒡ᙮ ᓇᒪ ᒐᒂᓐ ᒋᑭ ᒋ ᐃᔅᐱᔪᐤ ᐊᓄᒡ ᒪᒃ ᐊᓐᑕ ᓂᔅᑕᒥᒡ ᒐᒋ ᐃᒐᑕᐃᑯᔭᐧᒄ ᐅᓴᒋᐃᐛᐅᓂᒡ ᐅᒡ᙮ 39ᓇᒪ ᑎᑯᓇ ᓱᒐᔨᑕᑯᓱᐅᓇ ᐊᓐᑕ ᐃᔅᐱᒥᒡ ᑭᔭ ᒪᒃ ᐅᑕ ᓂᑕᒡ ᒐᒋ ᐃᒐᑕᐃᑯᔭᐧᒄ ᐅᓴᒋᐃᐛᐅᓂᒡ ᐅᒋ᙮ ᑭᔭ ᓇᒪ ᑎᑯᓂᔪᐤ ᒐᒂᔪᐤ ᐊᒋ ᐅᓯᑕᑦ ᒋᓴᒪᓂᑐᐤ ᒐᒋ ᐃᒐᑕᐃᑯᔭᐧᒄ ᙭ ᐅᓴᒋᐃᐛᐅᓂᒡ ᐅᒋ᙮ ᐊᓂᔭ ᑕᓐ ᑲ ᐃᓯ ᐃᑐᑎᒪᑕᐧᒄ ᒋᓴᔅ ᙭ᑕ ᒋᑎᐸᔨᒋᒐᓯᒥᓄᐛ ᐊᑯᑕ ᑲ ᐛᐸᑎᔨᑕᐧᒄ ᑕᓐ ᐊᔅᐱᔅ ᓴᒋᐃᑕᐧᒄ ᒋᓴᒪᓂᑐᐤ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada