ᑎᐱᑦ ᐅᓂᑭᒧᐅᓇ 95

Psalm 95 (Lent-3 Year A)

1ᐅ ᐊᔅᑎᒧᒄ, ᓱᒃ ᓂᑭᒧᔅᑐᐛᑕᐤ ᑎᐸᔨᒋᒐᓱᐤ:

ᓇᔅᒡ ᒧᒋᒐᔨᑎᒥᐃᑯᐛᑕᐤ ᐅᓱᐧᑲᑎᓯᐅᓐ ᐊᓐᑕ ᐛᒋᐱᔨᒡ ᒋᐱᒪᒋᐃᐛᐅᓄᐤ᙮

2ᐸᒋ ᐅᑎᔅᑯᐎᔅᑯᐛᑕᐤ ᐊ ᓂᓇᔅᑯᒧᔭᐧᒄ,

ᑭᔭ ᐊ ᓂᑭᒧᔭᐧᒄ ᓄᑯᑕᑕᐤ ᐊ ᓯᒋᔭᓯᔭᐧᒄ ᐎᔭ ᐅᒋ᙮

3ᐛᔅ ᑎᐸᔨᒋᒐᓱᐤ ᒋᒋ ᒋᓴᒪᓂᑐᐅ,

ᑭᔭ ᒥᓯᐛ ᐊᑎᓯᒡ ᒥᓂᑐᐅᒡ, ᐎᔾ ᒪᐅᒡ ᒋᓴᐅᒋᒪᐅᐤ᙮

4ᐅᑎᒋᒡ ᒥᒋᒥᓂᒻ ᒥᓯᐛ ᐊ ᒧᑕᔭᔨᒡ ᐊᔅᒋᔪᐤ:

ᑭᔭ ᐊᔅᐱᔅ ᐃᔅᐱᑎᓇᔨᒋ ᐱᔅᑯᑎᓇᐛ ᐎᔾ ᑎᐸᔨᑎᒻ᙮

5ᐎᓂᐸᑯᔪᐤ ᐎᔾ ᑎᐱᔨᐛᐅᓯᐤ,

ᐎᔾ ᑭᔭ ᒋ ᐅᓯᑕᐤ ᑭᔭ ᐅᑎᒋᒡ ᒋ ᐅᒋ ᐅᓯᑕᐤ ᐊ ᐸᒂᔅᑭᒥᑲᔨᒡ᙮

6ᐅ ᐊᔅᑎᒧᒄ ᐊᔭᒥᐊᔅᑐᐛᑕᐤ ᑭᔭ ᓇᐛᑲᐳᔅᑐᐛᑕᐤ,

ᐅᒋᒋᐧᑯᓇᐱᔅᑐᐛᑕᐤ ᑎᐸᔨᒋᒐᓱᐤ ᑲ ᐅᓯᐃᑕᐧᒄ᙮

7ᐛᔅ ᐎᔾ ᐊᐅᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ;

ᒋᔭᓄᐤ ᒪᒃ ᒋ ᐅᑦ ᐃᔨᒥᑐᑕᑯᓄᐤ ᐊᓯᒥᑕᐧᒄ,

ᑭᔭ ᒍᒪᔭᑕᓂᓯᒥᑐᑕᑯᓄᐤ ᑲᓄᐛᔨᒥᑕᐧᒄ᙮

ᐊᓄᒡ ᒐᓯᑲᒡ, ᐛᐸᑐᐛᒂ ᑲ ᐃᔨᑦ᙮

8ᐊᑲᐎᔾ ᒥᔅᑯᐎᑕᒄ ᒋᑕᐃᐛᐛ,

ᒧᔭᒻ ᑲ ᑎᓇᓄᑯᐱᓇ ᐊᓐ ᒐᓯᑲᒡ ᑲ ᒋᔄᐃᐛᓂᐅᒡ,

ᑭᔭ ᑲ ᑯᒂᒋᐃᐛᓄᐅᒡ ᐊᓐᑕ ᐸᐧᑯᑎᔅᑭᒥᑲᒡ:

9ᐃᔅᐱ ᒍᑕᐎᐛᐅᒡ ᑲ ᑯᒂᒋᐃᒡ,

ᐊᑎᐸᔨᒥᒡ, ᑭᔭ ᑲ ᐛᐸᑕᒡ ᓂᑦ ᐃᑐᐅᓂᔪᐤ᙮

10ᓇᐎᔪᐛᐳᓇ ᓂᒋ ᒥᑯᔅᑲᑕᔨᑎᒥᐃᑯᒡ ᐅᒡ ᐊᓂᔅᒐ ᑲ ᐸᒋ ᐱᒪᑎᓯᒡ, ᓂᒋ ᐃᔨᓐ ᒪᒃ, “ᐅᒡ ᐃᔪᒡ ᐛᐛᓂᐱᔪᐅᒡ ᐅᑕᐃᐛᒡ,

ᑭᔭ ᓇᒪ ᒋ ᒋᔅᒐᔨᑎᒧᒡ ᓂᑦ ᐃᓯᑥᐅᓂᔪᐤ᙮”

11ᐊᐅᑯᓐᒡ ᐅᒡ ᒋᒋᐛ ᑲ ᐃᑎᒂᐤ ᐊ ᐊᐧᑯᔪᐛᓯᔭᓐ,

“ᒐ ᐊᑲ ᐅᑎᑕᒡ ᓂᑦ ᐊᔽᓯᐅᓂᔪᐤ᙮”

Currently Selected:

ᑎᐱᑦ ᐅᓂᑭᒧᐅᓇ 95: ᓇᔅᑲᐱ

Highlight

Copy

Want to have your highlights saved across all your devices? Sign up or sign in

ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ

Naskapi Development Corporation

Kawawachikamach, Québec G0G 2Z0 Canada

Canadian Bible Society

10 Carnforth Road, Toronto Ontario M4A 2S4 Canada

Learn More About ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ