ᑎᐱᑦ ᐅᓂᑭᒧᐅᓇ 91
91
Psalm 91:1-2, 9-16 (Lent-1 Year C)
1ᐊᓐ ᑲ ᐎᒋᑦ ᐅᑲᓱᐅᓂᔨᒡ ᒪᐅᒡ ᒋᔅᑎᓯᔨᒋ,
ᒋᑭ ᑕᐤ ᓯᐸ ᐊ ᑎᑲᔅᑕᓯᓂᔨᒋ ᒪᐅᒡ ᓱᐧᑲᑎᓯᔨᒋ᙮
2ᓂᑭ ᐃᔅᒋᔄᓐ ᑎᐸᔨᒋᒐᓱᐤ ᐅᒡ, “ᐎᔾ ᓂ ᓇᑎᓯᒧᐅᓐ ᑭᔭ ᓂᓂᑐᐱᔪᐅᒋᐛᑉ;
ᓂᒋᓴᒪᓂᑐᒻ, ᑲ ᒪᒥᓯᑐᑐᐅᒄ᙮”
3ᒐᔅᑎᓇᔅ ᒋᑭ ᒥᑕᒂᓇᒪᒄ ᐅᓇᐃᑭᓂᔪᐤ ᐅᑕᐸᒂᐛ,
ᑭᔭ ᒥᒋ ᐃᑕᔅᐱᓇᐅᓂᔪᐤ ᐅᒡ᙮
4ᒋᑭ ᐊᒂᓇᐅᒄ ᐅᒥᑯᓇ ᐅᒡ, ᑭᔭ ᓯᐸ ᐅᑎᑎᑭᓂᒡ ᒋᑭ ᒪᒥᓯᓐ:
ᐅᑕᑈᐅᓐ ᒋᑭ ᐅᑦ ᐊᒂᓇᐊᓱᐛᑭᓄᐛᓐ ᑭᔭ ᒋᑭ ᐊᒂᓇᐱᔅᑯᒧᐛᓐ᙮
5ᓇᒪᐎᔾ ᒋᑭ ᑯᔅᑕᓐ ᑲ ᑯᔅᑕᑎᒂᒡ ᒪᒂᒡ ᐊ ᑎᐱᔅᑲᒡ:
ᓇᒪ ᑭᔭ ᐊᑭᔅᒄ ᑲ ᐱᒥᐱᔨᑦ ᒪᒂᒡ ᐊ ᒋᓯᑲᒡ;
6ᓇᒪ ᑭᔭ ᐊᐧᑯᐃᑕᔅᐱᓇᐅᓂᒡ ᑲ ᑎᑯᔅᑭᓐ ᐊᓐᑕ ᐅᓂᑎᐱᔅᒋᓯᐅᓂᒡ,
ᓇᒪ ᑭᔭ ᓂᓱᐅᓇᑎᓯᐅᓐ ᑲ ᓂᓱᐅᓇᒋᐃᐛᒥᑭᒡ ᐊ ᐊᐱᑕᒋᓯᑲᒡ᙮
7ᒐᓯᐱᔪᐤ ᐸᓱᒡ ᒋᑭ ᐸᒋᓯᓄᐅᒡ,
ᑭᔭ ᐸᐃᑯᔪᐤ ᑕᑥᐤ ᒐᓯᐱᔪᐤ ᒋᒥᔪᐅᓂᒡ;
ᒪᒃ ᓇᒪᐎᔾ ᒥᒋᒪ ᒋᑭ ᓇᑎᑯᓐ᙮
8ᒥᒄ ᒋᔅᒋᓯᑯᒡ ᒋᑭ ᐅᒋ ᐛᐸᑕᓐ
ᒐ ᐃᓯ ᑎᐸᐊᒪᐛᑭᓄᐅᒡ ᐅᒥᒋᑥᐅᒡ᙮
Psalm 91:9-16 (Proper-24 Year B)
Psalm 91:1-2, 9-16 (Lent-1 Year C)
9ᐊᒋ ᐅᐛᑕᐱᒥᑦ ᑎᐸᔨᒋᒐᓱᐤ ᑲ ᐅᓇᑎᓯᒧᐅᓂᔨᓐ,
ᒪᐅᒡ ᒋᔅᑎᓯᑦ ᐅᑦ, ᒐᒋ ᐅᑦ ᐃᑕᐅᓂᔨᓐ;
10ᓇᒪᐎᔾ ᒐᒂᓐ ᑲ ᒪᔭᑎᒡ ᒋᑭ ᐅᑎᑎᑯᓐ,
ᓇᒪ ᑭᔭ ᒥᒄ ᐊᓐ ᐊᓯᓇᒂᒡ ᐃᑕᔅᐱᓇᐅᓐ ᒥᒋᒪ ᒋᒋᒡ ᒋᑭ ᐸᒋ ᐃᑐᑕᒪᑭᓐ᙮
11ᐛᔅ ᒋᑭ ᐃᑎᓱᐛᑕᐤ ᐅᑦ ᐊᓐᒋᓂᒪ ᒐᒋ ᑭᓄᐛᔨᒥᔅᒋᔨᔅᒋ,
ᒐᒋ ᑭᓄᐛᔨᒥᔅᒋᔨᔅᒋ ᒥᓯᐛ ᒐ ᐃᓯ ᐸᐸᔨᑐᑕᐅᓇ᙮
12ᒋᑭ ᓯᑐᓂᑯᒡ ᐅᑎᒋᐛᒡ,
ᒐ ᐊᑲ ᒋ ᐅᑕᒪᐱᔅᒋᓯᑕᓯᓂᔨᓐ᙮
13ᒋᑭ ᑕᑯᔅᑲᑕᐤ ᒥᓯᐱᓱᐤ ᑭᔭ ᒋᓇᐱᒄ:
ᒥᓯᐱᓯᔅ ᑭᔭ ᒥᔅᑎᒋᓇᐱᒄ ᒋᑭ ᒪᒪᑯᔅᑯᐛᐅᒡ᙮
14“ᐊᒋ ᓴᒋᐃᑦ, ᓂᑭ ᐱᒪᒋᐊᐤ:
ᓂᑭ ᓇᐃᐱᐊᐤ ᐃᔅᐱᒥᒡ, ᐊᒋ ᒋᔅᒐᔨᑕᐧᒃ ᓂᑦ ᐃᓯᓂᐧᑲᓱᐅᓂᔪᐤ᙮
15ᓂᑭ ᓇᓂᑐᒥᒄ, ᓂᑭ ᓂᔅᑯᒪᐤ ᒪᒃ:
ᓂᑭ ᐎᒐᐊᐤ ᐊᔨᒥᓯᒐ;
ᓂᑭ ᐱᒪᒋᐊᐤ, ᑭᔭ ᓂᑭ ᒋᔅᑕᔨᒪᐤ᙮
16ᓇᐅᔅ ᒐᒋ ᐱᒪᑎᓯᑦ ᓂᑭ ᐅᒋ ᑕᐸᔨᑎᒥᐊᐤ,
ᑭᔭ ᓂᑭ ᐛᐸᑎᔭᐤ ᓂ ᐱᒪᒋᐃᐛᐅᓂᔪᐤ᙮”
Currently Selected:
ᑎᐱᑦ ᐅᓂᑭᒧᐅᓇ 91: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
