ᑎᐱᑦ ᐅᓂᑭᒧᐅᓇ 8
8
Psalm 8 (New Years Day Year A, B, C; Trinity Year A, C; Proper-22 Year B)
1ᐅ ᑎᐸᔨᒋᒐᓱᐤ ᓂᑎᐸᔨᒋᒐᓯᒥᓇᓐ, ᑕᑈ ᒥᔽᔨᑕᑯᓐ ᒋᑦ ᐃᓯᓂᐧᑲᓱᐅᓐ ᒥᓯᐛ ᐊᔅᐱᑎᔅᑭᒥᑲᒡ !
ᒋᔾ ᑲ ᐃᑎᔅᑕᔨᓐ ᒋᒋᔅᑕᔨᑕᑯᓱᐅᓐ ᐃᔅᐱᒥᒡ ᒋᓯᑯᒡ᙮
2ᐅᑐᓄᐛᒡ ᐅᒡ ᐅᔅᑯᐊᐛᓯᓯᒡ ᑭᔭ ᑲᓄᓴᓂᒡ ᔅᒋ ᐅᒋ ᐅᒋᐱᑕᓐ ᒥᔅᑯᐅᓯᐅᓐ,
ᐊᓐᒡ ᑲ ᐛᐧᑲᑎᔅᒡ ᐅᒡ, ᒐᒋ ᒋᔭᒪᐎᐃᑦ ᑲ ᐛᐧᑲᓱᐛᑦ ᑭᔭ ᑲ ᒋᐛᑎᐸᐊᒪᒐᑦ᙮
3ᐃᔅᐱ ᒥᔭᒥᑐᓇᔨᑎᒪᓂ ᒋᒋᒋᓯᑯᒪ, ᒋᑎᒋᒡ ᑲ ᐅᒋ ᐅᓯᑕᔨᓐ,
ᑎᐱᔅᑲᐤ ᐱᓯᒻ ᑭᔭ ᐅᒐᑭᑕᐧᑯᒡ, ᑲᒋ ᒋᑭᒧᐃᑥᐤ:
4ᑕᓐ ᐊᑕᔨᑕᑯᓯᑦ ᐃᔪᐤ ᐊᔭᐱᑕᔨᒥᑦ ?
ᑭᔭ ᐃᔪᐤ ᐅᑯᓯᓴᓐ, ᐊᒧᐱᔅᑐᐅᑦ ?
5ᐛᔅ ᐊᐱᓯᔅ ᔅᒋ ᑎᐱᑕᔨᑕᑯᐊᐤ ᐃᔅᐱᔅ ᐊᓐᒋᓇ,
ᑭᔭ ᔅᒋ ᐅᒋᒪᐅ-ᐊᑯᓂᔎᐅᓇᐊᐤ ᒋᔅᑕᔨᑕᑯᓱᐅᓂᔪᐤ ᑭᔭ ᒋᔅᑎᓯᐅᓂᔪᐤ᙮
6ᔅᒋ ᑎᐸᔨᑎᒥᐊᐤ ᒥᓯᐛ ᒋᑎᒋᒡ ᑲ ᐅᒋ ᐅᓯᑕᔨᓐ;
ᒥᓯᐛ ᒐᒂᓇ ᔅᒋ ᐊᔅᑕᐛᓐ ᓯᐸ ᐅᓯᑎᒡ:
7ᒥᓯᐛ ᒪᐃᑕᓂᓴ ᑭᔭ ᒥᔅᑐᓴ,
ᓂᐦᐃ, ᑭᔭ ᐊᐛᓯᓴ ᓂᑕᐅᒋᒋᑭᓂᒡ ᑲ ᐃᑕᔨᒋ:
8ᐱᔭᓱᐛ ᑲ ᐱᐸᒥᔭᔨᒋ, ᑭᔭ ᓂᒪᓴ ᐎᓂᐸᑯᒡ,
ᑭᔭ ᒥᓯᐛ ᒐᒂᓐ ᑲ ᓴᐳᐸᔨᒡ ᐎᓂᐸᑯᒡ᙮
9ᐅ ᑎᐸᔨᒋᒐᓱᐤ ᓂᑎᐸᔨᒋᒐᓯᒥᓇᓐ,
ᑕᑈ ᒥᔽᔨᑕᑯᓐ ᒋᑦ ᐃᓯᓂᐧᑲᓱᐅᓐ ᒥᓯᐛ ᐊᔅᐱᑎᔅᑭᒥᑲᒡ !
Currently Selected:
ᑎᐱᑦ ᐅᓂᑭᒧᐅᓇ 8: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
