ᑎᐱᑦ ᐅᓂᑭᒧᐅᓇ 9
9
1ᒋᑭ ᒪᒥᒋᒥᑎᓐ, ᐅ ᑎᐸᔨᒋᒐᓱᐤ, ᒥᓯᐛ ᓂᑕᐃᒡ ᐅᒡ;
ᓂᑭ ᐛᐸᑎᔨᐛᓐ ᒥᓯᐛ ᒋᒪᒥᔅᑲᒡ-ᐃᑐᐅᓇ᙮
2ᓂᑭ ᓯᒋᔭᓯᓐ ᑭᔭ ᒋᑭ ᒥᔽᔨᑎᒥᔨᑎᓐ:
ᐊ ᓂᑭᒧᔭᓐ ᓂᑭ ᒪᒥᒋᑕᓐ ᒋᑦ ᐃᓯᓂᐧᑲᓱᐅᓐ, ᐅ ᒋᔾ ᒪᐅᒡ ᒐᔅᑎᓯᔨᓐ᙮
3ᐃᔅᐱ ᑲ ᐛᐧᑲᓯᒡ, ᒋᐛᑲᐳᐛᑭᓄᑥᐛ, ᒋᑭ ᐸᒋᓯᓐᒡ ᑭᔭ ᒋᑭ ᓂᓱᐅᓇᑎᓯᐅᒡ ᐊ ᑭᓄᐛᐱᒥᑥᐤ᙮
4ᐛᔅ ᔅᒋ ᒥᔪ ᐃᑕᔨᑕᑯᑕᓐ ᓂᑦ ᐃᑕᔨᑕᑯᓱᐅᓐ ᑭᔭ ᓂᑦ ᐃᑕᑎᓯᐅᓐ;
ᔅᒋ ᐊᐱᓐ ᒋᓴᐅᒋᒪᐤ ᑕᑎᐳᐛᑭᓂᒡ ᑯᐃᔅᒄ ᐊ ᑎᐸᔅᑯᓂᒐᔨᓐ᙮
5ᔅᒋ ᒋᑕᐊᒧᐛᐅᒡ ᐊᑲ ᐊᔭᒥᐊᒡ, ᔅᒋ ᓂᓱᐅᓇᒋᐊᐅᒡ ᐅᒥᒋᑥᐅᒡ, ᔅᒋ ᐊᔅᑐᐛᐊᒺᓐ ᐅᑦ ᐃᓯᓂᐧᑲᓱᐅᓄᐛᐤ ᑲᒋᒡ ᑭᔭ ᑲᒋᒡ᙮
6ᐅᐛᐧᑲᓱᐛᐎᓐ, ᓂᓱᐅᓇᑎᓯᐅᓇ ᓇᔅᒡ ᐳᓂᐱᔪᐛ:
ᔅᒋ ᓂᓱᐅᓇᒋᑕᓐ ᐃᑕᐅᓇ;
ᐊ ᒋᔅᒋᓯᑐᑭᓄᐅᒡ ᒋᒡ ᓇᔅᒡ ᓂᓱᐅᓇᑎᓇ᙮
7ᒪᒃ ᑎᐸᔨᒋᒐᓱᐤ ᑲᒋᒡ ᒋᑭ ᑕᐤ:
ᒋ ᐛᐛᓯᑕᐤ ᐅᒋᓴᐅᒋᒪᐤ ᑕᑎᐳᐛᑭᓐ ᒐᒋ ᑎᐸᔅᑯᓂᒐᑦ:
8ᑭᔭ ᒋᑭ ᑎᐸᔅᑯᓂᒻ ᐊᔅᒋᔪᐤ ᑯᐃᔅᑯᑕᑎᓯᐅᓂᒡ, ᒋᑭ ᑎᐸᔅᑯᓇᐤ ᐃᔪᐛ ᑯᐃᔅᑯᑐᐅᓂᒡ᙮
Psalm 9:9-20 (Proper-7 Year B)
9ᑎᐸᔨᒋᒐᓱᐤ ᑭᔭ ᒋᑭ ᓇᑎᒧᐛᐤ ᑲ ᐊᔨᒥᐊᑭᓄᔨᒋ,
ᐊ ᓇᑎᒪᒐᑦ ᒪᒂᒡ ᐊ ᐊᔨᒥᓂᔨᒡ ᐊ ᒋᓯᑲᔨᒡ᙮
10ᐊᓐᒡ ᒪᒃ ᑲ ᒋᔅᒐᔨᑕᒡ ᒋᑦ ᐃᓯᓂᐧᑲᓱᐅᓂᔪᐤ ᒋᑭ ᒪᒥᓯᑐᑕᑯᒡ᙮ ᐛᔅ ᒋᔾ,
ᑎᐸᔨᒋᒐᓱᐤ, ᓇᒪᐎᔾ ᒋᑭ ᐛᐱᓇᐅᒡ ᐊᓐᒡ ᑲ ᓇᓂᑐᐛᔨᒥᔅᒡ᙮
11ᐊ ᓂᑭᒧᔭᒄ ᒪᒥᒋᒪᐧᒄ ᑎᐸᔨᒋᒐᓱᐤ, ᑲ ᐎᒋᑦ ᓴᐃᔭᓂᒡ:
ᐛᐎᑎᒧᒄ ᐊᓐᑕ ᐊ ᐃᑕᒡ ᐃᔪᒡ ᐅᑦ ᐃᑐᑎᒧᐅᓇ᙮
12ᐃᔅᐱ ᒂᒂᒋᒐᒧᒡ ᒥᐧᑯᔪᐤ ᐅᒡ, ᒋᔅᒋᑐᐛᐤ:
ᓇᒪᐎᔾ ᐅᓂᒋᔅᒋᓯᑐᑎᒺᐤ ᐅᑕᑈᐅᓂᔪᐛ ᐅᑎᐱᑕᔨᒧᐛ᙮
13ᒋᔅᑎᒪᒐᔨᒥ, ᐅ ᑎᐸᔨᒋᒐᓱᐤ;
ᒪᒥᑐᓇᔨᑕ ᓂᑦ ᐊᔨᒥᓯᐅᓐ ᐊ ᐃᓯ ᐊᔨᒥᐃᒡ ᐊᓐᒡ ᑲ ᐅᐧᑲᓯᒡ,
ᒋᔾ ᑲ ᐅᐱᓂᔨᓐ ᓂᐳᐅᓂ ᒋᒋᐃᔎᑕᒥᒡ ᐅᒡ᙮
14ᒐᒋ ᐛᐸᑎᔨᐛᔭᓐ ᒥᓯᐛ ᒋᒪᒥᒋᒥᑯᓯᐎᓐ ᐅᒋᒋᐃᔎᑕᒥᒡ ᓴᐃᔭᓐ ᐅᑕᓂᓴ:
ᓂᑭ ᒥᔽᔨᑕᓐ ᒋᐱᒪᒋᐃᐛᐅᓂᒡ᙮
15ᐊᑲ ᐊᔭᒥᐊᒡ ᒥᒋᒧᓯᓐᒡ ᐛᑎᑯᓇ ᐊᒋ ᐅᓯᑕᒡ:
ᐊᐃᐱᔭ ᑲ ᐎᔨᑯᑕᒡ ᐎᔨᐛᐤ ᑎᐱᔨᐛ ᓯᒋᓯᑕᐱᓱᐅᒡ᙮
16ᑎᐸᔨᒋᒐᓱᐤ ᐊ ᑎᐸᔅᑯᓂᒐᐤ ᑎᐱᑐᑕᐧᒃ ᐅᒋ ᒋᔅᒐᔨᑕᑯᓱᐤ:
ᐅᒥᒋᑥᐤ ᓂᒂᓱᐤ ᐎᔾ ᑎᐱᔨᐛ ᑲ ᐅᓯᑕᑦ ᐅᒋ᙮
17ᐅᒥᒋᑥᐅᒡ ᑲᒋᒡ ᐃᔅᑯᑕᒡ ᒋᑭ ᐃᑎᓴᐛᑭᓄᐎᒡ,
ᑭᔭ ᒥᓯᐛ ᐊ ᑕᑐᔅᑲᓇᓯᒡ ᐃᔪᒡ ᑲ ᐅᓂᒋᔅᒋᓯᑐᐛᒡ ᒋᓴᒪᓂᑐᐛ᙮
18ᐛᔅ ᑲᒋᔅᑎᒪᑎᓯᒡ ᓇᒪᐎᔾ ᑲᒋᒡ ᒋᑭ ᐅᓂᒋᔅᒋᓯᑐᐛᑭᓄᐎᒡ:
ᐅᐱᑯᓴᔨᑎᒧᐅᓄᐛᐤ ᑲᒋᔅᑎᒪᒋᓯᒡ ᓇᒪᐎᔾ ᑲᒋᒡ ᒋᑭ ᓂᓱᐅᓇᑎᓂᔪᐛ᙮
19ᐱᓯᑯᐤ, ᐅ ᑎᐸᔨᒋᒐᓱᐤ;
ᐊᑯᔅ ᐊᑲᐎᔾ ᐃᔪᐤ ᒋᑭ ᓴᐧᑯᒋᐃᐛᐤ:
ᐊᑯᔅ ᐊᑲ ᐊᔭᒥᐊᒡ ᒋᑭ ᑎᐸᔅᑯᓇᑭᓄᐎᒡ ᐊ ᑭᓄᐛᐱᒪᑥᐤ᙮
20ᑯᔅᑕᒋᐃᒡ, ᐅ ᑎᐸᔨᒋᒐᓱᐤ;
ᐊ ᑕᑐᔅᑲᓇᓯᒡ ᐃᔪᒡ ᒐᒋ ᒋᔅᒐᔨᒥᑎᓱᒡ ᐱᓯᓯᒄ ᐊ ᐃᔪᐎᒡ᙮
Currently Selected:
ᑎᐱᑦ ᐅᓂᑭᒧᐅᓇ 9: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
