ᑎᐱᑦ ᐅᓂᑭᒧᐅᓇ 32
32
Psalm 32 (Lent-1 Year A)
Psalm 32 (Lent-4, Proper-26 Year C)
1ᓱᐛᔨᑕᑯᓱᐤ ᐊᓐ ᐅᐅᓂᑐᑎᒧᐅᓇ ᑲ ᐛᐸᔨᑕᑭᓄᐎᔨᒋ,
ᐅᒥᒋᑥᐅᓇ ᑲ ᐊᒂᓇᐃᑭᓄᐎᔨᒋ᙮
2ᓱᐛᔨᑕᑯᓱᐤ ᐊᓐ ᐃᔪᐤ ᒥᒐᑎᓯᐅᓂᔪᐤ ᐊᑲ ᒐᒂᓐ ᐃᑎᒋᑎᒪᑯᑦ ᑎᐸᔨᒋᒐᓱᐛ,
ᑭᔭ ᐅᑦ ᐊᒐᐧᑯᒡ ᐊᑲ ᐱᒋᔅᑲᑯᑦ ᑭᑭᒋᔭᐅᓂᔪᐤ᙮
3ᐃᔅᐱ ᑲᒋ ᒋᒺᔭᓐ,
ᓂᔅᑭᓇ ᒋ ᐊᑎ ᒐᔭᓯᓇᑯᓇ ᐊᒪᔭᓐ ᐃᔅᑭᓐ ᒋᓯᑲᐛ᙮
4ᐛᔅ ᐊ ᒋᓯᑲᒡ ᑭᔭ ᐊ ᑎᐱᔅᑲᒡ ᔅᑎᒋᔾ ᓂ ᑯᓯᑯᔅᑲᑯᓐ:
ᓂᑎᑈᓱᐅᓐ ᒧᔭᒻ ᐊ ᐸᔅᑕᒡ ᒪᒂᒡ ᐊ ᓂᐱᒡ᙮
5ᔅᒋ ᐎᑎᒪᑎᓐ ᓂᒥᒋᑐᑎᒧᐅᓇ,
ᓇᒪ ᑭᔭ ᓂ ᐅᒋ ᑲᑕᓐ ᓂᒥᒐᑎᓯᐅᓇ᙮
ᓂᒋ ᐃᔨᓐ, ᓂᑭ ᐎᑎᒧᐛᐤ ᑎᐸᔨᒋᒐᓱᐤ ᓂᐅᓂᑐᑎᒧᐅᓇ;
ᒋᔾ ᒪᒃ ᔅᒋ ᐛᐸᔨᑕᓐ ᐊ ᐃᓯ ᒥᒐᑎᓯᒥᑲᒡ ᓂᒥᒋᑐᑎᒧᐅᓐ᙮
6ᐅ ᒪᒃ ᐅᒋ ᒥᓯᐛ ᑕᑐᐤ ᐊᐛᓐ ᑲ ᐊᔭᒥᐊᐛᑎᓯᑦ ᒋᑭ ᐊᔭᒥᐊᔅᑕᒄ ᒪᒂᒡ ᐊᔅᒄ ᒐᒋ ᒥᔅᑲᑯᐎᔨᓐ:
ᒐᔅᑎᓇᔅ ᐊ ᒥᔅᑎ ᐃᔅᒋᐳᑕᔨᒡ, ᓇᒪᐎᔾ ᒥᒋᒪ ᒋᑭ ᓇᑎᑯᐤ᙮
7ᒋᔾ ᐊ ᑕᔨᓐ ᐊᑯᑕ ᒐ ᑲᓱᔭᓐ;
ᒋᑭ ᒥᑕᒂᓂᒧᐅᓐ ᐊᔨᒥᓱᐅᓐ:
ᒋᑭ ᐛᔅᑲᔅᑯᐅᓐ ᐱᒪᒋᐃᐛᐅ ᓂᑭᒧᐅᓇ ᐅᒡ᙮
8ᒋᑭ ᐎᑎᒪᑎᓐ, ᑭᔭ ᒋᑭ ᒋᔅᑯᑎᒪᑎᓐ ᐊᓐᑕ ᒐ ᐃᑐᑕᔨᓐ:
ᒋᑭ ᒋᔅᒋᓄᑕᔨᑎᓐ ᓂᔅᒋᓯᒄ ᐅᒡ᙮
9ᐊᑲᐎᔾ ᓇᔅᐱᑕᐧᒄ ᑲᐸᐃᑭᔎᐤ, ᑭᔭ ᒪᒃ ᑲᓂᐧᑲᑎᓯᑦ ᑲᐸᐃᑭᔎᐤ, ᐊ ᐊᑲ ᐅᓂᔅᑐᑎᒧᐅᓂᒡ:
ᐅᑐᓄᐛᐛ ᑲ ᒥᒋᒥᐱᑕᔨᒋ ᒋᑐᐱᒋᑭᓂᔪᐤ ᐅᒡ ᐊᑲ ᒥᒋᒪ ᒐᒋ ᓇᑎᔅᒡ᙮
10ᒥᒐᑦ ᑯᐸᑕᔨᑎᒧᐅᓇ ᒋᑭ ᐅᑎᑎᑯᐅᒡ ᐅᒥᒋᑥᐅᒡ:
ᒪᒃ ᐊᓐ ᑲ ᒪᒥᓯᑐᑐᐛᑦ ᑎᐸᔨᒋᒐᓱᐛ ᒋᑭ ᐛᔅᑲᔅᑲᑯᐤ ᒋᔅᑎᒪᒐᔨᒋᒐᐅᓂᔪᐤ᙮
11ᓯᒋᔭᓯᔅᑕᐧᒄ ᑎᐸᔨᒋᒐᓱᐤ, ᒥᔽᔨᑎᒧᒄ ᒪᒃ, ᒋᔨᐛᐤ ᑲ ᑯᐃᔅᑯᑕᑎᓯᔭᒄ:
ᒋᔄᐛᒄ ᐊ ᑕᑈᔭᒄ ᒪᒃ ᐊᔅᐱᔅ ᒥᔽᔨᑎᒪᒄ, ᒥᓯᐛ ᒋᔨᐛᐤ ᑲ ᑯᐃᔅᑯᑕᐊᔭᒄ᙮
Currently Selected:
ᑎᐱᑦ ᐅᓂᑭᒧᐅᓇ 32: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
