ᑎᐱᑦ ᐅᓂᑭᒧᐅᓇ 33
33
Psalm 33:1-12 (Proper-5 Year A)
1ᒧᒋᒐᔨᑎᒥᒄ ᑎᐸᔨᒋᒐᓱᐤ ᐅᒡ, ᐅ ᒋᔨᐛᐤ ᑲ ᑯᐃᔅᑯᑎᓯᔭᒄ;
ᐛᔅ ᒪᒥᒋᒧᐛᐅᓂᔪᐤ ᓇᐃᔅᑲᑯᐅᒡ ᐅᑯᐃᔅᑯᑐᐅᒡ᙮
2ᒪᒥᒋᒥᐧᒄ ᑎᐸᔨᒋᒐᓱᐤ ᐊᔭᒥᐊᐤ ᒋᔍᐛᐱᒋᑭᓂᒡ:
ᓂᑭᒧᔅᑕᐧᒄ ᐊᓯᑭᓇᔭᐱᔾ ᒋᔍᐛᐱᒋᑭᓂᓴ ᐊ ᐊᐸᒋᑕᔭᒄ, ᑭᔭ ᒋᔍᐛᐱᒋᑭᓐ ᑲ ᐸᐃᑯᔪᐛᐸᑭᒧᒡ᙮
3ᓂᑭᒧᔅᑕᐧᒄ ᐅᔅᒋ ᓂᑭᒧᐅᓂᔪᐤ;
ᓇᔅᒡ ᑭᔅᒋᑕᒄ ᐊ ᒋᔍᐛᐱᒐᔭᒄ ᐊ ᒋᔄᐛ ᒋᔍᐛᐱᒐᔭᒄ᙮
4ᐛᔅ ᐅᑦ ᐃᔨᒧᐅᓐ ᑎᐸᔨᒋᒐᓱᐤ ᑯᐃᔅᑯᓂᔪᐤ;
ᒥᓯᐛ ᒪᒃ ᐅᑦ ᐊᑐᔅᒐᐅᓇ ᑕᑈᐅᓂᒡ ᐃᓯ ᐃᑐᑎᒻ᙮
5ᓴᒋᑕᐤ ᑯᐃᔅᑯᑕᑎᓯᐅᓂᔪᐤ ᑭᔭ ᑎᐸᔅᑯᓂᒐᐅᓂᔪᐤ:
ᐊᔅᒋᒡ ᓴᑭᔅᒋᓇᔪᐤ ᐅᒥᔽᑎᓯᐅᓐ ᑎᐸᔨᒋᒐᓱᐤ᙮
6ᐅᑦ ᐃᔨᒧᐅᓂᒡ ᐅᒋ ᑎᐸᔨᒋᒐᓱᐤ ᒋᓯᒂ ᒋ ᐅᓯᑕᑭᓄᐎᔪᐛ:
ᑭᔭ ᒥᓯᐛ ᐊ ᐃᑕᑎᓂᔨᒋ ᐅᑐᓂᒡ ᐊ ᐅᒋ ᔭᔭᑐᑕᐧᒃ᙮
7ᒪᐅᓯᑯᓂᒻ ᓂᐱᔭ ᐎᓂᐸᑯᒡ:
ᒪᒧᐅᔅᑕᐤ ᐊ ᑎᒥᔨᒡ ᓂᐱᔭ ᐊᔅᑕᓱᐅᒋᐛᐱᒡ᙮
8ᐊᑯᔅ ᒥᓯᐛ ᐊᔅᒋᔪᐤ ᒋᑭ ᓇᓂᒋᔅᑕᑯᐤ ᑎᐸᔨᒋᒐᓱᐤ;
ᐊᑯᔅ ᒥᓯᐛ ᐊᔅᒋᒡ ᑲ ᐎᒋᒡ ᒋᑭ ᓴᒐᔨᑕᒥᐃᑯᐅᒡ:
9ᐛᔅ ᒋ ᐃᔨᒧᐤ, ᐊᑯ ᐊᑐᑕᑭᓄᐎᒡ;
ᒋ ᐃᑎᓱᐛᐤ, ᐊᑯ ᐃᔭᔨᑎᔅᑕᔨᒡ᙮
10ᑎᐸᔨᒋᒐᓱᐤ ᓂᑐᐎ ᐃᑕᔨᑕᑯᑕᐛᐤ ᐅᑭᒐᔅᒋᒧᐛᐅᓂᔪᐤ ᐊᑲ ᐊᔭᒥᐊᔨᒋ:
ᓇᒪᐎᔾ ᔭᐱᒐᔨᑕᑯᑕᐛᐤ ᐅᑦ ᐃᑕᔨᑎᒧᐅᓂᔪᐤ ᐃᔪᐛ᙮
11ᐅᑭᒐᔅᒋᒧᐅᓐ ᑎᐸᔨᒋᒐᓱᐤ ᑲᒋᒡ ᐊᔨᑕᓂᔪᐤ;
ᐊ ᐃᓯ ᒥᑐᓇᔨᑕᐧᒃ ᐅᑕᐃᒡ ᒐ ᐃᔅᐱᔅ ᐱᒪᑎᓯᓇᓄᐎᒡ᙮
Psalm 33:12-22 (Proper-14 Year C)
12ᓱᐛᔨᑕᑯᓱᐅᒡ ᑲ ᐃᑎᔅᑲᓇᓯᒡ ᐃᔪᒡ ᑲ ᐅᒋᓴᒪᓂᑐᒥᒡ ᑎᐸᔨᒋᒐᓱᐛ;
ᐊᓐᒡ ᐃᔪᒡ ᑭᔭ ᑲᒋ ᐎᔭᐱᒥᑯᒡ ᒐᒋ ᑎᐱᔨᐛᐅᓯᔨᒋ᙮
13ᑎᐸᔨᒋᒐᓱᐤ ᒋᒋᒋᓯᑯᒡ ᐅᒋ ᐃᑕᐳᐤ;
ᑭᓄᐛᐱᒥᒪᐤ ᒥᓯᐛ ᐅᑯᓯᔨᐛ ᐃᔪᐛ᙮
14ᐊᓐᑕ ᐊ ᐎᒋᑦ ᐅᒋ ᑭᓄᐛᐱᒪᐤ ᒥᓯᐛ ᐊ ᑕᔨᒋ ᐊᔅᒋᒡ᙮
15ᑕᐱᔅᑯᓐ ᐅᓯᑕᐛᐤ ᐅᑕᐃᔪᐛ;
ᒪᒥᑐᓇᔨᑎᒺᐤ ᒥᓯᐛ ᐅᑦ ᐊᑐᔅᒐᐅᓂᔪᐛ᙮
16ᓇᒪᐎᔾ ᑕᐤ ᒋᓴᐅᒋᒪᐤ ᐊᒋ ᐱᒪᒋᐊᑭᓄᐅᑦ ᐊ ᒥᒐᑎᔨᒋ ᐅᑲᒪᓯᒐᓯᒪ:
ᑲ ᓱᐧᑲᑎᓯᑦ ᐃᔪᐤ ᓇᒪᐎᔾ ᐱᒪᒋᐊᑭᓄᐤ ᐊᑎ ᓇᔅᒡ ᒥᔅᑯᐅᓯᑦ᙮
17ᑲᐸᐃᑭᔎᐤ ᓇᒪ ᐃᑕᔨᑕᑯᓱᐤ ᒐᒋ ᐅᒋ ᐱᒪᑎᓯᐅᓇᓄᐅᑦ:
ᓇᒪ ᑭᔭ ᐊᐛᔪᐛ ᒋᑭ ᐱᒪᒋᐊᐤ ᐊᑎ ᓇᔅᒡ ᒥᔅᑯᐅᓯᑦ᙮
18ᐛᐸᑎᒧᒄ, ᑎᐸᔨᒋᒐᓱᐤ ᑭᓄᐛᐱᒪᐤ ᐊᓂᔭ ᑲ ᓇᓂᒋᔅᑕᑯᑦ,
ᐊᓂᔭ ᑲ ᐊᔅᐸᔨᒧᑐᑎᒥᔨᒋ ᐅᓱᐛᔨᒋᒐᐅᓐ;
19ᒐᒋ ᐱᒪᒋᐃᒪᑦ ᐅᑦ ᐊᒐᐧᑯᔪᐛ ᓂᐳᐅᓂᒡ ᐅᒡ,
ᑭᔭ ᒐᒋ ᑭᓄᐛᔨᒪᑦ ᐊ ᐱᒪᑎᓯᔨᒋ ᒪᒂᒡ ᐊ ᑯᐅᐧᑭᑕᓄᐎᒡ᙮
20ᒋᑦ ᐊᒐᐧᑯᓄᐤ ᐊᓯᓄᐛᐊᐤ ᑎᐸᔨᒋᒐᓱᐛ;
ᐎᔾ ᐊᐅᒄ ᒋᐎᒋᐃᑯᓯᐅᓄᐤ ᑭᔭ ᒋᑦ ᐊᒂᓇᐅᓱᐛᑭᓄᐤ᙮
21ᐛᔅ ᒋᑕᐃᓇᒡ ᒋᑭ ᒥᔽᔨᑕᓇᓄᐤ ᐎᔾ ᐅᒋ,
ᐊᒋ ᒪᒥᓯᑐᑎᒺᐧᒄ ᐅᐸᔭᒋ-ᐃᓯᓂᐧᑲᓱᐅᓐ᙮
22ᐊᑯᔅ ᒋᓱᐛᔨᒋᒐᐅᓐ, ᐅ ᑎᐸᔨᒋᒐᓱᐤ,
ᓂᑭ ᑥᐅᑕᑯᓇᓐ, ᐊ ᐃᓯ ᐊᔅᐸᔨᒧᑐᑕᑕᒡ᙮
Currently Selected:
ᑎᐱᑦ ᐅᓂᑭᒧᐅᓇ 33: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
