ᑎᐱᑦ ᐅᓂᑭᒧᐅᓇ 29
29
Psalm 29 (Epiphany-1 Year A, B, C; Trinity Year B)
1ᒥᔨᐧᒄ ᑎᐸᔨᒋᒐᓱᐤ, ᐅ ᒋᔨᐛᐤ ᑲ ᓱᐧᑲᑎᓯᔭᒄ,
ᒥᔨᐧᒄ ᑎᐸᔨᒋᒐᓱᐤ ᒋᔅᑕᔨᑕᑯᓱᐅᓂᔪᐤ ᑭᔭ ᒥᔅᑯᐅᓯᐅᓂᔪᐤ᙮
2ᒥᔨᐧᒄ ᑎᐸᔨᒋᒐᓱᐤ ᒋᔅᑕᔨᑕᑯᓱᐅᓂᔪᐤ ᑲ ᑎᐱᐸᔨᔨᒡ ᐅᑦ ᐃᓯᓂᐧᑲᓱᐅᓂᒡ;
ᐊᔭᒥᐊᔅᑕᐧᒄ ᑎᐸᔨᒋᒐᓱᐤ ᐊᔅᐱᔅ ᒥᔽᔨᑕᒂᒡ ᐸᔭᒋᓯᐅᓐ᙮
3ᐅᐸᑕᑯᓯᐅᓐ ᑎᐸᔨᒋᒐᓱᐤ ᓂᐱᒡ ᑎᒂᓂᔪᐤ,
ᒋᔅᑕᔨᑕᑯᓯᐤ ᒋᓴᒪᓂᑐᐤ ᐅᓂᒥᔅᒋᒐᐤ:
ᑎᐸᔨᒋᒐᓱᐤ ᑕᐤ ᐊ ᓂᐱᐎᔨᒡ᙮
4ᐅᐸᑕᑯᓱᐅᓐ ᑎᐸᔨᒋᒐᓱᐤ ᓱᐧᑲᑎᓯᒥᑭᓂᔪᐤ;
ᐅᐸᑕᑯᓱᐅᓐ ᑎᐸᔨᒋᒐᓱᐤ ᑕᐱ ᒋᓴᐅᒋᒪᐛᔨᑕᒂᓂᔪᐤ᙮
5ᐅᐸᑕᑯᓱᐅᓐ ᑎᐸᔨᒋᒐᓱᐤ ᓇᑥᐸᔨᐃᑯᐅᒡ ᒪᔅᒋᔅᑲᑎᑯᒡ;
ᓂᐦᐃ, ᑎᐸᔨᒋᒐᓱᐤ ᐱᑯᓇᐤ ᒪᔅᒋᔅᑲᑎᒂ᙮
6ᑭᔭ ᒂᔅᑯᑕᐊᐤ ᒧᔭᒻ ᒥᔅᑐᓯᓴ:
ᓚᐸᓇᓐ ᑭᔭ ᓯᕆᐅᓐ ᒧᔭᒻ ᐅᐸᔭᑯᑕᔅᑭᓂᓯᓴ᙮
7ᐅᐸᑕᑯᓱᐅᓐ ᑎᐸᔨᒋᒐᓱᐤ ᐅᒋ ᑕᑎᐸᓂᒻ ᐃᔅᑯᑕᐛ᙮
8ᐊ ᐸᑕᑯᓯᑦ ᑎᐸᔨᒋᒐᓱᐤ ᑯᔅᑯᔅᑯᐸᔨᑕᐤ ᐸᐧᑯᑎᔅᑭᒥᑯᔪᐤ;
ᑎᐸᔨᒋᒐᓱᐤ ᑯᔅᑯᔅᑯᐸᔨᑕᐤ ᑲᑎᔅ ᐸᐧᑯᑎᔅᑭᒥᑯᔪᐤ᙮
9ᐊ ᐸᑕᑯᓯᑦ ᑎᐸᔨᒋᒐᓱᐤ ᐅᒡ ᐊᑎᐧᑯᒡ ᓂᑕᐅᒋᐊᐅᒡ ᐅᑯᓱᐛᐛ,
ᑭᔭ ᓄᑯᑕᑭᓄᐛ ᐊ ᒥᔅᑎᑯᔅᑲᒡ:
ᐅᒋᓴᐊᔭᒥᐊᐅᒋᐛᐱᒡ ᒥᓯᐛ ᐊᐛᔪᐛ ᐃᔭᔨᒧᑎᒥᔨᐛ ᐅᒋᔅᑕᔨᑕᑯᓱᐅᓐ᙮
10ᑎᐸᔨᒋᒐᓱᐤ ᑕᑎᐳᐤ ᐊᓐᑕ ᐊ ᐃᔅᒋᐳᑕᔨᒡ;
ᓂᐦᐃ, ᑎᐸᔨᒋᒐᓱᐤ ᐊᐳᐤ ᐊ ᒋᓴᐅᒋᒪᐅᑦ ᑲᒋᒡ᙮
11ᑎᐸᔨᒋᒐᓱᐤ ᒋᑭ ᒥᔭᐤ ᒥᔅᑯᐅᓯᐅᓂᔪᐤ ᐅᑦ ᐃᔨᒪ;
ᑎᐸᔨᒋᒐᓱᐤ ᒋᑭ ᓱᐛᔨᒪᐤ ᐅᑦ ᐃᔨᒪ ᐊ ᒥᔭᑦ ᒋᔭᒪᔨᑎᒧᐅᓂᔪᐤ᙮
Currently Selected:
ᑎᐱᑦ ᐅᓂᑭᒧᐅᓇ 29: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
