ᑎᐱᑦ ᐅᓂᑭᒧᐅᓇ 136
136
1ᐅ ᓂᓇᔅᑯᒥᐧᒄ ᑎᐸᔨᒋᒐᓱᐤ: ᐛᔅ ᒥᔽᑎᓯᐤ:
ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
2ᐅ ᓂᓇᔅᑯᒥᐧᒄ ᑎᐸᔨᒋᒐᓱᐤ ᑲ ᐅᒋᓴᒪᓂᑐᒥᑕᑯᑦ ᒥᓂᑐᐛ:
ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
3ᐅ ᓂᓇᔅᑯᒥᐧᒄ ᑕᐸᔨᒪᑦ ᑲ ᑎᐸᔨᒋᒐᔨᒋ:
ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
4ᐊᓐ ᐎᔾ ᒥᒄ ᑲ ᒪᒪᑕᐤ ᐃᔨᑎᑦ:
ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
5ᐊᓐ ᐅᑭᒐᑕᐛᔨᑎᒧᐅᓂᒡ ᑲ ᐅᓯᑕᑦ ᒋᓯᒂ:
ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
6ᐊᓐ ᑲ ᑕᑎᔅᑕᑦ ᐊᔅᒋᔪᐤ ᑕᐧᑯᒡ ᓂᐱᒡ:
ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
7ᐊᓐ ᑲ ᐅᓯᑕᑦ ᒋᒋᐛᔅᑕᓂᐱᒪᑭᓇ:
ᐛᔅ ᐅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
8ᐱᓯᒺ ᒐᒋ ᑎᐸᔨᑎᒥᔨᒋ ᐊ ᒋᓯᑲᔨᒡ:
ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
9ᑎᐱᔅᑲᐤ ᐱᓯᒺ ᑭᔭ ᐅᒐᑭᑕᒂ ᒐᒋ ᑎᐸᔨᑎᒥᔨᒋ ᐊ ᑎᐱᔅᑲᔨᒡ:
ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
10ᐊᓐ ᑲ ᓂᐸᐊᑦ ᐃᒋᑉᑦ ᓂᔅᑎᒧᓴᓇ:
ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ;
11ᐊᓐᑕ ᐊ ᑕᔨᒋ ᒪᒃ ᑲ ᐅᒋ ᐎᐎᑕᐊᑦ ᐃᔅᕋᐃᓚ:
ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
12ᐊ ᒥᔅᑯᐎᐅᑎᒋᑦ, ᑭᔭ ᐊ ᓱᐅᓂᔅᒐᔨᑦ:
ᐛᔅ ᐅᓱᐛᔨᒋᒐᐅᓐ ᑲᒋᒡ ᐱᒥᐱᔪᐤ᙮
13ᐊᓐ ᑲᒋ ᐸᐸᔅᒋᑎᓇᐧᒃ ᒥᒂᑭᒥ ᐎᓂᐸᑯᔪᐤ:
ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ;
14ᑭᔭ ᑲ ᓴᐳᐛᑕᐊᑦ ᐃᔅᕋᐃᓚ:
ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ:
15ᒪᒃ ᑲ ᒂᑎᐱᐛᐸᐛᑦ ᐸᕈᐛ ᑭᔭ ᐅᓂᑐᐱᔪᐅ-ᐃᔨᒥᔪᐛ ᒥᒂᑭᒥ ᐎᓂᐸᑯᒡ:
ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
16ᐊᓐ ᑲ ᓴᐳᐛᑕᐊᑦ ᐅᑦ ᐃᔨᒪ ᐸᐧᑯᑎᔅᑭᒥᑲᒡ:
ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
17ᐊᓐ ᑲ ᐎᔭᔅᑐᑐᐛᑦ ᑲ ᒋᔅᑎᓯᔨᒋ ᒋᓴᐅᒋᒪᐛ:
ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
18ᑭᔭ ᑲ ᓂᐸᐊᑦ ᑲ ᓱᐧᑲᑎᓯᔨᒋ ᒋᓴᐅᒋᒪᐛ:
ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ:
19ᓯᐦᐅᓇ ᐅᒋᓴᐅᒋᒪᒥᔪᐛ ᐊᒧᕆ ᐃᔪᐛ:
ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
20ᑭᔭ ᐅᒃ ᐸᓴᓐ ᒋᓴᐅᒋᒪᐛ:
ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
21ᑭᔭ ᑲᒋ ᒥᔨᒥᒪᑦ ᐅᑦ ᐊᔅᒋᔪᐤ ᒐᒋ ᑎᐱᔨᐛᐅᓯᓇᓂᐎᔨᒡ:
ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
22ᒐᒋ ᑎᐱᔨᐛᐅᓯᔨᒋ ᐅᑦ ᐊᑐᔅᒐᔭᑭᓇ ᐃᔅᕋᐃᓚ:
ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
23ᑲ ᒋᔅᒋᑐᑕᑕᐧᒄ ᒋ ᑎᐱᑕᔨᑕᑯᓯᐅᓂᓇᒡ:
ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ;
24ᑭᔭ ᑲ ᐱᒪᒋᐃᑕᐧᒄ ᑲ ᐅᐧᑲᑎᔨᑕᐧᑯᐤ ᐅᒡ:
ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
25ᑲ ᐊᓯᒪᑦ ᒥᓯᐛ ᑲ ᐎᔭᓯᔨᒋ:
ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
26ᐅ ᓂᓇᔅᑯᒥᐧᒄ ᒋᓴᒪᓂᑐᐤ ᒋᒋᒋᓯᑯᒡ ᐊ ᑕᑦ:
ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
Currently Selected:
ᑎᐱᑦ ᐅᓂᑭᒧᐅᓇ 136: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
