ᑎᐱᑦ ᐅᓂᑭᒧᐅᓇ 135
135
1ᒪᒥᒋᒥᐧᒄ ᑎᐸᔨᒋᒐᓱᐤ !
ᒪᒥᒋᑕᒺᒄ ᐅᑦ ᐃᓯᓂᐧᑲᓱᐅᓐ ᑎᐸᔨᒋᒐᓱᐤ;
ᒪᒥᒋᒥᐧᒄ, ᐅ ᒋᔨᐛᐤ ᐅᑦ ᐊᑐᔅᒐᔭᑭᓇ ᑎᐸᔨᒋᒐᓱᐤ᙮
2ᒋᔨᐛᐤ ᑲ ᓂᐳᐅᔭᒄ ᐎᒋᒡ ᑎᐸᔨᒋᒐᓱᐤ,
ᒪᐅᒋᐃᑐᐅᒋᐛᐱᒡ ᐅ ᒥᒋᐛᐱᒥᒡ ᒋ ᒋᓴᒪᓂᑐᒥᓇᐤ᙮
3ᒪᒥᒋᒥᐧᒄ ᑎᐸᔨᒋᒐᓱᐤ;
ᐛᔅ ᑎᐸᔨᒋᒐᓱᐤ ᒥᔽᑎᓯᐤ:
ᐊ ᓂᑭᒧᔭᒄ ᒪᒥᒋᑕᒺᐧᒄ ᐅᑦ ᐃᓯᓂᐧᑲᓱᐅᓐ;
ᐛᔅ ᒥᔽᔨᑕᑯᓐ᙮
4ᐛᔅ ᑎᐸᔨᒋᒐᓱᐤ ᒋ ᐛᐛᔭᐸᑎᒪᓱᐤ ᒐᑭᐸ,
ᑭᔭ ᐃᔅᕋᐃᓚ ᒐᒋ ᐅᒋ ᐛᔪᑎᓯᐅᓂᑦ᙮
5ᐛᔅ ᓂ ᒋᔅᒐᔨᑕᓐ ᑎᐸᔨᒋᒐᓱᐤ ᐊ ᒋᔅᑎᓯᑦ,
ᑭᔭ ᒋᑎᐸᔨᒋᒐᓯᒥᓄᐤ ᐊ ᐊᔭᐛᒋᔅᑯᐛᑦ ᒥᓯᐛ ᒥᓂᑐᐛ᙮
6ᐊ ᐃᓯ ᒥᔽᔨᑕᐧᒃ ᑎᐸᔨᒋᒐᓱᐤ,
ᐊᔪᐅᒄ ᑲ ᐃᑐᑕᐧᒃ ᒋᒋᒋᓯᑯᒡ ᑭᔭ ᐊᔅᒋᒡ,
ᑭᔭ ᐎᓂᐸᑯᒡ, ᑭᔭ ᒥᓯᐛ ᐊ ᒋᔅᑲᔪᐛᔨᒡ
7ᐃᓯᑕᐤ ᐊ ᓂᐱᐛᐸᑕᔨᒡ ᒐᒋ ᐃᔅᐸᒐᐱᔨᒋ ᐊ ᐃᔎᔅᑭᒥᑲᔨᒡ ᐅᒡ,
ᐛᐛᔅᑕᐸᔨᑕᐤ ᐊ ᒋᒧᓂᔨᒡ;
ᔪᑎᓂᑕᐤ ᐅᑦ ᐊᔅᑕᓱᐅᒋᐛᐱᒡ ᐅᒡ᙮
8ᑲ ᓂᐸᐊᑦ ᓂᔅᑎᒧᓴᓇ ᐃᒋᑉᑎᒡ,
ᐃᔪᐛ ᑭᔭ ᐊᐛᓯᓴ᙮
9ᑲ ᐃᓯᑎᒪᔅᒃ ᒋᔅᒋᓄᐛᒋᒋᑭᓇ ᑭᔭ ᑲ ᒪᒥᔅᑲᒡ ᒐᒂᔪᐛ ᑕᑕᐅᒡ ᐊᓐᑕ ᐊ ᑕᔨᓐ, ᐅ ᐃᒋᑉᑦ,
ᐸᕈᐊ, ᑭᔭ ᒥᓯᐛ ᐅᑦ ᐊᑐᔅᒐᔭᑭᓂᔪᐛ᙮
10ᑲ ᐎᔭᔅᑐᑐᐛᑦ ᑲ ᒋᔅᑎᓯᔨᒋ ᐊ ᐃᑎᔅᑲᓇᓯᔨᒋ ᐃᔪᐛ,
ᑭᔭ ᑲ ᓂᐸᐊᑦ ᑲ ᓱᐧᑲᑎᓯᔨᒋ ᒋᓴᐅᒋᒪᐛ;
11ᓯᐦᐅᓇ ᐊᒧᕆ ᐃᔪᐛ ᐅᒋᓴᐅᒋᒪᒥᔪᐛ,
ᑭᔭ ᐅᑲ ᐸᓴᓐ ᒋᓴᐅᒋᒪᐛ ᑭᔭ ᒥᓯᐛ ᐅᒋᒪᐅᓇ ᑲᐃᓇᓂᒡ:
12ᑭᔭ ᑲ ᒥᔭᑦ ᐅᑦ ᐊᔅᒋᔪᐤ ᒐᒋ ᑎᐱᔨᐛᐅᓯᔨᒋ,
ᒐᒋ ᑎᐱᔨᐛᐅᓯᔨᒋ ᐅᑦ ᐃᔨᒪ ᐃᔅᕋᐃᓚ᙮
13ᒋᑦ ᐃᓯᓂᑲᓯᐅᓐ, ᐅ ᑎᐸᔨᒋᒐᓱᐤ, ᑲᒋᒡ ᑎᒂᓐ;
ᑭᔭ ᒋ ᒋᔅᒋᑐᑕᑯᓯᐅᓐ, ᐅ ᑎᐸᔨᒋᒐᓱᐤ, ᒥᓯᐛ ᒐ ᐊᑎ ᐊᓂᔅᒐ ᐱᒪᑎᓯᓇᓄᐅᒡ᙮
14ᐛᔅ ᑎᐸᔨᒋᒐᓱᐤ ᒋᑭ ᑎᐸᔅᑯᓇᐤ ᐅᑦ ᐃᔨᒪ,
ᑭᔭ ᒋᑭ ᒥᑕᒋᔨᐛᐃᑎᓱᐤ ᐅᑦ ᐊᑐᔅᒐᔭᑭᓇ ᐅᒡ᙮
15ᐅᒥᓂᑐᐧᑲᓂᒧᐛᐛ ᐊᑲ ᐊᔭᒥᐊᒡ ᓱᓇᔭᐱᔅᑯᐎᔪᐛ ᑭᔭ ᐎᔄᐅᓱᓇᔭᐱᔅᑯᐎᔪᐛ,
ᑲ ᐅᓯᐊᒡ ᐃᔪᒡ᙮
16ᐅᑐᓂᐛᒡ, ᒪᒃ ᓇᒪᐎᔾ ᐃᔨᒧᐅᒡ;
ᐅᔅᒋᓯᑯᐛᒡ, ᒪᒃ ᓇᒪᐎᔾ ᐛᐸᑎᒧᒡ᙮
17ᐎᑐᑲᐛᒡ, ᒪᒃ ᓇᒪᐎᔾ ᐸᑎᒧᒡ;
ᓇᒪ ᑭᔭ ᐅᔭᔭᐅᓄᐅᒡ ᐅᑐᓄᐛᒡ᙮
18ᐊᓐᒡ ᑲ ᐅᓯᐊᒡ ᓇᔅᐱᑐᐛᐅᒡ;
ᑭᔭ ᒥᓯᐛ ᑕᑐᐤ ᐊᐛᓐ ᑲ ᒪᒥᓯᑐᑐᐛᑦ᙮
19ᒪᒥᒋᒥᐧᒄ ᑎᐸᔨᒋᒐᓱᐤ, ᐅ ᑲ ᑎᓯᔨᓐ ᐃᔅᕋᐃᓪ;
ᒪᒥᒋᒥᐧᒄ ᑎᐸᔨᒋᒐᓱᐤ, ᐅ ᑲ ᑎᓯᔨᓐ ᐊᕋᓐ:
20ᒪᒥᒋᒥᐧᒄ ᑎᐸᔨᒋᒐᓱᐤ, ᐅ ᑲ ᑎᓯᔨᓐ ᓕᐸᐃ:
ᒋᔨᐛᐤ ᑲ ᓇᓂᒋᔅᑐᐛᒄ ᑎᐸᔨᒋᒐᓱᐤ, ᒪᒥᒋᒥᐧᒄ ᑎᐸᔨᒋᒐᓱᐤ !
21ᒋᑭ ᐎ ᒪᒥᒋᑕᑯᓱᐤ ᑎᐸᔨᒋᒐᓱᐤ ᓴᐃᔭᓂᒡ ᐅᒡ,
ᑲ ᐎᒋᑦ ᒋᕈᓯᓕᒥᒡ᙮
ᒪᒥᒋᒥᐧᒄ ᑎᐸᔨᒋᒐᓱᐤ !
Currently Selected:
ᑎᐱᑦ ᐅᓂᑭᒧᐅᓇ 135: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
