ᑎᐱᑦ ᐅᓂᑭᒧᐅᓇ 116
116
Psalm 116:1-4, 12-19 (Easter-3 Year A)
Psalm 116:1-2, 12-19 (Proper-6 Year A)
Psalm 116:1-9 (Proper-19 Year B)
1ᓂᑭ ᓴᒋᐊᐤ ᑎᐸᔨᒋᒐᓱᐤ,
ᐊᒋ ᓂᑐᑕᐧᒃ ᓂᐸᑕᑯᓱᐅᓂᔪᐤ ᑭᔭ ᓂᓂᑐᑎᒪᒐᐅᓂᔪᐤ᙮
2ᐊᒋ ᓂᑐᑐᐅᑦ,
ᐊᔪᐅᒄ ᒐ ᐅᒋ ᓇᓂᑐᒥᒃ ᒥᒄ ᒐ ᐃᔅᐱᔅ ᐱᒪᑎᓯᔭᓐ᙮
3ᓂᐳᐅᓐ ᐅᑯᐸᑕᔨᑎᒧᐛᐅᓐ ᓂᒋ ᐛᔅᑲᔅᑲᑯᐛᓐ:
ᑭᔭ ᒥᒋ ᐃᔅᑯᑕᐤ ᐎᓯᒐᔨᑎᒧᐅᓇ ᓂᒋ ᐅᑎᑎᓂᑯᓐ:
ᓂᒋ ᒥᔅᑲᓐ ᒥᑯᔅᑲᑕᔨᑎᒧᐅᓐ ᑭᔭ ᑯᐸᑕᔨᑎᒧᐅᓐ᙮
4ᐊᑯ ᓂᔭᓂᑐᐛᒧᑎᒧᒡ ᐅᑦ ᐃᓯᓂᐧᑲᓱᐅᓐ ᑎᐸᔨᒋᒐᓱᐤ:
“ᐅ ᑕᐸᔨᒋᒐᔨᓐ, ᒋ ᐱᑯᓴᔨᒥᑎᓐ, ᐱᒪᒋ ᓂᑦ ᐊᒐᐧᒄ᙮”
5ᒋᓴᐛᑎᓯᐤ ᑎᐸᔨᒋᒐᓱᐤ, ᑭᔭ ᑯᐃᔅᑯᑕᑎᓯᐤ;
ᓂᐦᐃ, ᒋᒋᓴᒪᓂᑐᒥᓄᐤ ᒋᔅᑎᒪᒐᔨᒧᐛᐤ᙮
6ᑎᐸᔨᒋᒐᓱᐤ ᑭᓄᐛᔨᒪᐤ ᐊᑲ ᑭᒐᑕᐛᔨᑎᒥᔨᒋ:
ᓂᒋ ᓂᓇᐧᑲᑕᔨᒧᓐ, ᓂᒋ ᐎᒋᐃᒄ ᒪᒃ᙮
7ᒋᐛ ᓇᑕ ᒋᑦ ᐊᔽᓯᐅᓐ, ᐅ ᓂᑦ ᐊᒐᐧᒄ;
ᐛᔅ ᑎᐸᔨᒋᒐᓱᐤ ᔅᒋ ᒋᓴᐛᑐᑕᒄ᙮
8ᐛᔅ ᒋ ᐎᒂᒋᐊᐤ ᓂᑦ ᐊᒐᐧᒄ ᓂᐳᐅᓂᒡ ᐅᒡ,
ᓂᔅᒋᓯᒂ ᒐ ᐊᑲ ᒋ ᐅᒋᑯᐛᐱᔭᓐ,
ᑭᔭ ᓂᓯᑕ ᒐ ᐊᑲ ᒋ ᐸᒋᓯᓂᔭᓐ᙮
9ᓂᑭ ᐱᒧᑕᓐ ᐅᑎᔅᑯᐤ ᐊ ᑕᑦ ᑎᐸᔨᒋᒐᓱᐤ ᐊᔅᒋᒡ ᐊᓐᑕ ᐊ ᐱᒪᑎᓯᓇᓄᐅᒡ᙮
10ᓂᒋ ᑕᑈᑕᓐ, ᐊᐅᒄ ᑲ ᐅᒋ ᐃᔨᒥᔭᓐ:
“ᓇᔅᒡ ᓂᒋ ᐅᔅᑕᐱᔨᓐ᙮”
11ᓂᒋ ᐃᔅᒋᔄᓐ ᓯᔅᒋᑯᒡ,
“ᒥᓯᐛ ᐃᔪᒡ ᑭᑭᒋᔭᐅᒡ᙮”
Psalm 116:1-4, 12-19 (Easter-3 Year A)
12ᒐᒂᔪᐤ ᒥᔅᑯᒡ ᒐ ᒥᔨᒃ ᑎᐸᔨᒋᒐᓱᐤ ᒥᓯᐛ ᑲ ᐃᓯ ᒥᔪ ᑐᑐᐅᑦ ?
13ᓂᑭ ᐅᑎᓇᓐ ᐱᒪᒋᐃᐛᐤ ᒥᓂᒂᑭᓐ,
ᑭᔭ ᓂᑭ ᓂᑐᑎᒺᓐ ᐅᑦ ᐃᓯᓂᐧᑲᓱᐅᓐ ᑎᐸᔨᒋᒐᓱᐤ᙮
14ᓂᑭ ᑎᐸᐊᒧᐛᐤ ᒋᒋᐛ ᐊᒋ ᐃᑎᒃ ᒐᒂᔪᐤ ᑎᐸᔨᒋᒐᓱᐤ
ᐊ ᐛᐱᒥᔨᒋ ᒥᓯᐛ ᐅᑦ ᐃᔨᒪ᙮
15ᒋᔅᑕᒋᑕᒺᐤ ᑎᐸᔨᒋᒐᓱᐤ ᐅᓂᐳᐅᓂᔪᐤ ᐅᐸᔭᒋᓯᒪ᙮
16ᐅ ᑎᐸᔨᒋᒐᓱᐤ, ᑕᑈ ᓂᔾ ᒋᑦ ᐊᑐᔅᒐᔭᑭᓐ;
ᓂᔾ ᒋᑦ ᐊᑐᔅᒐᔭᑭᓐ, ᑭᔭ ᒋᑦ ᐊᑐᔅᒐᔭᑭᓂᔎᒻ ᐅᑯᓯᓴ:
ᔅᒋ ᐛᐸᑕᓐ ᓂᒥᒪᒋᒂᐱᓱᐅᓇ᙮
17ᒋᑭ ᐸᒋᑎᓇᒪᑎᓐ ᓂᓇᔅᑯᒧᐅ ᐱᔅᑎᓂᒐᐅᓇ,
ᑭᔭ ᓂᑭ ᓂᑐᑎᒺᓐ ᐅᑦ ᐃᓯᓂᐧᑲᓱᐅᓐ ᑎᐸᔨᒋᒐᓱᐤ᙮
18ᓂᑭ ᑎᐸᐊᒧᐛᐤ ᒋᒋᐛ ᐊᒋ ᐃᑎᒃ ᒐᒂᔪᐤ ᑎᐸᔨᒋᒐᓱᐤ
ᐊ ᐛᐱᒥᔨᒋ ᒥᓯᐛ ᐅᑦ ᐃᔨᒪ᙮
19ᒪᐅᒋᐃᑐᐅᒋᐛᐱᒡ ᐎᒋᒡ ᑎᐸᔨᒋᒐᓱᐤ,
ᑕᑕᐅᒡ ᒋᔾ, ᐅ ᒋᕈᓯᓕᒻ᙮
ᒪᒥᒋᒥᐧᒄ ᑎᐸᔨᒋᒐᓱᐤ !
Currently Selected:
ᑎᐱᑦ ᐅᓂᑭᒧᐅᓇ 116: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
