ᑎᐱᑦ ᐅᓂᑭᒧᐅᓇ 115
115
1ᓇᒪᐎᔾ ᓂᔭᓐ, ᐅ ᑎᐸᔨᒋᒐᓱᐤ, ᓇᒪᐎᔾ ᓂᔭᓐ,
ᒪᒃ ᒋᔾ ᒋᑦ ᐃᓯᓂᐧᑲᓱᐅᓐ ᒋᔅᑕᔨᑕᑯᑕ,
ᒋᒋᔅᑎᒪᒐᔨᒋᒐᐅᓂᒡ ᐅᒡ, ᑭᔭ ᒋᑕᑈᐅᓐ ᐅᒡ᙮
2ᒐᒂᔪᐤ ᐛᒋ ᐃᔨᒡ ᐊᑲ ᐊᔭᒥᐊᒡ,
“ᑕᓐᑕ ᐊᑯ ᐊ ᑕᔨᒋ ᐅᒋᓴᒪᓂᑐᒧᐛᐛ ?”
3ᒪᒃ ᒋ ᒋᓴᒪᓂᑐᒥᓇᐤ ᒋᒋᒋᓯᑯᒡ ᑕᐤ:
ᒋ ᐃᑐᑎᒻ ᒥᒄ ᒐᒂᔪᐤ ᐊᓯ ᒥᔽᔨᑕᐧᒃ᙮
4ᐅᒥᓂᑐᐧᑲᓂᒧᐛᐛ ᓱᓇᔭᐱᔅᑯᐎᔪᐛ ᑭᔭ ᐎᔄᐅᓱᓇᔭᐱᔅᑯᐎᔪᐛ,
ᐅᑎᒋᐛᒡ ᑲᒋ ᐅᒋ ᐅᓯᐊᒡ ᐃᔪᒡ᙮
5ᐅᑐᓄᐅᒡ, ᒪᒃ ᓇᒪᐎᔾ ᐃᔨᒧᐅᒡ:
ᐅᔅᒋᓯᑯᐅᒡ, ᒪᒃ ᓇᒪᐎᔾ ᐛᐸᑎᒧᒡ:
6ᐅᑐᑲᐅᒡ, ᒪᒃ ᓇᒪᐎᔾ ᐸᑎᒧᒡ:
ᐅᔅᑯᑐᐅᒡ, ᒪᒃ ᓇᒪᐎᔾ ᒥᔭᒋᒐᐅᒡ:
7ᐅᑎᒋᐅᒡ, ᒪᒃ ᓇᒪᐎᔾ ᒥᒋᒥᓂᒐᐅᒡ:
ᐅᓯᑐᐅᒡ, ᒪᒃ ᓇᒪᐎᔾ ᐱᒧᑕᐅᒡ:
ᓇᒪ ᑭᔭ ᐃᔨᒧᐊᒐᐅᒡ ᐅᑯᑕᑭᓄᐛᐛ᙮
8ᐊᓐᒡ ᑲ ᐅᓯᐊᒡ ᓇᔅᐱᑐᐛᐅᒡ;
ᑭᔭ ᒥᓯᐛ ᑕᑐᐤ ᐊᐛᓐ ᑲ ᒪᒥᓯᑐᑐᐛᑦ᙮
9ᐅ ᐃᔅᕋᐃᓪ, ᒪᒥᓯᑐᑐᐤ ᑎᐸᔨᒋᒐᓱᐤ:
ᐎᔾ ᐊᐅᒄ ᐊᓐ ᐅᐎᒋᐃᑯᓯᐅᓄᐛᐤ ᑭᔭ ᐅᑦ ᐊᑯᓇᐅᓱᐛᑭᓄᐛᐤ᙮
10ᐅ ᐊᑎᓯᔨᓐ ᐊᕋᓐ, ᒪᒥᓯᑐᑕᐧᒄ ᑎᐸᔨᒋᒐᓱᐤ:
ᐎᔾ ᐊᐅᒄ ᐊᓐ ᐅᐎᒋᐃᑯᓯᐅᓄᐛᐤ ᑭᔭ ᐅᑦ ᐊᑯᓇᐅᓱᐛᑭᓄᐛᐤ᙮
11ᒋᔨᐛᐤ ᑲ ᓇᓂᒋᔅᑕᐛᒃ ᑎᐸᔨᒋᒐᓱᐤ, ᒪᒥᓯᑐᑕᐧᒄ ᑎᐸᔨᒋᒐᓱᐤ:
ᐎᔾ ᐊᐅᒄ ᐊᓐ ᐅᐎᒋᐃᑯᓯᐅᓄᐛᐤ ᑭᔭ ᐅᑦ ᐊᑯᓇᐅᓱᐛᑭᓄᐛᐤ᙮
12ᑎᐸᔨᒋᒐᓱᐤ ᔅᒋ ᐱᓯᔅᒐᔨᒥᑯᓄᐤ; ᒋᑭ ᒥᔽᒋᒥᑯᓄᐤ:
ᒋᑭ ᒥᔽᒋᒪᐤ ᒐᑭᐸ ᒥᓯᐛ ᐊ ᑎᓯᔨᒋ;
ᒋᑭ ᒥᔽᒋᒪᐤ ᐊᕋᓇ ᒥᓯᐛ ᐊ ᑎᓯᔨᒋ᙮
13ᒋᑭ ᒥᔽᒋᒪᐤ ᐊᓂᔭ ᑲ ᓇᓂᒋᔅᑐᐛᔨᒋ ᑎᐸᔨᒋᒐᓱᐛ,
ᑕᐱᔅᑯᓐ ᑲ ᐊᐱᔅᑕᔨᑕᑯᓯᔨᒋ ᑭᔭ ᑲ ᒋᓴᐃᑕᔨᑕᑯᓯᔨᒋ᙮
14ᑎᐸᔨᒋᒐᓱᐤ ᐊᔭᔅᒃ ᒥᒄ ᒋᑭ ᒥᒐᑐᐃᑯᐛᐤ,
ᒋᔨᐛᐤ ᑭᔭ ᒋᑦ ᐊᐛᓯᒥᓱᐛᐅᒡ᙮
15ᒋ ᒥᔽᒋᒥᑯᐛᐤ ᑎᐸᔨᒋᒐᓱᐤ,
ᑲᒋ ᐅᓯᑕᑦ ᒋᒋᒋᓯᑯᔪᐤ ᑭᔭ ᐊᔅᒋᔪᐤ᙮
16ᒋᒋᒋᓯᑯᒡ, ᒋᓯᒂ ᐅᑎ ᑎᐸᔨᑎᒻ ᑎᐸᔨᒋᒐᓱᐤ:
ᒪᒃ ᐊᔅᒋᔪᐤ ᒋ ᒥᔨᒪᐤ ᐃᔪᐛ ᐅᑦ ᐊᐛᓯᒥᓯᔨᐛ᙮
17ᑲ ᓂᐱᒡ ᓇᒪᐎᔾ ᒪᒥᒋᒪᐅᒡ ᑎᐸᔨᒋᒐᓱᐛ,
ᓇᒪ ᑭᔭ ᐊᓐᒡ ᑲ ᐃᑐᑕᒡ ᒋᐱᑐᐛᐅᓂᒡ᙮
18ᒪᒃ ᒋᑭ ᒪᒥᒋᒪᓄᐤ ᑎᐸᔨᒋᒐᓱᐤ ᐊᓄᒡ ᐅᒋ ᑭᔭ ᑲᒋᒡ᙮
ᒪᒥᒋᒥᐧᒄ ᑎᐸᔨᒋᒐᓱᐤ !
Currently Selected:
ᑎᐱᑦ ᐅᓂᑭᒧᐅᓇ 115: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
