ᐃᑉᕈᐛ ᑕᓐ ᐊ ᐃᓯ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
ᑕᓐ ᐊ ᐃᓯ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
ᐅ ᒪᒂᒡ ᒥᓯᓇᐊᒪᒐᐅᓐ ᑲ ᒥᓯᓇᐃᑭᓄᐅᒡ, ᐊᓐᒡ ᑲ ᑕᑈᑕᒡ ᒋ ᓂᓇᐧᑲᒋᐊᑭᓄᐎᒡ ᑭᔭ ᒋ ᓂᐸᐊᑭᓄᐎᒡ ᐊᓂᔭ ᐅᒋ ᐊ ᑕᑈᔭᔨᒪᒡ ᒋᓴᓴ᙮ ᐱᔅᒐ ᐊᓐᒡ ᒍᐤ ᐃᔪᒡ ᑲ ᑕᑈᑕᒡ ᒋ ᑯᒂᑕᔨᑎᒧᒡ ᒐᒋ ᐳᓂᒡ ᐊ ᑕᑈᔭᔨᒪᒡ ᒋᓴᓴ ᑭᔭ ᒥᓐ ᒐᒋ ᒋᐛᓇᑕᒡ ᐊᓂᔭ ᒍᐤ ᐃᔪᐛ ᐊ ᐃᓯ ᑕᑈᑎᒥᔨᒋ᙮ ᐅ ᒥᓯᓇᐊᒪᒐᐅᓐ ᐃᑉᕈᐤ ᑲ ᐃᓯᓂᐧᑲᑕᒡ ᒋ ᒥᓯᓇᐃᑭᓄᐤ ᒐᒋ ᒋᔅᑯᑎᒧᐛᑭᓄᐎᒡ ᐊᓐᒡ ᒍᐤ ᐃᔪᒡ ᑲ ᑕᑈᑕᒡ ᐅᔅᑕ ᐊ ᐃᑕᔨᑕᑯᓂᔨᒡ ᐊ ᑕᑈᔭᔨᒪᑭᓄᔨᒋ ᒋᓴᓴ ᐃᔅᐱᔅ ᐎ ᐊᓂᔭ ᒍᐤ ᐃᔪᐛ ᑲ ᐃᓯ ᑕᑈᑎᒥᔨᒋ᙮ ᓄᑯᓂᔪᐤ ᐎᔾ ᒋᓴᔅ ᓇᔅᒡ ᐊᒋ ᒋᔅᑕᑦ ᐊᓂᔭ ᒍᐤ ᑕᑈᑎᒧᐅᓂᔪᐤ ᐃᔅᐱ ᑲ ᐱᔅᑎᓂᓱᑦ ᒐᒋ ᓂᐸᐊᑭᓄᐅᑦ ᒥᒋᑥᐅᓂᒡ ᐅᒡ᙮ ᐃᔅᐱ ᒪᒃ ᑲ ᓂᐱᑦ, ᓇᒪ ᐅᒋ ᓂᑐᐛᔨᑕᑯᓐ ᓴᔅ ᐊᓂᔭ ᐛᔅᑭᒡ ᓂᔅᑯᒧᐅ ᒥᓯᓇᐃᑭᓂᒡ ᑲ ᐃᓯ ᐊᔨᒧᑕᒋ ᒥᑐᔅᑕᐊᒪᒐᐅᓇ᙮ ᐸᐃᑯᓴᑉ ᐱᔅᒋᑎᓯᓇᐃᑭᓐ ᐅᑕ ᐅ ᒥᓯᓇᐃᑭᓐ ᐊᑯᑕ ᐊ ᐊᔨᒧᒪᑭᓄᐎᒡ ᐊᓐᒡ ᐊᐛᓐᒋ ᑲ ᐊᔭᒡ ᑕᑈᑎᒧᐅᓂᔪᐤ ᐊᓐᑕ ᐛᔅᑭᒡ ᓂᔅᑯᒧᐅ ᒥᓯᓇᐃᑭᓂᒡ᙮ ᐊᑯᑕ ᒪᒃ ᒐᒋ ᐅᒋ ᒋᔅᑯᑎᒧᐛᑭᓄᐎᒡ ᑲ ᑕᑈᑕᒡ ᑕᓐ ᒋᐸ ᐃᓯ ᑕᑈᑎᒧᒡ ᑭᔭ ᓇᔅᒡ ᒐᒋ ᑕᑈᔭᔨᒪᒡ ᒋᓴᒪᓂᑐᐛ᙮
Currently Selected:
ᐃᑉᕈᐛ ᑕᓐ ᐊ ᐃᓯ ᐊᔨᒧᑕᒡ ᐅᑕ ᒥᓯᓇᐃᑭᓂᒡ: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada