ᐊᑈᔅᑕᓇᒡ 26
26
ᑈᓪ ᑲ ᐃᔨᒥᔅᑎᒪᓱᑦ ᐅᑎᔅᑯᐤ ᒋᓴᐅᒋᒪᐛ ᐊᒃᕆᐸᔨᒋ ᐊ ᑕᔨᒋ
1ᐊᑯ ᒋᓴᐅᒋᒪᐤ ᐊᒃᕆᐸ ᒂ ᐃᑕᑦ ᐊᓂᔭ ᑈᓚ, “ᐊᑯ ᐸᔅᑎᓂᑯᔨᓐ ᒐᒋ ᐃᔨᒥᔅᑎᒪᓱᔨᓐ᙮” ᐊᑯ ᑈᓪ ᒂ ᓱᐅᓂᔅᒐᔨᑦ ᐃᔅᐱ ᒐ ᐃᔨᒥᔅᑎᒪᓱᑦ᙮ 2ᒂ ᐃᑕᑦ ᐊᓂᔭ ᒋᓴᐅᒋᒪᐛ ᐊᒃᕆᐸᔨᒋ, “ᒋᓴᐅᒋᒪᐤ ᐊᒃᕆᐸ, ᓂ ᓱᐛᔨᑕᑯᓯᓐ ᓂᑦ ᐃᑕᔨᑕᓐ ᐊ ᓇᐃᐱᔨᒡ ᐅᑕ ᐊ ᑕᔨᓐ ᒐᒋ ᐃᔨᒥᔅᑎᒪᓱᔭᓐ ᒥᓯᐛ ᐅᔭ ᑲ ᐃᔅᒋᔄᒡ ᐅᒡ ᒍᐤ ᐃᔪᒡ ᐊᒋ ᐃᑐᐅᒡ᙮ 3ᐊᓐ ᓇᔅᒡ ᐊ ᒥᔪ ᒋᔅᒐᔨᑎᒥᓐ ᒍᐤ ᐃᑐᐅᓇ ᑭᔭ ᐊᓂᔭ ᒐᒂᔪᐛ ᐛᒋ ᒥᒋᐱᔨᒡ ᒪᓐ ᒍᐤ ᐃᔪᒡ ᐊᐅᑯᓐ ᓇᔅᒡ ᐛᒋ ᒥᔽᔨᑎᒪᓐ ᐅᑕ ᐊ ᑕᔨᓐ ᒐᒋ ᐃᔨᒥᔅᑎᒪᓱᔭᓐ᙮ ᒋ ᐱᑯᓴᔨᒥᑎᓐ ᒪᒃ ᐃᔭᒂ ᒐᒋ ᓂᑐᑎᐎᔨᓐ ᑭᔭ ᒐ ᐎ ᓯᐱᔪᐛᓯᔅᑎᐎᔨᓐ ᑕᓐ ᒐ ᐃᓯ ᐃᔨᒥᔭᓐ᙮”
4“ᒥᓯᐛ ᐅᒡ ᒍᐤ ᐃᔪᒡ ᒋᔅᒐᔨᑎᒧᒡ ᑕᓐ ᑲ ᐃᓯ ᐸᒋ ᐱᒪᑎᓯᐅᒡ ᐊᓐᑕ ᑎᐱᔨᐛ ᑲ ᐅᒋᔭᓐ ᑲ ᐃᔅᐱᔅ ᐸᒋ ᐊᐛᓯᐅᔭᓐ ᑭᔭ ᒋᔅᒐᔨᑕᑯᓐ ᑕᓐ ᑲ ᐃᑕᑎᓯᔭᓐ ᐊᓐᑕ ᒋᕈᓯᓕᒥᒡ ᑲ ᑕᔭᓐ᙮ 5ᒧᔅ ᒋ ᐸᒋ ᒋᔅᒐᔨᑎᒧᒡ ᐅᒡ ᒍᐤ ᐃᔪᒡ, ᐸᕆᓯ ᐊ ᐊᐎᔭᓐ ᑭᔭ ᓇᔅᒡ ᓱᒃ ᐊᒋ ᐃᑕᔨᑎᒧᒡ ᐸᕆᓯ ᐊ ᑕᐅᒡ᙮ ᒋᐸ ᒋ ᐎᑎᒧᒡ ᑭᔭ ᐎ ᐎᑕᒡ ᐅᔭ᙮ ᐊᓐᒡ ᒪᒃ ᐸᕆᓯᔨᒡ ᐊᐅᑯᓐᒡ ᐊᓐᒡ ᒪᐅᒡ ᐃᔭᒂ ᐊ ᐃᓯ ᓂᓇᑭᑐᐛᔨᑕᒡ ᐅᔭ ᒍᐤ ᐎᓱᐛᐅᓂᔪᐤ᙮ 6ᐊᓄᒡ ᒪᒃ ᐅ ᑲ ᓂᐳᐅᔭᓐ ᐅᑕ, ᓂ ᑎᐸᔅᑯᓂᑯᐅᓐ ᒥᒄ ᐊᓐ ᐊ ᐊᓱᐛᐸᑎᒪᓐ ᑭᔭ ᐊ ᑕᑈᑎᒪᓐ ᑕᑈ ᒐ ᐃᔅᐱᔨᒡ ᐊᓂᔭ ᑕᓐ ᑲ ᐃᑕᒂ ᒋᓴᒪᓂᑐᐤ ᐊᓂᔭᐧᑲ ᐛᔅᑭᒡ ᓂᐧᑲᓂᓯᓇᓇ ᒐᔅᑎᓇᔅ ᒐ ᐃᑐᑎᒧᐛᑦ᙮ 7ᒥᓯᐛ ᒪᒃ ᑭᔭ ᐎᔨᐛᐤ ᐊᓐᒡ ᒍᐤ ᐃᔪᒡ ᐊᓂᔭᔪᐛ ᑲ ᓂᓱᓴᐳᔨᒋ ᒐᑭᐸ ᐅᑯᓯᔪᐛ ᐊ ᑕᔨᒋ ᑲ ᐅᒋᒡ ᐊᐅᒄ ᐅᔭ ᐊ ᐊᓱᐛᐸᑕᒡ᙮ ᐊᐅᒄ ᐅᔭ ᐊ ᐃᓯ ᐱᑯᓴᔨᒧᒡ ᐊ ᐊᔭᒥᐊᒡ ᒋᓴᒪᓂᑐᐛ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ᙮ ᒋᓴᐅᒋᒪᐤ ᐊᒃᕆᐸ, ᐊᐅᒄ ᒪᒃ ᐅᔭ ᐊ ᐃᓯ ᑕᑈᑎᒧᒡ ᐛᒋ ᐎ ᑎᐸᔅᑯᓂᒡ ᐅᒡ ᒍᐤ ᐃᔪᒡ᙮ 8ᐊᑯ ᑲ ᐃᑕᑦ ᑈᓪ ᐊᓂᔭᔪᐛ ᒍᐤ ᐃᔪᐛ, ᒋᔨᐛᐤ ᐃᔪᒡ ᒍᐤ ᑲ ᐃᑎᔅᑲᓇᓯᔭᒄ, ᒐᒂᓐ ᐛᒋ ᐊᑲ ᒋ ᑕᑈᑎᒪᒄ ᒋᓴᒪᓂᑐᐤ ᐊ ᐅᓂᔅᑲᓇᑦ ᐊᐛᔪᐛ ᓂᐳᐅᓂᒡ ᐅᒡ ?”
9“ᐊᓐᑕ ᐅᑕᒡ ᑭᔭ ᓂᔾ ᒥᒄ ᓂᒋ ᐃᑕᔨᑎᒥᐃᑯᓐ ᒐᒋ ᓂᓱᐅᓇᒋᑕᔭᓐ ᐊᓐ ᒥᔽᒋᒧᐅᓐ ᒋᓴᔅ ᓇᓴᕆᑦ ᑲ ᐅᒋᑦ ᑲ ᐊᔨᒧᒪᑭᓄᐅᑦ᙮ 10ᐊᐅᒄ ᑲ ᐃᑎᔭᓐ ᐊᓐᑕ ᒋᕈᓯᓕᒥᒡ᙮ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᓂᒋ ᒥᔨᑯᒡ ᒐᒋ ᒪᑯᓂᒥᒋ ᐊᓂᔭᔪᐛ ᐊᐛᔪᐛ ᑲ ᑕᑈᑎᒥᔨᒋ ᑭᔭ ᒐᒋ ᒋᐸᐛᑭᓄᔨᒋ᙮ ᐃᔅᐱ ᒪᒃ ᐊ ᐃᑎᓱᐛᑕᑭᓄᐎᒡ ᐊᓐᒡ ᑲ ᑕᑈᑕᒡ ᒐᒋ ᓂᐸᐊᑭᓄᐎᒡ ᐊᐅᑯᓐ ᑲ ᐃᓯ ᓂᔅᑯᒧᔭᓐ ᑭᔭ ᓂᔾ᙮ 11ᒥᒐᑦ ᑭᔭ ᓂᔾ ᓂᒋ ᐃᑐᑐᐛᐅᒡ ᒐᒋ ᐛᐛᓯᐊᑭᓄᐎᒡ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᑭᔭ ᓂᒋ ᐎ ᐃᑐᑐᐛᐅᒡ ᒐᒋ ᐸᔅᑕᒪᒡ ᒋᓴᓴ᙮ ᓇᔅᒡ ᑕᑈ ᒧᔅ ᓂᒋ ᒋᔄᐃᑯᒡ, ᐛᐛᒡ ᐊᓐᑕ ᒪᓐᑕᐤ ᐅᑕᓇᒡ ᓂᒋ ᐃᑐᑕᐛᓐ ᐊ ᓂᓇᐧᑲᒋᐃᒂᐤ᙮”
ᑈᓪ ᑲ ᐎᑕᐧᒃ ᑕᓐᑕ ᑲ ᐅᒋ ᑕᑈᑕᐧᒃ
12“ᐸᐃᒂᐤ ᒪᒃ ᒪᒂᒡ ᒥᓐ ᐅ ᐊ ᐃᑕᐱᑎᓯᔭᓐ, ᐊᓐᑕ ᑕᒪᔅᑲᓯᒡ ᓂᒋ ᐃᑎᓴᐅᑯᒡ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ᙮ 13ᒪᒂᒡ ᒪᔅᑭᓇᒡ ᐊ ᑕᔭᒡ, ᓴᓯᑲᓐ ᐊ ᐊᐱᑕᒋᓯᑲᒡ, ᓂᒋ ᐛᐸᑕᓐ ᐛᔅᑕᐅᓐ ᒋᒋᒋᓯᑯᒡ ᐅᒡ ᐛᔅᑲ ᐊᓐᑕ ᐊ ᑕᔭᓐ ᑭᔭ ᐛᔅᑲ ᐊᓐᒡ ᓇᐸᐅᒡ ᑲ ᐎᒐᐅᒂᐤ ᐊ ᑕᒡ᙮ ᐅᔅᑕ ᒋ ᒋᐧᑲᔭᔅᑕᐤ ᐊᑎ ᐃᔅᐱᔅ ᒋᐧᑲᔭᔅᑐᐛᑦ ᐱᓯᒻ᙮ 14ᒥᓯᐛ ᒪᒃ ᓂᒋ ᐸᒋᓯᓇᓐ, ᐊᑯ ᒂ ᐸᑐᐅᒃ ᐊᐛᓐ ᐃᑉᕈᐤ ᐊ ᐃᓯ ᐃᔨᒥᑦ ᐊ ᐸᒋ ᐃᓯᑦ, ‘ᓴᓪ, ᓴᓪ, ᒐᒂᓐ ᐛᒋ ᑯᒂᒋᐃᔨᓐ ? ᒋᔾ ᓇᓂᑎᒻ ᒋᑦ ᐊᐧᑯᐃᓱᓐ ᐊᑎ ᓂᔾ ᐊ ᐎ ᐸᒋ ᐊᐧᑯᐃᔨᓐ᙮’ ”
15“ᐊᑯ ᒂ ᐃᔅᒋᔄᔭᓐ, ‘ᐊᐛᓐ ᒪᒃ ᒋᔾ, ᐅᑎᐸᔨᒋᒐᐤ ?’ ”
“ᐊᑯ ᒂ ᐸᒋ ᐃᓯᑦ ᐅᑎᐸᔨᒋᒐᐤ, ‘ᐊᐅᒄ ᓂᔾ ᒋᓴᔅ, ᐊᓐ ᐊᐛᓐ ᑲ ᑯᒂᒋᐃᑦ᙮ 16ᐱᓯᑯ ᒪᒃ, ᐅ ᐛᒋ ᓄᑯᓯᔅᑕᑕᓐ ᒋ ᓂᑐᐛᔨᒥᑎᓐ ᒐᒋ ᐊᑐᔅᒐᔅᑐᐎᓐ᙮ ᒋ ᓂᑐᐛᔨᒥᑎᓐ ᒐᒋ ᐎᑎᒧᐅᑥᐤ ᑯᑎᑭᒡ ᐊᐛᓐᒋ ᑕᓐ ᑲ ᐃᓯ ᐛᐸᑎᔨᑕᓐ ᐊᓄᒡ ᑭᔭ ᑕᓐ ᒐ ᐃᓯ ᐛᐸᑎᔨᑕᓐ ᐊᓐᑕ ᓂᔅᑕᒥᒡ᙮ 17ᓂᔾ ᒋᑭ ᑭᓄᐛᔨᒥᑎᓐ ᑕᔨᓇ ᐊᓐᑕ ᒐ ᐃᑎᓴᐅᑕᓐ ᒍᐤ ᐃᔪᒡ ᐊ ᑕᒡ ᑭᔭ ᐊᓐᑕ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮ 18ᒋᑦ ᐃᑎᓴᐅᑎᓐ ᐊᓐᑕ ᐊ ᑕᒡ ᒐᒋ ᓂᔅᑐᑎᒥᐃᑥᐤ ᑕᓐ ᐊ ᐃᓯᓇᑯᓂᔨᒋ ᐅᐱᒪᑎᓯᐅᓄᐛᐛ᙮ ᒋᔅᒐᔨᑕᒂᐛ ᒪᒃ ᐊᑯ ᒐ ᓂᑭᑕᒡ ᐅᓂᑎᐱᔅᒋᓯᐅᓂᔪᐤ ᐊᑯ ᐛᔅᑕᐅᓂᔪᐤ ᒐ ᓇᑕᒡ᙮ ᑭᔭ ᒐ ᓂᑭᑕᒺᒡ ᒥᒋᒥᓂᑐᐛ ᐅᓱᐧᑲᑎᓯᐅᓂᔪᐤ ᐃᔭᐱᒡ ᒋᓴᒪᓂᑐᐛ ᐅᓱᐧᑲᑎᓯᐅᓂᔪᐤ ᒐᒋ ᓇᑎᒺᒡ᙮ ᐊᑯ ᒪᒃ ᑕᑈᔭᔨᒥᑥᐛ ᒐ ᐛᐸᔨᑎᒧᐛᑭᓄᐎᒡ ᐅᒥᒋᑥᐅᓄᐛᐛ᙮ ᐊᑯ ᒪᒃ ᒐ ᒥᓯᓇᓱᒡ ᑭᔭ ᐎᔨᐛᐤ ᐊᓐᑕ ᒪᓯᓇᓱᐎᒋ ᒋᓴᒪᓂᑐᐛ ᐅᑦ ᐃᔨᒥᔪᐛ ᐊᓂᔭᔪᐛ ᑲ ᐅᑎᓇᔨᒋ᙮’ ”
ᑈᓪ ᑲ ᐊᔨᒧᑕᐧᒃ ᐅᑦ ᐊᑐᔅᒐᐅᓐ
19“ᑭᔭ ᒋᓴᐅᒋᒪᐤ ᐊᒃᕆᐸ, ᓂᒋ ᓂᓇᐃᑕᓐ ᐅ ᑲ ᐃᑎᓱᒥᑯᔭᓐ ᒋᒋᒋᓯᑯᒡ ᐅᒡ᙮ 20ᐊᓐᑕ ᒪᒃ ᑕᒪᔅᑲᓯᒡ ᓂᔅᑎᒻ, ᑭᔭ ᐊᓐᑕ ᒋᕈᓯᓕᒥᒡ, ᐊᑯ ᒥᓐ ᒥᓯᐛ ᐊᓐᑕ ᐅᑕᓇᐛ ᒍᑎᔭ ᐊᔅᒋᒡ ᑲ ᑎᒂᒋ ᑭᔭ ᐊᓐᑕ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊ ᑕᒡ ᓂᒋ ᐱᐸᑭᒐᔅᒋᒧᓐ ᐊ ᐃᑎᒂᐤ ᐊᐛᓐᒋ ᒐᒋ ᒂᔅᑲᑎᓯᒡ ᑭᔭ ᒐᒋ ᑕᑈᔭᔨᒪᒡ ᒋᓴᒪᓂᑐᐛ, ᑭᔭ ᒐᒋ ᐃᑐᑕᒡ ᒐᒂᔪᐤ ᐊᓐᑕ ᒐᒋ ᐅᒋ ᓄᑯᓂᔨᒡ ᑕᑈ ᐊ ᒂᔅᑲᑎᓯᒡ᙮ 21ᐊᐅᒄ ᒪᒃ ᐅᔭ ᒪᒂᒡ ᑲ ᐃᑐᒡ ᐊᓐᒡ ᒍᐤ ᐃᔪᒡ ᑲ ᐸᒋ ᒪᑯᓂᒡ ᒪᒂᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐊ ᑕᐅᒡ, ᐊᑯ ᒂ ᐎ ᐸᒋ ᓂᐸᐃᒡ᙮ 22ᒥᒄ ᒪᒃ ᒋᓴᒪᓂᑐᐤ ᒧᔅ ᓂᒋ ᐸᒋ ᐎᒋᐃᒄ, ᐊᐅᒄ ᐛᒋ ᓂᐳᐅᔭᓐ ᐅᑕ ᐊᓄᒡ ᐊ ᐛᐎᑎᒧᐅᒂᐤ ᒥᓯᐛ ᐊᐛᓐᒋ ᐊ ᑕᑈᔭᓐ ᒥᓯᐛ ᑕᓐ ᐊ ᐃᓯ ᐛᐎᑎᒪᓐ᙮ ᐊᓐ ᒪᒃ ᐊ ᐃᓯ ᐛᐎᑎᒪᓐ ᐊᐅᑯᓐ ᒧᔭᒻ ᑲ ᐃᓯ ᐛᐎᑎᒧᐛᐛᒂ ᑭᔭ ᐎᔨᐛᐤ ᐊᓂᔭᐧᑲ ᐅᒋᔅᒋᐛᐃᒐᓱᒡ ᑭᔭ ᒧᓱᔅ᙮ 23ᐅ ᑲ ᐃᓯ ᐊᔨᒧᑕᑯᐱᓇ ᐊᐅᒄ ᐅ ᙭ ᑲ ᐃᓯᓂᐧᑲᑕᑭᓄᐅᑦ ᒐᔅᑎᓇᔅ ᒐ ᓂᓇᐧᑲᒋᐊᑭᓄᐅᑦ, ᑭᔭ ᐎᔾ ᓂᔅᑎᒻ ᒐ ᐅᓂᔅᑲᑦ ᓂᐳᐅᓂᒡ ᐅᒡ, ᒐᒋ ᐊᔨᒧᑎᒧᐛᑦ ᒍᐤ ᐃᔪᐛ ᑭᔭ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒡ ᐛᔅᑕᐅᓂᒡ ᐊ ᑎᒂᒡ ᐱᒪᒋᐃᑯᓯᐅᓐ᙮”
24ᒪᒂᒡ ᒪᒃ ᐅᔭ ᐊ ᐃᓯ ᐃᔨᒥᑦ ᑈᓪ, ᐸᔅᑕᓴ ᒋ ᐊᓯᒂᑎᑯᐤ ᐊ ᐃᑎᑯᑦ, “ᑈᓪ, ᒋ ᒋᔎᓐ ! ᒋ ᒋᔎᐃᑯᓐ ᐊᓐ ᑲ ᐃᔅᐱᔅ ᒥᔅᑎ ᒋᔅᑯᑎᒪᑯᔨᓐ !”
25ᐊᑯ ᑈᓪ ᒂ ᐎᑎᒧᐛᑦ ᐊ ᐃᑕᑦ, “ᓇᒪ ᓂ ᒋᔎᓐ, ᐸᔅᑕᔅ ᒪᐅᒡ ᑲ ᒋᔅᑕᔨᑕᑯᓯᔨᓐ᙮ ᓂ ᑕᑈᓐ ᐊᓐ ᑲ ᐃᓯ ᐎᑎᒪᓐ ᑭᔭ ᑭᒐᑕᐛᔨᑎᒧᐅᓂᒡ ᐅᒋᐱᔪᐤ᙮ 26ᒋᓴᐅᒋᒪᐤ ᐊᒃᕆᐸ, ᒋᑭ ᒋ ᐊᔨᒧᑎᒪᑎᓐ ᐅᔭ ᒐᒂᔪᐛ ᐊᑲ ᑯᔅᑕᒋᔭᓐ ᐛᔅ ᒋ ᒋᔅᒐᔨᑕᓐ ᓴᔅ ᑕᓐ ᑲ ᐃᔅᐱᔨᑦ ᒋᓴᔅ᙮ ᓇᒪ ᒋᒧᑦ ᐅᒋ ᐃᔅᐱᔪᐛ ᐅᔭ ᒐᒂᔪᐛ, ᒥᓯᐛ ᐊᐛᓐ ᒋᔅᒐᔨᑎᒻ ᑕᓐ ᑲ ᐃᔅᐱᔨᑦ ᒋᓴᔅ᙮ 27ᒋᓴᐅᒋᒪᐤ ᐊᒃᕆᐸ, ᒋ ᑕᑈᑎᒺᓐ ᐊ ᑕᓐ ᑲ ᐃᓯ ᐊᔨᒧᑕᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ ? ᒋ ᒋᔅᒐᔨᒥᑎᓐ ᐊ ᑕᑈᑎᒧᑦ᙮”
28ᐊᑯ ᐊᒃᕆᐸ ᒂ ᐃᑕᑦ ᐊᓂᔭ ᑈᓪ, “ᐅ ᐃᔅᐱᔅ ᐛᐃᐱᔅᒋᔅ ᒋᑦ ᐃᑕᔨᑕᓐ ᐊ ᓴᔅ ᒐᒋ ᓴᐧᑯᒋᒥᔨᓐ ᒐᒋ ᒂᔅᑲᑎᓯᔭᓐ ?”
29ᐊᑯ ᑈᓪ ᒂ ᐃᑕᑦ, “ᐛᐃᐱᔅᒋᔅ ᑭᔭ ᒪᒃ ᓇᐅᔅ, ᒐ ᑎᓯᐧᑲᓱᒪᑭᓂᒂ, ᓂ ᐱᑯᓴᔨᒪᐤ ᒋᓴᒪᓂᑐᐤ ᒐᒋ ᐃᓯᓇᑯᐃᑕᒄ ᑭᔭ ᒋᔨᐛᐤ ᑭᔭ ᐊᓐᒡ ᑯᑎᑭᒡ ᑲ ᓂᑐᑐᐅᒡ ᒧᔭᒻ ᓂᔾ ᑲ ᐃᓯᓇᑯᓯᔭᓐ ᒐᒋ ᐃᓯᓇᑯᓯᔭᒄ, ᓴᔅ ᐊᒋ ᒂᔅᑲᑎᓯᔭᓐ᙮ ᓇᒪᐎᔾ ᑭᑈ ᐎ ᒐᒋ ᒪᒋᒪᐱᔅᑲᐅᑯᔭᒄ ᐃᓴᒂᔭᐱᔭ ᒧᔭᒻ ᓂᔾ ᐊ ᐃᓯᓇᑯᓯᔭᓐ ᐊᓄᒡ᙮”
30ᐊᑯ ᐊᓐ ᒋᓴᐅᒋᒪᐤ, ᑭᔭ ᐊᓐ ᒥᔅᑎ ᒋᓴᐅᒋᒪᐤ, ᐸᕐᓂᔅ ᒪᒃ, ᑭᔭ ᐊᓂᔭ ᑲ ᐎᑎᐱᒥᑯᒡ ᒋ ᐱᓯᑯᐅᒡ᙮ 31ᐃᔅᐱ ᑲ ᐎᐎᒡ ᐊᑯ ᒂ ᐃᔅᒋᔄᒡ, “ᓇᒪ ᒐᒂᔪᐤ ᐅᒋ ᐃᑐᑎᒻ ᐅ ᓇᐸᐤ ᒐᒋ ᐅᒋ ᒪᑯᓇᑭᓄᐅᑦ ᑭᔭ ᒪᒃ ᒐᒋ ᐅᒋ ᓂᐸᐊᑭᓄᐅᑦ᙮”
32ᐊᑯ ᐊᒃᕆᐸ ᒂ ᐃᑕᑦ ᐊᓂᔭ ᐸᔅᑕᔅ, “ᓇᔅᒡ ᒋᐸ ᒋ ᐱᔅᑎᓇᑭᓄᐤ ᐅ ᓇᐸᐤ ᑈᓪ ᐊᑲ ᐅᒋ ᐃᔅᒋᔄᒂ ᒐᒋ ᐃᑎᓴᐛᑭᓄᐅᑦ ᐊᓐᑕ ᓯᓴᕋ ᐊ ᑕᔨᒋ ᒐᒋ ᑎᐸᔅᑯᓇᑭᓄᐅᑦ᙮”
Currently Selected:
ᐊᑈᔅᑕᓇᒡ 26: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᐊᑈᔅᑕᓇᒡ 26
26
ᑈᓪ ᑲ ᐃᔨᒥᔅᑎᒪᓱᑦ ᐅᑎᔅᑯᐤ ᒋᓴᐅᒋᒪᐛ ᐊᒃᕆᐸᔨᒋ ᐊ ᑕᔨᒋ
1ᐊᑯ ᒋᓴᐅᒋᒪᐤ ᐊᒃᕆᐸ ᒂ ᐃᑕᑦ ᐊᓂᔭ ᑈᓚ, “ᐊᑯ ᐸᔅᑎᓂᑯᔨᓐ ᒐᒋ ᐃᔨᒥᔅᑎᒪᓱᔨᓐ᙮” ᐊᑯ ᑈᓪ ᒂ ᓱᐅᓂᔅᒐᔨᑦ ᐃᔅᐱ ᒐ ᐃᔨᒥᔅᑎᒪᓱᑦ᙮ 2ᒂ ᐃᑕᑦ ᐊᓂᔭ ᒋᓴᐅᒋᒪᐛ ᐊᒃᕆᐸᔨᒋ, “ᒋᓴᐅᒋᒪᐤ ᐊᒃᕆᐸ, ᓂ ᓱᐛᔨᑕᑯᓯᓐ ᓂᑦ ᐃᑕᔨᑕᓐ ᐊ ᓇᐃᐱᔨᒡ ᐅᑕ ᐊ ᑕᔨᓐ ᒐᒋ ᐃᔨᒥᔅᑎᒪᓱᔭᓐ ᒥᓯᐛ ᐅᔭ ᑲ ᐃᔅᒋᔄᒡ ᐅᒡ ᒍᐤ ᐃᔪᒡ ᐊᒋ ᐃᑐᐅᒡ᙮ 3ᐊᓐ ᓇᔅᒡ ᐊ ᒥᔪ ᒋᔅᒐᔨᑎᒥᓐ ᒍᐤ ᐃᑐᐅᓇ ᑭᔭ ᐊᓂᔭ ᒐᒂᔪᐛ ᐛᒋ ᒥᒋᐱᔨᒡ ᒪᓐ ᒍᐤ ᐃᔪᒡ ᐊᐅᑯᓐ ᓇᔅᒡ ᐛᒋ ᒥᔽᔨᑎᒪᓐ ᐅᑕ ᐊ ᑕᔨᓐ ᒐᒋ ᐃᔨᒥᔅᑎᒪᓱᔭᓐ᙮ ᒋ ᐱᑯᓴᔨᒥᑎᓐ ᒪᒃ ᐃᔭᒂ ᒐᒋ ᓂᑐᑎᐎᔨᓐ ᑭᔭ ᒐ ᐎ ᓯᐱᔪᐛᓯᔅᑎᐎᔨᓐ ᑕᓐ ᒐ ᐃᓯ ᐃᔨᒥᔭᓐ᙮”
4“ᒥᓯᐛ ᐅᒡ ᒍᐤ ᐃᔪᒡ ᒋᔅᒐᔨᑎᒧᒡ ᑕᓐ ᑲ ᐃᓯ ᐸᒋ ᐱᒪᑎᓯᐅᒡ ᐊᓐᑕ ᑎᐱᔨᐛ ᑲ ᐅᒋᔭᓐ ᑲ ᐃᔅᐱᔅ ᐸᒋ ᐊᐛᓯᐅᔭᓐ ᑭᔭ ᒋᔅᒐᔨᑕᑯᓐ ᑕᓐ ᑲ ᐃᑕᑎᓯᔭᓐ ᐊᓐᑕ ᒋᕈᓯᓕᒥᒡ ᑲ ᑕᔭᓐ᙮ 5ᒧᔅ ᒋ ᐸᒋ ᒋᔅᒐᔨᑎᒧᒡ ᐅᒡ ᒍᐤ ᐃᔪᒡ, ᐸᕆᓯ ᐊ ᐊᐎᔭᓐ ᑭᔭ ᓇᔅᒡ ᓱᒃ ᐊᒋ ᐃᑕᔨᑎᒧᒡ ᐸᕆᓯ ᐊ ᑕᐅᒡ᙮ ᒋᐸ ᒋ ᐎᑎᒧᒡ ᑭᔭ ᐎ ᐎᑕᒡ ᐅᔭ᙮ ᐊᓐᒡ ᒪᒃ ᐸᕆᓯᔨᒡ ᐊᐅᑯᓐᒡ ᐊᓐᒡ ᒪᐅᒡ ᐃᔭᒂ ᐊ ᐃᓯ ᓂᓇᑭᑐᐛᔨᑕᒡ ᐅᔭ ᒍᐤ ᐎᓱᐛᐅᓂᔪᐤ᙮ 6ᐊᓄᒡ ᒪᒃ ᐅ ᑲ ᓂᐳᐅᔭᓐ ᐅᑕ, ᓂ ᑎᐸᔅᑯᓂᑯᐅᓐ ᒥᒄ ᐊᓐ ᐊ ᐊᓱᐛᐸᑎᒪᓐ ᑭᔭ ᐊ ᑕᑈᑎᒪᓐ ᑕᑈ ᒐ ᐃᔅᐱᔨᒡ ᐊᓂᔭ ᑕᓐ ᑲ ᐃᑕᒂ ᒋᓴᒪᓂᑐᐤ ᐊᓂᔭᐧᑲ ᐛᔅᑭᒡ ᓂᐧᑲᓂᓯᓇᓇ ᒐᔅᑎᓇᔅ ᒐ ᐃᑐᑎᒧᐛᑦ᙮ 7ᒥᓯᐛ ᒪᒃ ᑭᔭ ᐎᔨᐛᐤ ᐊᓐᒡ ᒍᐤ ᐃᔪᒡ ᐊᓂᔭᔪᐛ ᑲ ᓂᓱᓴᐳᔨᒋ ᒐᑭᐸ ᐅᑯᓯᔪᐛ ᐊ ᑕᔨᒋ ᑲ ᐅᒋᒡ ᐊᐅᒄ ᐅᔭ ᐊ ᐊᓱᐛᐸᑕᒡ᙮ ᐊᐅᒄ ᐅᔭ ᐊ ᐃᓯ ᐱᑯᓴᔨᒧᒡ ᐊ ᐊᔭᒥᐊᒡ ᒋᓴᒪᓂᑐᐛ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ᙮ ᒋᓴᐅᒋᒪᐤ ᐊᒃᕆᐸ, ᐊᐅᒄ ᒪᒃ ᐅᔭ ᐊ ᐃᓯ ᑕᑈᑎᒧᒡ ᐛᒋ ᐎ ᑎᐸᔅᑯᓂᒡ ᐅᒡ ᒍᐤ ᐃᔪᒡ᙮ 8ᐊᑯ ᑲ ᐃᑕᑦ ᑈᓪ ᐊᓂᔭᔪᐛ ᒍᐤ ᐃᔪᐛ, ᒋᔨᐛᐤ ᐃᔪᒡ ᒍᐤ ᑲ ᐃᑎᔅᑲᓇᓯᔭᒄ, ᒐᒂᓐ ᐛᒋ ᐊᑲ ᒋ ᑕᑈᑎᒪᒄ ᒋᓴᒪᓂᑐᐤ ᐊ ᐅᓂᔅᑲᓇᑦ ᐊᐛᔪᐛ ᓂᐳᐅᓂᒡ ᐅᒡ ?”
9“ᐊᓐᑕ ᐅᑕᒡ ᑭᔭ ᓂᔾ ᒥᒄ ᓂᒋ ᐃᑕᔨᑎᒥᐃᑯᓐ ᒐᒋ ᓂᓱᐅᓇᒋᑕᔭᓐ ᐊᓐ ᒥᔽᒋᒧᐅᓐ ᒋᓴᔅ ᓇᓴᕆᑦ ᑲ ᐅᒋᑦ ᑲ ᐊᔨᒧᒪᑭᓄᐅᑦ᙮ 10ᐊᐅᒄ ᑲ ᐃᑎᔭᓐ ᐊᓐᑕ ᒋᕈᓯᓕᒥᒡ᙮ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᓂᒋ ᒥᔨᑯᒡ ᒐᒋ ᒪᑯᓂᒥᒋ ᐊᓂᔭᔪᐛ ᐊᐛᔪᐛ ᑲ ᑕᑈᑎᒥᔨᒋ ᑭᔭ ᒐᒋ ᒋᐸᐛᑭᓄᔨᒋ᙮ ᐃᔅᐱ ᒪᒃ ᐊ ᐃᑎᓱᐛᑕᑭᓄᐎᒡ ᐊᓐᒡ ᑲ ᑕᑈᑕᒡ ᒐᒋ ᓂᐸᐊᑭᓄᐎᒡ ᐊᐅᑯᓐ ᑲ ᐃᓯ ᓂᔅᑯᒧᔭᓐ ᑭᔭ ᓂᔾ᙮ 11ᒥᒐᑦ ᑭᔭ ᓂᔾ ᓂᒋ ᐃᑐᑐᐛᐅᒡ ᒐᒋ ᐛᐛᓯᐊᑭᓄᐎᒡ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᑭᔭ ᓂᒋ ᐎ ᐃᑐᑐᐛᐅᒡ ᒐᒋ ᐸᔅᑕᒪᒡ ᒋᓴᓴ᙮ ᓇᔅᒡ ᑕᑈ ᒧᔅ ᓂᒋ ᒋᔄᐃᑯᒡ, ᐛᐛᒡ ᐊᓐᑕ ᒪᓐᑕᐤ ᐅᑕᓇᒡ ᓂᒋ ᐃᑐᑕᐛᓐ ᐊ ᓂᓇᐧᑲᒋᐃᒂᐤ᙮”
ᑈᓪ ᑲ ᐎᑕᐧᒃ ᑕᓐᑕ ᑲ ᐅᒋ ᑕᑈᑕᐧᒃ
12“ᐸᐃᒂᐤ ᒪᒃ ᒪᒂᒡ ᒥᓐ ᐅ ᐊ ᐃᑕᐱᑎᓯᔭᓐ, ᐊᓐᑕ ᑕᒪᔅᑲᓯᒡ ᓂᒋ ᐃᑎᓴᐅᑯᒡ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ᙮ 13ᒪᒂᒡ ᒪᔅᑭᓇᒡ ᐊ ᑕᔭᒡ, ᓴᓯᑲᓐ ᐊ ᐊᐱᑕᒋᓯᑲᒡ, ᓂᒋ ᐛᐸᑕᓐ ᐛᔅᑕᐅᓐ ᒋᒋᒋᓯᑯᒡ ᐅᒡ ᐛᔅᑲ ᐊᓐᑕ ᐊ ᑕᔭᓐ ᑭᔭ ᐛᔅᑲ ᐊᓐᒡ ᓇᐸᐅᒡ ᑲ ᐎᒐᐅᒂᐤ ᐊ ᑕᒡ᙮ ᐅᔅᑕ ᒋ ᒋᐧᑲᔭᔅᑕᐤ ᐊᑎ ᐃᔅᐱᔅ ᒋᐧᑲᔭᔅᑐᐛᑦ ᐱᓯᒻ᙮ 14ᒥᓯᐛ ᒪᒃ ᓂᒋ ᐸᒋᓯᓇᓐ, ᐊᑯ ᒂ ᐸᑐᐅᒃ ᐊᐛᓐ ᐃᑉᕈᐤ ᐊ ᐃᓯ ᐃᔨᒥᑦ ᐊ ᐸᒋ ᐃᓯᑦ, ‘ᓴᓪ, ᓴᓪ, ᒐᒂᓐ ᐛᒋ ᑯᒂᒋᐃᔨᓐ ? ᒋᔾ ᓇᓂᑎᒻ ᒋᑦ ᐊᐧᑯᐃᓱᓐ ᐊᑎ ᓂᔾ ᐊ ᐎ ᐸᒋ ᐊᐧᑯᐃᔨᓐ᙮’ ”
15“ᐊᑯ ᒂ ᐃᔅᒋᔄᔭᓐ, ‘ᐊᐛᓐ ᒪᒃ ᒋᔾ, ᐅᑎᐸᔨᒋᒐᐤ ?’ ”
“ᐊᑯ ᒂ ᐸᒋ ᐃᓯᑦ ᐅᑎᐸᔨᒋᒐᐤ, ‘ᐊᐅᒄ ᓂᔾ ᒋᓴᔅ, ᐊᓐ ᐊᐛᓐ ᑲ ᑯᒂᒋᐃᑦ᙮ 16ᐱᓯᑯ ᒪᒃ, ᐅ ᐛᒋ ᓄᑯᓯᔅᑕᑕᓐ ᒋ ᓂᑐᐛᔨᒥᑎᓐ ᒐᒋ ᐊᑐᔅᒐᔅᑐᐎᓐ᙮ ᒋ ᓂᑐᐛᔨᒥᑎᓐ ᒐᒋ ᐎᑎᒧᐅᑥᐤ ᑯᑎᑭᒡ ᐊᐛᓐᒋ ᑕᓐ ᑲ ᐃᓯ ᐛᐸᑎᔨᑕᓐ ᐊᓄᒡ ᑭᔭ ᑕᓐ ᒐ ᐃᓯ ᐛᐸᑎᔨᑕᓐ ᐊᓐᑕ ᓂᔅᑕᒥᒡ᙮ 17ᓂᔾ ᒋᑭ ᑭᓄᐛᔨᒥᑎᓐ ᑕᔨᓇ ᐊᓐᑕ ᒐ ᐃᑎᓴᐅᑕᓐ ᒍᐤ ᐃᔪᒡ ᐊ ᑕᒡ ᑭᔭ ᐊᓐᑕ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮ 18ᒋᑦ ᐃᑎᓴᐅᑎᓐ ᐊᓐᑕ ᐊ ᑕᒡ ᒐᒋ ᓂᔅᑐᑎᒥᐃᑥᐤ ᑕᓐ ᐊ ᐃᓯᓇᑯᓂᔨᒋ ᐅᐱᒪᑎᓯᐅᓄᐛᐛ᙮ ᒋᔅᒐᔨᑕᒂᐛ ᒪᒃ ᐊᑯ ᒐ ᓂᑭᑕᒡ ᐅᓂᑎᐱᔅᒋᓯᐅᓂᔪᐤ ᐊᑯ ᐛᔅᑕᐅᓂᔪᐤ ᒐ ᓇᑕᒡ᙮ ᑭᔭ ᒐ ᓂᑭᑕᒺᒡ ᒥᒋᒥᓂᑐᐛ ᐅᓱᐧᑲᑎᓯᐅᓂᔪᐤ ᐃᔭᐱᒡ ᒋᓴᒪᓂᑐᐛ ᐅᓱᐧᑲᑎᓯᐅᓂᔪᐤ ᒐᒋ ᓇᑎᒺᒡ᙮ ᐊᑯ ᒪᒃ ᑕᑈᔭᔨᒥᑥᐛ ᒐ ᐛᐸᔨᑎᒧᐛᑭᓄᐎᒡ ᐅᒥᒋᑥᐅᓄᐛᐛ᙮ ᐊᑯ ᒪᒃ ᒐ ᒥᓯᓇᓱᒡ ᑭᔭ ᐎᔨᐛᐤ ᐊᓐᑕ ᒪᓯᓇᓱᐎᒋ ᒋᓴᒪᓂᑐᐛ ᐅᑦ ᐃᔨᒥᔪᐛ ᐊᓂᔭᔪᐛ ᑲ ᐅᑎᓇᔨᒋ᙮’ ”
ᑈᓪ ᑲ ᐊᔨᒧᑕᐧᒃ ᐅᑦ ᐊᑐᔅᒐᐅᓐ
19“ᑭᔭ ᒋᓴᐅᒋᒪᐤ ᐊᒃᕆᐸ, ᓂᒋ ᓂᓇᐃᑕᓐ ᐅ ᑲ ᐃᑎᓱᒥᑯᔭᓐ ᒋᒋᒋᓯᑯᒡ ᐅᒡ᙮ 20ᐊᓐᑕ ᒪᒃ ᑕᒪᔅᑲᓯᒡ ᓂᔅᑎᒻ, ᑭᔭ ᐊᓐᑕ ᒋᕈᓯᓕᒥᒡ, ᐊᑯ ᒥᓐ ᒥᓯᐛ ᐊᓐᑕ ᐅᑕᓇᐛ ᒍᑎᔭ ᐊᔅᒋᒡ ᑲ ᑎᒂᒋ ᑭᔭ ᐊᓐᑕ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊ ᑕᒡ ᓂᒋ ᐱᐸᑭᒐᔅᒋᒧᓐ ᐊ ᐃᑎᒂᐤ ᐊᐛᓐᒋ ᒐᒋ ᒂᔅᑲᑎᓯᒡ ᑭᔭ ᒐᒋ ᑕᑈᔭᔨᒪᒡ ᒋᓴᒪᓂᑐᐛ, ᑭᔭ ᒐᒋ ᐃᑐᑕᒡ ᒐᒂᔪᐤ ᐊᓐᑕ ᒐᒋ ᐅᒋ ᓄᑯᓂᔨᒡ ᑕᑈ ᐊ ᒂᔅᑲᑎᓯᒡ᙮ 21ᐊᐅᒄ ᒪᒃ ᐅᔭ ᒪᒂᒡ ᑲ ᐃᑐᒡ ᐊᓐᒡ ᒍᐤ ᐃᔪᒡ ᑲ ᐸᒋ ᒪᑯᓂᒡ ᒪᒂᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐊ ᑕᐅᒡ, ᐊᑯ ᒂ ᐎ ᐸᒋ ᓂᐸᐃᒡ᙮ 22ᒥᒄ ᒪᒃ ᒋᓴᒪᓂᑐᐤ ᒧᔅ ᓂᒋ ᐸᒋ ᐎᒋᐃᒄ, ᐊᐅᒄ ᐛᒋ ᓂᐳᐅᔭᓐ ᐅᑕ ᐊᓄᒡ ᐊ ᐛᐎᑎᒧᐅᒂᐤ ᒥᓯᐛ ᐊᐛᓐᒋ ᐊ ᑕᑈᔭᓐ ᒥᓯᐛ ᑕᓐ ᐊ ᐃᓯ ᐛᐎᑎᒪᓐ᙮ ᐊᓐ ᒪᒃ ᐊ ᐃᓯ ᐛᐎᑎᒪᓐ ᐊᐅᑯᓐ ᒧᔭᒻ ᑲ ᐃᓯ ᐛᐎᑎᒧᐛᐛᒂ ᑭᔭ ᐎᔨᐛᐤ ᐊᓂᔭᐧᑲ ᐅᒋᔅᒋᐛᐃᒐᓱᒡ ᑭᔭ ᒧᓱᔅ᙮ 23ᐅ ᑲ ᐃᓯ ᐊᔨᒧᑕᑯᐱᓇ ᐊᐅᒄ ᐅ ᙭ ᑲ ᐃᓯᓂᐧᑲᑕᑭᓄᐅᑦ ᒐᔅᑎᓇᔅ ᒐ ᓂᓇᐧᑲᒋᐊᑭᓄᐅᑦ, ᑭᔭ ᐎᔾ ᓂᔅᑎᒻ ᒐ ᐅᓂᔅᑲᑦ ᓂᐳᐅᓂᒡ ᐅᒡ, ᒐᒋ ᐊᔨᒧᑎᒧᐛᑦ ᒍᐤ ᐃᔪᐛ ᑭᔭ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒡ ᐛᔅᑕᐅᓂᒡ ᐊ ᑎᒂᒡ ᐱᒪᒋᐃᑯᓯᐅᓐ᙮”
24ᒪᒂᒡ ᒪᒃ ᐅᔭ ᐊ ᐃᓯ ᐃᔨᒥᑦ ᑈᓪ, ᐸᔅᑕᓴ ᒋ ᐊᓯᒂᑎᑯᐤ ᐊ ᐃᑎᑯᑦ, “ᑈᓪ, ᒋ ᒋᔎᓐ ! ᒋ ᒋᔎᐃᑯᓐ ᐊᓐ ᑲ ᐃᔅᐱᔅ ᒥᔅᑎ ᒋᔅᑯᑎᒪᑯᔨᓐ !”
25ᐊᑯ ᑈᓪ ᒂ ᐎᑎᒧᐛᑦ ᐊ ᐃᑕᑦ, “ᓇᒪ ᓂ ᒋᔎᓐ, ᐸᔅᑕᔅ ᒪᐅᒡ ᑲ ᒋᔅᑕᔨᑕᑯᓯᔨᓐ᙮ ᓂ ᑕᑈᓐ ᐊᓐ ᑲ ᐃᓯ ᐎᑎᒪᓐ ᑭᔭ ᑭᒐᑕᐛᔨᑎᒧᐅᓂᒡ ᐅᒋᐱᔪᐤ᙮ 26ᒋᓴᐅᒋᒪᐤ ᐊᒃᕆᐸ, ᒋᑭ ᒋ ᐊᔨᒧᑎᒪᑎᓐ ᐅᔭ ᒐᒂᔪᐛ ᐊᑲ ᑯᔅᑕᒋᔭᓐ ᐛᔅ ᒋ ᒋᔅᒐᔨᑕᓐ ᓴᔅ ᑕᓐ ᑲ ᐃᔅᐱᔨᑦ ᒋᓴᔅ᙮ ᓇᒪ ᒋᒧᑦ ᐅᒋ ᐃᔅᐱᔪᐛ ᐅᔭ ᒐᒂᔪᐛ, ᒥᓯᐛ ᐊᐛᓐ ᒋᔅᒐᔨᑎᒻ ᑕᓐ ᑲ ᐃᔅᐱᔨᑦ ᒋᓴᔅ᙮ 27ᒋᓴᐅᒋᒪᐤ ᐊᒃᕆᐸ, ᒋ ᑕᑈᑎᒺᓐ ᐊ ᑕᓐ ᑲ ᐃᓯ ᐊᔨᒧᑕᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ ? ᒋ ᒋᔅᒐᔨᒥᑎᓐ ᐊ ᑕᑈᑎᒧᑦ᙮”
28ᐊᑯ ᐊᒃᕆᐸ ᒂ ᐃᑕᑦ ᐊᓂᔭ ᑈᓪ, “ᐅ ᐃᔅᐱᔅ ᐛᐃᐱᔅᒋᔅ ᒋᑦ ᐃᑕᔨᑕᓐ ᐊ ᓴᔅ ᒐᒋ ᓴᐧᑯᒋᒥᔨᓐ ᒐᒋ ᒂᔅᑲᑎᓯᔭᓐ ?”
29ᐊᑯ ᑈᓪ ᒂ ᐃᑕᑦ, “ᐛᐃᐱᔅᒋᔅ ᑭᔭ ᒪᒃ ᓇᐅᔅ, ᒐ ᑎᓯᐧᑲᓱᒪᑭᓂᒂ, ᓂ ᐱᑯᓴᔨᒪᐤ ᒋᓴᒪᓂᑐᐤ ᒐᒋ ᐃᓯᓇᑯᐃᑕᒄ ᑭᔭ ᒋᔨᐛᐤ ᑭᔭ ᐊᓐᒡ ᑯᑎᑭᒡ ᑲ ᓂᑐᑐᐅᒡ ᒧᔭᒻ ᓂᔾ ᑲ ᐃᓯᓇᑯᓯᔭᓐ ᒐᒋ ᐃᓯᓇᑯᓯᔭᒄ, ᓴᔅ ᐊᒋ ᒂᔅᑲᑎᓯᔭᓐ᙮ ᓇᒪᐎᔾ ᑭᑈ ᐎ ᒐᒋ ᒪᒋᒪᐱᔅᑲᐅᑯᔭᒄ ᐃᓴᒂᔭᐱᔭ ᒧᔭᒻ ᓂᔾ ᐊ ᐃᓯᓇᑯᓯᔭᓐ ᐊᓄᒡ᙮”
30ᐊᑯ ᐊᓐ ᒋᓴᐅᒋᒪᐤ, ᑭᔭ ᐊᓐ ᒥᔅᑎ ᒋᓴᐅᒋᒪᐤ, ᐸᕐᓂᔅ ᒪᒃ, ᑭᔭ ᐊᓂᔭ ᑲ ᐎᑎᐱᒥᑯᒡ ᒋ ᐱᓯᑯᐅᒡ᙮ 31ᐃᔅᐱ ᑲ ᐎᐎᒡ ᐊᑯ ᒂ ᐃᔅᒋᔄᒡ, “ᓇᒪ ᒐᒂᔪᐤ ᐅᒋ ᐃᑐᑎᒻ ᐅ ᓇᐸᐤ ᒐᒋ ᐅᒋ ᒪᑯᓇᑭᓄᐅᑦ ᑭᔭ ᒪᒃ ᒐᒋ ᐅᒋ ᓂᐸᐊᑭᓄᐅᑦ᙮”
32ᐊᑯ ᐊᒃᕆᐸ ᒂ ᐃᑕᑦ ᐊᓂᔭ ᐸᔅᑕᔅ, “ᓇᔅᒡ ᒋᐸ ᒋ ᐱᔅᑎᓇᑭᓄᐤ ᐅ ᓇᐸᐤ ᑈᓪ ᐊᑲ ᐅᒋ ᐃᔅᒋᔄᒂ ᒐᒋ ᐃᑎᓴᐛᑭᓄᐅᑦ ᐊᓐᑕ ᓯᓴᕋ ᐊ ᑕᔨᒋ ᒐᒋ ᑎᐸᔅᑯᓇᑭᓄᐅᑦ᙮”
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada