ᐊᑈᔅᑕᓇᒡ 25
25
ᑈᓪ ᑲ ᐅᑎᔅᑯᑲᐳᔅᑐᐛᑦ ᓯᓴᕋ
1ᓂᔅᑐ ᒋᓯᑲᐛ ᒪᒃ ᑲ ᐃᔅᐱᔅ ᒋ ᑎᑯᓯᐧᒃ ᐳᕐᑭᔭᔅ ᐸᔅᑕᔅ ᐊᓐᑕ ᐊᓂᔭ ᐊᔅᒋᔪᐤ, ᒋ ᓂᑭᑎᒻ ᓯᓴᕆᔭ ᐊᑯ ᐊᓐᑕ ᒋᕈᓯᓕᒥᒡ ᒂ ᐃᑐᑕᑦ᙮ 2ᐊᑯᑕ ᒪᒃ ᐊᓐᑕ ᒋᕈᓯᓕᒥᒡ ᑲ ᐸᒋ ᐅᑎᔅᑯᑲᐳᔅᑕᑯᑦ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐊᐛᔪᐛ ᑲ ᓂᑲᓂᔅᑯᐛᔨᒋ ᒍᐤ ᐃᔪᐛ ᐊ ᐸᒋ ᒪᒥᓯᒪᒡ ᑈᓚ᙮ 3ᒋ ᓯᒋᒪᐅᒡ ᐸᔅᑕᓴ ᒐᒋ ᓂᔅᑯᒧᔨᒋ ᒐᒋ ᐸᒋ ᐃᑐᑕᐊᑭᓄᔨᒋ ᑈᓚ ᐊᓐᑕ ᒋᕈᓯᓕᒥᒡ᙮ ᐛᔅ ᒋᒧᑦ ᒋ ᐎᔭᔨᑎᒧᒡ ᒐᒋ ᐊᔅᑭᒧᐛᒡ ᑈᓚ ᐊ ᐎ ᓂᐸᐊᒡ ᐊᓐᑕ ᒋᕈᓯᓕᒥᒡ ᐸᒋ ᐃᑐᑕᐊᑭᓄᔨᒐ᙮ 4ᐊᑯ ᐸᔅᑕᔅ ᒂ ᐃᑕᑦ, “ᐊᔅᒄ ᒪᒂᒡ ᒋᐸᐛᑭᓄᐤ ᑈᓪ ᐊᓐᑕ ᓯᓴᕆᔭᒡ᙮ ᓴᔅ ᒪᒃ ᐎᐱᒡ ᓂᑭ ᐃᑐᑕᓐ ᓇᑕ᙮ 5ᐊ ᐃᑕᐛᒂ ᒪᒃ ᐊᓐᒡ ᑲ ᓂᑲᓂᔅᑲᑕᑯᒡ ᐊ ᑎᑯᓂᔨᒡ ᑕᓐ ᐛ ᐃᓯ ᑎᐸᔅᑯᓇᒡ ᐊᓂᔭᔪᐛ ᑈᓚ ᓂᐸ ᐸᒋ ᐎᒐᐅᑯᒡ ᐊᓐᑕ ᓯᓴᕆᔭᒡ ᐊ ᐃᑐᑕᐅᒡ᙮ ᐊᑯ ᒪᒃ ᑕᑈ ᑲ ᐅᓂᑐᑎᒥᒂᓂ, ᐊᑯᑕ ᓇᑕ ᐃᑕᔭᒐ ᓂᐸ ᐎᑎᑯᒡ ᑕᓐ ᑲ ᐃᓯ ᐅᓂᑐᑎᒥᔨᒋ᙮”
6ᓴᓯᑲᓐ ᒪᒃ ᔭᓇᐤ ᑭᔭ ᒪᒃ ᐸᐃᑯᔪᐛ ᒋᓯᑲᐛ ᒋ ᐃᔅᐱᔅ ᑕᐤ ᒥᓐ ᐸᔅᑕᔅ ᐊᓐᑕ ᒋᕈᓯᓕᒥᒡ᙮ ᐊᑯ ᒂ ᐃᑐᑕᑦ ᐊᓐᑕ ᓯᓴᕆᔭᒡ᙮ ᐎᔭᐱᓂᔨᒡ ᒪᒃ, ᒋ ᐊᑎ ᐛᐛᔨᐳᐤ ᐊᓐᑕ ᑎᐸᔅᑯᓂᒐᐅᒋᐛᐱᒡ ᐃᔅᐱ ᒥᓯᐛ ᑲ ᒪᒧᐎᔨᒋ ᐊᓂᔭ ᑲ ᐎ ᑎᐸᔅᑯᓇᔨᒋ ᑈᓚ᙮ ᐊᑯ ᑲ ᐃᑎᓱᐛᑦ ᑈᓚ ᒐᒋ ᐸᒋ ᐱᑎᑲᐊᑭᓄᔨᒋ᙮ 7ᐃᔅᐱ ᒪᒃ ᑲ ᐱᑎᑲᐊᑭᓄᔨᒋ ᑈᓚ, ᐊᓐᒡ ᒍᐤ ᐃᔪᒡ ᒋᕈᓯᓕᒥᒡ ᑲ ᐅᑐᑕᒡ ᒋ ᐊᑎ ᐛᔅᑲᑲᐳᔅᑐᐛᐅᒡ᙮ ᐊᑯ ᓂᓇᐧᑯᐤ ᒐᒂᔪᐤ ᒂ ᐃᓯ ᒪᒥᓯᒪᒡ᙮ ᓇᒪ ᒥᒄ ᐅᒋ ᐃᑐᐅᒡ ᑕᑈ ᒐᒋ ᒐᔅᑎᓇᑕᔨᑕᑯᑕᒡ ᐊᓂᔭ ᑲ ᐃᓯ ᒪᒥᓯᒪᒡ᙮
8ᒐᒃ ᒪᒃ ᑈᓪ ᑲ ᐃᔨᒥᔅᑎᒪᓱᑦ᙮ ᒋ ᐃᔅᒋᔄᐤ, “ᓇᒪ ᓂ ᐅᒋ ᐅᓂᑐᑕᓐ ᒍᐤ ᐎᓱᐛᐅᓐ᙮ ᓇᒪ ᑭᔭ ᓂ ᐅᒋ ᐃᑎᓐ ᒐᒋ ᒪᔭᔨᑎᒪᓐ ᒍᐤ ᒋᓴᐊᔭᒥᐊᐅᒋᐛᑉ ᑭᔭ ᒪᒃ ᒐᒋ ᐅᓂᑐᑐᐛᒃ ᕈᒻ ᒋᓴᐅᒋᒪᐤ᙮”
9ᐊᑯ ᐸᔅᑕᔅ ᒂ ᐃᑕᑦ ᐊᓂᔭ ᑈᓚ, “ᒋᐸ ᒥᔽᔨᑕᓐ ᐊ ᑲᐤ ᓇᑕ ᒋᕈᓯᓕᒥᒡ ᒐᒋ ᐃᑐᑕᐃᑯᔨᓐ ? ᐊᑯᑕ ᓇᑕ ᐃᔭᒂ ᒋᐸ ᒋ ᓂᑐ ᒋᔅᒐᔨᒥᑎᓐ ᐅ ᑕᓐ ᐊ ᐃᓯ ᒪᒥᓯᒥᑯᔨᓐ ?” ᐅᔭ ᒪᒃ ᑲ ᐃᔅᒋᔄᑦ ᐊᓐ ᒋᓴᐅᒋᒪᐤ ᒥᒄ ᐊ ᐎ ᓂᓇᐃᑎᒪᐊᑦ ᐊᓂᔭᔪᐛ ᒍᐤ ᐃᔪᐛ ᐊᐅᑯᓐ ᐛᒋ ᐃᔅᒋᔄᑦ ᐊᓂᔭ᙮
10ᐊᑯ ᑈᓪ ᒂ ᐃᔅᒋᔄᑦ, “ᐅᑕ ᐅ ᑲ ᓂᐳᐅᔭᓐ ᓯᓴᕐ ᐅᑎᐸᔅᑯᓂᒐᐅᒋᐛᐱᒡ ᐊᑯᑕ ᐅᑕ ᓂᐸ ᑎᐸᔅᑯᓂᑯᐅᓐ ᐛ ᑎᐸᔅᑯᓂᑯᐛᓇ᙮ ᑕᐸ ᑎᑯᓂᔪᐤ ᑕᓐ ᑲ ᐃᓯ ᐅᓂᑐᑐᐅᒂᐤ ᐅᒡ ᒍᐤ ᐃᔪᒡ᙮ ᒋᔾ ᓇᓂᑎᒻ ᒋ ᒥᔪ ᒋᔅᒐᔨᑕᓇᒐ ᐅ᙮ 11ᑕᑈ ᒪᒃ ᐊ ᑎᑯᓂᒂ ᐊᒋ ᐅᓂᑐᑎᒪᓐ ᐊ ᐃᑕᔨᑕᑯᓂᒂ ᒪᒃ ᒐᒋ ᓂᐸᐃᑯᐅᔭᓐ ᐊᓐ ᐅᒋ, ᑭᑈ ᐸᔅᑎᓂᓱᔭᓐ ᒐᒋ ᓂᐸᐃᑯᐅᔭᓐ᙮ ᒥᒄ ᒪᒃ ᒧᔭᒻ ᐊᑲ ᑎᔭᑈᐛᒂ ᐅᔭ ᑕᓐ ᐊ ᐃᓯ ᒪᒥᓯᒥᒡ ᐅᒡ ᒍᐤ ᐃᔪᒡ ᓇᒪ ᐃᑕᔨᑕᑯᓐ ᐎᔨᐛᐤ ᐊ ᑕᒡ ᒐᒋ ᐃᓯ ᐱᔅᑎᓂᑯᐎᒡ᙮ ᓯᓴᕐ ᐊ ᑕᑦ ᐊᑯᑕ ᓇᑐᐛᔨᑎᒪᓐ ᒐᒋ ᑎᐸᔅᑯᓂᑯᐅᔭᓐ᙮”
12ᐸᔅᑕᔅ ᒪᒃ, ᐸᑎᒪ ᒋ ᐃᔨᒪᐊᐤ ᐊᓂᔭ ᑲ ᐎᑎᐱᒥᑯᑦ ᐊ ᒋᓴᐅᒋᒪᐅᑦ᙮ ᐊᑯ ᒂ ᐃᑕᑦ ᐊᓂᔭ ᑈᓚ, “ᔅᒋ ᓂᑐᐛᔨᑕᓐ ᓇᑕ ᒋᒋᐛ ᒋᓴᐅᒋᒪᐤ ᓯᓴᕐ ᐊ ᑕᑦ ᒐᒋ ᑎᐸᔅᑯᓂᑯᔨᓐ᙮ ᐊᑯᑕ ᒪᒃ ᒐ ᐃᑎᓴᐅᑕᒡ᙮”
ᐸᔅᑕᔅ ᑲ ᐊᔨᒧᑎᒧᐛᑦ ᒋᓴᐅᒋᒪᐛ ᐊᒃᕆᐸᔨᒋ ᐊᓂᔭ ᑈᓚ
13ᐸᑎᒪ ᒪᒃ ᒥᓐ ᑯᑎᒃ ᒋᓴᐅᒋᒪᐤ ᐊᒃᕆᐸ ᐊ ᐃᓯᓂᐧᑲᓱᑦ ᑭᔭ ᐅᓯᒪ ᐳᕐᓂᔅ ᐊ ᐃᓯᓂᐧᑲᓱᔨᒋ ᒋ ᐸᒋ ᑎᑯᓯᓄᐅᒡ ᐊᓐᑕ ᓯᓴᕆᔭᒡ᙮ ᒋ ᐎ ᐸᒋ ᐛᒋᔭᒪᐅᒡ ᐊᓂᔭ ᒋᓴᐅᒋᒪᐛ ᐸᔅᑕᓴ᙮ 14ᓇᐅᓴᓯᔅ ᒪᒃ ᒋᐸ ᑕᐅᒡ ᐊᓐᑕ᙮ ᐊᑯ ᐸᔅᑕᔅ ᑲ ᐊᔨᒧᑎᒺᑦ ᒋᓴᐅᒋᒪᐛ ᐊᒃᕆᐸᔨᒋ ᑕᓐ ᑲ ᐎ ᐃᑐᑐᐛᑭᓄᔨᒋ ᑈᓚ᙮ ᒋ ᐃᔅᒋᔄᐤ ᒪᒃ, “ᐊᔅᒄ ᐊᓐ ᐊᑯᑕ ᐊ ᑕᑦ ᐸᐃᒄ ᓇᐸᐤ ᐊᒋ ᒋᐸᐛᑭᓄᐅᑦ ᒪᒂᒡ ᐱᓕᑭᓴ ᑲ ᒋᓴᐅᒋᒪᐎᔨᒋ᙮ 15ᐃᔅᐱ ᒪᒃ ᑲ ᐃᑐᑕᔭᓐ ᒋᕈᓯᓕᒥᒡ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᒍᐤ ᐃᔪᐛ ᑲ ᓂᑲᓂᔅᑯᐛᒡ ᒋ ᑎᑯᓂᔪᐤ ᓂᓇᐧᑯᐤ ᐊ ᐃᓯ ᐸᒋ ᒪᒥᓯᒪᒡ ᐊᓂᔭ ᑈᓚ᙮ ᓱᒃ ᒪᒃ ᒋ ᐎ ᐅᑎᓂᒧᒡ ᑕᓐᑕ ᒐᒋ ᐅᒋ ᐃᑎᓱᐛᑕᒥᒋ ᒐᒋ ᐛᐛᓯᐊᑭᓄᔨᒋ᙮”
16“ᐊᑯ ᒂ ᐃᑎᒂᐤ, ᓇᒪ ᐃᑐᐅᒡ ᕈᒻ ᐃᔪᒡ ᒐᒋ ᐱᔅᑎᓇᒡ ᐊᐛᔪᐛ ᒥᒄ ᒐᒋ ᐃᓯ ᑎᐸᔅᑯᓇᑭᓄᔨᒋ ᐊᔅᒄ ᐊᑲ ᐛᐛᒡ ᒋ ᐛᐱᒪᔨᒋ ᐊᓂᔭ ᑲ ᐎ ᑎᐸᔅᑯᓂᑯᑦ ᑭᔭ ᐊᑲ ᐛᐛᒡ ᒋᔅᐸᐛᑎᓱᑦ ᑕᓐ ᐛ ᐃᓯ ᑎᐸᔅᑯᓇᑭᓄᐅᑦ ᐊᓐᑕ ᑎᐸᔅᑯᓂᒐᓱᐛ ᐊ ᑕᔨᒋ᙮ 17ᐃᔅᐱ ᒪᒃ ᑕᑯᓯᓂᒡ ᐅᑕ, ᑎᐛᒡ ᓂᒋ ᐎ ᓂᓇᐃᐱᔨᑕᐛᓐ ᒐᒋ ᑎᐸᔅᑯᓇᑭᓄᔨᒋ ᑈᓚ᙮ ᐊᓐ ᐎᔭᐸᒡ ᓂᒋ ᐃᑐᑕᓐ ᑎᐸᔅᑯᓂᒐᐅᒋᐛᐱᒡ᙮ ᐃᔅᐱ ᒪᒃ ᑲ ᐛᐛᔨᐱᔭᓐ ᐊᐅᑯᐤ ᒂ ᐃᑎᓱᐛᔭᓐ ᒐᒋ ᐸᒋ ᐱᑎᑲᐊᑭᓄᐅᑦ ᐊᓐ ᑲ ᐎ ᑎᐸᔅᑯᓇᑭᓄᐅᑦ, ᐊᐅᒄ ᐅ ᑈᓪ᙮ 18ᐊᑯ ᐊᓐᒡ ᑲ ᑎᑯᓂᔨᒡ ᑕᓐ ᑲ ᐎᓯ ᐊᑕᒪᔨᒪᒡ ᑈᓚ, ᓇᒪ ᐅᒋ ᐃᓯ ᐊᑕᒪᔨᒪᐅᒡ ᐊᓂᔭ ᑲ ᐃᑕᔨᒥᒂᐤ ᒐ ᐃᓯ ᐊᑕᒪᔨᒪᒡ᙮ 19ᐊᓂᔭ ᑕᓐ ᐊ ᐃᓯ ᑕᑈᑎᒥᔨᒋ ᑈᓚ, ᐊᐅᑯᓐ ᐊᓂᔭ ᑲ ᐊᔨᒧᑕᒡ ᐊᑲ ᐊᓐ ᐎᔨᐛᐤ ᑕᓐ ᐊ ᐃᓯ ᑕᑈᑕᒡ ᐊ ᐃᓯ ᐛᐎᑎᒥᔨᒋ᙮ ᑭᔭ ᐊᒋ ᐃᔅᒋᔄᔨᒋ ᑈᓚ ᒋᓴᓴ ᐊ ᐱᒪᑎᓯᔨᒋ ᐊᒋ ᒪᒃ ᓂᐱᔨᒋ᙮ 20ᐊᑯ ᒪᒃ ᓂᔾ ᐊᑲ ᑭᑈ ᓇᔅᒡ ᒋᔅᒐᔨᑎᒧᒡ ᐅᔭ ᒐᒂᔪᐤ ᑲ ᐃᔭᔨᒺᐛᐃᑯᒡ, ᓂᒋ ᑯᒂᒋᒪᐤ ᑈᓪ ᐛ ᐃᑐᑕᒂ ᒋᕈᓯᓕᒥᒡ ᒐᒋ ᑎᐸᔅᑯᓇᑭᓄᐅᑦ᙮ 21ᒋ ᓂᑐᐛᔨᑎᒻ ᒪᒃ ᐃᔭᐱᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ ᒐᒋ ᑭᓄᐛᔨᒪᑭᓄᐅᑦ ᐸᑎᒪ᙮ ᓯᓴᕋ ᒋ ᓂᑐᐛᔨᒪᐤ ᒐᒋ ᐎᔭᔨᑎᒥᔨᒋ ᑕᓐ ᒐ ᐃᑐᑐᐛᑭᓄᐅᑦ᙮ ᐊᑯ ᒪᒃ ᑲ ᐃᑎᓱᐛᐅᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐸᑎᒪ ᒐᒋ ᑭᓄᐛᔨᒪᑭᓄᐅᑦ ᐸᑐᔅ ᒋ ᐃᑎᓴᐅᑲ ᓇᑕ ᓯᓴᕋ ᐊ ᑕᔨᒋ᙮”
22ᐊᑯ ᐊᓐ ᒋᓴᐅᒋᒪᐤ ᐊᒃᕆᐸ ᒂ ᐃᑕᑦ ᐊᓂᔭ ᐸᔅᑕᓴ, “ᓂ ᐎ ᓂᑐᑐᐛᐤ ᑭᔭ ᓂᔾ ᐅ ᓇᐸᐤ᙮” ᐊᑯ ᐸᔅᑕᔅ ᒂ ᐃᑕᑦ, “ᐊᑯᑕ᙮ ᐛᐸᒐ ᒋᑭ ᒋ ᓂᑐᑐᐛᐤ ᑕᓐ ᒐ ᐃᔅᒋᔄᑦ᙮”
23ᒥᓐ ᒪᒃ ᐊᓂᔭ ᐎᔭᐱᓂᔨᒡ ᐊᒃᕆᐸ ᑭᔭ ᐊᓂᔭ ᐎᐧᑲᓂᓴ ᐳᕐᓂᓴ ᒋ ᑎᑯᓯᓄᐅᒡ ᐊᓐᑕ ᒐ ᐃᔨᒥᓇᓄᐎᒡ᙮ ᒋ ᐸᒋ ᐎᒐᐅᑯᒡ ᓂᑐᐱᔪᐅ-ᐅᒋᒪᐛ ᑭᔭ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐃᔪᐛ ᐊᓐᑕ ᐅᑕᓇᒡ᙮ ᓇᔅᒡ ᒋ ᒥᔽᔅᐱᓱᐅᒡ ᐃᔅᐱᔅ ᐱᔭᒋ ᐱᒐᒡ ᑭᔭ ᓇᔅᒡ ᐃᔭᒂ ᒋ ᐃᑎᓇᓄᐤ ᐊᓐ ᐊ ᐸᒋ ᐱᒐᓄᐅᒡ ᐊ ᐃᔅᐱᔅ ᒋᔅᑕᔨᒪᑭᓄᐅᒡ ᐊᓐᒡ ᐊᒃᕆᐸ ᑭᔭ ᐳᕐᓂᔅ᙮ ᐊᑯ ᒋᓴᐅᒋᒪᐤ ᐸᔅᑕᔅ ᒂ ᐃᑎᓱᐛᑦ ᑈᓚ ᒐᒋ ᐸᒋ ᐱᑎᑲᐊᑭᓄᔨᒋ᙮ 24ᐃᔅᐱ ᒪᒃ ᑲ ᐸᒋ ᐱᑎᑲᐊᑭᓄᔨᒋ ᐊᑯ ᒂ ᐃᔨᒥᑦ ᐸᔅᑕᔅ ᐊᓐᑕ ᐊᓂᔭ ᑲ ᒪᒧᐎᓇᓄᐎᒡ᙮ ᒋ ᐃᔅᒋᔄᐤ ᒪᒃ, “ᒋᓴᐅᒋᒪᐤ ᐊᒃᕆᐸ ᑭᔭ ᒥᓯᐛ ᒋᔨᐛᐤ ᐅᑕ ᐊ ᑕᔭᒄ, ᒋ ᐛᐱᒪᐛᐤ ᐅ ᓇᐸᐤ ᑲ ᐸᒋ ᐱᑎᑲᐊᑭᓄᐅᑦ᙮ ᐊᐅᑯᐤ ᐅᔭ ᓇᐸᐛ ᐅᒡ ᒍᐤ ᐃᔪᒡ ᐅᑕ ᐊ ᑕᒡ ᑭᔭ ᐊᓐᑕ ᒋᕈᓯᓕᒥᒡ ᐊ ᑕᒡ ᑲ ᑎᑯᓂᔨᒡ ᑕᓐ ᑲ ᐃᓯ ᐊᑕᒪᔨᒪᒡ᙮ ᓇᔅᒡ ᒋ ᐃᓯ ᐊᓯᒂᐅᒡ ᐊᑲ ᐛᐛᒡ ᐃᑕᔨᑕᑯᓯᔨᒋ ᒐᒋ ᐱᒪᑎᓯᔨᒋ ᑲ ᐃᔅᐱᔅ ᒋ ᒥᒋᓯᓄᐛᒡ᙮ 25ᓇᒪ ᒪᒃ ᓂᔾ ᐎ ᓂ ᐅᒋ ᒥᔅᑭᒺᓐ ᑕᓐ ᑲ ᐃᓯ ᐅᓂᑐᑎᒥᒂ ᒐᒋ ᐅᒋ ᐃᑕᔨᑕᑯᓂᔨᒡ ᒐᒋ ᓂᐸᐊᑭᓄᔨᒋ᙮ ᐊᑯ ᒪᒃ ᐎᔾ ᐅ ᓇᐸᐤ ᒋ ᓂᑐᐛᔨᑎᒻ ᓇᑕ ᐊᓂᔭ ᒋᒋᐛ ᒋᓴᐅᒋᒪᐛ ᓯᓴᕋ ᐊ ᑕᔨᒋ ᒐᒋ ᑎᐸᔅᑯᓇᑭᓄᐅᑦ᙮ ᐊᑯ ᒪᒃ ᒂ ᐎᔭᔨᑎᒧᒡ ᓇᑕ ᐊ ᑕᔨᒋ ᒐᒋ ᐃᑎᓴᐅᒃ᙮ 26ᐊᑯ ᒥᒄ ᓇᒪ ᐊᓐ ᓂ ᒋᔅᒐᔨᑎᒺᓐ ᑕᓐ ᒐ ᐃᑎᔅᑕᐅᒡ ᐊ ᒥᓯᓇᐊᒪᒥᒋ ᓯᓴᕋ ᐊ ᑎᐸᒋᒥᒃ᙮ ᐊᐅᒄ ᒪᒃ ᐅ ᐛᒋ ᐸᓱᐅᒃ ᐅᑕ ᐊ ᑕᔨᓐ ᒋᔾ ᒋᓴᐅᒋᒪᐤ ᐊᒃᕆᐸ ᑭᔭ ᒋᔨᐛᐤ ᒥᓯᐛ ᐅᑕ ᐊ ᑕᔭᒄ᙮ ᐊᑯ ᒪᒃ ᐃᔅᐱ ᒋ ᒥᔅᑭᒧᒐ ᑕᓐ ᑲ ᐃᓯ ᒥᒋᑐᑕᐧᒃ, ᐊᑯ ᒐ ᒋᔅᒐᔨᑎᒧᒡ ᑕᓐ ᒐ ᐃᑎᔅᑕᐅᒡ ᒥᓯᓇᐊᒪᒥᒐ ᓯᓴᕋ᙮ 27ᐛᔅ ᑕᓐ ᒐ ᐃᓯᓇᒂᒡ ᐃᑎᓴᐅᑲ ᓇᑕ ᐊᐛᓐ ᐊᒋ ᒪᑯᓇᑭᓄᐅᑦ ᐊᑲ ᒪᒃ ᐛᐛᒡ ᑎᑯᓂᔨᒐ ᑕᓐ ᒐᒋ ᐃᓯ ᒥᓯᓇᐊᒧᒡ ᐊᒋ ᐃᓯ ᒥᒋᑐᑕᐧᒃ᙮”
Currently Selected:
ᐊᑈᔅᑕᓇᒡ 25: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᐊᑈᔅᑕᓇᒡ 25
25
ᑈᓪ ᑲ ᐅᑎᔅᑯᑲᐳᔅᑐᐛᑦ ᓯᓴᕋ
1ᓂᔅᑐ ᒋᓯᑲᐛ ᒪᒃ ᑲ ᐃᔅᐱᔅ ᒋ ᑎᑯᓯᐧᒃ ᐳᕐᑭᔭᔅ ᐸᔅᑕᔅ ᐊᓐᑕ ᐊᓂᔭ ᐊᔅᒋᔪᐤ, ᒋ ᓂᑭᑎᒻ ᓯᓴᕆᔭ ᐊᑯ ᐊᓐᑕ ᒋᕈᓯᓕᒥᒡ ᒂ ᐃᑐᑕᑦ᙮ 2ᐊᑯᑕ ᒪᒃ ᐊᓐᑕ ᒋᕈᓯᓕᒥᒡ ᑲ ᐸᒋ ᐅᑎᔅᑯᑲᐳᔅᑕᑯᑦ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐊᐛᔪᐛ ᑲ ᓂᑲᓂᔅᑯᐛᔨᒋ ᒍᐤ ᐃᔪᐛ ᐊ ᐸᒋ ᒪᒥᓯᒪᒡ ᑈᓚ᙮ 3ᒋ ᓯᒋᒪᐅᒡ ᐸᔅᑕᓴ ᒐᒋ ᓂᔅᑯᒧᔨᒋ ᒐᒋ ᐸᒋ ᐃᑐᑕᐊᑭᓄᔨᒋ ᑈᓚ ᐊᓐᑕ ᒋᕈᓯᓕᒥᒡ᙮ ᐛᔅ ᒋᒧᑦ ᒋ ᐎᔭᔨᑎᒧᒡ ᒐᒋ ᐊᔅᑭᒧᐛᒡ ᑈᓚ ᐊ ᐎ ᓂᐸᐊᒡ ᐊᓐᑕ ᒋᕈᓯᓕᒥᒡ ᐸᒋ ᐃᑐᑕᐊᑭᓄᔨᒐ᙮ 4ᐊᑯ ᐸᔅᑕᔅ ᒂ ᐃᑕᑦ, “ᐊᔅᒄ ᒪᒂᒡ ᒋᐸᐛᑭᓄᐤ ᑈᓪ ᐊᓐᑕ ᓯᓴᕆᔭᒡ᙮ ᓴᔅ ᒪᒃ ᐎᐱᒡ ᓂᑭ ᐃᑐᑕᓐ ᓇᑕ᙮ 5ᐊ ᐃᑕᐛᒂ ᒪᒃ ᐊᓐᒡ ᑲ ᓂᑲᓂᔅᑲᑕᑯᒡ ᐊ ᑎᑯᓂᔨᒡ ᑕᓐ ᐛ ᐃᓯ ᑎᐸᔅᑯᓇᒡ ᐊᓂᔭᔪᐛ ᑈᓚ ᓂᐸ ᐸᒋ ᐎᒐᐅᑯᒡ ᐊᓐᑕ ᓯᓴᕆᔭᒡ ᐊ ᐃᑐᑕᐅᒡ᙮ ᐊᑯ ᒪᒃ ᑕᑈ ᑲ ᐅᓂᑐᑎᒥᒂᓂ, ᐊᑯᑕ ᓇᑕ ᐃᑕᔭᒐ ᓂᐸ ᐎᑎᑯᒡ ᑕᓐ ᑲ ᐃᓯ ᐅᓂᑐᑎᒥᔨᒋ᙮”
6ᓴᓯᑲᓐ ᒪᒃ ᔭᓇᐤ ᑭᔭ ᒪᒃ ᐸᐃᑯᔪᐛ ᒋᓯᑲᐛ ᒋ ᐃᔅᐱᔅ ᑕᐤ ᒥᓐ ᐸᔅᑕᔅ ᐊᓐᑕ ᒋᕈᓯᓕᒥᒡ᙮ ᐊᑯ ᒂ ᐃᑐᑕᑦ ᐊᓐᑕ ᓯᓴᕆᔭᒡ᙮ ᐎᔭᐱᓂᔨᒡ ᒪᒃ, ᒋ ᐊᑎ ᐛᐛᔨᐳᐤ ᐊᓐᑕ ᑎᐸᔅᑯᓂᒐᐅᒋᐛᐱᒡ ᐃᔅᐱ ᒥᓯᐛ ᑲ ᒪᒧᐎᔨᒋ ᐊᓂᔭ ᑲ ᐎ ᑎᐸᔅᑯᓇᔨᒋ ᑈᓚ᙮ ᐊᑯ ᑲ ᐃᑎᓱᐛᑦ ᑈᓚ ᒐᒋ ᐸᒋ ᐱᑎᑲᐊᑭᓄᔨᒋ᙮ 7ᐃᔅᐱ ᒪᒃ ᑲ ᐱᑎᑲᐊᑭᓄᔨᒋ ᑈᓚ, ᐊᓐᒡ ᒍᐤ ᐃᔪᒡ ᒋᕈᓯᓕᒥᒡ ᑲ ᐅᑐᑕᒡ ᒋ ᐊᑎ ᐛᔅᑲᑲᐳᔅᑐᐛᐅᒡ᙮ ᐊᑯ ᓂᓇᐧᑯᐤ ᒐᒂᔪᐤ ᒂ ᐃᓯ ᒪᒥᓯᒪᒡ᙮ ᓇᒪ ᒥᒄ ᐅᒋ ᐃᑐᐅᒡ ᑕᑈ ᒐᒋ ᒐᔅᑎᓇᑕᔨᑕᑯᑕᒡ ᐊᓂᔭ ᑲ ᐃᓯ ᒪᒥᓯᒪᒡ᙮
8ᒐᒃ ᒪᒃ ᑈᓪ ᑲ ᐃᔨᒥᔅᑎᒪᓱᑦ᙮ ᒋ ᐃᔅᒋᔄᐤ, “ᓇᒪ ᓂ ᐅᒋ ᐅᓂᑐᑕᓐ ᒍᐤ ᐎᓱᐛᐅᓐ᙮ ᓇᒪ ᑭᔭ ᓂ ᐅᒋ ᐃᑎᓐ ᒐᒋ ᒪᔭᔨᑎᒪᓐ ᒍᐤ ᒋᓴᐊᔭᒥᐊᐅᒋᐛᑉ ᑭᔭ ᒪᒃ ᒐᒋ ᐅᓂᑐᑐᐛᒃ ᕈᒻ ᒋᓴᐅᒋᒪᐤ᙮”
9ᐊᑯ ᐸᔅᑕᔅ ᒂ ᐃᑕᑦ ᐊᓂᔭ ᑈᓚ, “ᒋᐸ ᒥᔽᔨᑕᓐ ᐊ ᑲᐤ ᓇᑕ ᒋᕈᓯᓕᒥᒡ ᒐᒋ ᐃᑐᑕᐃᑯᔨᓐ ? ᐊᑯᑕ ᓇᑕ ᐃᔭᒂ ᒋᐸ ᒋ ᓂᑐ ᒋᔅᒐᔨᒥᑎᓐ ᐅ ᑕᓐ ᐊ ᐃᓯ ᒪᒥᓯᒥᑯᔨᓐ ?” ᐅᔭ ᒪᒃ ᑲ ᐃᔅᒋᔄᑦ ᐊᓐ ᒋᓴᐅᒋᒪᐤ ᒥᒄ ᐊ ᐎ ᓂᓇᐃᑎᒪᐊᑦ ᐊᓂᔭᔪᐛ ᒍᐤ ᐃᔪᐛ ᐊᐅᑯᓐ ᐛᒋ ᐃᔅᒋᔄᑦ ᐊᓂᔭ᙮
10ᐊᑯ ᑈᓪ ᒂ ᐃᔅᒋᔄᑦ, “ᐅᑕ ᐅ ᑲ ᓂᐳᐅᔭᓐ ᓯᓴᕐ ᐅᑎᐸᔅᑯᓂᒐᐅᒋᐛᐱᒡ ᐊᑯᑕ ᐅᑕ ᓂᐸ ᑎᐸᔅᑯᓂᑯᐅᓐ ᐛ ᑎᐸᔅᑯᓂᑯᐛᓇ᙮ ᑕᐸ ᑎᑯᓂᔪᐤ ᑕᓐ ᑲ ᐃᓯ ᐅᓂᑐᑐᐅᒂᐤ ᐅᒡ ᒍᐤ ᐃᔪᒡ᙮ ᒋᔾ ᓇᓂᑎᒻ ᒋ ᒥᔪ ᒋᔅᒐᔨᑕᓇᒐ ᐅ᙮ 11ᑕᑈ ᒪᒃ ᐊ ᑎᑯᓂᒂ ᐊᒋ ᐅᓂᑐᑎᒪᓐ ᐊ ᐃᑕᔨᑕᑯᓂᒂ ᒪᒃ ᒐᒋ ᓂᐸᐃᑯᐅᔭᓐ ᐊᓐ ᐅᒋ, ᑭᑈ ᐸᔅᑎᓂᓱᔭᓐ ᒐᒋ ᓂᐸᐃᑯᐅᔭᓐ᙮ ᒥᒄ ᒪᒃ ᒧᔭᒻ ᐊᑲ ᑎᔭᑈᐛᒂ ᐅᔭ ᑕᓐ ᐊ ᐃᓯ ᒪᒥᓯᒥᒡ ᐅᒡ ᒍᐤ ᐃᔪᒡ ᓇᒪ ᐃᑕᔨᑕᑯᓐ ᐎᔨᐛᐤ ᐊ ᑕᒡ ᒐᒋ ᐃᓯ ᐱᔅᑎᓂᑯᐎᒡ᙮ ᓯᓴᕐ ᐊ ᑕᑦ ᐊᑯᑕ ᓇᑐᐛᔨᑎᒪᓐ ᒐᒋ ᑎᐸᔅᑯᓂᑯᐅᔭᓐ᙮”
12ᐸᔅᑕᔅ ᒪᒃ, ᐸᑎᒪ ᒋ ᐃᔨᒪᐊᐤ ᐊᓂᔭ ᑲ ᐎᑎᐱᒥᑯᑦ ᐊ ᒋᓴᐅᒋᒪᐅᑦ᙮ ᐊᑯ ᒂ ᐃᑕᑦ ᐊᓂᔭ ᑈᓚ, “ᔅᒋ ᓂᑐᐛᔨᑕᓐ ᓇᑕ ᒋᒋᐛ ᒋᓴᐅᒋᒪᐤ ᓯᓴᕐ ᐊ ᑕᑦ ᒐᒋ ᑎᐸᔅᑯᓂᑯᔨᓐ᙮ ᐊᑯᑕ ᒪᒃ ᒐ ᐃᑎᓴᐅᑕᒡ᙮”
ᐸᔅᑕᔅ ᑲ ᐊᔨᒧᑎᒧᐛᑦ ᒋᓴᐅᒋᒪᐛ ᐊᒃᕆᐸᔨᒋ ᐊᓂᔭ ᑈᓚ
13ᐸᑎᒪ ᒪᒃ ᒥᓐ ᑯᑎᒃ ᒋᓴᐅᒋᒪᐤ ᐊᒃᕆᐸ ᐊ ᐃᓯᓂᐧᑲᓱᑦ ᑭᔭ ᐅᓯᒪ ᐳᕐᓂᔅ ᐊ ᐃᓯᓂᐧᑲᓱᔨᒋ ᒋ ᐸᒋ ᑎᑯᓯᓄᐅᒡ ᐊᓐᑕ ᓯᓴᕆᔭᒡ᙮ ᒋ ᐎ ᐸᒋ ᐛᒋᔭᒪᐅᒡ ᐊᓂᔭ ᒋᓴᐅᒋᒪᐛ ᐸᔅᑕᓴ᙮ 14ᓇᐅᓴᓯᔅ ᒪᒃ ᒋᐸ ᑕᐅᒡ ᐊᓐᑕ᙮ ᐊᑯ ᐸᔅᑕᔅ ᑲ ᐊᔨᒧᑎᒺᑦ ᒋᓴᐅᒋᒪᐛ ᐊᒃᕆᐸᔨᒋ ᑕᓐ ᑲ ᐎ ᐃᑐᑐᐛᑭᓄᔨᒋ ᑈᓚ᙮ ᒋ ᐃᔅᒋᔄᐤ ᒪᒃ, “ᐊᔅᒄ ᐊᓐ ᐊᑯᑕ ᐊ ᑕᑦ ᐸᐃᒄ ᓇᐸᐤ ᐊᒋ ᒋᐸᐛᑭᓄᐅᑦ ᒪᒂᒡ ᐱᓕᑭᓴ ᑲ ᒋᓴᐅᒋᒪᐎᔨᒋ᙮ 15ᐃᔅᐱ ᒪᒃ ᑲ ᐃᑐᑕᔭᓐ ᒋᕈᓯᓕᒥᒡ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᒍᐤ ᐃᔪᐛ ᑲ ᓂᑲᓂᔅᑯᐛᒡ ᒋ ᑎᑯᓂᔪᐤ ᓂᓇᐧᑯᐤ ᐊ ᐃᓯ ᐸᒋ ᒪᒥᓯᒪᒡ ᐊᓂᔭ ᑈᓚ᙮ ᓱᒃ ᒪᒃ ᒋ ᐎ ᐅᑎᓂᒧᒡ ᑕᓐᑕ ᒐᒋ ᐅᒋ ᐃᑎᓱᐛᑕᒥᒋ ᒐᒋ ᐛᐛᓯᐊᑭᓄᔨᒋ᙮”
16“ᐊᑯ ᒂ ᐃᑎᒂᐤ, ᓇᒪ ᐃᑐᐅᒡ ᕈᒻ ᐃᔪᒡ ᒐᒋ ᐱᔅᑎᓇᒡ ᐊᐛᔪᐛ ᒥᒄ ᒐᒋ ᐃᓯ ᑎᐸᔅᑯᓇᑭᓄᔨᒋ ᐊᔅᒄ ᐊᑲ ᐛᐛᒡ ᒋ ᐛᐱᒪᔨᒋ ᐊᓂᔭ ᑲ ᐎ ᑎᐸᔅᑯᓂᑯᑦ ᑭᔭ ᐊᑲ ᐛᐛᒡ ᒋᔅᐸᐛᑎᓱᑦ ᑕᓐ ᐛ ᐃᓯ ᑎᐸᔅᑯᓇᑭᓄᐅᑦ ᐊᓐᑕ ᑎᐸᔅᑯᓂᒐᓱᐛ ᐊ ᑕᔨᒋ᙮ 17ᐃᔅᐱ ᒪᒃ ᑕᑯᓯᓂᒡ ᐅᑕ, ᑎᐛᒡ ᓂᒋ ᐎ ᓂᓇᐃᐱᔨᑕᐛᓐ ᒐᒋ ᑎᐸᔅᑯᓇᑭᓄᔨᒋ ᑈᓚ᙮ ᐊᓐ ᐎᔭᐸᒡ ᓂᒋ ᐃᑐᑕᓐ ᑎᐸᔅᑯᓂᒐᐅᒋᐛᐱᒡ᙮ ᐃᔅᐱ ᒪᒃ ᑲ ᐛᐛᔨᐱᔭᓐ ᐊᐅᑯᐤ ᒂ ᐃᑎᓱᐛᔭᓐ ᒐᒋ ᐸᒋ ᐱᑎᑲᐊᑭᓄᐅᑦ ᐊᓐ ᑲ ᐎ ᑎᐸᔅᑯᓇᑭᓄᐅᑦ, ᐊᐅᒄ ᐅ ᑈᓪ᙮ 18ᐊᑯ ᐊᓐᒡ ᑲ ᑎᑯᓂᔨᒡ ᑕᓐ ᑲ ᐎᓯ ᐊᑕᒪᔨᒪᒡ ᑈᓚ, ᓇᒪ ᐅᒋ ᐃᓯ ᐊᑕᒪᔨᒪᐅᒡ ᐊᓂᔭ ᑲ ᐃᑕᔨᒥᒂᐤ ᒐ ᐃᓯ ᐊᑕᒪᔨᒪᒡ᙮ 19ᐊᓂᔭ ᑕᓐ ᐊ ᐃᓯ ᑕᑈᑎᒥᔨᒋ ᑈᓚ, ᐊᐅᑯᓐ ᐊᓂᔭ ᑲ ᐊᔨᒧᑕᒡ ᐊᑲ ᐊᓐ ᐎᔨᐛᐤ ᑕᓐ ᐊ ᐃᓯ ᑕᑈᑕᒡ ᐊ ᐃᓯ ᐛᐎᑎᒥᔨᒋ᙮ ᑭᔭ ᐊᒋ ᐃᔅᒋᔄᔨᒋ ᑈᓚ ᒋᓴᓴ ᐊ ᐱᒪᑎᓯᔨᒋ ᐊᒋ ᒪᒃ ᓂᐱᔨᒋ᙮ 20ᐊᑯ ᒪᒃ ᓂᔾ ᐊᑲ ᑭᑈ ᓇᔅᒡ ᒋᔅᒐᔨᑎᒧᒡ ᐅᔭ ᒐᒂᔪᐤ ᑲ ᐃᔭᔨᒺᐛᐃᑯᒡ, ᓂᒋ ᑯᒂᒋᒪᐤ ᑈᓪ ᐛ ᐃᑐᑕᒂ ᒋᕈᓯᓕᒥᒡ ᒐᒋ ᑎᐸᔅᑯᓇᑭᓄᐅᑦ᙮ 21ᒋ ᓂᑐᐛᔨᑎᒻ ᒪᒃ ᐃᔭᐱᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ ᒐᒋ ᑭᓄᐛᔨᒪᑭᓄᐅᑦ ᐸᑎᒪ᙮ ᓯᓴᕋ ᒋ ᓂᑐᐛᔨᒪᐤ ᒐᒋ ᐎᔭᔨᑎᒥᔨᒋ ᑕᓐ ᒐ ᐃᑐᑐᐛᑭᓄᐅᑦ᙮ ᐊᑯ ᒪᒃ ᑲ ᐃᑎᓱᐛᐅᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐸᑎᒪ ᒐᒋ ᑭᓄᐛᔨᒪᑭᓄᐅᑦ ᐸᑐᔅ ᒋ ᐃᑎᓴᐅᑲ ᓇᑕ ᓯᓴᕋ ᐊ ᑕᔨᒋ᙮”
22ᐊᑯ ᐊᓐ ᒋᓴᐅᒋᒪᐤ ᐊᒃᕆᐸ ᒂ ᐃᑕᑦ ᐊᓂᔭ ᐸᔅᑕᓴ, “ᓂ ᐎ ᓂᑐᑐᐛᐤ ᑭᔭ ᓂᔾ ᐅ ᓇᐸᐤ᙮” ᐊᑯ ᐸᔅᑕᔅ ᒂ ᐃᑕᑦ, “ᐊᑯᑕ᙮ ᐛᐸᒐ ᒋᑭ ᒋ ᓂᑐᑐᐛᐤ ᑕᓐ ᒐ ᐃᔅᒋᔄᑦ᙮”
23ᒥᓐ ᒪᒃ ᐊᓂᔭ ᐎᔭᐱᓂᔨᒡ ᐊᒃᕆᐸ ᑭᔭ ᐊᓂᔭ ᐎᐧᑲᓂᓴ ᐳᕐᓂᓴ ᒋ ᑎᑯᓯᓄᐅᒡ ᐊᓐᑕ ᒐ ᐃᔨᒥᓇᓄᐎᒡ᙮ ᒋ ᐸᒋ ᐎᒐᐅᑯᒡ ᓂᑐᐱᔪᐅ-ᐅᒋᒪᐛ ᑭᔭ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐃᔪᐛ ᐊᓐᑕ ᐅᑕᓇᒡ᙮ ᓇᔅᒡ ᒋ ᒥᔽᔅᐱᓱᐅᒡ ᐃᔅᐱᔅ ᐱᔭᒋ ᐱᒐᒡ ᑭᔭ ᓇᔅᒡ ᐃᔭᒂ ᒋ ᐃᑎᓇᓄᐤ ᐊᓐ ᐊ ᐸᒋ ᐱᒐᓄᐅᒡ ᐊ ᐃᔅᐱᔅ ᒋᔅᑕᔨᒪᑭᓄᐅᒡ ᐊᓐᒡ ᐊᒃᕆᐸ ᑭᔭ ᐳᕐᓂᔅ᙮ ᐊᑯ ᒋᓴᐅᒋᒪᐤ ᐸᔅᑕᔅ ᒂ ᐃᑎᓱᐛᑦ ᑈᓚ ᒐᒋ ᐸᒋ ᐱᑎᑲᐊᑭᓄᔨᒋ᙮ 24ᐃᔅᐱ ᒪᒃ ᑲ ᐸᒋ ᐱᑎᑲᐊᑭᓄᔨᒋ ᐊᑯ ᒂ ᐃᔨᒥᑦ ᐸᔅᑕᔅ ᐊᓐᑕ ᐊᓂᔭ ᑲ ᒪᒧᐎᓇᓄᐎᒡ᙮ ᒋ ᐃᔅᒋᔄᐤ ᒪᒃ, “ᒋᓴᐅᒋᒪᐤ ᐊᒃᕆᐸ ᑭᔭ ᒥᓯᐛ ᒋᔨᐛᐤ ᐅᑕ ᐊ ᑕᔭᒄ, ᒋ ᐛᐱᒪᐛᐤ ᐅ ᓇᐸᐤ ᑲ ᐸᒋ ᐱᑎᑲᐊᑭᓄᐅᑦ᙮ ᐊᐅᑯᐤ ᐅᔭ ᓇᐸᐛ ᐅᒡ ᒍᐤ ᐃᔪᒡ ᐅᑕ ᐊ ᑕᒡ ᑭᔭ ᐊᓐᑕ ᒋᕈᓯᓕᒥᒡ ᐊ ᑕᒡ ᑲ ᑎᑯᓂᔨᒡ ᑕᓐ ᑲ ᐃᓯ ᐊᑕᒪᔨᒪᒡ᙮ ᓇᔅᒡ ᒋ ᐃᓯ ᐊᓯᒂᐅᒡ ᐊᑲ ᐛᐛᒡ ᐃᑕᔨᑕᑯᓯᔨᒋ ᒐᒋ ᐱᒪᑎᓯᔨᒋ ᑲ ᐃᔅᐱᔅ ᒋ ᒥᒋᓯᓄᐛᒡ᙮ 25ᓇᒪ ᒪᒃ ᓂᔾ ᐎ ᓂ ᐅᒋ ᒥᔅᑭᒺᓐ ᑕᓐ ᑲ ᐃᓯ ᐅᓂᑐᑎᒥᒂ ᒐᒋ ᐅᒋ ᐃᑕᔨᑕᑯᓂᔨᒡ ᒐᒋ ᓂᐸᐊᑭᓄᔨᒋ᙮ ᐊᑯ ᒪᒃ ᐎᔾ ᐅ ᓇᐸᐤ ᒋ ᓂᑐᐛᔨᑎᒻ ᓇᑕ ᐊᓂᔭ ᒋᒋᐛ ᒋᓴᐅᒋᒪᐛ ᓯᓴᕋ ᐊ ᑕᔨᒋ ᒐᒋ ᑎᐸᔅᑯᓇᑭᓄᐅᑦ᙮ ᐊᑯ ᒪᒃ ᒂ ᐎᔭᔨᑎᒧᒡ ᓇᑕ ᐊ ᑕᔨᒋ ᒐᒋ ᐃᑎᓴᐅᒃ᙮ 26ᐊᑯ ᒥᒄ ᓇᒪ ᐊᓐ ᓂ ᒋᔅᒐᔨᑎᒺᓐ ᑕᓐ ᒐ ᐃᑎᔅᑕᐅᒡ ᐊ ᒥᓯᓇᐊᒪᒥᒋ ᓯᓴᕋ ᐊ ᑎᐸᒋᒥᒃ᙮ ᐊᐅᒄ ᒪᒃ ᐅ ᐛᒋ ᐸᓱᐅᒃ ᐅᑕ ᐊ ᑕᔨᓐ ᒋᔾ ᒋᓴᐅᒋᒪᐤ ᐊᒃᕆᐸ ᑭᔭ ᒋᔨᐛᐤ ᒥᓯᐛ ᐅᑕ ᐊ ᑕᔭᒄ᙮ ᐊᑯ ᒪᒃ ᐃᔅᐱ ᒋ ᒥᔅᑭᒧᒐ ᑕᓐ ᑲ ᐃᓯ ᒥᒋᑐᑕᐧᒃ, ᐊᑯ ᒐ ᒋᔅᒐᔨᑎᒧᒡ ᑕᓐ ᒐ ᐃᑎᔅᑕᐅᒡ ᒥᓯᓇᐊᒪᒥᒐ ᓯᓴᕋ᙮ 27ᐛᔅ ᑕᓐ ᒐ ᐃᓯᓇᒂᒡ ᐃᑎᓴᐅᑲ ᓇᑕ ᐊᐛᓐ ᐊᒋ ᒪᑯᓇᑭᓄᐅᑦ ᐊᑲ ᒪᒃ ᐛᐛᒡ ᑎᑯᓂᔨᒐ ᑕᓐ ᒐᒋ ᐃᓯ ᒥᓯᓇᐊᒧᒡ ᐊᒋ ᐃᓯ ᒥᒋᑐᑕᐧᒃ᙮”
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada