ᐊᑈᔅᑕᓇᒡ 20
20
ᑈᓪ ᒥᓐ ᑲ ᐃᑐᑕᑦ ᒪᓯᑐᓂᔭ ᑭᔭ ᐊᑲᔭ ᐊᔅᒋᒡ
1ᐃᔅᐱ ᒪᒃ ᑲ ᐊᑎ ᒋᐱᑥᐛᑕᑭᓄᐎᒡ ᑕᓐ ᑲ ᐃᑥᐛᑕᑭᓄᐎᒡ ᑭᔭ ᑲ ᒋᐛᔨᒋ ᐊᓂᔭᔪᐛ ᐃᔪᐛ, ᑈᓪ ᒋ ᐎᓴᒪᐤ ᐊᓂᔭᔪᐛ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ᙮ ᐊᑯ ᒂ ᓯᒋᒪᑦ ᓱᒃ ᒐ ᐎ ᐊᔨᒋᑲᐳᔨᒋ ᑕᓐ ᐊ ᐃᓯ ᑕᑈᑎᒥᔨᒋ᙮ ᐃᔅᐱ ᒪᒃ ᑲ ᐛᒋᔭᒪᑦ ᐊᑯ ᒂ ᔅᑐᑕᑦ ᒪᓯᑐᓂᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᐃᑐᑕᑦ᙮ 2ᐊᓂᔭ ᒪᒃ ᐊ ᐊᑎ ᐱᒧᑕᑦ ᐊᓐᑕ ᐊᓂᔭ ᐊᔅᒋᔪᐤ ᒪᓯᑐᓂᔭ ᑲ ᐃᓯᓂᐧᑲᑕᔨᒡ ᒋ ᐊᑎ ᐛᐱᒪᐤ ᐊᓂᔭ ᐊᐛᔪᐛ ᑲ ᑕᑈᑎᒥᔨᒋ ᓂᓇᐧᑯᐤ ᐅᑕᓇᒡ ᑲ ᐊᑎ ᑕᔨᒋ ᐊᓐᑕ ᐃᑕᒐ᙮ ᐊᐅᒄ ᐅᔭ ᒥᓐ ᑲ ᓯᒋᒪᑦ ᒐᒋ ᐊᔨᒋᑲᐳᔨᒋ ᐊᓂᔭ ᑕᓐ ᐊ ᐃᓯ ᑕᑈᑎᒥᔨᒋ ᑭᔭ ᐊ ᐃᓯ ᐱᒪᑎᓯᔨᒋ᙮ ᒐᒃ ᐊᓐᑕ ᐊᑲᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᒂ ᐊᑎ ᑕᑦ᙮ 3ᓂᔅᑐ ᐱᓯᒺ ᒪᒃ ᒋ ᑕᐤ ᐊᓐᑕ᙮ ᐃᔅᐱ ᒪᒃ ᐊᔭᔅᑯᐎᑦ ᒐ ᐃᔅᒋᒪᑦ ᐊᓐᑕ ᓯᕆᔭᒡ, ᐊᓂᔭ ᐅᓄᐛ ᒍᐤ ᑲ ᐃᑎᔅᑲᓇᓯᔨᒋ ᐊᓐᑕ ᑲ ᑕᔨᒋ ᒋ ᐎ ᓂᐸᐃᑯᐤ, ᐊᑯ ᒂ ᐎᔭᔨᑕᐧᒃ ᑲᐤ ᐊᓐᑕ ᒪᓯᑐᓂᔭᒡ ᒐ ᐃᑐᑕᑦ᙮ 4ᒋ ᒥᒐᑎᔪᐛ ᒪᒃ ᐊᓂᔭ ᑲ ᐎᒐᐅᑯᑦ᙮ ᓱᐸᑕᕐ ᒋ ᐃᓯᓂᐧᑲᓱᔪᐛ ᐊᓂᔭ ᐸᐃᒄ᙮ ᐸᐃᕋᔅ ᒋ ᐃᓯᓂᐧᑲᓱᔪᐛ ᐅᑕᐎᔭ ᐅ ᓱᐸᑕᕐ᙮ ᐸᕆᔭ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᑯᑕ ᑲ ᐅᒋᒡ᙮ ᐊᑯ ᒥᓐ ᓂᓱ ᐊᐛᔪᐛ ᐊᓐᑕ ᑕᓴᓗᓇᐃᑲᒡ ᐊ ᐅᒋᔨᒋ ᒋ ᐎᒐᐅᑯᐤ ᑈᓪ, ᐊᐅᑯᓐ ᐊᕆᔅᑕᕐᑲᔅ ᑭᔭ ᓴᑲᓂᑕᔅ᙮ ᐊᑯ ᒥᓐ ᐊᓐᑕ ᑎᕐᐱ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᒋ ᐸᐃᑯᓯᔪᐛ ᐊᓐᑕ ᐊ ᐅᒋᔨᒋ ᐊ ᐎᒐᐅᑯᑦ, ᐊᐅᒄ ᐅᔭ ᑲᐃᔭᔅ᙮ ᑎᒧᑎᔨᒋ ᑭᔭ ᒋ ᐎᒐᐅᑯᐤ᙮ ᐊᑯ ᓂᓱ ᒥᓐ ᐊᐛᔪᐛ ᐊᓐᑕ ᐊᐃᓴ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᐅᒋᔨᒋ ᒋ ᐎᒐᐅᑯᐤ, ᐊᐅᒄ ᐅᔭ ᑕᐃᑭᑲᔅ ᑭᔭ ᑐᕈᐱᒪᔅ᙮ 5ᒋ ᓂᑲᓄᑕᐅᒡ ᐅᒡ ᓇᐸᐅᒡ ᐊᑯ ᐊᓐᑕ ᑐᕈᐊᔅ ᑲ ᐃᓯᓂᐧᑲᑕᒡ ᐅᑕᓇᐤ ᐊᑯᑕ ᑲ ᐊᓱᐛᐱᒥᔨᒥᒡ᙮ 6ᐊᓐᑕ ᒪᒃ ᐱᓕᐸᐃᒡ ᐊᑯᑕ ᑲ ᐅᒋ ᐳᓯᔭᒡ ᐎ ᓂᔭᓐ ᐃᔅᐱᔅ ᐊᓐ ᑲ ᒋᓯᑲᒡ ᑲᒋ ᒧᐛᑭᓄᐅᑦ ᐸᒂᓯᑭᓐ ᐊᑲ ᐅᐱᔨᑦ᙮ ᐱᑕᑕᒡ ᑕᑐᐤ ᒋᓯᑲᐛ ᒪᒃ ᐃᔅᐱᔅ ᐊᑯ ᑲ ᐅᑎᑕᐅᒋᒡ ᐊᓐᑕ ᑐᕈᐊᔅ᙮ ᐊᑯᑕ ᑲ ᑕᔭᒡ ᐸᐃᒄ ᒥᓇᔅᑕᑭᓇ᙮
ᑈᓪ ᒪᔅᑕᔾ ᑲ ᓂᑐᐛᐱᒪᑦ ᑲ ᑕᑈᑎᒥᔨᒋ ᐊᓐᑕ ᑐᕈᐊᔅ ᑲ ᑕᔨᒋ
7ᐊᓐ ᒪᒃ ᒥᔭᔅᑕᐃᑐᔅᑲᓄᒡ ᐊ ᐊᑎ ᐅᑕᑯᓯᔨᒡ ᓂᒋ ᒪᒧᐎᓇᓐ ᒐᒋ ᒪᒧᐤ ᒥᒋᓱᔭᒡ᙮ ᑈᓪ ᒪᒃ ᒋ ᐃᔨᒪᐊᐤ ᐊᓂᔭᔪᐛ ᐊᐛᔪᐛ ᑲ ᐸᒋ ᒪᒧᐎᔨᒋ᙮ ᐎᐱᒡ ᒋ ᐎ ᔅᑐᑕᐤ ᐊᓂᔭ ᒐ ᐛᐸᓂᔨᒡ, ᑭᔭ ᓇᐅᔅ ᒂ ᐊᑎ ᐃᔨᒥᑦ᙮ ᐱᐃᒻ ᒋ ᐊᐱᑕᑎᐱᔅᑲᔪᐤ ᐊᔅᒄ ᐊ ᐃᔨᒥᑦ᙮ 8ᐊᓐᑕ ᒪᒃ ᐊᓐ ᑲ ᒪᒧᐎᔭᒡ ᐃᔅᐱᒥᑎᑯᒡ ᒋ ᒥᒐᓇ ᐛᔅᑕᓂᐱᒪᑭᓇ᙮ 9ᒋ ᑕᐤ ᒪᒃ ᐊᓐᑕ ᐅᔅᒋᓂᒋᓱᐤ ᔪᑎᑲᔅ ᐊ ᐃᓯᓂᐧᑲᓱᑦ᙮ ᐊᓐᑕ ᓯᐳᐛᔅᑕᔨᑕᑭᓂᔪᐤ ᐊ ᑎᑯᓂᔨᒡ ᐊᓐᑕ ᒪᒃ ᐊ ᑲᑎᐸᓯᔨᒡ ᐊᑯᑕ ᑲ ᐊᐱᑦ᙮ ᒋ ᔪᑕᑯᑕᔭᐤ ᒪᒃ ᐊᓂᔭ ᓯᐳᐛᔅᑕᔨᑕᑭᓂᔪᐤ᙮ ᐊᓂᔭ ᒪᒃ ᐊ ᐃᔅᐱᔅ ᓇᐅᔅ ᐃᔨᒥᔨᒋ ᑈᓚ ᒐᒃ ᒋ ᓄᑕᐧᑯᓱᐤ ᐊᓐ ᓇᐸᔅ ᐊᑯ ᒂ ᐎᐎᐱᔨᑦ ᐊᓂᔭ ᓯᐳᐛᔅᑕᔨᑕᑭᓂᔪᐤ᙮ ᒋᒋᐛ ᒪᒃ ᒋ ᐃᔅᐸᓇᔪᐤ ᐊᓐᑕ ᑲ ᐅᒋ ᐊᒥᐱᔨᑦ᙮ ᐃᔅᐱ ᓇᑐᐛᐱᒪᑭᓄᐅᑦ, ᓴᔅ ᓇᒪ ᐅᒋ ᐱᒪᑎᓯᐤ᙮ 10ᐃᔅᐱ ᒪᒃ ᒧᓯᑕᑦ ᑈᓪ ᑕᓐ ᐊ ᐃᔅᐱᔨᒡ ᒋ ᓂᑎᒋᐛᐤ, ᐊᑯ ᒂ ᐅᒋᒋᐧᑯᓂᐱᔪᐅᑦ ᐅᐱᒪ ᐊ ᑕᔨᒋ ᐊᓂᔭ ᓇᐸᓴ ᑭᔭ ᒂ ᐊᑎ ᐛᐅᒋᑯᐃᐛᐱᑕᑦ᙮ ᐊᑯ ᒂ ᐃᔅᒋᔄᑦ, “ᐊᑲᐎᔾ ᐊᔨᒪᔨᑎᒧᒄ, ᓇᒪ ᓂᐳᐤ᙮” 11ᐊᑯ ᒥᓐ ᐃᔅᐱᒥᑎᑯᒡ ᒂ ᐃᑐᑕᑦ ᑈᓪ, ᒂ ᐸᒂᓇᑦ ᐊᓂᔭ ᐸᒂᓯᑭᓇ ᒐ ᑯᒥᓂᐅᓇᓄᐎᒡ᙮ ᒥᓐ ᒪᒃ ᒋ ᐊᑎ ᐃᔨᒪᐊᐤ᙮ ᒐᒃ ᐱᔭᑕᐱᓂᔨᒡ ᐊᔅᒄ ᐊ ᐃᔨᒥᑦ, ᑭᔭ ᒂ ᔅᑐᑕᑦ᙮ 12ᐊᑯ ᐊᓐ ᓇᐸᔅ ᑲ ᐎᐎᐱᔨᑦ ᒋ ᒋᐛᑕᐊᑭᓄᐤ᙮ ᐊᔪᐛᒡ ᒋ ᒥᔽᔨᑎᒧᒡ ᐊᓐᒡ ᐃᔪᒡ ᐊ ᐱᒪᑎᓯᔨᒋ᙮
ᑈᓪ ᐊᓐᑕ ᑐᕈᐊᓯᒡ ᑲ ᐅᒋ ᔅᑐᑕᑦ ᐊᓐᑕ ᒥᓕᑕᔅ ᑲ ᐃᑐᑕᑦ
13ᐊᓐ ᒪᒃ ᐎᔭᐸᒡ ᓂᒋ ᒋᑕᓯᓇᓐ ᓂᔭᓐ ᐊᓐᑕ ᐊᓐ ᐊᓱᔅ ᑲ ᐃᓯᓂᐧᑲᑕᒡ ᐅᑕᓇᐤ᙮ ᐊᑯᑕ ᐊᓐᑕ ᓂᐸ ᐅᒋ ᐳᓯᐊᓇᓐ ᑈᓪ᙮ ᐊᐅᒄ ᐅᔭ ᑲ ᐃᑎᓱᐛᑦ ᐛᔅ ᒋ ᐱᒧᑕᐤ ᐎᔾ ᐊᓐᑕ ᐃᔅ᙮ 14ᐃᔅᐱ ᒪᒃ ᑲ ᓂᒋᔅᑲᑯᔭᒡ ᐊᓐᑕ ᐊᓱᔅ, ᓂᒋ ᐳᓯᐊᓇᓐ ᐊᑯ ᐊᓐᑕ ᒥᑎᓕᓐ ᑲ ᐃᓯᓂᐧᑲᑕᒡ ᐅᑕᓇᐤ ᑲ ᐃᑕᓯᔭᒡ᙮ 15ᐊᑯᑕ ᒥᓐ ᑲ ᐅᒋ ᒋᑕᓯᔭᒡ ᐊᑯ ᐊᓐ ᒥᓂᔅᑎᒄ ᑭᐃᐅᔅ ᑲ ᐃᓯᓂᐧᑲᑕᒡ ᑲ ᐊᑎ ᔭᐃᐊᒪᒡ ᒥᓐ ᐎᔭᐸᒡ᙮ ᒥᓐ ᒪᒃ ᐎᔭᐸᒡ ᐊᑯ ᒥᓐ ᑯᑎᒡ ᒥᓂᔅᑎᒄ ᓴᒧᔅ ᐊ ᐃᓯᓂᐧᑲᑕᒡ ᑲ ᐅᑎᑕᐊᒪᒡ᙮ ᒥᓐ ᐎᔭᐸᒡ ᐊᑯ ᐊᓐᑕ ᐊᓐ ᐅᑕᓇᐤ ᒥᓕᑕᔅ ᑲ ᐃᓯᓂᐧᑲᑕᒡ ᐊᑯᑕ ᑲ ᒥᓯᑲᔭᒡ᙮ 16ᑈᓪ ᒪᒃ ᒋ ᐎᔭᔨᑎᒻ ᒐ ᐊᑲ ᒋ ᐃᔅᒋᒪᑦ ᐊᓐᑕ ᐃᐱᓴᔅ, ᐊᑯ ᒂ ᐎᒪᐊᒪᒡ ᐊᓐ ᐅᑕᓇᐤ᙮ ᓇᒪ ᐅᒋ ᐎ ᐅᑎᒥᐤ, ᐛᔅ ᒋ ᐎ ᐅᑎᑎᒻ ᒋᕈᓯᓕᒥᒡ ᐊᔅᒄ ᐊᑲ ᐸᓐᑎᑯᔅᑦ ᐃᓯ ᒋᓯᑲᔨᒡ᙮
ᑈᓪ ᒪᔅᑕᔾ ᑲ ᐃᔨᒪᐊᑦ ᐊᓂᔭᔪᐛ ᑲ ᓂᑲᓂᐱᔨᒋ ᐊᓐᑕ ᐃᐱᓴᔅ
17ᑈᓪ ᒪᒃ ᐊᓐᑕ ᒥᓕᑕᔅ ᒋ ᐅᒋ ᒥᓯᓇᐊᒧᐛᐤ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐅᒪᒧᐊᔭᒥᐊᐛ ᐊᓐᑕ ᐃᐱᓴᔅ ᑲ ᑕᔨᒋ ᐊ ᐎᓴᒪᑦ᙮ 18ᐃᔅᐱ ᒪᒃ ᑲ ᑎᑯᓯᓂᔨᒋ ᐊᑯ ᒂ ᐃᔨᒪᐊᑦ᙮ ᒋ ᐃᑕᐤ, “ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᐱᒪᑎᓯᔭᓐ ᑲ ᐃᔅᐱᔅ ᐊ ᑕᔭᓐ ᐅᑕ ᐊᐃᓴ ᐊᔅᒋᒡ ᐱᐃᒻ ᑲ ᔅᑐᑕᔭᓐ᙮ 19ᐊᒋ ᐊᑐᔅᑯᐅᒃ ᐅᑎᐸᔨᒋᒐᐤ ᑎᐱᑕᔨᒧᐅᓂᒡ ᐃᔅ ᑭᔭ ᓇᓂᑯᑎᓂᔾ ᐊᒋ ᐃᓯᓇᑯᓯᔭᓐ ᐊ ᒪᔭᓐ᙮ ᒋ ᒋᔅᒐᔨᑕᓇᐛᐤ ᑭᔭ ᑕᓐ ᑲ ᐃᓯ ᐊᔨᒥᐅᔭᓐ ᒪᓐ ᐊᓂᔭ ᑲ ᐃᔅᐱᔅ ᒧᔅ ᒋ ᐎ ᑎᑯᓂᔨᒡ ᐊ ᐎᑐᑐᐅᒡ ᐊᓐᒡ ᒍᐤ ᐃᔪᒡ᙮ 20ᑭᔭ ᐊᑲ ᐅᒋ ᑲᑥᑎᑯᒡ ᒐᒂᓐ ᑕᓐ ᒐᒋ ᐃᓯ ᐎᒋᐃᑯᔭᒄ᙮ ᒋ ᒋᔅᒐᔨᑕᓇᐛᐤ ᑭᔭ ᑕᓐ ᑲ ᐃᓯ ᒋᔅᑯᑎᒪᑎᑯᒡ ᐊᓐᑕ ᐊ ᒪᒧᐎᓇᓄᐅᒡ ᑭᔭ ᐊᓐᑕ ᒋᒋᐛᐛᒡ, 21ᐊ ᐎᑎᒧᐅᒂᐤ ᑕᐱᔅᑯᓐ ᒍᐤ ᑭᔭ ᑯᕆᒃ ᑲ ᐃᑎᔅᑲᓇᓯᒡ ᐊ ᓂᑐᐛᔨᑕᑯᓯᒡ ᒐᒋ ᒂᔅᑲᑎᓯᒡ ᒋᓴᒪᓂᑐᐛ ᐊ ᓇᑕᒡ ᑭᔭ ᒐᒋ ᑕᑈᔭᔨᒪᒡ ᒋᑎᐸᔨᒋᒐᓯᒥᓄᐛ ᒋᓴᔅ ᙭ᑕ᙮”
22“ᓂᑐᑎᒧᒄ ᒪᒃ, ᐊᓄᒡ ᓇᔅᒡ ᓱᒋᐱᔪᐤ ᑲ ᐸᔭᒋᓯᑦ ᐊᒐᐧᒄ ᒐᒋ ᓂᓇᐃᑐᐅᒃ ᐊ ᐃᑎᓱᒥᑦ ᒋᕈᓯᓕᒥᒡ ᒐᒋ ᐃᑐᑕᐅᒡ, ᓂᐸ ᐃᑐᑕᓐ ᒪᒃ ᐊᓐᑕ ᐊᓄᒡ᙮ ᓇᒪ ᓂ ᒋᔅᒐᔨᑕᓐ ᒐᒂᓐ ᒐ ᐅᑎᑕᐅᑯᔭᓐ ᐊᓐᑕ ᑕᔭᓇ᙮ 23ᒪᐅ ᒥᒄ ᒐᔅᒐᔨᑎᒪᓐ, ᑲ ᐸᔭᒋᓯᑦ ᐊᒐᐧᒄ ᓂ ᓂᑲᓐ ᐎᑎᒪᒄ ᒐ ᒋᐸᐅᑯᐅᒡ ᑭᔭ ᓂᓇᐧᑯᐤ ᒐ ᐃᓯ ᐃᔨᒧᐅᒡ ᒥᓯᐛ ᐅᑕᓇᒡ ᒐ ᐊᑎ ᐃᑐᑕᐅᒡ᙮ 24ᓇᒪ ᒪᒃ ᓇᔅᒡ ᓄᔭᔅᑕᔨᑎᒥᐃᑯᓐ ᓂᐱᒪᑎᓯᐅᓐ ᐃᔭᐱᒡ ᒪᒃ ᒧᔅ ᐃᔅᐱᔅ ᒋᔅᐱᔨᒐ ᓂᐱᒪᑎᓯᐅᓐ ᐅᑕ ᐊᔅᒋᒡ ᒋ ᒋᔅᑕᔭᓇ ᑕᓐ ᑲ ᐃᑎᓱᒥᑦ ᐅᑎᐸᔨᒋᒐᐤ ᒋᓴᔅ ᒐ ᐃᑕᐱᑎᓯᐅᒡ, ᐊᐅᒄ ᐅᔭ ᒐᒋ ᐛᐎᑎᒧᒡ ᒥᔽᒋᒧᐅᓂᔪᐤ᙮ ᐅᑕ ᒪᒃ ᒥᔽᒋᒧᐅᓂᒡ ᐊᑯᑕ ᐊ ᐊᔨᒧᑕᔨᒡ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮”
25“ᓂᑐᑎᒧᒄ ᒪ, ᓂ ᒋᔅᒐᔨᑕᓐ ᐊᐅᒄ ᐅ ᐊᓄᒡ ᒪᔅᑕᔾ ᒐ ᐛᐱᒥᔭᒄ ᒋᔨᐛᐤ ᐅ ᑲᒋ ᐛᐎᑎᒪᑎᑯᒡ ᒋᓴᒪᓂᑐᐤ ᐅᒋᓴᐅᒋᒪᐅᓐ ᐅᑕ ᐃᑕᒐ ᑲ ᑕᔭᒄ᙮ 26ᐊᐅᒄ ᒪᒃ ᐅ ᐛᒋ ᑯᐃᔅᒄ ᐎᑎᒪᑎᑯᒡ ᐅ ᐊᓄᒡ ᑲ ᒋᓯᑲᒡ ᓇᒪ ᓂᔾ ᓂᑭ ᐅᒋ ᐊᑕᒪᔨᑕᑯᓯᓐ ᓂᓱᐅᓇᑎᓯᒐ ᐊᐛᓐ ᐅᑕ ᐊ ᑎᓯᔭᒄ᙮ 27ᐛᔅ ᓇᒪ ᓇᔅᒡ ᓂ ᐅᒋ ᓇᑲᐎᓐ ᑯᐃᔅᒄ ᒐᒋ ᐃᓯ ᐎᑎᒪᑎᑯᒡ ᑕᓐ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᑎᔭᒄ, ᓇᒪ ᓇᔅᒡ ᒐᒂᓐ ᒋ ᐅᒋ ᑲᑥᑎᓇᐛᐤ᙮ 28ᓱᒃ ᒪᒃ ᓂᓇᑭᑐᐛᔨᒥᓱᒄ ᑭᔭ ᓱᒃ ᐎ ᒥᔪ ᑭᓄᐛᔨᒪᐧᑯᒡ ᐊᓂᔭᔪᐛ ᑲ ᐸᔭᒋᓯᑦ ᐊᒐᐧᒄ ᑲ ᒥᔨᑕᒄ ᒐᒋ ᓂᓇᑭᑐᐛᔨᒥᒪᑯ᙮ ᐃᔭᒂ ᐃᓯ ᑭᓄᐛᔨᒪᐧᑯᒡ ᒪᒧᐤ ᑲ ᐊᔭᒥᐊᐛᑎᓯᒡ, ᐛᔅ ᒋᓴᒪᓂᑐᐤ ᐎᔾ ᒋ ᑎᐸᐊᐛᐤ ᐅᔭ ᐃᔅᐱᔅ ᐅᑯᓴ ᑲ ᐱᔅᑎᓇᑦ ᒐᒋ ᓂᐸᐊᑭᓄᔨᒋ᙮ 29ᓂ ᒋᔅᒐᔨᑕᓐ ᐛᔅ ᐃᔅᐱ ᒋ ᔅᑐᑕᔭᓇ, ᒐ ᐅᑎᑎᑕᑯᒡ ᐊᐛᓐᒋ ᐊᑲ ᑯᐃᔅᒄ ᐃᓯ ᒋᔅᑯᑎᒪᒐᒡ ᓇᔅᒡ ᐊᑲ ᑲ ᒪᒥᓇᑎᓯᒡ ᒧᔭᒻ ᒥᐃᐧᑭᓂᒡ ᐊ ᐃᑕᔨᑕᑯᓯᒡ, ᒋᑭ ᐎ ᓂᓱᐅᓇᒋᑕᐅᒡ ᒋᑕᑈᑎᒧᐅᓄᐛᔪᐤ᙮ 30ᓂᐦᐃ, ᐛᐛᒡ ᑭᔭ ᐊᓐᑕ ᓇᓂᑎᒻ ᐊ ᑕᔭᒄ ᒋᑭ ᐅᒋ ᐎᔨᑲᐳᐅᒡ ᐊᐛᓐᒋ ᐊ ᑯᒂᔅᒋᐱᔨᑕᒡ ᑕᑈᐅᓂᔪᐤ ᑭᔭ ᐊ ᐎ ᐃᒐᐱᑕᒡ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ ᐎᔨᐛᐤ ᒐᒋ ᓇᓴᐅᑯᒡ᙮ 31ᐃᔭᒂᒥᒄ ᒪᒃ, ᒧᔅ ᒋᔅᒋᓯᒄ ᓂᔅᑐ ᐱᐳᓇ ᐅᑕᒡ ᐃᓯ ᐊᑲ ᐅᒋ ᐳᓂᔭᓐ ᒧᔅ ᐊᒋ ᐃᔭᒂᒥᒥᑎᑯᒡ, ᑭᔭ ᐊᒋ ᒪᔭᓐ ᑲ ᐃᔅᐱᔅ ᓱᒃ ᒋ ᐎ ᐎᒋᐃᑎᑯᒡ᙮”
32“ᑭᔭ ᐊᓄᒡ ᒋ ᐊᑎ ᐃᓯ ᐱᔅᑎᓱᐛᑎᑎᓇᐛᐤ ᒋᓴᒪᓂᑐᐤ ᐃᔅ ᐊ ᑕᑦ ᒐ ᒥᔪ ᑭᓄᐛᔨᒥᑕᒄ ᑭᔭ ᐅᑦ ᐃᔨᒧᐅᓐ ᒐ ᓱᐛᔨᒥᑯᐛᒄ᙮ ᐅᓱᐛᔨᒋᒐᐅᓂᒡ ᑭᔭ ᐅᑦ ᐃᔨᒧᐅᓂᒡ ᐊᑯᑕ ᒐ ᐅᒋ ᒥᔪ ᓂᑕᐅᒋᔭᒄ ᑭᔭ ᐊᑯᑕ ᒐ ᐅᒋ ᐊᔭᔭᒄ ᐊᓂᔭ ᑕᓐ ᑲ ᐎ ᐃᓯ ᒥᔭᑦ ᒋᓴᒪᓂᑐᐤ ᐊᓂᔭ ᐊᐛᔪᐛ ᑲ ᐎᔭᔨᒪᑦ ᒐ ᐅᑦ ᐃᔨᒥᑦ᙮ 33ᒋ ᒋᔅᒐᔨᑕᓇᐛᐤ ᐊᑲ ᓂᑕ ᐅᒋ ᒧᔅᑕᓂᒧᒃ ᐊᐛᓐ ᐅᓱᓇᔭᓂᒻ ᒪᒃ ᐅᑦ ᐊᐱᒋᑕᐅᓇ᙮ 34ᒋ ᒋᔅᒐᔨᑕᓇᐛᐤ ᑭᔭ ᓂᔾ ᑎᐱᔨᐛ ᐊᒋ ᐊᔭᐱᑎᓯᔭᓐ ᒐᒋ ᐅᒋ ᐅᑎᓇᒪᓱᔭᓐ ᑕᓐ ᐊ ᐃᓯ ᓂᑐᐛᔨᑎᒪᓐ ᒐᒋ ᐱᒪᒋᐅᔭᓐ ᑭᔭ ᑕᓐ ᐊ ᐃᓯ ᓂᑐᐛᔨᑕᒡ ᐊᓐᒡ ᑲ ᐎᒐᐅᒡ᙮ 35ᐊᓐ ᒪᒃ ᒥᓯᐛ ᑲ ᐊᑎ ᐊᐃᑎᔭᓐ ᑭᔭ ᑲ ᐃᔅᐱᔅ ᒋ ᒥᔅᑎ ᐊᐱᑎᓯᔭᓐ ᒧᔅ ᔅᒋ ᐎ ᐛᐸᑎᔨᑎᓇᐛᐤ ᑕᓐ ᒋᐸ ᐎ ᐃᓯ ᐎᒋᐊᓄᒡ ᐊᓐᒡ ᑲ ᒋᔅᑎᒪᑎᓯᒡ ᑭᔭ ᒐᒋ ᒋᔅᒋᓯᔭᐧᒄ ᑕᓐ ᑲ ᐃᔅᒋᔄᑦ ᒋᑎᐸᔨᒋᒐᓯᒥᓄᐤ, ᐊᑐᐎᔅ ᐊᓐ ᐊᐛᓐ ᑲ ᒥᔨᐛᑦ ᒐᒂᔪᐤ ᓱᐛᔨᑕᑯᓱᐤ ᐃᔅᐱᔅ ᐊᓐ ᐊᐛᓐ ᑲ ᒥᔭᑭᓄᐅᑦ ᒐᒂᔪᐤ᙮”
36ᐃᔅᐱ ᒪᒃ ᑲᒋ ᐃᓯ ᐃᔨᒪᐊᑦ ᑈᓪ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᑲ ᑕᑈᑎᒥᔨᒋ ᐊᓐᑕ ᐃᐱᓴᔅ ᑲ ᑕᔨᒋ ᐊᑯ ᒥᓯᐛ ᑲ ᓂᐱᔅᑯᐱᒡ ᐊ ᐊᔭᒥᐊᒡ᙮ 37ᒥᓯᐛ ᒪᒃ ᒋ ᒪᔪᐛ ᑭᔭ ᒋ ᐛᐅᒋᒂᐱᑎᑯᐤ 38ᓇᔅᒡ ᐊ ᒥᒐᔨᑎᒥᔨᒋ᙮ ᐊᓂᔭ ᒪᒃ ᐊᒋ ᐃᑕᑦ ᐊᑲ ᒥᓐ ᒐ ᐅᒋ ᐛᐱᒥᑯᑦ ᐊᐅᒄ ᐅᔭ ᒪᐅᒡ ᑲ ᒪᑯᐃᑯᔨᒋ᙮ ᐊᑯ ᒂ ᐊᑎ ᐎᒐᐅᑯᑦ ᐊᓐᑕ ᐊ ᒥᓴᔨᒡ ᐅᐤᑎᒡ ᐊ ᐃᑐᑕᑦ᙮
Currently Selected:
ᐊᑈᔅᑕᓇᒡ 20: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᐊᑈᔅᑕᓇᒡ 20
20
ᑈᓪ ᒥᓐ ᑲ ᐃᑐᑕᑦ ᒪᓯᑐᓂᔭ ᑭᔭ ᐊᑲᔭ ᐊᔅᒋᒡ
1ᐃᔅᐱ ᒪᒃ ᑲ ᐊᑎ ᒋᐱᑥᐛᑕᑭᓄᐎᒡ ᑕᓐ ᑲ ᐃᑥᐛᑕᑭᓄᐎᒡ ᑭᔭ ᑲ ᒋᐛᔨᒋ ᐊᓂᔭᔪᐛ ᐃᔪᐛ, ᑈᓪ ᒋ ᐎᓴᒪᐤ ᐊᓂᔭᔪᐛ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ᙮ ᐊᑯ ᒂ ᓯᒋᒪᑦ ᓱᒃ ᒐ ᐎ ᐊᔨᒋᑲᐳᔨᒋ ᑕᓐ ᐊ ᐃᓯ ᑕᑈᑎᒥᔨᒋ᙮ ᐃᔅᐱ ᒪᒃ ᑲ ᐛᒋᔭᒪᑦ ᐊᑯ ᒂ ᔅᑐᑕᑦ ᒪᓯᑐᓂᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᐃᑐᑕᑦ᙮ 2ᐊᓂᔭ ᒪᒃ ᐊ ᐊᑎ ᐱᒧᑕᑦ ᐊᓐᑕ ᐊᓂᔭ ᐊᔅᒋᔪᐤ ᒪᓯᑐᓂᔭ ᑲ ᐃᓯᓂᐧᑲᑕᔨᒡ ᒋ ᐊᑎ ᐛᐱᒪᐤ ᐊᓂᔭ ᐊᐛᔪᐛ ᑲ ᑕᑈᑎᒥᔨᒋ ᓂᓇᐧᑯᐤ ᐅᑕᓇᒡ ᑲ ᐊᑎ ᑕᔨᒋ ᐊᓐᑕ ᐃᑕᒐ᙮ ᐊᐅᒄ ᐅᔭ ᒥᓐ ᑲ ᓯᒋᒪᑦ ᒐᒋ ᐊᔨᒋᑲᐳᔨᒋ ᐊᓂᔭ ᑕᓐ ᐊ ᐃᓯ ᑕᑈᑎᒥᔨᒋ ᑭᔭ ᐊ ᐃᓯ ᐱᒪᑎᓯᔨᒋ᙮ ᒐᒃ ᐊᓐᑕ ᐊᑲᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᒂ ᐊᑎ ᑕᑦ᙮ 3ᓂᔅᑐ ᐱᓯᒺ ᒪᒃ ᒋ ᑕᐤ ᐊᓐᑕ᙮ ᐃᔅᐱ ᒪᒃ ᐊᔭᔅᑯᐎᑦ ᒐ ᐃᔅᒋᒪᑦ ᐊᓐᑕ ᓯᕆᔭᒡ, ᐊᓂᔭ ᐅᓄᐛ ᒍᐤ ᑲ ᐃᑎᔅᑲᓇᓯᔨᒋ ᐊᓐᑕ ᑲ ᑕᔨᒋ ᒋ ᐎ ᓂᐸᐃᑯᐤ, ᐊᑯ ᒂ ᐎᔭᔨᑕᐧᒃ ᑲᐤ ᐊᓐᑕ ᒪᓯᑐᓂᔭᒡ ᒐ ᐃᑐᑕᑦ᙮ 4ᒋ ᒥᒐᑎᔪᐛ ᒪᒃ ᐊᓂᔭ ᑲ ᐎᒐᐅᑯᑦ᙮ ᓱᐸᑕᕐ ᒋ ᐃᓯᓂᐧᑲᓱᔪᐛ ᐊᓂᔭ ᐸᐃᒄ᙮ ᐸᐃᕋᔅ ᒋ ᐃᓯᓂᐧᑲᓱᔪᐛ ᐅᑕᐎᔭ ᐅ ᓱᐸᑕᕐ᙮ ᐸᕆᔭ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᑯᑕ ᑲ ᐅᒋᒡ᙮ ᐊᑯ ᒥᓐ ᓂᓱ ᐊᐛᔪᐛ ᐊᓐᑕ ᑕᓴᓗᓇᐃᑲᒡ ᐊ ᐅᒋᔨᒋ ᒋ ᐎᒐᐅᑯᐤ ᑈᓪ, ᐊᐅᑯᓐ ᐊᕆᔅᑕᕐᑲᔅ ᑭᔭ ᓴᑲᓂᑕᔅ᙮ ᐊᑯ ᒥᓐ ᐊᓐᑕ ᑎᕐᐱ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᒋ ᐸᐃᑯᓯᔪᐛ ᐊᓐᑕ ᐊ ᐅᒋᔨᒋ ᐊ ᐎᒐᐅᑯᑦ, ᐊᐅᒄ ᐅᔭ ᑲᐃᔭᔅ᙮ ᑎᒧᑎᔨᒋ ᑭᔭ ᒋ ᐎᒐᐅᑯᐤ᙮ ᐊᑯ ᓂᓱ ᒥᓐ ᐊᐛᔪᐛ ᐊᓐᑕ ᐊᐃᓴ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᐅᒋᔨᒋ ᒋ ᐎᒐᐅᑯᐤ, ᐊᐅᒄ ᐅᔭ ᑕᐃᑭᑲᔅ ᑭᔭ ᑐᕈᐱᒪᔅ᙮ 5ᒋ ᓂᑲᓄᑕᐅᒡ ᐅᒡ ᓇᐸᐅᒡ ᐊᑯ ᐊᓐᑕ ᑐᕈᐊᔅ ᑲ ᐃᓯᓂᐧᑲᑕᒡ ᐅᑕᓇᐤ ᐊᑯᑕ ᑲ ᐊᓱᐛᐱᒥᔨᒥᒡ᙮ 6ᐊᓐᑕ ᒪᒃ ᐱᓕᐸᐃᒡ ᐊᑯᑕ ᑲ ᐅᒋ ᐳᓯᔭᒡ ᐎ ᓂᔭᓐ ᐃᔅᐱᔅ ᐊᓐ ᑲ ᒋᓯᑲᒡ ᑲᒋ ᒧᐛᑭᓄᐅᑦ ᐸᒂᓯᑭᓐ ᐊᑲ ᐅᐱᔨᑦ᙮ ᐱᑕᑕᒡ ᑕᑐᐤ ᒋᓯᑲᐛ ᒪᒃ ᐃᔅᐱᔅ ᐊᑯ ᑲ ᐅᑎᑕᐅᒋᒡ ᐊᓐᑕ ᑐᕈᐊᔅ᙮ ᐊᑯᑕ ᑲ ᑕᔭᒡ ᐸᐃᒄ ᒥᓇᔅᑕᑭᓇ᙮
ᑈᓪ ᒪᔅᑕᔾ ᑲ ᓂᑐᐛᐱᒪᑦ ᑲ ᑕᑈᑎᒥᔨᒋ ᐊᓐᑕ ᑐᕈᐊᔅ ᑲ ᑕᔨᒋ
7ᐊᓐ ᒪᒃ ᒥᔭᔅᑕᐃᑐᔅᑲᓄᒡ ᐊ ᐊᑎ ᐅᑕᑯᓯᔨᒡ ᓂᒋ ᒪᒧᐎᓇᓐ ᒐᒋ ᒪᒧᐤ ᒥᒋᓱᔭᒡ᙮ ᑈᓪ ᒪᒃ ᒋ ᐃᔨᒪᐊᐤ ᐊᓂᔭᔪᐛ ᐊᐛᔪᐛ ᑲ ᐸᒋ ᒪᒧᐎᔨᒋ᙮ ᐎᐱᒡ ᒋ ᐎ ᔅᑐᑕᐤ ᐊᓂᔭ ᒐ ᐛᐸᓂᔨᒡ, ᑭᔭ ᓇᐅᔅ ᒂ ᐊᑎ ᐃᔨᒥᑦ᙮ ᐱᐃᒻ ᒋ ᐊᐱᑕᑎᐱᔅᑲᔪᐤ ᐊᔅᒄ ᐊ ᐃᔨᒥᑦ᙮ 8ᐊᓐᑕ ᒪᒃ ᐊᓐ ᑲ ᒪᒧᐎᔭᒡ ᐃᔅᐱᒥᑎᑯᒡ ᒋ ᒥᒐᓇ ᐛᔅᑕᓂᐱᒪᑭᓇ᙮ 9ᒋ ᑕᐤ ᒪᒃ ᐊᓐᑕ ᐅᔅᒋᓂᒋᓱᐤ ᔪᑎᑲᔅ ᐊ ᐃᓯᓂᐧᑲᓱᑦ᙮ ᐊᓐᑕ ᓯᐳᐛᔅᑕᔨᑕᑭᓂᔪᐤ ᐊ ᑎᑯᓂᔨᒡ ᐊᓐᑕ ᒪᒃ ᐊ ᑲᑎᐸᓯᔨᒡ ᐊᑯᑕ ᑲ ᐊᐱᑦ᙮ ᒋ ᔪᑕᑯᑕᔭᐤ ᒪᒃ ᐊᓂᔭ ᓯᐳᐛᔅᑕᔨᑕᑭᓂᔪᐤ᙮ ᐊᓂᔭ ᒪᒃ ᐊ ᐃᔅᐱᔅ ᓇᐅᔅ ᐃᔨᒥᔨᒋ ᑈᓚ ᒐᒃ ᒋ ᓄᑕᐧᑯᓱᐤ ᐊᓐ ᓇᐸᔅ ᐊᑯ ᒂ ᐎᐎᐱᔨᑦ ᐊᓂᔭ ᓯᐳᐛᔅᑕᔨᑕᑭᓂᔪᐤ᙮ ᒋᒋᐛ ᒪᒃ ᒋ ᐃᔅᐸᓇᔪᐤ ᐊᓐᑕ ᑲ ᐅᒋ ᐊᒥᐱᔨᑦ᙮ ᐃᔅᐱ ᓇᑐᐛᐱᒪᑭᓄᐅᑦ, ᓴᔅ ᓇᒪ ᐅᒋ ᐱᒪᑎᓯᐤ᙮ 10ᐃᔅᐱ ᒪᒃ ᒧᓯᑕᑦ ᑈᓪ ᑕᓐ ᐊ ᐃᔅᐱᔨᒡ ᒋ ᓂᑎᒋᐛᐤ, ᐊᑯ ᒂ ᐅᒋᒋᐧᑯᓂᐱᔪᐅᑦ ᐅᐱᒪ ᐊ ᑕᔨᒋ ᐊᓂᔭ ᓇᐸᓴ ᑭᔭ ᒂ ᐊᑎ ᐛᐅᒋᑯᐃᐛᐱᑕᑦ᙮ ᐊᑯ ᒂ ᐃᔅᒋᔄᑦ, “ᐊᑲᐎᔾ ᐊᔨᒪᔨᑎᒧᒄ, ᓇᒪ ᓂᐳᐤ᙮” 11ᐊᑯ ᒥᓐ ᐃᔅᐱᒥᑎᑯᒡ ᒂ ᐃᑐᑕᑦ ᑈᓪ, ᒂ ᐸᒂᓇᑦ ᐊᓂᔭ ᐸᒂᓯᑭᓇ ᒐ ᑯᒥᓂᐅᓇᓄᐎᒡ᙮ ᒥᓐ ᒪᒃ ᒋ ᐊᑎ ᐃᔨᒪᐊᐤ᙮ ᒐᒃ ᐱᔭᑕᐱᓂᔨᒡ ᐊᔅᒄ ᐊ ᐃᔨᒥᑦ, ᑭᔭ ᒂ ᔅᑐᑕᑦ᙮ 12ᐊᑯ ᐊᓐ ᓇᐸᔅ ᑲ ᐎᐎᐱᔨᑦ ᒋ ᒋᐛᑕᐊᑭᓄᐤ᙮ ᐊᔪᐛᒡ ᒋ ᒥᔽᔨᑎᒧᒡ ᐊᓐᒡ ᐃᔪᒡ ᐊ ᐱᒪᑎᓯᔨᒋ᙮
ᑈᓪ ᐊᓐᑕ ᑐᕈᐊᓯᒡ ᑲ ᐅᒋ ᔅᑐᑕᑦ ᐊᓐᑕ ᒥᓕᑕᔅ ᑲ ᐃᑐᑕᑦ
13ᐊᓐ ᒪᒃ ᐎᔭᐸᒡ ᓂᒋ ᒋᑕᓯᓇᓐ ᓂᔭᓐ ᐊᓐᑕ ᐊᓐ ᐊᓱᔅ ᑲ ᐃᓯᓂᐧᑲᑕᒡ ᐅᑕᓇᐤ᙮ ᐊᑯᑕ ᐊᓐᑕ ᓂᐸ ᐅᒋ ᐳᓯᐊᓇᓐ ᑈᓪ᙮ ᐊᐅᒄ ᐅᔭ ᑲ ᐃᑎᓱᐛᑦ ᐛᔅ ᒋ ᐱᒧᑕᐤ ᐎᔾ ᐊᓐᑕ ᐃᔅ᙮ 14ᐃᔅᐱ ᒪᒃ ᑲ ᓂᒋᔅᑲᑯᔭᒡ ᐊᓐᑕ ᐊᓱᔅ, ᓂᒋ ᐳᓯᐊᓇᓐ ᐊᑯ ᐊᓐᑕ ᒥᑎᓕᓐ ᑲ ᐃᓯᓂᐧᑲᑕᒡ ᐅᑕᓇᐤ ᑲ ᐃᑕᓯᔭᒡ᙮ 15ᐊᑯᑕ ᒥᓐ ᑲ ᐅᒋ ᒋᑕᓯᔭᒡ ᐊᑯ ᐊᓐ ᒥᓂᔅᑎᒄ ᑭᐃᐅᔅ ᑲ ᐃᓯᓂᐧᑲᑕᒡ ᑲ ᐊᑎ ᔭᐃᐊᒪᒡ ᒥᓐ ᐎᔭᐸᒡ᙮ ᒥᓐ ᒪᒃ ᐎᔭᐸᒡ ᐊᑯ ᒥᓐ ᑯᑎᒡ ᒥᓂᔅᑎᒄ ᓴᒧᔅ ᐊ ᐃᓯᓂᐧᑲᑕᒡ ᑲ ᐅᑎᑕᐊᒪᒡ᙮ ᒥᓐ ᐎᔭᐸᒡ ᐊᑯ ᐊᓐᑕ ᐊᓐ ᐅᑕᓇᐤ ᒥᓕᑕᔅ ᑲ ᐃᓯᓂᐧᑲᑕᒡ ᐊᑯᑕ ᑲ ᒥᓯᑲᔭᒡ᙮ 16ᑈᓪ ᒪᒃ ᒋ ᐎᔭᔨᑎᒻ ᒐ ᐊᑲ ᒋ ᐃᔅᒋᒪᑦ ᐊᓐᑕ ᐃᐱᓴᔅ, ᐊᑯ ᒂ ᐎᒪᐊᒪᒡ ᐊᓐ ᐅᑕᓇᐤ᙮ ᓇᒪ ᐅᒋ ᐎ ᐅᑎᒥᐤ, ᐛᔅ ᒋ ᐎ ᐅᑎᑎᒻ ᒋᕈᓯᓕᒥᒡ ᐊᔅᒄ ᐊᑲ ᐸᓐᑎᑯᔅᑦ ᐃᓯ ᒋᓯᑲᔨᒡ᙮
ᑈᓪ ᒪᔅᑕᔾ ᑲ ᐃᔨᒪᐊᑦ ᐊᓂᔭᔪᐛ ᑲ ᓂᑲᓂᐱᔨᒋ ᐊᓐᑕ ᐃᐱᓴᔅ
17ᑈᓪ ᒪᒃ ᐊᓐᑕ ᒥᓕᑕᔅ ᒋ ᐅᒋ ᒥᓯᓇᐊᒧᐛᐤ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐅᒪᒧᐊᔭᒥᐊᐛ ᐊᓐᑕ ᐃᐱᓴᔅ ᑲ ᑕᔨᒋ ᐊ ᐎᓴᒪᑦ᙮ 18ᐃᔅᐱ ᒪᒃ ᑲ ᑎᑯᓯᓂᔨᒋ ᐊᑯ ᒂ ᐃᔨᒪᐊᑦ᙮ ᒋ ᐃᑕᐤ, “ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᐱᒪᑎᓯᔭᓐ ᑲ ᐃᔅᐱᔅ ᐊ ᑕᔭᓐ ᐅᑕ ᐊᐃᓴ ᐊᔅᒋᒡ ᐱᐃᒻ ᑲ ᔅᑐᑕᔭᓐ᙮ 19ᐊᒋ ᐊᑐᔅᑯᐅᒃ ᐅᑎᐸᔨᒋᒐᐤ ᑎᐱᑕᔨᒧᐅᓂᒡ ᐃᔅ ᑭᔭ ᓇᓂᑯᑎᓂᔾ ᐊᒋ ᐃᓯᓇᑯᓯᔭᓐ ᐊ ᒪᔭᓐ᙮ ᒋ ᒋᔅᒐᔨᑕᓇᐛᐤ ᑭᔭ ᑕᓐ ᑲ ᐃᓯ ᐊᔨᒥᐅᔭᓐ ᒪᓐ ᐊᓂᔭ ᑲ ᐃᔅᐱᔅ ᒧᔅ ᒋ ᐎ ᑎᑯᓂᔨᒡ ᐊ ᐎᑐᑐᐅᒡ ᐊᓐᒡ ᒍᐤ ᐃᔪᒡ᙮ 20ᑭᔭ ᐊᑲ ᐅᒋ ᑲᑥᑎᑯᒡ ᒐᒂᓐ ᑕᓐ ᒐᒋ ᐃᓯ ᐎᒋᐃᑯᔭᒄ᙮ ᒋ ᒋᔅᒐᔨᑕᓇᐛᐤ ᑭᔭ ᑕᓐ ᑲ ᐃᓯ ᒋᔅᑯᑎᒪᑎᑯᒡ ᐊᓐᑕ ᐊ ᒪᒧᐎᓇᓄᐅᒡ ᑭᔭ ᐊᓐᑕ ᒋᒋᐛᐛᒡ, 21ᐊ ᐎᑎᒧᐅᒂᐤ ᑕᐱᔅᑯᓐ ᒍᐤ ᑭᔭ ᑯᕆᒃ ᑲ ᐃᑎᔅᑲᓇᓯᒡ ᐊ ᓂᑐᐛᔨᑕᑯᓯᒡ ᒐᒋ ᒂᔅᑲᑎᓯᒡ ᒋᓴᒪᓂᑐᐛ ᐊ ᓇᑕᒡ ᑭᔭ ᒐᒋ ᑕᑈᔭᔨᒪᒡ ᒋᑎᐸᔨᒋᒐᓯᒥᓄᐛ ᒋᓴᔅ ᙭ᑕ᙮”
22“ᓂᑐᑎᒧᒄ ᒪᒃ, ᐊᓄᒡ ᓇᔅᒡ ᓱᒋᐱᔪᐤ ᑲ ᐸᔭᒋᓯᑦ ᐊᒐᐧᒄ ᒐᒋ ᓂᓇᐃᑐᐅᒃ ᐊ ᐃᑎᓱᒥᑦ ᒋᕈᓯᓕᒥᒡ ᒐᒋ ᐃᑐᑕᐅᒡ, ᓂᐸ ᐃᑐᑕᓐ ᒪᒃ ᐊᓐᑕ ᐊᓄᒡ᙮ ᓇᒪ ᓂ ᒋᔅᒐᔨᑕᓐ ᒐᒂᓐ ᒐ ᐅᑎᑕᐅᑯᔭᓐ ᐊᓐᑕ ᑕᔭᓇ᙮ 23ᒪᐅ ᒥᒄ ᒐᔅᒐᔨᑎᒪᓐ, ᑲ ᐸᔭᒋᓯᑦ ᐊᒐᐧᒄ ᓂ ᓂᑲᓐ ᐎᑎᒪᒄ ᒐ ᒋᐸᐅᑯᐅᒡ ᑭᔭ ᓂᓇᐧᑯᐤ ᒐ ᐃᓯ ᐃᔨᒧᐅᒡ ᒥᓯᐛ ᐅᑕᓇᒡ ᒐ ᐊᑎ ᐃᑐᑕᐅᒡ᙮ 24ᓇᒪ ᒪᒃ ᓇᔅᒡ ᓄᔭᔅᑕᔨᑎᒥᐃᑯᓐ ᓂᐱᒪᑎᓯᐅᓐ ᐃᔭᐱᒡ ᒪᒃ ᒧᔅ ᐃᔅᐱᔅ ᒋᔅᐱᔨᒐ ᓂᐱᒪᑎᓯᐅᓐ ᐅᑕ ᐊᔅᒋᒡ ᒋ ᒋᔅᑕᔭᓇ ᑕᓐ ᑲ ᐃᑎᓱᒥᑦ ᐅᑎᐸᔨᒋᒐᐤ ᒋᓴᔅ ᒐ ᐃᑕᐱᑎᓯᐅᒡ, ᐊᐅᒄ ᐅᔭ ᒐᒋ ᐛᐎᑎᒧᒡ ᒥᔽᒋᒧᐅᓂᔪᐤ᙮ ᐅᑕ ᒪᒃ ᒥᔽᒋᒧᐅᓂᒡ ᐊᑯᑕ ᐊ ᐊᔨᒧᑕᔨᒡ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮”
25“ᓂᑐᑎᒧᒄ ᒪ, ᓂ ᒋᔅᒐᔨᑕᓐ ᐊᐅᒄ ᐅ ᐊᓄᒡ ᒪᔅᑕᔾ ᒐ ᐛᐱᒥᔭᒄ ᒋᔨᐛᐤ ᐅ ᑲᒋ ᐛᐎᑎᒪᑎᑯᒡ ᒋᓴᒪᓂᑐᐤ ᐅᒋᓴᐅᒋᒪᐅᓐ ᐅᑕ ᐃᑕᒐ ᑲ ᑕᔭᒄ᙮ 26ᐊᐅᒄ ᒪᒃ ᐅ ᐛᒋ ᑯᐃᔅᒄ ᐎᑎᒪᑎᑯᒡ ᐅ ᐊᓄᒡ ᑲ ᒋᓯᑲᒡ ᓇᒪ ᓂᔾ ᓂᑭ ᐅᒋ ᐊᑕᒪᔨᑕᑯᓯᓐ ᓂᓱᐅᓇᑎᓯᒐ ᐊᐛᓐ ᐅᑕ ᐊ ᑎᓯᔭᒄ᙮ 27ᐛᔅ ᓇᒪ ᓇᔅᒡ ᓂ ᐅᒋ ᓇᑲᐎᓐ ᑯᐃᔅᒄ ᒐᒋ ᐃᓯ ᐎᑎᒪᑎᑯᒡ ᑕᓐ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᑎᔭᒄ, ᓇᒪ ᓇᔅᒡ ᒐᒂᓐ ᒋ ᐅᒋ ᑲᑥᑎᓇᐛᐤ᙮ 28ᓱᒃ ᒪᒃ ᓂᓇᑭᑐᐛᔨᒥᓱᒄ ᑭᔭ ᓱᒃ ᐎ ᒥᔪ ᑭᓄᐛᔨᒪᐧᑯᒡ ᐊᓂᔭᔪᐛ ᑲ ᐸᔭᒋᓯᑦ ᐊᒐᐧᒄ ᑲ ᒥᔨᑕᒄ ᒐᒋ ᓂᓇᑭᑐᐛᔨᒥᒪᑯ᙮ ᐃᔭᒂ ᐃᓯ ᑭᓄᐛᔨᒪᐧᑯᒡ ᒪᒧᐤ ᑲ ᐊᔭᒥᐊᐛᑎᓯᒡ, ᐛᔅ ᒋᓴᒪᓂᑐᐤ ᐎᔾ ᒋ ᑎᐸᐊᐛᐤ ᐅᔭ ᐃᔅᐱᔅ ᐅᑯᓴ ᑲ ᐱᔅᑎᓇᑦ ᒐᒋ ᓂᐸᐊᑭᓄᔨᒋ᙮ 29ᓂ ᒋᔅᒐᔨᑕᓐ ᐛᔅ ᐃᔅᐱ ᒋ ᔅᑐᑕᔭᓇ, ᒐ ᐅᑎᑎᑕᑯᒡ ᐊᐛᓐᒋ ᐊᑲ ᑯᐃᔅᒄ ᐃᓯ ᒋᔅᑯᑎᒪᒐᒡ ᓇᔅᒡ ᐊᑲ ᑲ ᒪᒥᓇᑎᓯᒡ ᒧᔭᒻ ᒥᐃᐧᑭᓂᒡ ᐊ ᐃᑕᔨᑕᑯᓯᒡ, ᒋᑭ ᐎ ᓂᓱᐅᓇᒋᑕᐅᒡ ᒋᑕᑈᑎᒧᐅᓄᐛᔪᐤ᙮ 30ᓂᐦᐃ, ᐛᐛᒡ ᑭᔭ ᐊᓐᑕ ᓇᓂᑎᒻ ᐊ ᑕᔭᒄ ᒋᑭ ᐅᒋ ᐎᔨᑲᐳᐅᒡ ᐊᐛᓐᒋ ᐊ ᑯᒂᔅᒋᐱᔨᑕᒡ ᑕᑈᐅᓂᔪᐤ ᑭᔭ ᐊ ᐎ ᐃᒐᐱᑕᒡ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ ᐎᔨᐛᐤ ᒐᒋ ᓇᓴᐅᑯᒡ᙮ 31ᐃᔭᒂᒥᒄ ᒪᒃ, ᒧᔅ ᒋᔅᒋᓯᒄ ᓂᔅᑐ ᐱᐳᓇ ᐅᑕᒡ ᐃᓯ ᐊᑲ ᐅᒋ ᐳᓂᔭᓐ ᒧᔅ ᐊᒋ ᐃᔭᒂᒥᒥᑎᑯᒡ, ᑭᔭ ᐊᒋ ᒪᔭᓐ ᑲ ᐃᔅᐱᔅ ᓱᒃ ᒋ ᐎ ᐎᒋᐃᑎᑯᒡ᙮”
32“ᑭᔭ ᐊᓄᒡ ᒋ ᐊᑎ ᐃᓯ ᐱᔅᑎᓱᐛᑎᑎᓇᐛᐤ ᒋᓴᒪᓂᑐᐤ ᐃᔅ ᐊ ᑕᑦ ᒐ ᒥᔪ ᑭᓄᐛᔨᒥᑕᒄ ᑭᔭ ᐅᑦ ᐃᔨᒧᐅᓐ ᒐ ᓱᐛᔨᒥᑯᐛᒄ᙮ ᐅᓱᐛᔨᒋᒐᐅᓂᒡ ᑭᔭ ᐅᑦ ᐃᔨᒧᐅᓂᒡ ᐊᑯᑕ ᒐ ᐅᒋ ᒥᔪ ᓂᑕᐅᒋᔭᒄ ᑭᔭ ᐊᑯᑕ ᒐ ᐅᒋ ᐊᔭᔭᒄ ᐊᓂᔭ ᑕᓐ ᑲ ᐎ ᐃᓯ ᒥᔭᑦ ᒋᓴᒪᓂᑐᐤ ᐊᓂᔭ ᐊᐛᔪᐛ ᑲ ᐎᔭᔨᒪᑦ ᒐ ᐅᑦ ᐃᔨᒥᑦ᙮ 33ᒋ ᒋᔅᒐᔨᑕᓇᐛᐤ ᐊᑲ ᓂᑕ ᐅᒋ ᒧᔅᑕᓂᒧᒃ ᐊᐛᓐ ᐅᓱᓇᔭᓂᒻ ᒪᒃ ᐅᑦ ᐊᐱᒋᑕᐅᓇ᙮ 34ᒋ ᒋᔅᒐᔨᑕᓇᐛᐤ ᑭᔭ ᓂᔾ ᑎᐱᔨᐛ ᐊᒋ ᐊᔭᐱᑎᓯᔭᓐ ᒐᒋ ᐅᒋ ᐅᑎᓇᒪᓱᔭᓐ ᑕᓐ ᐊ ᐃᓯ ᓂᑐᐛᔨᑎᒪᓐ ᒐᒋ ᐱᒪᒋᐅᔭᓐ ᑭᔭ ᑕᓐ ᐊ ᐃᓯ ᓂᑐᐛᔨᑕᒡ ᐊᓐᒡ ᑲ ᐎᒐᐅᒡ᙮ 35ᐊᓐ ᒪᒃ ᒥᓯᐛ ᑲ ᐊᑎ ᐊᐃᑎᔭᓐ ᑭᔭ ᑲ ᐃᔅᐱᔅ ᒋ ᒥᔅᑎ ᐊᐱᑎᓯᔭᓐ ᒧᔅ ᔅᒋ ᐎ ᐛᐸᑎᔨᑎᓇᐛᐤ ᑕᓐ ᒋᐸ ᐎ ᐃᓯ ᐎᒋᐊᓄᒡ ᐊᓐᒡ ᑲ ᒋᔅᑎᒪᑎᓯᒡ ᑭᔭ ᒐᒋ ᒋᔅᒋᓯᔭᐧᒄ ᑕᓐ ᑲ ᐃᔅᒋᔄᑦ ᒋᑎᐸᔨᒋᒐᓯᒥᓄᐤ, ᐊᑐᐎᔅ ᐊᓐ ᐊᐛᓐ ᑲ ᒥᔨᐛᑦ ᒐᒂᔪᐤ ᓱᐛᔨᑕᑯᓱᐤ ᐃᔅᐱᔅ ᐊᓐ ᐊᐛᓐ ᑲ ᒥᔭᑭᓄᐅᑦ ᒐᒂᔪᐤ᙮”
36ᐃᔅᐱ ᒪᒃ ᑲᒋ ᐃᓯ ᐃᔨᒪᐊᑦ ᑈᓪ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᑲ ᑕᑈᑎᒥᔨᒋ ᐊᓐᑕ ᐃᐱᓴᔅ ᑲ ᑕᔨᒋ ᐊᑯ ᒥᓯᐛ ᑲ ᓂᐱᔅᑯᐱᒡ ᐊ ᐊᔭᒥᐊᒡ᙮ 37ᒥᓯᐛ ᒪᒃ ᒋ ᒪᔪᐛ ᑭᔭ ᒋ ᐛᐅᒋᒂᐱᑎᑯᐤ 38ᓇᔅᒡ ᐊ ᒥᒐᔨᑎᒥᔨᒋ᙮ ᐊᓂᔭ ᒪᒃ ᐊᒋ ᐃᑕᑦ ᐊᑲ ᒥᓐ ᒐ ᐅᒋ ᐛᐱᒥᑯᑦ ᐊᐅᒄ ᐅᔭ ᒪᐅᒡ ᑲ ᒪᑯᐃᑯᔨᒋ᙮ ᐊᑯ ᒂ ᐊᑎ ᐎᒐᐅᑯᑦ ᐊᓐᑕ ᐊ ᒥᓴᔨᒡ ᐅᐤᑎᒡ ᐊ ᐃᑐᑕᑦ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada