ᐊᑈᔅᑕᓇᒡ 19
19
ᑈᓪ ᐃᐱᓴᔅ ᑲ ᑕᑦ
Acts 19.1-7 (Epiphany-1 Year B)
1ᒪᒂᒡ ᒪᒃ ᐊᐳᓚᔅ ᐊᓐᑕ ᑯᕆᓐᑦ ᑲ ᑕᑦ, ᑈᓪ ᒋ ᐱᐸᒧᑕᐤ ᐊᓐᑕ ᐊᓂᔭ ᐊᔅᒋᔪᐤ ᐊᑯ ᒐᒃ ᒂ ᐅᑎᑕᐧᒃ ᐃᐱᓴᔅ᙮ ᐊᑯᑕ ᒂ ᓂᒋᔅᑯᐛᑦ ᐱᔅᒐ ᐊᓂᔭᔪᐛ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ᙮ 2ᒂ ᑯᒂᒋᒪᑦ, “ᔅᒋ ᒥᔨᑯᓇᐛᐤ ᐊ ᑲ ᐸᔭᒋᓯᑦ ᐊᒐᐧᒄ ᐃᔅᐱ ᑲ ᐊᑎ ᑕᑈᑎᒪᒄ ?”
ᐊᑯ ᒂ ᐃᑎᑯᑦ, “ᓇᒪ ᓂ ᐅᒋ ᐸᑕᓇᓐ ᐊ ᑕᑦ ᑲ ᐸᔭᒋᓯᑦ ᐊᒐᐧᒄ᙮”
3ᐊᑯ ᑈᓪ ᒂ ᐃᑕᑦ, “ᒐᒄ ᓯᑲᐃᑕᒐᐅᓐ ᒪᒃ ᑲ ᐃᓯ ᓯᑲᐃᑕᑯᔭᒄ ?”
ᒂ ᐃᑎᑯᑦ, “ᒠᓐ ᑲ ᐃᓯ ᓯᑲᐃᑕᒐᑦ ᓂᒋ ᐃᓯ ᓯᑲᐃᑕᑯᐅᓇᓐ᙮”
4ᐊᑯ ᑈᓪ ᒂ ᐃᑕᑦ, “ᒠᓐ ᒋ ᓯᑲᐃᑐᐛᐤ ᐊᓂᔭ ᐊᐛᔪᐛ ᑲ ᐎ ᒂᔅᑲᑎᓯᔨᒋ ᑭᔭ ᒋ ᐃᑕᑯᐱᓇ ᐊᓂᔭᔪᐛ ᐃᔪᐛ ᑲ ᓯᑲᐃᑐᐛᑦ, ᒐ ᑎᑯᓯᓂᔨᒋ ᑯᑎᑲ ᐊᐛᔪᐛ᙮ ᐊᐅᒄ ᒪᒃ ᐊᓐ ᐃᔭᒄ ᒋᐸ ᑕᑈᔭᔨᒪᐛᐤ᙮ ᐊᐅᑯᓂ ᐅᔭ ᒋᓴᓴ ᒠᓐ ᑲ ᐊᔨᒧᒪᒂ᙮”
5ᐃᔅᐱ ᒪᒃ ᐊᓐᒡ ᐃᔪᒡ ᑲ ᐃᔨᒥᐃᑯᒡ ᑈᓚ ᐱᔭᑕᒡ ᐅᔭ, ᒋ ᓯᑲᐃᑐᐛᑭᓄᐎᒡ ᐅᑎᐸᔨᒋᒐᐛ ᒋᓴᓴ ᐅᑦ ᐃᓯᓂᐧᑲᓱᐅᓂᔨᒡ ᐃᔅ᙮ 6ᐊᑯ ᑈᓪ ᒂ ᑕᒋᓇᑦ, ᒂ ᐱᒋᔅᑲᑯᒡ ᑲ ᐸᔭᒋᓯᔨᒋ ᐊᒐᒂ, ᑭᔭ ᒋ ᒂᔅᒋᐃᔨᒧᐅᒡ, ᑭᔭ ᒋ ᐃᔨᒥᔅᑎᒧᐛᐅᒡ ᒋᓴᒪᓂᑐᐛ᙮ 7ᓴᓯᑲᓐ ᒪᒃ ᓂᓱᓴᑉ ᒋ ᑕᑎᓱᐅᒡ ᒪᒧᐤ ᐊᓐᒡ ᓇᐸᐅᒡ ᑲ ᑕᒋᓇᑭᓄᐎᒡ᙮
8ᓂᔅᑐ ᐱᓯᒺ ᒪᒃ ᒋ ᑕᐤ ᑈᓪ ᐊᓐᑕ ᐃᐱᓴᔅ ᑭᔭ ᒧᔅ ᒋ ᐱᒐᐤ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊ ᐃᔨᒪᐊᑦ ᐊᓂᔭᔪᐛ ᐃᔪᐛ ᐊᑲ ᓇᔅᒡ ᑯᔅᑕᒋᑦ, ᓇᔅᒡ ᐊ ᓯᒋᒪᑦ ᒐᒋ ᑕᑈᑕᑯᑦ ᐊᓂᔭ ᑲ ᐃᑕᑕᐧᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮ 9ᒥᒄ ᒪᒃ ᐱᔅᒐ ᐊᓐᒡ ᑲ ᓂᑐᑐᐛᒡ ᓇᔅᒡ ᒋ ᓯᐱᑎᒧᒡ, ᓇᒪ ᐅᒋ ᐎ ᑕᑈᑎᒧᒡ, ᑭᔭ ᓇᔅᒡ ᒋ ᒪᔭᔨᒪᐅᒡ ᑈᓚ ᐊᓂᔭ ᐊ ᐃᓯ ᑎᐸᒋᒪᔨᒋ ᒋᓴᓴ ᐊᓐᑕ ᐊ ᒥᒐᑎᓇᓄᐎᒡ᙮ ᐊᑯ ᑈᓪ ᒂ ᐎᐎᑦ ᐊᓐᑕ ᐊᔭᒥᐊᐅᒋᐛᐱᒡ ᑭᔭ ᒂ ᐎᒐᐅᑯᑦ ᐊᓂᔭ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ, ᐊᑯ ᒂ ᐃᑐᑕᒡ ᐊᓐᑕ ᑕᐃᕋᓇᔅ ᑲ ᐃᓯᓂᐧᑲᑕᔨᒡ ᒥᒋᐛᐱᔪᐤ ᑲᒋ ᒪᒧᐎᓇᓄᐎᒡ, ᐊᑯᑕ ᒪᒃ ᐊᓐᑕ ᑲ ᐃᔨᒪᐊᑦ ᐊᓂᔭᔪᐛ ᐃᔪᐛ ᒋᓴᓴ ᐊ ᐊᔨᒧᒪᑦ᙮ 10ᓂᓱ ᐱᐳᓇ ᒪᒃ ᐊᐅᑯᓐ ᑲ ᐃᑎᓇᓄᐅᒡ ᐅ, ᑭᔭ ᒥᒐᑦ ᐃᔪᒡ ᐊᓐᑕ ᐊᐃᓴ ᐊᔅᒋᒡ ᑕᐱᔅᑯᓐ ᒍᐤ ᑭᔭ ᐊᑲ ᒍᐤ ᐃᑎᔅᑲᓇᓯᒡ ᒋ ᐸᑎᒧᒡ ᐅᑎᐸᔨᒋᒐᐛ ᐅᑦ ᐃᔨᒧᐅᓂᔪᐤ᙮
ᑕᓐ ᑲ ᐃᔅᐱᔨᒋ ᔅᑭᐸ ᐅᑯᓴ
11ᒋᓴᒪᓂᑐᐤ ᒪᒃ ᒋ ᐃᑐᑐᐛᐤ ᑈᓚ ᒐᒋ ᓱᒋᒪᒥᔅᑲᒡ ᑎᔨᒋ᙮ 12ᐛᐛᒡ ᐅᑕᐱᔅᑲᑭᓐ ᑭᔭ ᑯᑎᑲ ᐅᑦ ᐊᐱᒋᑕᐅᓐ ᒋ ᐃᑐᑕᑭᓄᐅᔪᐛ ᐊᓐᑕ ᑲ ᐊᐧᑯᓯᔨᒋ ᐊᐛᔪᐛ ᐊ ᑕᔨᒋ, ᑎᐛᒡ ᒪᒃ ᒋ ᒥᓏᑎᓯᔪᐛ ᐃᔅᐱ ᑎᔭᐃᒋᓂᒥᔨᒋ᙮ ᑭᔭ ᐊᓐᒡ ᒥᒋ ᐊᒐᐧᑯᒡ ᒋ ᐎᐎᔪᒡ ᐊᓐᑕ ᐊᓂᔭ ᑲ ᐱᒋᔅᑯᐛᒡ ᐊᐛᔪᐛ᙮
13ᐱᔅᒐ ᒪᒃ ᒍᐤ ᐃᔪᒡ ᑲᒋ ᐎᐎᑎᓴᐛᒡ ᒥᒋ ᐊᒐᒂ ᒋ ᐱᐸᒧᑕᐅᒡ ᐊ ᑯᒋᑕᒡ ᒐᒋ ᐎᐎᑎᓴᐛᒡ ᒥᒋ ᐊᒐᒂ ᐅᑎᐸᔨᒋᒐᐛ ᒋᓴᓴ ᐅᑦ ᐃᓯᓂᐧᑲᓱᐅᓂᔪᐤ ᐅᒡ᙮ ᒋ ᐃᑕᐅᒡ ᐊᓂᔭᔪᐛ ᒥᒋ ᐊᒐᒂ, “ᒋᓴᔅ, ᐊᓂᔭ ᑈᓪ ᑲ ᐊᔨᒧᒪᑦ ᐊ ᑭᒐᔅᒋᒧᑦ, ᐊᐅᑯᓐ ᐊᓐ ᐅᑦ ᐃᓯᓂᐧᑲᓱᐅᓐ ᐅᒋ ᒋᑦ ᐃᑎᓱᒥᑎᓇᐛᐤ ᒐᒋ ᐸᒋ ᐎᐎᔭᒄ᙮” 14ᐊᑯ ᒪᒃ ᒋ ᑕᐤ ᐸᐃᒄ ᑲ ᓂᑲᓂᐱᑦ ᐊᔭᒥᐊᐅᒋᒪᐤ ᔅᑭᐸ ᐊ ᐃᓯᓂᐧᑲᓱᑦ, ᓂᔄᐅᑕᒡ ᐊᒋ ᑕᑎᓯᔨᒋ ᐅᑯᓴ, ᐊᐅᑯᓐ ᒪᒃ ᑲ ᐃᑎᔨᒋ ᑭᔭ ᐊᓂᔭ ᐅᑯᓴ᙮ 15ᐊᑯ ᒥᒄ ᐊᓂᔭ ᒥᒋ ᐊᒐᒂ ᒋ ᓂᔎᐅᓯᐃᑯᒡ ᐊ ᐃᑎᑯᒡ, “ᓂ ᒋᔅᒐᔨᒪᓇᓐ ᐊᐛᓐ ᒋᓴᔅ ᑭᔭ ᑈᓪ᙮ ᒋᔨᐛᐤ ᒪᒃ ᓇᒪ ᒋ ᒋᔅᒐᔨᒥᑎᓇᓐ᙮ ᒐᒂᓐ ᒪᒃ ᒐ ᐅᒋ ᓂᓇᐃᑕᑕᒡ ?” 16ᐊᑯ ᐊᓂᔭᔪᐛ ᓇᐸᐛ ᑲ ᐱᒋᔅᑲᑯᔨᒋ ᒥᒋ ᐊᒐᒂ ᒋ ᒥᔅᑎᒪᓯᐧᑲᑯᐅᒡ᙮ ᒋ ᐎᐎᑎᓯᒧᐅᒡ ᐊᓐᑕ ᒥᒋᐛᐱᒡ ᐊᒋ ᒥᔄᑭᓂᐧᑲᑎᑯᒡ ᐊᓂᔭᔪᐛ ᓇᐸᐛ, ᐊ ᒧᓴᔅᑭᑕᐸᔨᑐᒡ ᐊᒋ ᐱᑯᐱᑎᒥᔨᒋ ᐅᑦ ᐊᐱᒋᑕᐅᓄᐛᐛ᙮
17ᐃᔅᐱ ᒪᒃ ᐊᓐᒡ ᒍᐤ ᐃᔪᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊᓐᑕ ᐃᐱᓴᔅ ᑲ ᑕᒡ ᑲ ᐸᑕᒡ ᐅᔭ ᒥᓯᐛ ᒋ ᓴᒋᓱᐅᒡ, ᑭᔭ ᐅᑎᐸᔨᒋᒐᐤ ᒋᓴᔅ ᐅᑦ ᐃᓯᓂᐧᑲᓱᐅᓐ ᐊᑐᐎᔅ ᒂ ᐊᑎ ᒋᔅᑕᔨᑕᑭᓄᐎᒡ᙮ 18ᒥᒐᑦ ᒪᒃ ᐊᓐᒡ ᑲ ᑕᑈᑕᒡ ᒋ ᐸᒋ ᐎᑎᒧᒡ ᐊᓐᑕ ᐊ ᒥᒐᑎᓇᓄᐎᒡ ᑕᓐ ᑲ ᐃᓯ ᒥᒋᑐᑕᒡ ᑭᔭ ᐊ ᒥᑕᐅᒡ᙮ 19ᒥᒐᑦ ᒪᒃ ᐊᓐᒡ ᒋ ᐸᑕᐅᒡ ᐅᒥᑕᐅᓯᓇᐃᑭᓄᐛᐛ ᐊᑯ ᒂ ᐃᔎᓴᒡ ᐊᓐᑕ ᐊ ᒥᒐᑎᓇᓄᐎᒡ᙮ ᐊᑯ ᒂ ᐊᒋᑕᒡ ᑕᓐ ᑲ ᐃᔅᐱᑕᔨᑕᑯᓂᒂᓂ ᐊᓂᔭᔪᐛ ᒥᓯᓇᐃᑭᓇ, ᐱᑕᑕᒡ ᑕᑐᔪᐤ ᑕᑥᐤ ᒐᓯᐱᔪᐤ ᒪᒃ ᒋ ᐃᔅᐱᒐᑎᔪᐛ ᓱᓇᔭᐱᔎ᙮ 20ᐅ ᒪᒃ ᐊᒋ ᐃᔅᐱᔨᒡ ᒋ ᐊᑎ ᒥᓯᑕᐱᔪᐤ ᒥᔽᒋᒧᐅᓐ, ᐊᓐ ᒪᒃ ᐊ ᐃᔅᐱᔅ ᓱᒋᐱᔨᒡ ᐅ ᒥᔽᒋᒧᐅᓐ ᒥᒐᑦ ᐊᐛᓐᒋ ᒋ ᐊᑎ ᑕᑈᑎᒧᒡ᙮
ᑲ ᒥᒋᐱᔨᓇᓄᐅᒡ ᐊᓐᑕ ᐃᐱᓴᔅ
21ᐃᔅᐱ ᒪᒃ ᑲ ᒋᔅᐱᔨᒋ ᐅᔭ ᒐᒂᔪᐛ ᑈᓪ ᒋ ᐃᑕᔨᑎᒻ ᑲᐤ ᒐᒋ ᐃᑐᑕᑦ ᐊᓐᑕ ᒪᓯᑐᓂᔭ ᑭᔭ ᐊᑲᔭ ᐊᔅᒋᒡ᙮ ᐊᑯ ᒥᓐ ᐊᓐᑕ ᒋᕈᓯᓕᒥᒡ ᐃᑕᒐ ᒐᒋ ᐃᑐᑕᑦ᙮ “ᐃᔅᐱᔅ ᒋ ᐃᑐᑕᔭᓇ ᐊᓐᑕ ᒋᕈᓯᓕᒥᒡ, ᐊᑯ ᕈᒥᒡ ᓂᐸ ᐃᑐᑕᓐ,” ᒋ ᐃᑕᔨᑎᒻ᙮ 22ᐊᑯ ᒂ ᓂᑲᓂᑎᓴᐛᑦ ᓂᓱ ᑲ ᐊᑐᔅᑲᑯᑦ ᑎᒧᑎᔨᒋ ᑭᔭ ᐊᕋᔅᑕᓴ ᐊ ᐃᓯᓂᐧᑲᓱᔨᒋ ᐊᓐᑕ ᒪᓯᑐᓂᔭ ᐊᔅᒋᒡ ᒐᒋ ᐃᑐᑕᔨᒋ, ᐊᑯ ᐊᓐᑕ ᐊᐃᓴ ᐛᐃᐱᔅᒋᔅ ᒂ ᑕᑦ ᐎᔾ᙮
23ᒪᒂᒡ ᒪᒃ ᐊᓐᑕ ᐃᐱᓴᔅ ᑲ ᑕᑦ, ᐊᓐᒡ ᐃᔪᒡ ᒋ ᒋᔄᓱᐅᒡ ᐊᓂᔭ ᐊ ᐅᔅᑲᔨᒡ ᐊ ᐃᓯ ᒋᔅᑯᑎᒪᒐᔨᒋ ᑈᓚ ᐊ ᐃᔅᒋᔄᔨᒋ ᐅᑎᐸᔨᒋᒐᐤ ᒋᓴᔅ ᐊᐅᒄ ᒪᔅᑭᓄᐤ ᒐᒋ ᐅᒋ ᐱᒪᒋᐅᓇᓄᐅᒡ᙮ 24ᐛᔅ ᒋ ᑕᐤ ᐸᐃᒄ ᓇᐸᐤ ᐊᓐᑕ ᐃᐱᓴᔅ, ᑎᒥᑦᕆᔭᔅ ᐊ ᐃᓯᓂᐧᑲᓱᑦ ᐊ ᐅᓯᑕᑦ ᐊᔭᐱᓯᓯᔨᒋ ᒋᓴᐊᔭᒥᐊᐅᒋᐛᐱᓴ ᐊ ᒋᔅᒋᓄᐛᐸᑕᐧᒃ ᐊᓂᔭ ᐊᓐᑕ ᒥᔭᒥᒋᒪᑭᓄᔨᒋ ᐊᓂᔭ ᒥᓂᑐᐧᑲᓂᔎᐛ ᐊᕐᑎᒥᔅ ᑲ ᐃᓯᓂᐧᑲᓱᔨᒋ᙮ ᓱᓇᔭᐱᔎ ᒋ ᐊᐱᒋᐊᐤ ᐅᔭ ᐊ ᐅᓯᑕᑦ᙮ ᒋ ᐊᑕᐛᐤ ᒪᒃ ᐊᓂᔭᔪᐛ᙮ ᒋ ᐎᒋᐃᑯᔪᐛ ᒪᒃ ᐊᓂᔭ ᑲ ᐎᒐᐱᑎᓯᒥᑯᑦ ᐊᓂᔭ ᑕᓐ ᑲ ᐃᔅᐱᔅ ᒋ ᒥᔅᑎ ᐅᓯᑕᒡ ᓱᓇᔭᔪᐤ᙮ 25ᐊᑯ ᒂ ᐎᓴᒪᑦ ᐊᓂᔭ ᒥᓯᐛ ᐅᔭ ᑲ ᐃᑕᐱᑎᓯᔨᒋ ᐛᔅ ᓇᔅᒡ ᒋ ᒋᔄᓱᐤ ᐊᑯ ᒂ ᐃᑕᑦ, “ᒋ ᒋᔅᒐᔨᑕᓇᐛᐤ ᐊ ᐅᓯᑕᔭᐧᒄ ᓱᓇᔭᐤ ᐅ ᐊ ᐃᑕᐱᑎᓯᔭᐧᒄ, ᑭᔭ ᔅᒋ ᐸᑕᓇᐛᐤ ᑕᓐ ᑲ ᐃᑎᑦ ᑈᓪ ᑭᔭ ᑕᓐ ᑲ ᐃᔅᒋᔄᑦ᙮ 26ᒥᒐᑦ ᒋ ᐃᑐᑐᐛᐤ ᐃᔪᐛ ᒐᒋ ᑕᑈᑎᒥᔨᒋ ᑕᓐ ᐊ ᐃᓯ ᒋᔅᑯᑎᒪᒐᑦ ᒐ ᐊᑲ ᒋ ᐊᔭᒥᐊᔅᑎᒥᔨᒋ ᒐᒂᔪᐛ ᓱᓇᔭᐱᔅᑯᒡ ᐊᒋ ᐅᒋ ᐅᓯᑕᑭᓄᔨᒋ᙮ ᒥᒐᑦ ᒪᒃ ᐊᐛᔪᐛ ᒋ ᑕᑈᑕᑯᐤ ᐅᑕ ᐃᐱᓴᔅ ᑲ ᑕᔨᒋ ᑭᔭ ᒥᓯᐛ ᐊᓐᑕ ᐊᐃᓴ ᐊᔅᒋᒡ ᑲ ᑕᔨᒋ᙮ 27ᐅᔭ ᒪᒃ ᐊ ᐃᓯ ᒋᔅᑯᑎᒪᒐᑦ, ᓇᒪ ᒋᑭ ᐅᒋ ᐃᑕᔨᑎᒧᒡ ᐃᔪᒡ ᐊ ᒥᔽᔨᒡ ᒋᑦ ᐊᑐᔅᒐᐅᓇᓇᔪᐤ᙮ ᑭᔭ ᓇᒪ ᒋᑭ ᐅᒋ ᐊᔭᒥᐊᔅᑐᐛᑭᓄᐤ ᐊᓐ ᑲ ᒋᔅᑕᔨᑕᑯᓯᑦ ᒥᓂᑐᐧᑲᓂᔎᐤ ᐊᕐᑎᒥᔅ ᑭᔭ ᒋᑭ ᐅᓂᒋᔅᒋᓯᑐᑐᐛᑭᓄᐤ, ᐊᓐ ᑲᒋ ᐊᔭᒥᐊᔅᑐᐛᑭᓄᐅᑦ ᐅᑕ ᐊᐃᓴ ᑭᔭ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐅᔭ ᐊᔅᒋᔪᐤ᙮”
28ᐃᔅᐱ ᒪᒃ ᐊᓐᒡ ᐃᔪᒡ ᐱᔭᑐᐛᒡ ᐅᔭ ᐊ ᐃᔅᒋᔄᔨᒋ ᒋ ᒋᔄᓱᐅᒡ ᐊᑯ ᒂ ᐃᓯ ᑕᑈᒡ, “ᒋᔅᑕᔨᑕᑯᓱᐤ ᐊᕐᑎᒥᔅ ᐊᓐᑕ ᐃᐱᓴᔅ ᑲ ᑕᑦ !” 29ᒐᒃ ᒪᒃ ᒋ ᐊᑎ ᒥᒐᑐᐅᒡ ᐊᓐᒡ ᐃᔪᒡ ᐊ ᑕᑈᒡ᙮ ᒋ ᓂᓱᒡ ᒪᒃ ᓇᐸᐅᒡ, ᑲᐃᔭᔅ ᑭᔭ ᐊᕆᔅᑕᕐᑲᔅ ᐊ ᐃᓯᓂᐧᑲᓱᒡ ᐊᓐᑕ ᒪᓯᑐᓂᔭ ᐊᒋ ᐅᒋᒡ, ᐊᒋ ᐎᒐᐛᒡ ᑈᓚ᙮ ᐊᐅᒄ ᐅᔭ ᓇᐸᐛ ᑲ ᒪᑯᓇᒡ ᐊᑯ ᒂ ᐃᑐᑕᐊᒡ ᐊᓐᑕ ᐃᔪᐛ ᑲᒋ ᒪᒧᐎᔨᒋ᙮ 30ᐊᑯ ᑈᓪ ᒂ ᐎ ᐃᔨᒪᐊᑦ ᐊᓂᔭᔪᐛ ᐃᔪᐛ ᑲ ᒋᔄᓯᔨᒋ ᒥᒄ ᒪᒃ ᐊᓂᔭᔪᐛ ᑲ ᑕᑈᔭᔨᒪᔨᒋ ᒋᓴᓴ ᓇᒪ ᐅᒋ ᐱᔅᑎᓂᑯᐤ ᒐᒋ ᐃᑐᑕᑦ ᐊᓐᑕ᙮ 31ᐱᔅᒐ ᑭᔭ ᐊᓂᔭ ᑲ ᐊᑐᔅᑯᐛᔨᒋ ᒋᓴᐅᒋᒪᐛ ᐊᓂᔭᔪᐛ ᑲ ᐎᒐᐛᑭᓂᑦ ᒋ ᒥᓯᓇᐊᒪᑯᐤ ᐊ ᐃᑎᑯᑦ ᒐ ᐊᑲ ᒋ ᐃᑐᑕᑦ ᐊᓐᑕ ᐊᓂᔭᔪᐛ ᐃᔪᐛ ᑲ ᒋᔄᓯᔨᒋ ᐊ ᑕᔨᒋ᙮
32ᐊᓐᒡ ᒪᒃ ᐃᔪᒡ ᒥᓯᐛ ᒋ ᒋᔄᓱᐅᒡ, ᐱᔅᒐ ᒋ ᐊᓯᒂᐅᒡ ᐊ ᒋᐧᑲᒥᑐᒡ, ᒥᒐᑦ ᒪᒃ ᓇᒪ ᐅᒋ ᒋᔅᒐᔨᑎᒧᒡ ᒐᒂᔪᐤ ᐛᒋ ᒪᒧᐎᓇᓄᐎᒡ᙮ 33ᐊᑯ ᐱᔅᒐ ᐊᓐᒡ ᒍᐤ ᐃᔪᒡ ᒋ ᒂᐧᑯᓇᐅᒡ ᓇᐸᐛ ᐊᓕᒃᓴᓐᑕᕐ ᐊ ᐃᓯᓂᐧᑲᓱᔨᒋ ᐊᓐᑕ ᓂᑲᓄᒡ ᐃᔅ, ᐊ ᐃᑕᔨᒪᑭᓄᐅᑦ ᐎᔾ ᑲ ᐃᑐᑕᐧᒃ ᐛᒋ ᒋᔄᓯᓇᓄᐎᒡ᙮ ᐊᑯ ᒂ ᐅᐱᓂᔅᒐᔨᑦ ᒐᒋ ᐳᓂᔨᒋ ᐊᓂᔭᔪᐛ ᐃᔪᐛ ᐊ ᑕᑈᔨᒋ, ᐊ ᐎ ᐎᑎᒧᐛᑦ ᐊᑲ ᐅᒋ ᒐᒂᔪᐤ ᐃᑎᑦ ᐎᔾ᙮ 34ᐃᔅᐱ ᒪᒃ ᐊᓐᒡ ᐃᔪᒡ ᑲ ᒋᔅᒐᔨᒪᒡ ᒍᐤ ᐊ ᐃᑎᔅᑲᓇᓯᔨᒋ ᐊᓂᔭ ᐊᓕᒃᓴᓐᑕᕐ, ᒥᓯᐛ ᒪᒧᐤ ᒋ ᑕᑈᐅᒡ ᐊ ᐃᔅᒋᔄᒡ, “ᒋᔅᑕᔨᑕᑯᓱᐤ ᐊᕐᑎᒥᔅ ᐊᓐᑕ ᐃᐱᓴᔅ ᑲ ᑕᑦ !” ᓂᓱ ᑎᐸᐃᑭᓇ ᒪᒃ ᒋ ᐃᔅᐱᔅ ᑕᑈᐅᒡ᙮
35ᒐᒃ ᒪᒃ ᐊᓐ ᐸᐃᒄ ᑲ ᓂᑲᓂᔅᑲᒐᑦ ᐊᓐᑕ ᐅᑕᓇᒡ ᒂ ᒋᐱᒋᐊᑦ ᐊ ᑕᑈᔨᒋ᙮ ᐊᑯ ᒂ ᐃᑕᑦ, “ᒋᔨᐛᐤ ᐃᐱᓴᔅ ᑲ ᐅᒋᔭᒄ, ᒥᓯᐛ ᐊᐛᓐ ᒋᔅᒐᔨᑎᒻ ᐊᑯᑕ ᐊᓐᑕ ᐃᐱᓴᔅ ᐊ ᑎᒂᒡ ᐊᓐ ᒋᓴᐊᔭᒥᐊᐅᒋᐛᑉ ᐊᓐᑕ ᑲᒋ ᑭᓄᐛᔨᒪᑭᓄᐅᑦ ᐊᓐ ᑲ ᒋᔅᑕᔨᑕᑯᓯᑦ ᐊᕐᑎᒥᔅ ᑭᔭ ᐊᓐ ᑲ ᒋᔅᑕᔨᒪᑭᓄᐅᑦ ᐊᓯᓂᔾ ᒋᓯᑯᒡ ᑲ ᐅᒋ ᐸᒋᓯᓂᑦ᙮ 36ᓇᒪ ᐊᐛᓐ ᒋᑭ ᒋ ᐊᓏᑎᒻ ᐅᔭ᙮ ᐳᓂᒄ ᒪᒃ ᐅ ᐊ ᐃᑎᔭᒄ ᑭᔭ ᐃᔭᒂᒥᒄ ᑕᓐ ᒐ ᐃᑎᔭᒄ᙮ 37ᔅᒋ ᐸᓱᐛᐛᐅᒡ ᐅᒡ ᓇᐸᐅᒡ ᐊᑎ ᒪᒃ ᐊᑲ ᐅᒋ ᑭᒐᒧᑎᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑭᔭ ᓇᒪ ᐅᒋ ᐱᐸᔅᑕᒪᐅᒡ ᐊᓂᔭ ᐊᕐᑕᒥᓴ᙮ 38ᐊᑯ ᑎᒥᑦᕆᔭᔅ ᑭᔭ ᐊᓂᔭ ᑲ ᐎᒐᐱᑎᓯᒪᑦ ᐛᔅᑐᐛᔨᑎᒧᐛᒂ ᑎᐸᔅᑯᓂᒐᐅᒋᐛᐱᒡ ᒋᐸ ᐃᑐᑕᐅᒡ᙮ ᐛᔅ ᓴᓇᑭᓄᐤ ᐊᓐ ᑎᐸᔅᑯᓂᒐᐅᒋᐛᑉ ᑭᔭ ᑕᐅᒡ ᐊᓐᒡ ᑲᒪᑯᓄᐛᓯᒡ ᐊᑯᑕ ᒪᒃ ᐊᓐᑕ ᒋᐸ ᒪᒥᓯᒥᑐᐅᒡ᙮ 39ᐊᑯ ᒪᒃ ᐊ ᑎᑯᓂᒂ ᒥᓐ ᒐᒂᓐ ᐊ ᐎ ᐃᔅᒋᔄᔭᒄ, ᐎᑎᒧᒄ ᐃᔅᐱ ᐊᓐᑕ ᐃᐱᓴᔅ ᒪᒧᐎᓇᓄᒐ᙮ ᐎᔨᐛᐤ ᒋᑭ ᐎᔭᔨᑎᒧᒡ ᑕᓐ ᒐ ᐃᑎᒡ᙮ 40ᑯᔅᐱᓇᑕᔨᑕᑯᓐ ᒋᔭᓄᐤ ᒐᒋ ᐊᑕᒪᔨᑕᑯᓯᔭᐧᒄ ᐊ ᒥᒋᐱᔨᑕᔭᐧᒄ ᐅ ᐊᓄᒡ ᑲ ᐃᑎᓇᓄᐅᒡ᙮ ᓇᒪ ᒪᒃ ᒐᒂᓐ ᑎᑯᓐ ᐛᒋ ᒥᒋᐱᔨᓇᓄᐅᒡ ᑭᔭ ᓇᒪ ᒋᑭ ᒋ ᐎᑕᓇᓄᐤ ᒐᒂᓐ ᐛᒋ ᐃᔅᐱᔨᒡ ᐅ᙮” 41ᐃᔅᐱ ᒪᒃ ᑲ ᐃᔅᒋᔄᑦ ᐅᔭ ᐊᓐ ᑲᓂᑲᓂᔅᑲᐧᒃ ᐊᓂᔭ ᐅᑕᓇᔪᐤ, ᐊᑯ ᒂ ᒋᐸᐊᒃ ᐊᓂᔭ ᐊ ᒪᒧᐎᓇᓄᐎᒡ᙮
Currently Selected:
ᐊᑈᔅᑕᓇᒡ 19: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᐊᑈᔅᑕᓇᒡ 19
19
ᑈᓪ ᐃᐱᓴᔅ ᑲ ᑕᑦ
Acts 19.1-7 (Epiphany-1 Year B)
1ᒪᒂᒡ ᒪᒃ ᐊᐳᓚᔅ ᐊᓐᑕ ᑯᕆᓐᑦ ᑲ ᑕᑦ, ᑈᓪ ᒋ ᐱᐸᒧᑕᐤ ᐊᓐᑕ ᐊᓂᔭ ᐊᔅᒋᔪᐤ ᐊᑯ ᒐᒃ ᒂ ᐅᑎᑕᐧᒃ ᐃᐱᓴᔅ᙮ ᐊᑯᑕ ᒂ ᓂᒋᔅᑯᐛᑦ ᐱᔅᒐ ᐊᓂᔭᔪᐛ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ᙮ 2ᒂ ᑯᒂᒋᒪᑦ, “ᔅᒋ ᒥᔨᑯᓇᐛᐤ ᐊ ᑲ ᐸᔭᒋᓯᑦ ᐊᒐᐧᒄ ᐃᔅᐱ ᑲ ᐊᑎ ᑕᑈᑎᒪᒄ ?”
ᐊᑯ ᒂ ᐃᑎᑯᑦ, “ᓇᒪ ᓂ ᐅᒋ ᐸᑕᓇᓐ ᐊ ᑕᑦ ᑲ ᐸᔭᒋᓯᑦ ᐊᒐᐧᒄ᙮”
3ᐊᑯ ᑈᓪ ᒂ ᐃᑕᑦ, “ᒐᒄ ᓯᑲᐃᑕᒐᐅᓐ ᒪᒃ ᑲ ᐃᓯ ᓯᑲᐃᑕᑯᔭᒄ ?”
ᒂ ᐃᑎᑯᑦ, “ᒠᓐ ᑲ ᐃᓯ ᓯᑲᐃᑕᒐᑦ ᓂᒋ ᐃᓯ ᓯᑲᐃᑕᑯᐅᓇᓐ᙮”
4ᐊᑯ ᑈᓪ ᒂ ᐃᑕᑦ, “ᒠᓐ ᒋ ᓯᑲᐃᑐᐛᐤ ᐊᓂᔭ ᐊᐛᔪᐛ ᑲ ᐎ ᒂᔅᑲᑎᓯᔨᒋ ᑭᔭ ᒋ ᐃᑕᑯᐱᓇ ᐊᓂᔭᔪᐛ ᐃᔪᐛ ᑲ ᓯᑲᐃᑐᐛᑦ, ᒐ ᑎᑯᓯᓂᔨᒋ ᑯᑎᑲ ᐊᐛᔪᐛ᙮ ᐊᐅᒄ ᒪᒃ ᐊᓐ ᐃᔭᒄ ᒋᐸ ᑕᑈᔭᔨᒪᐛᐤ᙮ ᐊᐅᑯᓂ ᐅᔭ ᒋᓴᓴ ᒠᓐ ᑲ ᐊᔨᒧᒪᒂ᙮”
5ᐃᔅᐱ ᒪᒃ ᐊᓐᒡ ᐃᔪᒡ ᑲ ᐃᔨᒥᐃᑯᒡ ᑈᓚ ᐱᔭᑕᒡ ᐅᔭ, ᒋ ᓯᑲᐃᑐᐛᑭᓄᐎᒡ ᐅᑎᐸᔨᒋᒐᐛ ᒋᓴᓴ ᐅᑦ ᐃᓯᓂᐧᑲᓱᐅᓂᔨᒡ ᐃᔅ᙮ 6ᐊᑯ ᑈᓪ ᒂ ᑕᒋᓇᑦ, ᒂ ᐱᒋᔅᑲᑯᒡ ᑲ ᐸᔭᒋᓯᔨᒋ ᐊᒐᒂ, ᑭᔭ ᒋ ᒂᔅᒋᐃᔨᒧᐅᒡ, ᑭᔭ ᒋ ᐃᔨᒥᔅᑎᒧᐛᐅᒡ ᒋᓴᒪᓂᑐᐛ᙮ 7ᓴᓯᑲᓐ ᒪᒃ ᓂᓱᓴᑉ ᒋ ᑕᑎᓱᐅᒡ ᒪᒧᐤ ᐊᓐᒡ ᓇᐸᐅᒡ ᑲ ᑕᒋᓇᑭᓄᐎᒡ᙮
8ᓂᔅᑐ ᐱᓯᒺ ᒪᒃ ᒋ ᑕᐤ ᑈᓪ ᐊᓐᑕ ᐃᐱᓴᔅ ᑭᔭ ᒧᔅ ᒋ ᐱᒐᐤ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊ ᐃᔨᒪᐊᑦ ᐊᓂᔭᔪᐛ ᐃᔪᐛ ᐊᑲ ᓇᔅᒡ ᑯᔅᑕᒋᑦ, ᓇᔅᒡ ᐊ ᓯᒋᒪᑦ ᒐᒋ ᑕᑈᑕᑯᑦ ᐊᓂᔭ ᑲ ᐃᑕᑕᐧᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮ 9ᒥᒄ ᒪᒃ ᐱᔅᒐ ᐊᓐᒡ ᑲ ᓂᑐᑐᐛᒡ ᓇᔅᒡ ᒋ ᓯᐱᑎᒧᒡ, ᓇᒪ ᐅᒋ ᐎ ᑕᑈᑎᒧᒡ, ᑭᔭ ᓇᔅᒡ ᒋ ᒪᔭᔨᒪᐅᒡ ᑈᓚ ᐊᓂᔭ ᐊ ᐃᓯ ᑎᐸᒋᒪᔨᒋ ᒋᓴᓴ ᐊᓐᑕ ᐊ ᒥᒐᑎᓇᓄᐎᒡ᙮ ᐊᑯ ᑈᓪ ᒂ ᐎᐎᑦ ᐊᓐᑕ ᐊᔭᒥᐊᐅᒋᐛᐱᒡ ᑭᔭ ᒂ ᐎᒐᐅᑯᑦ ᐊᓂᔭ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ, ᐊᑯ ᒂ ᐃᑐᑕᒡ ᐊᓐᑕ ᑕᐃᕋᓇᔅ ᑲ ᐃᓯᓂᐧᑲᑕᔨᒡ ᒥᒋᐛᐱᔪᐤ ᑲᒋ ᒪᒧᐎᓇᓄᐎᒡ, ᐊᑯᑕ ᒪᒃ ᐊᓐᑕ ᑲ ᐃᔨᒪᐊᑦ ᐊᓂᔭᔪᐛ ᐃᔪᐛ ᒋᓴᓴ ᐊ ᐊᔨᒧᒪᑦ᙮ 10ᓂᓱ ᐱᐳᓇ ᒪᒃ ᐊᐅᑯᓐ ᑲ ᐃᑎᓇᓄᐅᒡ ᐅ, ᑭᔭ ᒥᒐᑦ ᐃᔪᒡ ᐊᓐᑕ ᐊᐃᓴ ᐊᔅᒋᒡ ᑕᐱᔅᑯᓐ ᒍᐤ ᑭᔭ ᐊᑲ ᒍᐤ ᐃᑎᔅᑲᓇᓯᒡ ᒋ ᐸᑎᒧᒡ ᐅᑎᐸᔨᒋᒐᐛ ᐅᑦ ᐃᔨᒧᐅᓂᔪᐤ᙮
ᑕᓐ ᑲ ᐃᔅᐱᔨᒋ ᔅᑭᐸ ᐅᑯᓴ
11ᒋᓴᒪᓂᑐᐤ ᒪᒃ ᒋ ᐃᑐᑐᐛᐤ ᑈᓚ ᒐᒋ ᓱᒋᒪᒥᔅᑲᒡ ᑎᔨᒋ᙮ 12ᐛᐛᒡ ᐅᑕᐱᔅᑲᑭᓐ ᑭᔭ ᑯᑎᑲ ᐅᑦ ᐊᐱᒋᑕᐅᓐ ᒋ ᐃᑐᑕᑭᓄᐅᔪᐛ ᐊᓐᑕ ᑲ ᐊᐧᑯᓯᔨᒋ ᐊᐛᔪᐛ ᐊ ᑕᔨᒋ, ᑎᐛᒡ ᒪᒃ ᒋ ᒥᓏᑎᓯᔪᐛ ᐃᔅᐱ ᑎᔭᐃᒋᓂᒥᔨᒋ᙮ ᑭᔭ ᐊᓐᒡ ᒥᒋ ᐊᒐᐧᑯᒡ ᒋ ᐎᐎᔪᒡ ᐊᓐᑕ ᐊᓂᔭ ᑲ ᐱᒋᔅᑯᐛᒡ ᐊᐛᔪᐛ᙮
13ᐱᔅᒐ ᒪᒃ ᒍᐤ ᐃᔪᒡ ᑲᒋ ᐎᐎᑎᓴᐛᒡ ᒥᒋ ᐊᒐᒂ ᒋ ᐱᐸᒧᑕᐅᒡ ᐊ ᑯᒋᑕᒡ ᒐᒋ ᐎᐎᑎᓴᐛᒡ ᒥᒋ ᐊᒐᒂ ᐅᑎᐸᔨᒋᒐᐛ ᒋᓴᓴ ᐅᑦ ᐃᓯᓂᐧᑲᓱᐅᓂᔪᐤ ᐅᒡ᙮ ᒋ ᐃᑕᐅᒡ ᐊᓂᔭᔪᐛ ᒥᒋ ᐊᒐᒂ, “ᒋᓴᔅ, ᐊᓂᔭ ᑈᓪ ᑲ ᐊᔨᒧᒪᑦ ᐊ ᑭᒐᔅᒋᒧᑦ, ᐊᐅᑯᓐ ᐊᓐ ᐅᑦ ᐃᓯᓂᐧᑲᓱᐅᓐ ᐅᒋ ᒋᑦ ᐃᑎᓱᒥᑎᓇᐛᐤ ᒐᒋ ᐸᒋ ᐎᐎᔭᒄ᙮” 14ᐊᑯ ᒪᒃ ᒋ ᑕᐤ ᐸᐃᒄ ᑲ ᓂᑲᓂᐱᑦ ᐊᔭᒥᐊᐅᒋᒪᐤ ᔅᑭᐸ ᐊ ᐃᓯᓂᐧᑲᓱᑦ, ᓂᔄᐅᑕᒡ ᐊᒋ ᑕᑎᓯᔨᒋ ᐅᑯᓴ, ᐊᐅᑯᓐ ᒪᒃ ᑲ ᐃᑎᔨᒋ ᑭᔭ ᐊᓂᔭ ᐅᑯᓴ᙮ 15ᐊᑯ ᒥᒄ ᐊᓂᔭ ᒥᒋ ᐊᒐᒂ ᒋ ᓂᔎᐅᓯᐃᑯᒡ ᐊ ᐃᑎᑯᒡ, “ᓂ ᒋᔅᒐᔨᒪᓇᓐ ᐊᐛᓐ ᒋᓴᔅ ᑭᔭ ᑈᓪ᙮ ᒋᔨᐛᐤ ᒪᒃ ᓇᒪ ᒋ ᒋᔅᒐᔨᒥᑎᓇᓐ᙮ ᒐᒂᓐ ᒪᒃ ᒐ ᐅᒋ ᓂᓇᐃᑕᑕᒡ ?” 16ᐊᑯ ᐊᓂᔭᔪᐛ ᓇᐸᐛ ᑲ ᐱᒋᔅᑲᑯᔨᒋ ᒥᒋ ᐊᒐᒂ ᒋ ᒥᔅᑎᒪᓯᐧᑲᑯᐅᒡ᙮ ᒋ ᐎᐎᑎᓯᒧᐅᒡ ᐊᓐᑕ ᒥᒋᐛᐱᒡ ᐊᒋ ᒥᔄᑭᓂᐧᑲᑎᑯᒡ ᐊᓂᔭᔪᐛ ᓇᐸᐛ, ᐊ ᒧᓴᔅᑭᑕᐸᔨᑐᒡ ᐊᒋ ᐱᑯᐱᑎᒥᔨᒋ ᐅᑦ ᐊᐱᒋᑕᐅᓄᐛᐛ᙮
17ᐃᔅᐱ ᒪᒃ ᐊᓐᒡ ᒍᐤ ᐃᔪᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊᓐᑕ ᐃᐱᓴᔅ ᑲ ᑕᒡ ᑲ ᐸᑕᒡ ᐅᔭ ᒥᓯᐛ ᒋ ᓴᒋᓱᐅᒡ, ᑭᔭ ᐅᑎᐸᔨᒋᒐᐤ ᒋᓴᔅ ᐅᑦ ᐃᓯᓂᐧᑲᓱᐅᓐ ᐊᑐᐎᔅ ᒂ ᐊᑎ ᒋᔅᑕᔨᑕᑭᓄᐎᒡ᙮ 18ᒥᒐᑦ ᒪᒃ ᐊᓐᒡ ᑲ ᑕᑈᑕᒡ ᒋ ᐸᒋ ᐎᑎᒧᒡ ᐊᓐᑕ ᐊ ᒥᒐᑎᓇᓄᐎᒡ ᑕᓐ ᑲ ᐃᓯ ᒥᒋᑐᑕᒡ ᑭᔭ ᐊ ᒥᑕᐅᒡ᙮ 19ᒥᒐᑦ ᒪᒃ ᐊᓐᒡ ᒋ ᐸᑕᐅᒡ ᐅᒥᑕᐅᓯᓇᐃᑭᓄᐛᐛ ᐊᑯ ᒂ ᐃᔎᓴᒡ ᐊᓐᑕ ᐊ ᒥᒐᑎᓇᓄᐎᒡ᙮ ᐊᑯ ᒂ ᐊᒋᑕᒡ ᑕᓐ ᑲ ᐃᔅᐱᑕᔨᑕᑯᓂᒂᓂ ᐊᓂᔭᔪᐛ ᒥᓯᓇᐃᑭᓇ, ᐱᑕᑕᒡ ᑕᑐᔪᐤ ᑕᑥᐤ ᒐᓯᐱᔪᐤ ᒪᒃ ᒋ ᐃᔅᐱᒐᑎᔪᐛ ᓱᓇᔭᐱᔎ᙮ 20ᐅ ᒪᒃ ᐊᒋ ᐃᔅᐱᔨᒡ ᒋ ᐊᑎ ᒥᓯᑕᐱᔪᐤ ᒥᔽᒋᒧᐅᓐ, ᐊᓐ ᒪᒃ ᐊ ᐃᔅᐱᔅ ᓱᒋᐱᔨᒡ ᐅ ᒥᔽᒋᒧᐅᓐ ᒥᒐᑦ ᐊᐛᓐᒋ ᒋ ᐊᑎ ᑕᑈᑎᒧᒡ᙮
ᑲ ᒥᒋᐱᔨᓇᓄᐅᒡ ᐊᓐᑕ ᐃᐱᓴᔅ
21ᐃᔅᐱ ᒪᒃ ᑲ ᒋᔅᐱᔨᒋ ᐅᔭ ᒐᒂᔪᐛ ᑈᓪ ᒋ ᐃᑕᔨᑎᒻ ᑲᐤ ᒐᒋ ᐃᑐᑕᑦ ᐊᓐᑕ ᒪᓯᑐᓂᔭ ᑭᔭ ᐊᑲᔭ ᐊᔅᒋᒡ᙮ ᐊᑯ ᒥᓐ ᐊᓐᑕ ᒋᕈᓯᓕᒥᒡ ᐃᑕᒐ ᒐᒋ ᐃᑐᑕᑦ᙮ “ᐃᔅᐱᔅ ᒋ ᐃᑐᑕᔭᓇ ᐊᓐᑕ ᒋᕈᓯᓕᒥᒡ, ᐊᑯ ᕈᒥᒡ ᓂᐸ ᐃᑐᑕᓐ,” ᒋ ᐃᑕᔨᑎᒻ᙮ 22ᐊᑯ ᒂ ᓂᑲᓂᑎᓴᐛᑦ ᓂᓱ ᑲ ᐊᑐᔅᑲᑯᑦ ᑎᒧᑎᔨᒋ ᑭᔭ ᐊᕋᔅᑕᓴ ᐊ ᐃᓯᓂᐧᑲᓱᔨᒋ ᐊᓐᑕ ᒪᓯᑐᓂᔭ ᐊᔅᒋᒡ ᒐᒋ ᐃᑐᑕᔨᒋ, ᐊᑯ ᐊᓐᑕ ᐊᐃᓴ ᐛᐃᐱᔅᒋᔅ ᒂ ᑕᑦ ᐎᔾ᙮
23ᒪᒂᒡ ᒪᒃ ᐊᓐᑕ ᐃᐱᓴᔅ ᑲ ᑕᑦ, ᐊᓐᒡ ᐃᔪᒡ ᒋ ᒋᔄᓱᐅᒡ ᐊᓂᔭ ᐊ ᐅᔅᑲᔨᒡ ᐊ ᐃᓯ ᒋᔅᑯᑎᒪᒐᔨᒋ ᑈᓚ ᐊ ᐃᔅᒋᔄᔨᒋ ᐅᑎᐸᔨᒋᒐᐤ ᒋᓴᔅ ᐊᐅᒄ ᒪᔅᑭᓄᐤ ᒐᒋ ᐅᒋ ᐱᒪᒋᐅᓇᓄᐅᒡ᙮ 24ᐛᔅ ᒋ ᑕᐤ ᐸᐃᒄ ᓇᐸᐤ ᐊᓐᑕ ᐃᐱᓴᔅ, ᑎᒥᑦᕆᔭᔅ ᐊ ᐃᓯᓂᐧᑲᓱᑦ ᐊ ᐅᓯᑕᑦ ᐊᔭᐱᓯᓯᔨᒋ ᒋᓴᐊᔭᒥᐊᐅᒋᐛᐱᓴ ᐊ ᒋᔅᒋᓄᐛᐸᑕᐧᒃ ᐊᓂᔭ ᐊᓐᑕ ᒥᔭᒥᒋᒪᑭᓄᔨᒋ ᐊᓂᔭ ᒥᓂᑐᐧᑲᓂᔎᐛ ᐊᕐᑎᒥᔅ ᑲ ᐃᓯᓂᐧᑲᓱᔨᒋ᙮ ᓱᓇᔭᐱᔎ ᒋ ᐊᐱᒋᐊᐤ ᐅᔭ ᐊ ᐅᓯᑕᑦ᙮ ᒋ ᐊᑕᐛᐤ ᒪᒃ ᐊᓂᔭᔪᐛ᙮ ᒋ ᐎᒋᐃᑯᔪᐛ ᒪᒃ ᐊᓂᔭ ᑲ ᐎᒐᐱᑎᓯᒥᑯᑦ ᐊᓂᔭ ᑕᓐ ᑲ ᐃᔅᐱᔅ ᒋ ᒥᔅᑎ ᐅᓯᑕᒡ ᓱᓇᔭᔪᐤ᙮ 25ᐊᑯ ᒂ ᐎᓴᒪᑦ ᐊᓂᔭ ᒥᓯᐛ ᐅᔭ ᑲ ᐃᑕᐱᑎᓯᔨᒋ ᐛᔅ ᓇᔅᒡ ᒋ ᒋᔄᓱᐤ ᐊᑯ ᒂ ᐃᑕᑦ, “ᒋ ᒋᔅᒐᔨᑕᓇᐛᐤ ᐊ ᐅᓯᑕᔭᐧᒄ ᓱᓇᔭᐤ ᐅ ᐊ ᐃᑕᐱᑎᓯᔭᐧᒄ, ᑭᔭ ᔅᒋ ᐸᑕᓇᐛᐤ ᑕᓐ ᑲ ᐃᑎᑦ ᑈᓪ ᑭᔭ ᑕᓐ ᑲ ᐃᔅᒋᔄᑦ᙮ 26ᒥᒐᑦ ᒋ ᐃᑐᑐᐛᐤ ᐃᔪᐛ ᒐᒋ ᑕᑈᑎᒥᔨᒋ ᑕᓐ ᐊ ᐃᓯ ᒋᔅᑯᑎᒪᒐᑦ ᒐ ᐊᑲ ᒋ ᐊᔭᒥᐊᔅᑎᒥᔨᒋ ᒐᒂᔪᐛ ᓱᓇᔭᐱᔅᑯᒡ ᐊᒋ ᐅᒋ ᐅᓯᑕᑭᓄᔨᒋ᙮ ᒥᒐᑦ ᒪᒃ ᐊᐛᔪᐛ ᒋ ᑕᑈᑕᑯᐤ ᐅᑕ ᐃᐱᓴᔅ ᑲ ᑕᔨᒋ ᑭᔭ ᒥᓯᐛ ᐊᓐᑕ ᐊᐃᓴ ᐊᔅᒋᒡ ᑲ ᑕᔨᒋ᙮ 27ᐅᔭ ᒪᒃ ᐊ ᐃᓯ ᒋᔅᑯᑎᒪᒐᑦ, ᓇᒪ ᒋᑭ ᐅᒋ ᐃᑕᔨᑎᒧᒡ ᐃᔪᒡ ᐊ ᒥᔽᔨᒡ ᒋᑦ ᐊᑐᔅᒐᐅᓇᓇᔪᐤ᙮ ᑭᔭ ᓇᒪ ᒋᑭ ᐅᒋ ᐊᔭᒥᐊᔅᑐᐛᑭᓄᐤ ᐊᓐ ᑲ ᒋᔅᑕᔨᑕᑯᓯᑦ ᒥᓂᑐᐧᑲᓂᔎᐤ ᐊᕐᑎᒥᔅ ᑭᔭ ᒋᑭ ᐅᓂᒋᔅᒋᓯᑐᑐᐛᑭᓄᐤ, ᐊᓐ ᑲᒋ ᐊᔭᒥᐊᔅᑐᐛᑭᓄᐅᑦ ᐅᑕ ᐊᐃᓴ ᑭᔭ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐅᔭ ᐊᔅᒋᔪᐤ᙮”
28ᐃᔅᐱ ᒪᒃ ᐊᓐᒡ ᐃᔪᒡ ᐱᔭᑐᐛᒡ ᐅᔭ ᐊ ᐃᔅᒋᔄᔨᒋ ᒋ ᒋᔄᓱᐅᒡ ᐊᑯ ᒂ ᐃᓯ ᑕᑈᒡ, “ᒋᔅᑕᔨᑕᑯᓱᐤ ᐊᕐᑎᒥᔅ ᐊᓐᑕ ᐃᐱᓴᔅ ᑲ ᑕᑦ !” 29ᒐᒃ ᒪᒃ ᒋ ᐊᑎ ᒥᒐᑐᐅᒡ ᐊᓐᒡ ᐃᔪᒡ ᐊ ᑕᑈᒡ᙮ ᒋ ᓂᓱᒡ ᒪᒃ ᓇᐸᐅᒡ, ᑲᐃᔭᔅ ᑭᔭ ᐊᕆᔅᑕᕐᑲᔅ ᐊ ᐃᓯᓂᐧᑲᓱᒡ ᐊᓐᑕ ᒪᓯᑐᓂᔭ ᐊᒋ ᐅᒋᒡ, ᐊᒋ ᐎᒐᐛᒡ ᑈᓚ᙮ ᐊᐅᒄ ᐅᔭ ᓇᐸᐛ ᑲ ᒪᑯᓇᒡ ᐊᑯ ᒂ ᐃᑐᑕᐊᒡ ᐊᓐᑕ ᐃᔪᐛ ᑲᒋ ᒪᒧᐎᔨᒋ᙮ 30ᐊᑯ ᑈᓪ ᒂ ᐎ ᐃᔨᒪᐊᑦ ᐊᓂᔭᔪᐛ ᐃᔪᐛ ᑲ ᒋᔄᓯᔨᒋ ᒥᒄ ᒪᒃ ᐊᓂᔭᔪᐛ ᑲ ᑕᑈᔭᔨᒪᔨᒋ ᒋᓴᓴ ᓇᒪ ᐅᒋ ᐱᔅᑎᓂᑯᐤ ᒐᒋ ᐃᑐᑕᑦ ᐊᓐᑕ᙮ 31ᐱᔅᒐ ᑭᔭ ᐊᓂᔭ ᑲ ᐊᑐᔅᑯᐛᔨᒋ ᒋᓴᐅᒋᒪᐛ ᐊᓂᔭᔪᐛ ᑲ ᐎᒐᐛᑭᓂᑦ ᒋ ᒥᓯᓇᐊᒪᑯᐤ ᐊ ᐃᑎᑯᑦ ᒐ ᐊᑲ ᒋ ᐃᑐᑕᑦ ᐊᓐᑕ ᐊᓂᔭᔪᐛ ᐃᔪᐛ ᑲ ᒋᔄᓯᔨᒋ ᐊ ᑕᔨᒋ᙮
32ᐊᓐᒡ ᒪᒃ ᐃᔪᒡ ᒥᓯᐛ ᒋ ᒋᔄᓱᐅᒡ, ᐱᔅᒐ ᒋ ᐊᓯᒂᐅᒡ ᐊ ᒋᐧᑲᒥᑐᒡ, ᒥᒐᑦ ᒪᒃ ᓇᒪ ᐅᒋ ᒋᔅᒐᔨᑎᒧᒡ ᒐᒂᔪᐤ ᐛᒋ ᒪᒧᐎᓇᓄᐎᒡ᙮ 33ᐊᑯ ᐱᔅᒐ ᐊᓐᒡ ᒍᐤ ᐃᔪᒡ ᒋ ᒂᐧᑯᓇᐅᒡ ᓇᐸᐛ ᐊᓕᒃᓴᓐᑕᕐ ᐊ ᐃᓯᓂᐧᑲᓱᔨᒋ ᐊᓐᑕ ᓂᑲᓄᒡ ᐃᔅ, ᐊ ᐃᑕᔨᒪᑭᓄᐅᑦ ᐎᔾ ᑲ ᐃᑐᑕᐧᒃ ᐛᒋ ᒋᔄᓯᓇᓄᐎᒡ᙮ ᐊᑯ ᒂ ᐅᐱᓂᔅᒐᔨᑦ ᒐᒋ ᐳᓂᔨᒋ ᐊᓂᔭᔪᐛ ᐃᔪᐛ ᐊ ᑕᑈᔨᒋ, ᐊ ᐎ ᐎᑎᒧᐛᑦ ᐊᑲ ᐅᒋ ᒐᒂᔪᐤ ᐃᑎᑦ ᐎᔾ᙮ 34ᐃᔅᐱ ᒪᒃ ᐊᓐᒡ ᐃᔪᒡ ᑲ ᒋᔅᒐᔨᒪᒡ ᒍᐤ ᐊ ᐃᑎᔅᑲᓇᓯᔨᒋ ᐊᓂᔭ ᐊᓕᒃᓴᓐᑕᕐ, ᒥᓯᐛ ᒪᒧᐤ ᒋ ᑕᑈᐅᒡ ᐊ ᐃᔅᒋᔄᒡ, “ᒋᔅᑕᔨᑕᑯᓱᐤ ᐊᕐᑎᒥᔅ ᐊᓐᑕ ᐃᐱᓴᔅ ᑲ ᑕᑦ !” ᓂᓱ ᑎᐸᐃᑭᓇ ᒪᒃ ᒋ ᐃᔅᐱᔅ ᑕᑈᐅᒡ᙮
35ᒐᒃ ᒪᒃ ᐊᓐ ᐸᐃᒄ ᑲ ᓂᑲᓂᔅᑲᒐᑦ ᐊᓐᑕ ᐅᑕᓇᒡ ᒂ ᒋᐱᒋᐊᑦ ᐊ ᑕᑈᔨᒋ᙮ ᐊᑯ ᒂ ᐃᑕᑦ, “ᒋᔨᐛᐤ ᐃᐱᓴᔅ ᑲ ᐅᒋᔭᒄ, ᒥᓯᐛ ᐊᐛᓐ ᒋᔅᒐᔨᑎᒻ ᐊᑯᑕ ᐊᓐᑕ ᐃᐱᓴᔅ ᐊ ᑎᒂᒡ ᐊᓐ ᒋᓴᐊᔭᒥᐊᐅᒋᐛᑉ ᐊᓐᑕ ᑲᒋ ᑭᓄᐛᔨᒪᑭᓄᐅᑦ ᐊᓐ ᑲ ᒋᔅᑕᔨᑕᑯᓯᑦ ᐊᕐᑎᒥᔅ ᑭᔭ ᐊᓐ ᑲ ᒋᔅᑕᔨᒪᑭᓄᐅᑦ ᐊᓯᓂᔾ ᒋᓯᑯᒡ ᑲ ᐅᒋ ᐸᒋᓯᓂᑦ᙮ 36ᓇᒪ ᐊᐛᓐ ᒋᑭ ᒋ ᐊᓏᑎᒻ ᐅᔭ᙮ ᐳᓂᒄ ᒪᒃ ᐅ ᐊ ᐃᑎᔭᒄ ᑭᔭ ᐃᔭᒂᒥᒄ ᑕᓐ ᒐ ᐃᑎᔭᒄ᙮ 37ᔅᒋ ᐸᓱᐛᐛᐅᒡ ᐅᒡ ᓇᐸᐅᒡ ᐊᑎ ᒪᒃ ᐊᑲ ᐅᒋ ᑭᒐᒧᑎᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑭᔭ ᓇᒪ ᐅᒋ ᐱᐸᔅᑕᒪᐅᒡ ᐊᓂᔭ ᐊᕐᑕᒥᓴ᙮ 38ᐊᑯ ᑎᒥᑦᕆᔭᔅ ᑭᔭ ᐊᓂᔭ ᑲ ᐎᒐᐱᑎᓯᒪᑦ ᐛᔅᑐᐛᔨᑎᒧᐛᒂ ᑎᐸᔅᑯᓂᒐᐅᒋᐛᐱᒡ ᒋᐸ ᐃᑐᑕᐅᒡ᙮ ᐛᔅ ᓴᓇᑭᓄᐤ ᐊᓐ ᑎᐸᔅᑯᓂᒐᐅᒋᐛᑉ ᑭᔭ ᑕᐅᒡ ᐊᓐᒡ ᑲᒪᑯᓄᐛᓯᒡ ᐊᑯᑕ ᒪᒃ ᐊᓐᑕ ᒋᐸ ᒪᒥᓯᒥᑐᐅᒡ᙮ 39ᐊᑯ ᒪᒃ ᐊ ᑎᑯᓂᒂ ᒥᓐ ᒐᒂᓐ ᐊ ᐎ ᐃᔅᒋᔄᔭᒄ, ᐎᑎᒧᒄ ᐃᔅᐱ ᐊᓐᑕ ᐃᐱᓴᔅ ᒪᒧᐎᓇᓄᒐ᙮ ᐎᔨᐛᐤ ᒋᑭ ᐎᔭᔨᑎᒧᒡ ᑕᓐ ᒐ ᐃᑎᒡ᙮ 40ᑯᔅᐱᓇᑕᔨᑕᑯᓐ ᒋᔭᓄᐤ ᒐᒋ ᐊᑕᒪᔨᑕᑯᓯᔭᐧᒄ ᐊ ᒥᒋᐱᔨᑕᔭᐧᒄ ᐅ ᐊᓄᒡ ᑲ ᐃᑎᓇᓄᐅᒡ᙮ ᓇᒪ ᒪᒃ ᒐᒂᓐ ᑎᑯᓐ ᐛᒋ ᒥᒋᐱᔨᓇᓄᐅᒡ ᑭᔭ ᓇᒪ ᒋᑭ ᒋ ᐎᑕᓇᓄᐤ ᒐᒂᓐ ᐛᒋ ᐃᔅᐱᔨᒡ ᐅ᙮” 41ᐃᔅᐱ ᒪᒃ ᑲ ᐃᔅᒋᔄᑦ ᐅᔭ ᐊᓐ ᑲᓂᑲᓂᔅᑲᐧᒃ ᐊᓂᔭ ᐅᑕᓇᔪᐤ, ᐊᑯ ᒂ ᒋᐸᐊᒃ ᐊᓂᔭ ᐊ ᒪᒧᐎᓇᓄᐎᒡ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada