1 ᑕᓴᓗᓂᔭᓇ 2
2
ᑕᓐ ᑲ ᐃᑕᐱᑎᓯᑦ ᑈᓪ ᒪᒂᒡ ᑕᓴᓗᓇᐃᑲᒡ ᑲ ᑕᑦ
1 Thessalonians 2.1-18 (Proper-25 Year A)
1ᓂᐧᑲᓂᓯᑐᒄ, ᒋᔨᐛᐤ ᓇᓂᑎᒻ ᒋ ᒋᔅᒐᔨᑕᓇᐛᐤ ᐊᑲ ᒐᔅᑲ ᐅᒋ ᐃᑐᑕᐛᒐ ᐊᓐᑕ ᐊ ᑕᔭᒄ᙮ 2ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᓂᓇᐧᑲᒋᐃᑯᐅᔭᒡ ᑭᔭ ᑕᓐ ᑲ ᐃᓯ ᒪᔭᔨᒥᑯᐅᔭᒡ ᐊᓐᑕ ᐱᓕᐸᐃ ᐊ ᐃᓯᓂᐧᑲᑕᒡ ᐅᑕᓇᐤ ᐃᔅᐱ ᒐ ᑎᑯᓯᓂᔭᒡ ᐊᓐᑕ ᐊ ᑕᔭᒄ᙮ ᐃᔭᐱᒡ ᒪᒃ ᓂᒋ ᐃᑐᑕᑯᓇᓐ ᒋᓴᒪᓂᑐᐤ ᒐ ᐊᑲ ᒋ ᑯᔅᑕᒍᐎᒋᒡ ᐊ ᐛᐎᑎᒧᐅᒋᒡ ᐊᓂᔭ ᒥᔽᒋᒧᐅᓂᔪᐤ ᐎᔾ ᑲ ᒥᔨᑕᒄ ᐊᑎ ᐊᒋ ᑕᒡ ᐊᐛᓐᒋ ᐊᓐᑕ ᐊ ᑕᔭᒄ ᓱᒃ ᐊᒋ ᑯᒋᑕᒡ ᒐᒋ ᒋᐱᒋᐃᔨᒥᒡ᙮
3ᐃᔅᐱ ᑲ ᐎ ᒐᔅᑎᓇᒋᒥᑕᒡ ᑕᓐ ᐊ ᐃᓯ ᑕᑈᒥᑲᒡ ᒥᔽᒋᒧᐅᓐ ᓇᒪ ᒋ ᐅᒋ ᑭᑭᒋᔭᒥᑎᓇᓐ᙮ ᓇᒪ ᓂᑎᒥᒄ ᓂ ᐅᒋ ᐃᑎᓇᓐ ᑭᔭ ᓇᒪ ᒋ ᐅᒋ ᐎ ᐎᔭᓯᐃᑎᓇᓐ ᐊᓐᑕ ᒐᒋ ᐅᒋ ᑕᑈᑎᒪᒄ ᒥᔽᒋᒧᐅᓐ᙮ 4ᐃᔭᐱᒡ ᒧᔅ ᒥᒄ ᑕᓐ ᐊ ᐃᓯ ᓂᑐᐛᔨᒥᔨᒥᑦ ᒋᓴᒪᓂᑐᐤ ᒐᒋ ᐃᓯ ᐛᐎᑎᒧᒋᒡ ᐊᑯᓐ ᐊ ᐃᓯ ᐛᐎᑎᒪᒡ, ᐛᔅ ᐎᔾ ᓂᒋ ᐃᑕᔨᒥᑯᓇᓐ ᐊ ᑕᑈᐅᒐᔨᑕᑯᓯᔭᒡ ᒐᒋ ᐊᑐᔅᒐᔅᑎᒧᒋᒡ ᒥᔽᒋᒧᐅᓂᔪᐤ᙮ ᐊᑯ ᒪᒃ ᐎᔭᐎᑎᒪᒡ, ᓇᒪ ᐎ ᓇᐸᐤ ᐊ ᐎ ᓇᐊᔨᑎᒥᐃᒋᒡ, ᒋᓴᒪᓂᑐᐤ ᐊᐅᒄ ᒐᒋ ᓇᐊᔨᑎᒥᐃᒋᒡ ᐛᔅ ᐎᔾ ᒋ ᓂᑐ ᒋᔅᒐᔨᒥᑯᓄᐤ ᑕᓐ ᐊ ᐃᑐᐛᐧᒄ᙮ 5ᓴᒐᔾ ᔅᒋ ᐃᔨᒥᐃᑎᓇᓐ ᐊᑲ ᐅᒋ ᓂᑐᐛᔨᑎᒪᑕᒡ ᒐᒂᓐ᙮ ᒋᔨᐛᐤ ᓇᓂᑎᒻ ᒋ ᒋᔅᒐᔨᑕᓇᐛᐤ ᐅ᙮ ᒋᓴᒪᓂᑐᐤ ᒋᔅᒐᔨᑎᒻ ᐊ ᑕᑈᔭᒡ ᐅ ᑲ ᐃᔅᒋᔄᔭᒡ᙮ 6ᑕᐸ ᓂ ᐅᒋ ᓇᓂᑐᐛᔨᑕᓇᓐ ᓇᔅᒡ ᒋᒋᐛ ᒐᒋ ᐃᑕᔨᒥᔭᒡ ᒪᒃ ᑯᑎᑭᒡ ᐊᐛᓐᒋ ᓇᔅᒡ ᒋᒋᐛ ᒐᒋ ᐃᑕᔨᒥᔨᒥᒡ᙮ ᐊᑎ ᐊᒋ ᑎᒂᒡ ᐊᑲ ᒐᒂᓂᒡ ᒋᐸ ᐅᒋ ᐃᓯᓇᑯᓐ ᐱᑯᓴᔨᒥᑕᒡ ᒐᒂᓐ ᐊᑈᔅᑕᓇᒡ ᐊ ᐃᑕᐱᑎᓯᔭᒡ, 7ᔅᒋ ᐎ ᒥᓇᒋᐃᑎᓇᓐ ᒧᔭᒻ ᐊ ᐃᓯ ᒥᓇᒋᐊᑦ ᐅᑲᐎᒪᐤ ᐅᑦ ᐊᐛᓯᒪ᙮
8ᐊᓐ ᒪᒃ ᓇᔅᒡ ᐊ ᓴᒋᐃᑕᒡ ᓴᔅ ᓂᒋ ᐊᔭᔅᑯᐎᔨᒧᓇᓐ ᓇᒪ ᒥᒄ ᒐᒋ ᐛᐎᑎᒪᑕᒡ ᒥᔽᒋᒧᐅᓐ᙮ ᓂᒋ ᐱᔅᑕᔨᑎᒥᐃᑯᐅᓇᓐ ᑭᔭ ᓂᐱᒪᑎᓯᐅᓇᓇ ᒐᒋ ᐎᒋᐃᑕᒡ ᑲ ᐃᔅᐱᔅ ᓴᒋᐃᑕᒡ᙮
1 Thessalonians 2.9-13 (Proper-26 Year A)
9ᓂᐧᑲᓂᓯᑐᒄ, ᒐᔅᑎᓇᔅ ᒋ ᒋᔅᒋᓯᓇᐛᒐ ᑕᓐ ᑲ ᐃᔅᐱᔅ ᒥᔅᑎ ᐊᑐᔅᒐᔭᒡ ᐊᓐᑕ ᐊ ᑕᔭᒄ᙮ ᓂᒋ ᐊᑐᔅᒐᓇᓐ ᐊ ᒋᓯᑲᒡ ᑭᔭ ᐊ ᑎᐱᔅᑲᒡ ᓂᔭᓐ ᒐᒋ ᐱᒥᐱᔨᐃᓱᔭᒡ ᒐ ᐊᑲ ᒋ ᑯᓯᑯᔅᑲᑯᔭᒄ ᐊ ᐃᑕᔨᑎᒪᒄ ᒐᒋ ᐸᒋ ᐱᒥᐱᔨᐃᔭᒡ ᒪᒂᒡ ᐊ ᐛᐎᑎᒪᑕᒡ ᒋᓴᒪᓂᑐᐤ ᐅᒥᔽᒋᒧᐅᓐ᙮
10ᒋᓴᒪᓂᑐᐤ ᒋᔅᒐᔨᑎᒻ ᑭᔭ ᒋᔨᐛᐤ ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᒋ ᐸᔭᒋ ᐱᒪᑎᓯᔭᒡ, ᑕᓐ ᑲ ᐃᓯ ᒋ ᑯᐃᔅᑯᑕᑎᓯᔭᒡ ᑭᔭ ᐊᑲ ᐅᒋ ᑎᒂᒡ ᒐᒋ ᐊᑕᒪᔨᑕᑯᓯᔭᒡ ᒐᒋ ᒥᒋᐱᒪᑎᓯᔭᒡ ᒪᒂᒡ ᐊᓐᑕ ᒋᔨᐛᐤ ᑲ ᑕᑈᑎᒪᒄ ᒥᔽᒋᒧᐅᓐ ᐊ ᑕᔭᒄ ᑲ ᑕᔭᒡ᙮ 11ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᐛᐎᒋᐃᑕᒡ ᒧᔭᒻ ᐅᑕᐎᒪᐤ ᐊ ᐃᓯ ᐛᐎᒋᐊᑦ ᐅᑦ ᐊᐛᓯᒪ᙮ 12ᓱᒃ ᔅᒋ ᐊᓯᒋᒥᑎᓇᓐ᙮ ᔅᒋ ᒥᔽᔨᒧᐃᑎᓇᓐ ᑭᔭ ᔅᒋ ᓯᒋᒥᑎᓇᓐ ᒐᒋ ᐃᓯ ᐱᒪᑎᓯᔭᒄ ᑕᓐ ᐊ ᐃᓯ ᓇᐊᔨᑎᒥᐃᑯᑦ ᒋᓴᒪᓂᑐᐤ ᐊ ᐃᓯ ᐱᒪᑎᓯᓇᓄᐎᒡ᙮ ᐛᔅ ᐎᔾ ᒋᓴᒪᓂᑐᐤ ᒋ ᐎᓴᒥᑯᐛᐤ ᒐᒋ ᐎᒋᐃᐛᔭᒄ ᐊᓐᑕ ᑲ ᒋᔅᑕᔨᑕᑯᓂᔨᒡ ᐅᒋᓴᐅᒋᒪᐅᓂᒡ᙮
13ᒪᐅ ᒥᓐ ᐛᒋ ᒧᔅ ᓂᓇᔅᑯᒥᒋᒡ ᒋᓴᒪᓂᑐᐤ᙮ ᐃᔅᐱ ᑲ ᐸᒋ ᐛᐎᑎᒪᑕᒡ ᑕᓐ ᑲ ᐃᓯ ᒥᔨᑯᔭᒡ ᒋᓴᒪᓂᑐᐤ ᒐᒋ ᐃᓯ ᐛᐎᑎᒪᒡ ᐃᔭᒂ ᔅᒋ ᓂᑐᑕᓇᐛᐤ ᑭᔭ ᔅᒋ ᑕᑈᑕᓇᐛᐤ᙮ ᓇᒪ ᐎᔾ ᓇᐸᐤ ᐅᑦ ᐃᔨᒧᐅᓐ ᒋ ᐅᒋ ᐃᑕᔨᑕᓇᐛᐤ ᒪᒃ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᑕᑈ ᒪᒃ ᒋᓴᒪᓂᑐᐤ ᐅᔭ ᐅᑦ ᐃᔨᒧᐅᓐ᙮ ᑎᑯᓐ ᒪᒃ ᐊ ᐃᓯ ᐊᑐᔅᒐᒥᑲᒡ ᒋᐱᒪᑎᓯᐅᓄᐛᒡ ᐊᓐ ᑲ ᐃᓯ ᐛᐎᑎᒪᑕᒡ᙮
14ᓂᐧᑲᓂᓯᑐᒄ, ᐊᐅᑯᓐ ᒧᔭᒻ ᑲ ᐃᔅᐱᔨᔭᒄ ᑕᓐ ᑲ ᐃᔅᐱᔨᒋ ᒋᓴᒪᓂᑐᐤ ᐅᑦ ᐃᔨᒪ ᐊᓐᑕ ᒍᑎᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᑕᔨᒋ, ᐊᓐᒡ ᙭ᑕ ᑲ ᐎ ᒋᔅᒋᓄᐛᐱᒪᒡ᙮ ᐊᐅᑯᓐ ᒧᔭᒻ ᑲ ᐃᓯ ᓂᓇᐧᑲᑕᔨᒧᐃᑕᑯᒡ ᑎᐱᔨᐛ ᒋᑦ ᐃᔨᒧᐛᐅᒡ ᑕᓐ ᑲ ᐃᓯ ᓂᓇᐧᑲᑕᔨᒧᐃᑯᒡ ᐅᑦ ᐃᔨᒧᐛᐛ ᑭᔭ ᐎᔨᐛᐤ ᐊᓐᒡ ᒍᐤ ᑲ ᐃᑎᔅᑲᓇᓯᒡ᙮ 15ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐊᐅᒄ ᐊᓐᒡ ᑲ ᓂᐸᐊᒡ ᐅᑎᐸᔨᒋᒐᐤ ᒋᓴᓴ ᑭᔭ ᐊᓂᔭᔪᐛ ᐅᒋᔅᒋᐛᐃᒐᓱᐛ᙮ ᑭᔭ ᓂᔭᓐ ᒪᒃ ᓂᒋ ᓂᓇᐧᑲᒋᐃᑯᓇᓂᒡ᙮ ᓇᔅᒡ ᑕᑈ ᓇᒪ ᓇᐊᔨᒥᑯᐅᒡ ᒋᓴᒪᓂᑐᐛ᙮ ᑭᔭ ᒥᓯᐛ ᐊᐛᔪᐛ ᐛᐧᑲᑕᐅᒡ᙮ 16ᐛᐛᒡ ᓂᒋ ᐎ ᒋᐱᒋᐃᑯᓇᓂᒡ ᐊ ᐛᐎᑎᒪᒥᒋᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊᓂᔭ ᒥᔽᒋᒧᐅᓂᔪᐤ ᒐ ᐱᒪᒋᐃᑯᔨᒋ᙮ ᐊᑯᑕ ᐛᒋ ᑕᐱᐱᔨᑕᒡ ᑕᓐ ᒧᔅ ᑲ ᐃᓯ ᐸᒋ ᐅᓂᑐᑕᒡ᙮ ᐊᑯ ᒪᒃ ᐛᑎᒋᐱᔨᒡ ᒐᒋ ᒋᔄᐊᒡ ᑭᔭ ᒐᒋ ᐛᐛᓯᐃᑯᒡ ᒋᓴᒪᓂᑐᐛ᙮
ᑈᓪ ᑲ ᐎᑎᒧᐛᑦ ᐊᓂᔭᔪᐛ ᑕᓴᓗᓇᐃᑲ ᑲ ᑕᔨᒋ ᓇᔅᒡ ᒥᓐ ᐊ ᐎ ᐛᐱᒪᑦ
17ᓂᔭᓐ ᒪᒃ ᐎ, ᓂᐧᑲᓂᓯᑐᒄ, ᐃᔅᐱ ᐛᐃᐱᔅᒋᔅ ᑲ ᐃᒐᑎᓴᐅᑯᐅᔭᒡ ᐊᓐᑕ ᐊ ᑕᔭᒄ ᓇᔅᒡ ᑕᑈ ᔅᒋ ᒋᔅᒋᓯᑐᑕᑎᓇᓐ ᑭᔭ ᓱᒃ ᓂᒋ ᑯᒋᑕᓇᓐ ᒥᓐ ᒐᒋ ᐸᒋ ᓂᑐᐛᐱᒥᑕᒡ᙮ ᐛᔅ ᒥᒄ ᒧᒡ ᓂᒋ ᐃᒐᓂᑯᐅᓇᓐ ᐊᓐᑕ ᐊ ᑕᔭᒄ᙮ 18ᒥᓐ ᔅᒋ ᐎ ᓂᑐᐛᐱᒥᑎᓇᓐ᙮ ᓂᔾ ᑈᓪ ᒥᒐᑥᐤ ᓂᒋ ᑯᒋᑕᓐ ᒐᒋ ᓂᑐᐛᐱᒥᑕᒡ ᐊᓐᑕ ᐊ ᑕᔭᒄ, ᒥᒄ ᒪᒃ ᒧᔅ ᓂᒋ ᓇᑲᐅᑯᓇᓐ ᒥᒋᒥᓂᑐᐤ᙮ 19ᓇᔅᒡ ᒪᒃ ᒥᓐ ᔅᒋ ᐎ ᐛᐱᒥᑎᓇᐛᐤ ᐛᔅ ᒋᔨᐛᐤ ᐊ ᑕᔭᒄ ᐅᒋᐱᔪᐤ ᒐᒋ ᐊᔭᔭᒡ ᐊᔅᐸᔨᒧᐅᓐ᙮ ᒋᔨᐛᐤ ᐊ ᑕᔭᒄ ᐅᒋᐱᔪᐤ ᐛᒋ ᒧᒋᒐᔨᑎᒪᒡ᙮ ᑭᔭ ᒋᔨᐛᐤ ᐊ ᑕᔭᒄ ᐅᒋᐱᔪᐤ ᓇᔅᒡ ᒐᒋ ᒐᔅᑎᓇᑕᔨᒧᔭᒡ ᒐᒋ ᐊᔨᒧᑎᒪᒡ ᑕᓐ ᑲ ᐃᓯ ᐸᒋ ᒥᔪ ᐊᐱᑎᓯᔭᒡ ᐃᔅᐱ ᑎᑯᓯᒐ ᒋᑎᐸᔨᒋᒐᓯᒥᓄᐤ ᒋᓴᔅ᙮ 20ᑕᑈ ᑭᑈ ᒋᒪᒥᒋᐃᓇᓐ ᑭᔭ ᒋᔨᐛᐤ ᒋᑦ ᐃᑐᑐᐅᓇᓐ ᐛᒋ ᒧᒋᒐᔨᑎᒪᒡ᙮
Currently Selected:
1 ᑕᓴᓗᓂᔭᓇ 2: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
1 ᑕᓴᓗᓂᔭᓇ 2
2
ᑕᓐ ᑲ ᐃᑕᐱᑎᓯᑦ ᑈᓪ ᒪᒂᒡ ᑕᓴᓗᓇᐃᑲᒡ ᑲ ᑕᑦ
1 Thessalonians 2.1-18 (Proper-25 Year A)
1ᓂᐧᑲᓂᓯᑐᒄ, ᒋᔨᐛᐤ ᓇᓂᑎᒻ ᒋ ᒋᔅᒐᔨᑕᓇᐛᐤ ᐊᑲ ᒐᔅᑲ ᐅᒋ ᐃᑐᑕᐛᒐ ᐊᓐᑕ ᐊ ᑕᔭᒄ᙮ 2ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᓂᓇᐧᑲᒋᐃᑯᐅᔭᒡ ᑭᔭ ᑕᓐ ᑲ ᐃᓯ ᒪᔭᔨᒥᑯᐅᔭᒡ ᐊᓐᑕ ᐱᓕᐸᐃ ᐊ ᐃᓯᓂᐧᑲᑕᒡ ᐅᑕᓇᐤ ᐃᔅᐱ ᒐ ᑎᑯᓯᓂᔭᒡ ᐊᓐᑕ ᐊ ᑕᔭᒄ᙮ ᐃᔭᐱᒡ ᒪᒃ ᓂᒋ ᐃᑐᑕᑯᓇᓐ ᒋᓴᒪᓂᑐᐤ ᒐ ᐊᑲ ᒋ ᑯᔅᑕᒍᐎᒋᒡ ᐊ ᐛᐎᑎᒧᐅᒋᒡ ᐊᓂᔭ ᒥᔽᒋᒧᐅᓂᔪᐤ ᐎᔾ ᑲ ᒥᔨᑕᒄ ᐊᑎ ᐊᒋ ᑕᒡ ᐊᐛᓐᒋ ᐊᓐᑕ ᐊ ᑕᔭᒄ ᓱᒃ ᐊᒋ ᑯᒋᑕᒡ ᒐᒋ ᒋᐱᒋᐃᔨᒥᒡ᙮
3ᐃᔅᐱ ᑲ ᐎ ᒐᔅᑎᓇᒋᒥᑕᒡ ᑕᓐ ᐊ ᐃᓯ ᑕᑈᒥᑲᒡ ᒥᔽᒋᒧᐅᓐ ᓇᒪ ᒋ ᐅᒋ ᑭᑭᒋᔭᒥᑎᓇᓐ᙮ ᓇᒪ ᓂᑎᒥᒄ ᓂ ᐅᒋ ᐃᑎᓇᓐ ᑭᔭ ᓇᒪ ᒋ ᐅᒋ ᐎ ᐎᔭᓯᐃᑎᓇᓐ ᐊᓐᑕ ᒐᒋ ᐅᒋ ᑕᑈᑎᒪᒄ ᒥᔽᒋᒧᐅᓐ᙮ 4ᐃᔭᐱᒡ ᒧᔅ ᒥᒄ ᑕᓐ ᐊ ᐃᓯ ᓂᑐᐛᔨᒥᔨᒥᑦ ᒋᓴᒪᓂᑐᐤ ᒐᒋ ᐃᓯ ᐛᐎᑎᒧᒋᒡ ᐊᑯᓐ ᐊ ᐃᓯ ᐛᐎᑎᒪᒡ, ᐛᔅ ᐎᔾ ᓂᒋ ᐃᑕᔨᒥᑯᓇᓐ ᐊ ᑕᑈᐅᒐᔨᑕᑯᓯᔭᒡ ᒐᒋ ᐊᑐᔅᒐᔅᑎᒧᒋᒡ ᒥᔽᒋᒧᐅᓂᔪᐤ᙮ ᐊᑯ ᒪᒃ ᐎᔭᐎᑎᒪᒡ, ᓇᒪ ᐎ ᓇᐸᐤ ᐊ ᐎ ᓇᐊᔨᑎᒥᐃᒋᒡ, ᒋᓴᒪᓂᑐᐤ ᐊᐅᒄ ᒐᒋ ᓇᐊᔨᑎᒥᐃᒋᒡ ᐛᔅ ᐎᔾ ᒋ ᓂᑐ ᒋᔅᒐᔨᒥᑯᓄᐤ ᑕᓐ ᐊ ᐃᑐᐛᐧᒄ᙮ 5ᓴᒐᔾ ᔅᒋ ᐃᔨᒥᐃᑎᓇᓐ ᐊᑲ ᐅᒋ ᓂᑐᐛᔨᑎᒪᑕᒡ ᒐᒂᓐ᙮ ᒋᔨᐛᐤ ᓇᓂᑎᒻ ᒋ ᒋᔅᒐᔨᑕᓇᐛᐤ ᐅ᙮ ᒋᓴᒪᓂᑐᐤ ᒋᔅᒐᔨᑎᒻ ᐊ ᑕᑈᔭᒡ ᐅ ᑲ ᐃᔅᒋᔄᔭᒡ᙮ 6ᑕᐸ ᓂ ᐅᒋ ᓇᓂᑐᐛᔨᑕᓇᓐ ᓇᔅᒡ ᒋᒋᐛ ᒐᒋ ᐃᑕᔨᒥᔭᒡ ᒪᒃ ᑯᑎᑭᒡ ᐊᐛᓐᒋ ᓇᔅᒡ ᒋᒋᐛ ᒐᒋ ᐃᑕᔨᒥᔨᒥᒡ᙮ ᐊᑎ ᐊᒋ ᑎᒂᒡ ᐊᑲ ᒐᒂᓂᒡ ᒋᐸ ᐅᒋ ᐃᓯᓇᑯᓐ ᐱᑯᓴᔨᒥᑕᒡ ᒐᒂᓐ ᐊᑈᔅᑕᓇᒡ ᐊ ᐃᑕᐱᑎᓯᔭᒡ, 7ᔅᒋ ᐎ ᒥᓇᒋᐃᑎᓇᓐ ᒧᔭᒻ ᐊ ᐃᓯ ᒥᓇᒋᐊᑦ ᐅᑲᐎᒪᐤ ᐅᑦ ᐊᐛᓯᒪ᙮
8ᐊᓐ ᒪᒃ ᓇᔅᒡ ᐊ ᓴᒋᐃᑕᒡ ᓴᔅ ᓂᒋ ᐊᔭᔅᑯᐎᔨᒧᓇᓐ ᓇᒪ ᒥᒄ ᒐᒋ ᐛᐎᑎᒪᑕᒡ ᒥᔽᒋᒧᐅᓐ᙮ ᓂᒋ ᐱᔅᑕᔨᑎᒥᐃᑯᐅᓇᓐ ᑭᔭ ᓂᐱᒪᑎᓯᐅᓇᓇ ᒐᒋ ᐎᒋᐃᑕᒡ ᑲ ᐃᔅᐱᔅ ᓴᒋᐃᑕᒡ᙮
1 Thessalonians 2.9-13 (Proper-26 Year A)
9ᓂᐧᑲᓂᓯᑐᒄ, ᒐᔅᑎᓇᔅ ᒋ ᒋᔅᒋᓯᓇᐛᒐ ᑕᓐ ᑲ ᐃᔅᐱᔅ ᒥᔅᑎ ᐊᑐᔅᒐᔭᒡ ᐊᓐᑕ ᐊ ᑕᔭᒄ᙮ ᓂᒋ ᐊᑐᔅᒐᓇᓐ ᐊ ᒋᓯᑲᒡ ᑭᔭ ᐊ ᑎᐱᔅᑲᒡ ᓂᔭᓐ ᒐᒋ ᐱᒥᐱᔨᐃᓱᔭᒡ ᒐ ᐊᑲ ᒋ ᑯᓯᑯᔅᑲᑯᔭᒄ ᐊ ᐃᑕᔨᑎᒪᒄ ᒐᒋ ᐸᒋ ᐱᒥᐱᔨᐃᔭᒡ ᒪᒂᒡ ᐊ ᐛᐎᑎᒪᑕᒡ ᒋᓴᒪᓂᑐᐤ ᐅᒥᔽᒋᒧᐅᓐ᙮
10ᒋᓴᒪᓂᑐᐤ ᒋᔅᒐᔨᑎᒻ ᑭᔭ ᒋᔨᐛᐤ ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᒋ ᐸᔭᒋ ᐱᒪᑎᓯᔭᒡ, ᑕᓐ ᑲ ᐃᓯ ᒋ ᑯᐃᔅᑯᑕᑎᓯᔭᒡ ᑭᔭ ᐊᑲ ᐅᒋ ᑎᒂᒡ ᒐᒋ ᐊᑕᒪᔨᑕᑯᓯᔭᒡ ᒐᒋ ᒥᒋᐱᒪᑎᓯᔭᒡ ᒪᒂᒡ ᐊᓐᑕ ᒋᔨᐛᐤ ᑲ ᑕᑈᑎᒪᒄ ᒥᔽᒋᒧᐅᓐ ᐊ ᑕᔭᒄ ᑲ ᑕᔭᒡ᙮ 11ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᐛᐎᒋᐃᑕᒡ ᒧᔭᒻ ᐅᑕᐎᒪᐤ ᐊ ᐃᓯ ᐛᐎᒋᐊᑦ ᐅᑦ ᐊᐛᓯᒪ᙮ 12ᓱᒃ ᔅᒋ ᐊᓯᒋᒥᑎᓇᓐ᙮ ᔅᒋ ᒥᔽᔨᒧᐃᑎᓇᓐ ᑭᔭ ᔅᒋ ᓯᒋᒥᑎᓇᓐ ᒐᒋ ᐃᓯ ᐱᒪᑎᓯᔭᒄ ᑕᓐ ᐊ ᐃᓯ ᓇᐊᔨᑎᒥᐃᑯᑦ ᒋᓴᒪᓂᑐᐤ ᐊ ᐃᓯ ᐱᒪᑎᓯᓇᓄᐎᒡ᙮ ᐛᔅ ᐎᔾ ᒋᓴᒪᓂᑐᐤ ᒋ ᐎᓴᒥᑯᐛᐤ ᒐᒋ ᐎᒋᐃᐛᔭᒄ ᐊᓐᑕ ᑲ ᒋᔅᑕᔨᑕᑯᓂᔨᒡ ᐅᒋᓴᐅᒋᒪᐅᓂᒡ᙮
13ᒪᐅ ᒥᓐ ᐛᒋ ᒧᔅ ᓂᓇᔅᑯᒥᒋᒡ ᒋᓴᒪᓂᑐᐤ᙮ ᐃᔅᐱ ᑲ ᐸᒋ ᐛᐎᑎᒪᑕᒡ ᑕᓐ ᑲ ᐃᓯ ᒥᔨᑯᔭᒡ ᒋᓴᒪᓂᑐᐤ ᒐᒋ ᐃᓯ ᐛᐎᑎᒪᒡ ᐃᔭᒂ ᔅᒋ ᓂᑐᑕᓇᐛᐤ ᑭᔭ ᔅᒋ ᑕᑈᑕᓇᐛᐤ᙮ ᓇᒪ ᐎᔾ ᓇᐸᐤ ᐅᑦ ᐃᔨᒧᐅᓐ ᒋ ᐅᒋ ᐃᑕᔨᑕᓇᐛᐤ ᒪᒃ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᑕᑈ ᒪᒃ ᒋᓴᒪᓂᑐᐤ ᐅᔭ ᐅᑦ ᐃᔨᒧᐅᓐ᙮ ᑎᑯᓐ ᒪᒃ ᐊ ᐃᓯ ᐊᑐᔅᒐᒥᑲᒡ ᒋᐱᒪᑎᓯᐅᓄᐛᒡ ᐊᓐ ᑲ ᐃᓯ ᐛᐎᑎᒪᑕᒡ᙮
14ᓂᐧᑲᓂᓯᑐᒄ, ᐊᐅᑯᓐ ᒧᔭᒻ ᑲ ᐃᔅᐱᔨᔭᒄ ᑕᓐ ᑲ ᐃᔅᐱᔨᒋ ᒋᓴᒪᓂᑐᐤ ᐅᑦ ᐃᔨᒪ ᐊᓐᑕ ᒍᑎᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᑕᔨᒋ, ᐊᓐᒡ ᙭ᑕ ᑲ ᐎ ᒋᔅᒋᓄᐛᐱᒪᒡ᙮ ᐊᐅᑯᓐ ᒧᔭᒻ ᑲ ᐃᓯ ᓂᓇᐧᑲᑕᔨᒧᐃᑕᑯᒡ ᑎᐱᔨᐛ ᒋᑦ ᐃᔨᒧᐛᐅᒡ ᑕᓐ ᑲ ᐃᓯ ᓂᓇᐧᑲᑕᔨᒧᐃᑯᒡ ᐅᑦ ᐃᔨᒧᐛᐛ ᑭᔭ ᐎᔨᐛᐤ ᐊᓐᒡ ᒍᐤ ᑲ ᐃᑎᔅᑲᓇᓯᒡ᙮ 15ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐊᐅᒄ ᐊᓐᒡ ᑲ ᓂᐸᐊᒡ ᐅᑎᐸᔨᒋᒐᐤ ᒋᓴᓴ ᑭᔭ ᐊᓂᔭᔪᐛ ᐅᒋᔅᒋᐛᐃᒐᓱᐛ᙮ ᑭᔭ ᓂᔭᓐ ᒪᒃ ᓂᒋ ᓂᓇᐧᑲᒋᐃᑯᓇᓂᒡ᙮ ᓇᔅᒡ ᑕᑈ ᓇᒪ ᓇᐊᔨᒥᑯᐅᒡ ᒋᓴᒪᓂᑐᐛ᙮ ᑭᔭ ᒥᓯᐛ ᐊᐛᔪᐛ ᐛᐧᑲᑕᐅᒡ᙮ 16ᐛᐛᒡ ᓂᒋ ᐎ ᒋᐱᒋᐃᑯᓇᓂᒡ ᐊ ᐛᐎᑎᒪᒥᒋᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊᓂᔭ ᒥᔽᒋᒧᐅᓂᔪᐤ ᒐ ᐱᒪᒋᐃᑯᔨᒋ᙮ ᐊᑯᑕ ᐛᒋ ᑕᐱᐱᔨᑕᒡ ᑕᓐ ᒧᔅ ᑲ ᐃᓯ ᐸᒋ ᐅᓂᑐᑕᒡ᙮ ᐊᑯ ᒪᒃ ᐛᑎᒋᐱᔨᒡ ᒐᒋ ᒋᔄᐊᒡ ᑭᔭ ᒐᒋ ᐛᐛᓯᐃᑯᒡ ᒋᓴᒪᓂᑐᐛ᙮
ᑈᓪ ᑲ ᐎᑎᒧᐛᑦ ᐊᓂᔭᔪᐛ ᑕᓴᓗᓇᐃᑲ ᑲ ᑕᔨᒋ ᓇᔅᒡ ᒥᓐ ᐊ ᐎ ᐛᐱᒪᑦ
17ᓂᔭᓐ ᒪᒃ ᐎ, ᓂᐧᑲᓂᓯᑐᒄ, ᐃᔅᐱ ᐛᐃᐱᔅᒋᔅ ᑲ ᐃᒐᑎᓴᐅᑯᐅᔭᒡ ᐊᓐᑕ ᐊ ᑕᔭᒄ ᓇᔅᒡ ᑕᑈ ᔅᒋ ᒋᔅᒋᓯᑐᑕᑎᓇᓐ ᑭᔭ ᓱᒃ ᓂᒋ ᑯᒋᑕᓇᓐ ᒥᓐ ᒐᒋ ᐸᒋ ᓂᑐᐛᐱᒥᑕᒡ᙮ ᐛᔅ ᒥᒄ ᒧᒡ ᓂᒋ ᐃᒐᓂᑯᐅᓇᓐ ᐊᓐᑕ ᐊ ᑕᔭᒄ᙮ 18ᒥᓐ ᔅᒋ ᐎ ᓂᑐᐛᐱᒥᑎᓇᓐ᙮ ᓂᔾ ᑈᓪ ᒥᒐᑥᐤ ᓂᒋ ᑯᒋᑕᓐ ᒐᒋ ᓂᑐᐛᐱᒥᑕᒡ ᐊᓐᑕ ᐊ ᑕᔭᒄ, ᒥᒄ ᒪᒃ ᒧᔅ ᓂᒋ ᓇᑲᐅᑯᓇᓐ ᒥᒋᒥᓂᑐᐤ᙮ 19ᓇᔅᒡ ᒪᒃ ᒥᓐ ᔅᒋ ᐎ ᐛᐱᒥᑎᓇᐛᐤ ᐛᔅ ᒋᔨᐛᐤ ᐊ ᑕᔭᒄ ᐅᒋᐱᔪᐤ ᒐᒋ ᐊᔭᔭᒡ ᐊᔅᐸᔨᒧᐅᓐ᙮ ᒋᔨᐛᐤ ᐊ ᑕᔭᒄ ᐅᒋᐱᔪᐤ ᐛᒋ ᒧᒋᒐᔨᑎᒪᒡ᙮ ᑭᔭ ᒋᔨᐛᐤ ᐊ ᑕᔭᒄ ᐅᒋᐱᔪᐤ ᓇᔅᒡ ᒐᒋ ᒐᔅᑎᓇᑕᔨᒧᔭᒡ ᒐᒋ ᐊᔨᒧᑎᒪᒡ ᑕᓐ ᑲ ᐃᓯ ᐸᒋ ᒥᔪ ᐊᐱᑎᓯᔭᒡ ᐃᔅᐱ ᑎᑯᓯᒐ ᒋᑎᐸᔨᒋᒐᓯᒥᓄᐤ ᒋᓴᔅ᙮ 20ᑕᑈ ᑭᑈ ᒋᒪᒥᒋᐃᓇᓐ ᑭᔭ ᒋᔨᐛᐤ ᒋᑦ ᐃᑐᑐᐅᓇᓐ ᐛᒋ ᒧᒋᒐᔨᑎᒪᒡ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada