1 ᑯᕆᓐᑎᔭᓇ 8
8
ᒥᒋᒥᔪᐤ ᐊᒋ ᒥᑐᔅᑕᐊᒧᐛᑭᓄᐎᒡ ᒥᓂᑐᐧᑲᓐᒡ
1 Corinthians 8.1-13 (Epiphany-4 Year B)
1ᐊᑯ ᒪᒃ ᒐ ᐊᔨᒧᑎᒪᑎᑯᒡ ᑕᓐ ᒋᐸ ᐃᓯ ᑭᓄᐛᐸᑕᑭᓄᐤ ᒥᒋᒻ ᒥᓂᑐᐧᑲᓐᒡ ᐊᒋ ᐱᔅᑎᓂᒧᐛᑭᓄᐎᒡ᙮ ᐃᓇᓄᐤ ᒥᓯᐛ ᐊᐛᓐ ᐊ ᐊᔭᑦ ᒋᔅᒐᔨᑎᒧᐅᓂᔪᐤ᙮ ᐃᑐᑕᑯᐤ ᒪᒃ ᐊᐛᓐ ᒋᔅᒐᔨᑎᒧᐅᓂᔪᐤ ᒋᒋᐛ ᒐᒋ ᐃᑕᔨᒥᓱᑦ᙮ ᒥᒄ ᒪᒃ ᐊᐛᓐ ᑲ ᐊᔭᑦ ᓴᒋᐃᐛᐅᓂᔪᐤ ᐃᑐᑐᐛᐤ ᑯᑎᑲ ᐊᐛᔪᐛ ᒐᒋ ᓱᒋᑲᐳᔨᒋ᙮ 2ᐊᑯ ᒪᒃ ᐊ ᐃᑕᔨᑎᒧᒂ ᐊᐛᓐ ᓇᔅᒡ ᒥᔅᑎ ᐊ ᒋᔅᒐᔨᑕᐧᒃ ᒐᒂᔪᐤ, ᓄᑯᑕᐤ ᐊᔅᒄ ᐊᑲ ᒋᔅᒐᔨᑕᐧᒃ ᑕᓐ ᒋᐸ ᐃᓯ ᒋᔅᒐᔨᑎᒻ᙮ 3ᐊᓐ ᐊᐛᓐ ᑲ ᓴᒋᐊᑦ ᒋᓴᒪᓂᑐᐛ ᐊᐅᒄ ᐅ ᒐᔅᒐᔨᒥᑯᑦ ᒋᓴᒪᓂᑐᐛ᙮
4ᐊᑯ ᒪᒃ ᐛ ᐊᔨᒧᑎᒪᓐ ᐊ ᒥᒋᓇᓄᐅᒡ ᒥᒋᒻ ᒥᓂᑐᐧᑲᓐᒡ ᐊᒋ ᐱᔅᑎᓂᒧᐛᑭᓄᐎᒡ᙮ ᒋᐛᐱᒪᓄᐅᒡ ᒥᓂᑐᐧᑲᓐᒡ ᒥᒄ ᒪᒃ ᒋ ᒋᔅᒐᔨᑕᓇᓄᐤ ᐊᑲ ᓇᔅᒡ ᒐᒂᓂᒡ ᐃᑕᔨᑕᑯᓯᒡ᙮ ᑭᔭ ᒋ ᒋᔅᒐᔨᑕᓇᓄᐤ ᐊᑲ ᑕᑦ ᑯᑎᒃ ᐊᐛᓐ ᐊ ᒋᓴᒪᓂᑐᐅᑦ, ᒥᒄ ᒋᓴᒪᓂᑐᐤ᙮ 5ᐊᑎ ᐊ ᐃᑕᔨᑕᒡ ᐊᐛᓐᒋ ᐊ ᒥᒐᑎᔨᒋ ᒋᓴᒪᓂᑐᐛ ᐅᑕ ᐊᔅᒋᒡ ᑭᔭ ᒪᒃ ᒋᒋᒋᓯᑯᒡ ᑭᔭ ᒥᓯᐛ ᐊ ᐱᒪᑎᓯᔨᒋ, 6ᒋ ᒋᔅᒐᔨᑕᓇᓄᐤ ᐎ ᒋᔭᓄᐤ ᒥᒄ ᐊ ᐸᐃᑯᓯᑦ ᒋᓴᒪᓂᑐᐤ ᐊᓐ ᐛᑕᐎᒪᐅᑦ, ᐊᓐ ᒥᓯᐛ ᒐᒂᔪᐤ ᑲ ᐅᓯᑕᑦ᙮ ᒥᓯᐛ ᒐᒂᓐ ᒋᓴᒪᓂᑐᐤ ᐊ ᑕᑦ ᐅᒋᐱᔪᐤ, ᑭᔭ ᐊᐅᒄ ᐸᒪᑎᓯᔅᑐᐛᐧᒄ᙮ ᑭᔭ ᒥᒄ ᐸᐃᑯᓱᐤ ᐅᑎᐸᔨᒋᒐᐤ, ᐊᐅᒄ ᒋᓴᔅ ᙭᙮ ᐎᔾ ᐅᒋ ᐛᒋ ᑎᒂᒡ ᒥᓯᐛ ᒐᒂᓐ ᑲ ᐅᓯᑕᑭᓄᐅᒡ, ᑭᔭ ᐎᔾ ᐅᒋ ᐛᒋ ᐊᔭᔭᐧᒄ ᐱᒪᑎᓯᐅᓐ᙮
7ᒥᒄ ᒪᒃ ᓇᒪ ᒥᓯᐛ ᐊᐛᓐ ᒋᔅᒐᔨᑎᒻ ᐊ ᑕᑈᒥᑭᓂᔨᒡ ᐅᔭ᙮ ᐱᔅᒐ ᐊᐛᓐᒋ ᐃᑕᔨᑎᒧᒡ ᒧᔭᒻ ᒥᓂᑐᐧᑲᓇ ᐊ ᐊᔭᒥᐊᔅᑐᐛᒡ ᐊ ᐃᓯᓇᑯᓯᒡ ᐊ ᒥᒋᒡ ᒥᑐᔅᑕᐊᒪᒐᐅᓂᔪᐤ ᒥᓂᑐᐧᑲᓇ ᐊᒋ ᐱᔅᑎᓂᒧᐛᑭᓄᔨᒋ᙮ ᐛᒋᐱᔪᐤ ᒐᒋ ᐃᑕᔨᑕᒡ ᐅᔭ ᐛᔅ ᓇᒪ ᐊᔨᒋᑲᐳᐅᒡ ᑕᑈᑎᒧᐅᓂᒡ᙮ 8ᓇᒪ ᒥᒋᒻ ᒋᑭ ᐅᒋ ᐃᑐᑕᑯᓇᓄᐤ ᐃᐛᒃ ᒐᒋ ᐃᑕᔨᑕᑯᓯᔭᐧᒄ ᒋᓴᒪᓂᑐᐤ ᐃᔅ ᐊ ᑕᑦ᙮ ᓇᒪ ᐃᐛᒃ ᒋᑭ ᐅᒋ ᐃᑕᔨᑕᑯᓯᓇᓄᐤ ᐊᑎ ᒥᒋᔭᒂ ᑭᔭ ᓇᒪ ᐃᐛᒃ ᒋᑭ ᐅᒋ ᐃᑕᔨᑕᑯᓯᓇᓄᐤ ᐊᑎ ᐊᑲ ᒥᒋᔭᒂ᙮
9ᐃᔭᒂᒥ ᒪᒃ᙮ ᐊᓐ ᐊ ᐃᓯᓇᒂᒡ ᒐᒋ ᐎᔭᔨᑎᒪᓱᔨᓐ ᒋᔾ ᑕᓐ ᒐ ᐃᑎᔨᓐ ᐊᑲᐎᔾ ᒋᑭ ᐅᒋ ᐃᑐᑕᑯᐤ ᑯᑎᒃ ᐊᐛᓐ ᐊᔅᒄ ᐊᑲ ᐊᔨᒋᑲᐳᐅᑦ ᑕᑈᑎᒧᐅᓂᒡ ᒐᒋ ᒥᒋᑐᑕᐧᒃ᙮ 10ᑕᓐ ᒪᒃ ᒐ ᐃᑎᑦ ᐊᐛᓐ ᐊᑲ ᐊᔨᒋᑲᐳᐅᑦ ᑕᑈᑎᒧᐅᓂᒡ ᐛᐱᒥᔅᒐ ᐊ ᒥᒋᓱᐅᑦ ᐊᓐᑕ ᒥᓂᑐᐧᑲᓐ ᐊᔭᒥᐊᐅᒋᐛᐱᒡ, ᐊ ᐃᑕᔨᒥᔅᒃ ᒪᒃ ᐊ ᐊᔭᐅᑦ ᒋᔅᒐᔨᑎᒧᐅᓂᔪᐤ᙮ ᓇᒪᐎᔾ ᐊ ᒋᔾ ᒋᑭ ᐅᒋ ᐃᑐᑐᐛᐤ ᒥᒋᒐ ᐊᓂᔭ ᒥᒋᒥᔪᐤ ᒥᓂᑐᐧᑲᓇ ᑲ ᐱᔅᑎᓂᒧᐛᑭᓄᔨᒋ᙮ 11ᐛᔅ ᒥᒄ ᐃᓯ ᐃᑐᑎᒥᓇ ᒋᔾ ᑕᓐ ᐊ ᐃᓯ ᒋᔅᒐᔨᑎᒥᓐ ᒐᒂᓐ ᐊᑲ ᒪᒃ ᒪᒥᑐᓇᔨᒥᑕ ᐊᓐ ᒋᐧᑲᓂᔅ ᐊᑲ ᐊᔨᒋᑲᐳᐅᑦ, ᒋᑭ ᒋ ᐃᓯᓇᑯᓐ ᒐᒋ ᓂᓱᐅᓇᒋᑕᐅᑦ ᐅᑕᑈᑎᒧᐅᓐ᙮ ᒋᔅᒋᓯ ᒪ ᑭᔭ ᐎᔾ ᐊᒋ ᓂᐱᔅᑎᒪᑯᑦ ᙭ᑕ᙮ 12ᐅᓂᑐᑐᐅᑕ ᒪᒃ ᒋᐧᑲᓂᔅ ᑭᔭ ᓂᓱᐅᓇᒋᑕᐅᑕ ᐅᑕᑈᑎᒧᐅᓐ ᙭ ᒋᐎᓂᑐᑐᐛᐤ᙮ 13ᐊᑯ ᒪᒃ, ᒥᒋᔭᓇ ᒥᒋᒻ ᒥᓂᑐᐧᑲᓐ ᐊᒋ ᐱᔅᑎᓂᒧᐛᑭᓄᐅᑦ ᐃᑐᑕᑯᒐ ᒪᒃ ᓂᐧᑲᓂᔅ ᒐᒋ ᐅᓂᑐᑕᐧᒃ ᐊᓂᔭ ᐊ ᐃᑐᐅᒡ, ᓇᒪ ᒥᓐ ᓂᑕ ᓂᑭ ᐅᒋ ᒥᒋᓐ ᐊᓐ ᒥᒋᒻ ᒐ ᐃᑐᑕᑯᒂ ᓂᐧᑲᓂᔅ ᒐᒋ ᐸᒋᓯᐧᒃ᙮
Currently Selected:
1 ᑯᕆᓐᑎᔭᓇ 8: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
