१ थेसलोनिकी 4
4
परमेस्वरए उयुँलाव य़ेनर
1गेनैं गेमेंर, जेलाई गेप्रभु येसुए उमिननी बिन्ती दाद गेअर्थैचिज़्या, परमेस्वरए ओयेमल बाद उयुँलाव मिताव य़ेनर दान्या गेल्योनी किताव जेथैव हिताव ज़ झन ज़ दोनाच्यो। आःपै ते नो पाँर दाहुव ज़ जेनैज़्या दी। 2प्रभु येसुनिकाव गेदैव दान्या मादान्या य़ेनर जेलाई गेयाचिउ जे ज़ जेसैंज़्या। 3जे परमेस्वरए उयुँलाव मिताव य़ेन दान्या आव ब लिज़्या, छैंवस लिद पातर्या पातर्नी जैसिन्यानी अछतङ ल्यो ताके। 4बुरू सु सु क्याँलाई सतस चोखोस नैव ताके।#4:4 छुत बुझिन्या — बुरू चोखोस लिद ज्यास थान मानस ल्यो ताके। 5है जैद जे परमेस्वरलाई मासरेस्ज़्यावराए यादोज़्याव मिताव क्याँए ओपैंज़्याव माचावदा युँ खोतोरो जैन्या माःक। 6निताव पातर्या य़ेन दाज़्यावर ख्वा ख्वाराए अर्काए ओज्यालाई रैद यानैं मेंरालाई ब याराबले·ज़्यार। ‘नितावरालाई खिस फेरैद्यान्या ते प्रभु ज़ लिज़्या’ लिद ङ़ादाकिन है दाव ज़ गेनैचिज़्याव। 7परमेस्वरए गेलाई युँ माजामो य़ेन दान्याए जूँनी उखुल्सिउ माःक, छैंव य़ेन दान्याए जूँनी उखुल्सिउ ची। 8है जैद इताव गेपाँर जोए माभैंःए, होए गेलाई माःक, झन छैंव पुरूस याज़्याव परमेस्वरलाई भैंःद मायो।
9जेलाई ‘परमेस्वरए ओपाँत बाज़्यावराए ल्योदा जेयुँ थू जैद खैच्यो’ है दान्या ओमेला ते माले। जे जेल ते तयुँ जैद खैन्या परमेस्वरए ल्योनी ज़ जेपैसिके। 10जे माकेदोनियालाव दाज्यु भाइरास खैद समारिसिउ ज़ जेलिज़्या। हितावत ब नो य़ेन माऱास्द झन ज़ दोनाच्यो है गेलिज़्या। 11स़ोनो गे ङ़ादाकिनकाव है गेदाचिज़्याव मिताव, जे सु सु जेय़ेन जेकुइए ज़ सुरू सुरू दाद थान मानस लिन्यादा कलँ लिच्यो। 12हो ताकिन ची सुलाई ज़ माप़ेरैद परमेस्वरए ओपाँत माहुवराए याङ़ाक जे महिमानोर जेरैंःरिज़्या।
प्रभु उहुन्या छ्याम
13अ गेनैं गेमेंर, सिउराए जूँनी ब तोबो पाँ है गेदाचिज़्या। नो पाँ जेसैंकिन अजम्बरी जुनीए आस मादोज़्यावराए माँःती सिउराए सोगो दाव मापरिए। 14गे ते येसु सिद ओसैंसिउ गेपतिज़्या। हिताव ज़ येसुए उमिनताव सिउरालाई परमेस्वरए ओलस ज़ यालाँरिज़्याव लिद गेयुँ हुबो ज़ लिज़्या। 15आव पाँ गेप्रभुए ओपाँनी ज़ है गेदाचिज़्या, गेप्रभु फरी ओमाहुवा पै गे मासिद जींदो ज़ लिज़्याव भरी सिउराकिन ङ़ात तान्या गेमाले। 16हो छ्याम परमेस्वरए प़ाइँरानी घेप्पा ओचाकर्याए बनै चोइस ओर्गा सघ्योःद ओभोंकर ओतबोत गेप्रभु येसु स्वर्गतिन झरिहुरिज़्या। उझरिउ प़ाइँना ज़ उमिनताव सिउ भरिरालाई ङ़ात यासोचोइरिज़्याव। 17नकिन गे मासिद रहिद लिज़्यावरालाई मनी गेप्रभुए नो ओरासोचोइवरास बादल जींल स्वर्गत ओल्योक लाँसिरिज़्याव। हाःकिन गेप्रभुस एकतार सिप ज़ लिन्या गेले। 18है जैद जे जेल आव पाँरानी जेयुँ होलाँ जैसिचिके।
Currently Selected:
१ थेसलोनिकी 4: NKham
Highlight
Copy
Compare
Share
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.
