MIPUM SIALNAK 33
33
Izipt Pen Moab Tian
1Moses le Aaron tei makaihnak tuah Israel mite Izipt ngam pen tulin, a ngiahnak mun haw cu a nuailamte hi. 2Topa i thupiaknak bangin Moses in, a ngiahnak mun haw cu a min haw a sang, a sangin ngan hi.
3Israel mite Izipt ngam pen a tul haw hun cu ha masabel ni sawm le ni nga ni, a masabel Kaltan Puai i a zingten tul haw hi. Topa i cinkhawinak nuai ah Rameses khuapi pen Izipt mitei muhin, ngualzawhnak tuah tul haw hi. 4Topa i thahmi a capa upabel vui in, a buai litu Izipt mipi tei mitmuh cilcelin Israel mite cu tul haw hi. Topa cu Izipt tei pathian sangin ngil saw hi tih cu Topa Amah in ciangno in langtik hi.
5Israel mite cu Ramases pen tul haw in, Sukkoth ah ngiahbuk bawl haw hi. 6Sukkoth pen tulleh haw in, phillawn el a, um Etham ah ngiahbuk bawlleh haw hi. 7Etham pen tulleh haw in, Baal Zefon pen nisuahnak lam a, um Pi Hahiroth lamah kik haw a, Migdol elah ngiahbuk bawl haw hi. 8Pi Hahiroth pen tullehin, Tuipi san a tan nung haw ten Shur phillawn heng haw hi. Shur phillawnah ni thum sung hawh haw a, Marah ah ngiahbuk bawl haw hi. 9Marah pen tullehin, Elim ah ngiahbuk bawl haw hi. Elim ah ciktui mun sawm le mun nih umin, suhsau kung vang sawm sa lih um hi.
10Elim pen tullehin, Tuipi San tui elah ngiahbuk bawl haw hi. 11Mah laih pen tullehin Sin phillawnah ngiahbuk bawl haw hi. 12Sin phillawn pen tullehin Dofkah ah ngiahbuk bawl haw hi. 13Dofkah pen tullehin Alush ah ngiahbuk bawl haw hi. 14Alush pen tullehin Refidim ah ngiahbuk bawl haw hi. Refidim ah mipi tei intuk tui umma hi.
15Refidim pen tullehin Sinai phillawnah ngiahbuk bawl haw hi. 16Sinai phillawn pen tullehin Kibroth Hattaavah ah ngiahbuk bawl haw hi. 17Kibroth Hatavah pen tullehin Hazeroth ah ngiahbuk bawl haw hi. 18Hazeroth pen tullehin Rithmah ah ngiahbuk bawl haw hi.
19Rithmah pen tullehin Rimmon Perez ah ngiahbuk bawl haw hi. 20Rimmon Perez pen tullehin libnah ah ngiahbuk bawl haw hi. 21Libnah pen tullehin Rissah ah ngiahbuk bawl haw hi. 22Rissah pen tulin Kehela thah ah ngiahbuk bawl haw hi. 23Kehela thah pen tullehin Shefer Mualah ngiahbuk bawl haw hi. 24Shafer Mual pen tullehin Haradah ah ngiahbuk bawl haw hi. 25Haradah pen tullehin Makheloth ah ngiahbuk bawl haw hi. 26Makheloth pen tullehin Tahath ah ngiahbuk bawl haw hi. 27Tahath pen tullehin Terah ah ngiahbuk bawl haw hi. 28Terah pen tullehin Mithkah ah ngiahbuk bawl haw hi. 29Mithkah pen tullehin Hashmonah ah ngiahbuk bawl haw hi. 30Hashmonah pen tullehin Moseroth ah ngiahbuk bawl haw hi. 31Moseroth pen tullehin Bene Jaakan ah ngiahbuk bawl haw hi. 32Bene Jaakan pen tullehin Hor Haggidgad ah ngiahbuk bawl haw hi. 33Hor Haggidgad pen tullehin Jotbathah ah ngiahbuk bawl haw hi. 34Jotbathah pen tulin Abronah ah ngiahbuk bawl haw hi. 35Abronah pen tullehin Ezin Geber ah ngiahbuk bawl haw hi. 36Ezion Geber pen tullehin Zin ngamkhingah ngiahbuk bawl haw hi. 37Zin ngamkhing pen tul lehin, Edom ngam el Hor Mualah ngiahbuk bawl haw hi.
38 Topa i thupiakmi bangin thiampi Aaron cu Hor Mualah kai in Izipt pen Israel mi Izipt ngam pen a tul haw kum sawm li kum, ha nganak, ni masabel ni-in thi hi.#Mipum 20:22-28; Daan 10:6; 32:50; 39Aaron cu a kum za le kum sawm nih le kum thum a kim ten Hor mualah thi hi.
40Kanaan ngam a kumpi Arad in Israel mite hung haw tih cu za hi.#Mipum 21:1; 41Hor Mual pen tullehin Zalmonah ah ngiahbuk bawl haw hi. 42Zalmonah pen tullehin Punon ah ngiahbuk bawl haw hi. 43Punon pen tullehin Obath ah ngiahbuk bawl haw hi. 44Obath pen tullehin Moab ngam Abarim ah ngiahbuk bawl haw hi. 45Abarim pen tullehin Dibon Gad ah ngiahbuk bawl haw hi. 46Dibon Gad pen tullehin Almon Diblathaim ah ngiahbuk bawl haw hi. 47Almon Diblathaim pen tullehin Nebo Mual el Abarim Mualah ngiahbuk bawl haw hi. 48Abarim Mual pen tullehin Beth Jeshimoth le Akasia Munlawn, 49Jerikho el Jordan Ngun ngal Moab munlawnah ngiahbuk bawl haw hi.
Jordan Ngun Tan Laih Ngawlin Thuhilhnak
50Jerikho el Jordan Ngun ngalkhat lam a, Moab munlawnah Topa in Moses lakah, 51“Israel tei zui tukin daan pia hi. Jordan ngun kaltanin, Kanaan ngam na tum uhten, 52ngamsung a, ummi cu hawlvawk khawng un hi. Suang tuah hihen, thik tuah hei in hihen, milim a bawlmi hempoh le a milim biaknak hempoh siatsuah khawng un hi. 53A ngam haw cu luah unna, um un. Itahim titale na umnak tukin pia zo ing. 54Kanaan ngam cu na hinnam uh sung pen aisannak bawlin sem unna, hinnam tam deuhte cu ngam zal deuh, hinnam demdeuhte cu ngam neu deuh tin sem un hi. Aisannak pen a ngahmi ngam cu a cotu in nei nom tuk hi.#Mipum 26:54-56; 55Mahnaven ngamsung a ummite na hawlvawk uh ma tale na lak uhah a tangmite cu nangmu ca in mit sung a, buak bangin le na nakdo zetin, mi suntu ling bangin a noksak hahtiktu le haksatnak a piatu hi haw tuk a, nangmuh langpang leleng haw tuk hi. 56Na hawlvawk uh ma tale amuhte siatsuah tukin ka tuptah bangin, nangmuh vang siatsuah khawng tung,” ti hi.
Currently Selected:
MIPUM SIALNAK 33: NBF1
Highlight
Copy
Compare
Share
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.
