MIPUM SIALNAK 31
31
Midian Ngaldo Haw
1 Topa in Moses lakah, 2“Israel tei hum a, thil a bawl haw mi hangin Midian mitei humah phu la in hi. Mah na bawl ceng ten leihum a, na nunnak cu bo tuk,” ti hi.
3Mah hangin Moses in Israel tei lakah, “Topa i humah thil a bawl haw mi hangin Midian do tuk le bawlsia tukin na tuangtim un. 4Israel hinnam khat pen ngalkap thawng khat ten suah un hi,” ti hi.
5Mah hangin Israel hinnam khat pen mihing thawng khat ten tul haw in, ngaldo tukin ngalkap thawng sawm le thawng nih mansa in um haw hi. 6Moses in thiampi Eleazar i capa, na thiangtho cingkhawi tu, Finehas cu a hotu haw tukin le ngaldo thupiaknak pengkul cawitu tukin bawlin, ngalkap thawng sawm le thawng nih cu hawhtik hi. 7Topa in Moses lakah thu a piak bangin Midian mite do haw a, pano hempoh that khang haw hi. 8Midian kumpi pa nga Evi, Rekem, Zur, Hur le Reba thi haw hi. Beor i capa Balaam vang nam tuah that haw hi.
9Mah hum pen Israel miten Midian numei le naupangte cu manin, a khui le a tuu, a ngan dang hempoh le a sum le pai vang sut khawng haw hi. 10A khuapi haw le a ngiahbuk vang haal khawng haw hi. 11A lon haw mi na hempoh, ngante le ngalmatte cu, 12Jerikho khua pen Jordan Ngun ngal, Moab munlawn a, um Moses, Eleazar le Israel mipi tei lakah hawhpih haw hi.
Ngalkap Kikleh Haw
13Moses, Eleazar le Israel hotu dangte hempoh cu ngalkap muak tukin hawh haw hi. 14Moses cu ngaldonak pen a kiklehtu ngalbawi thawng khat hotu le za khat hotu tei humah a thinukzet hi. 15Amu lakah, “Itakaw numei hempoh that ngawlin na um uh? 16Balaam thu ngai in, Peor ah Israel mipi Topa i mai ah lampialtiktu cu hi numeite hi, tih thei ma uh cim? Mah hangin si Topa in mihing tei humah natsia a henkik hi!#Mipum 25:1-9; 17Mah hangin Pano pawpoh naupang tiangin that unna, pano a phial awng sa mi numei hempoh vang that khawng un hi. 18Mahnaven khanglai le pano a phial awng ngawl numei hempoh cu nangmu ca in khawih un. 19Atu-in nangmu lakah mi a thattu le mi luang a zentu hempoh cu ni salih sung ngiahnak pua leu ah um tuk uh ci. Ni thumnak ni le ni salih ni ten nangmuh tek thianthohnak bawldun unna, na mat uhmi numei vang thiangthotik un hi. 20Puan hihen, savun tuah bawlmi na hihen, keel mul le thing tuah bawlmi na hei hihen, pa khat hei zam ngawlin thiangthotik khawng un,” ti hi.
21Thiampi Eleazar in ngaldonak pen a hungmi ngalkap tei lakah, “Topa in Moses lak a, thu a piakmi cu hite hi. 22-23Mei tuah haal tum theih ngawlmi sui, ngun, daal, thik, hak le suan hempoh cu mei ah haal unna, thiangthotik un hi. Adang hempoh cu tui tuah som ciang khawng un. 24Ni salih ni-in, na van uhte sawp khawng unna, mahten thiangtho tuk uh ci a, ngiahbuk sungah tumtik tuk uh ci,” ti hi.
Na Lonsakmi Semnak
25 Topa in Moses lakah, 26“Nangmah le Eleazar cu mipi hotu tuah a lonsak haw mi na, ngan le a mat haw mi mihingte cu sial khawng un hi. 27Bang tenno in khen nih khen un. Khenkhat cu ngal a dotu teita tuk hi, a dang ken khat cu Israel mipi teita tuk hi. 28Ngalkap tei co tukmi sung pen ngalmatmi za nga ah pa khat cu Topa i ca in siahin la un hi. Khui, laak, tuu le keel vang mah bang lengin la unna, 29Topa ca tukin Eleazar lakah pia un hi. 30Mipi tei co tukmi sung pen ngalmatmi sawm nga ah pa khat la in, khui, laak, tuu, le keel vang mah bang lengin la inna, Topa i Puanbuk cingkhawitu Levi mitei lakah pia in,” ti hi. 31Topa i tihnak bangin Moses le Eleazar in bawl khawng haw hi.
32-35A nuailam cu ngalkap ten amuta tukin a koih haw mi sial ngawl a lak haw mi le a mat haw mite hi: tuu thawng za luk, thawng sawm salih le thawng nga, khui thawng sawm salih le thawng nih. 36-40Hi sung pen ngalkap khenkhat tei co mi; tuu thawng za thum le thawng sawm thum le thawng salih le za nga hi, Topa i lakah siahpiakmi ah sawm salih le pa nih pia haw hi, laak thawng sawm thum le za nga hi, Topa i lakah siah piakmi ah sawm luk le pa khat pia haw hi, mahten khanglai him thawng sawm le thawng luk hi, Topa i lakah siah piakmi ah sawm thum le pa nih pia haw hi. 41Mah hangin Topa i thupiakmi bangin Topa i siah cu Moses in Eleazar lakah pia hi.
42-46Israel mipi tei covo cu: tuu thawng za thum le thawng sawm thum le thawng sa lih le za nga, khui thawng sawm thum le thawng luk, laak thawng sawm thum le za nga, khanglai him thawng sawm le thawng luk hi. 47Hi sung pen, Topa i thupiakmi bangin mihing hihen ngan hihen, sawm nga ah pa khat cu Moses in la in, Topa i Puanbuk cingtu Levi mitei lakah pia hi.
48Mahten ngalkap hotu ngalbawi cu Moses lakah hawh haw a, 49amuh ten, “Bawipa, ka uk uhmi ngalkap cu ka sial uhten kim khawng haw hi. 50Mah hangin ka lak ten uhmi sui na manpha, baan tuamte, caute, zungbutte, bengbette le khi nguite hunpih ung hi. Keimuh a hupnak tukin hi na manpha cu Topa i lakah ka nunnak uh ai-in pia ung hi,” ti haw hi. 51Moses le Eleazar in, a hunpih haw mi sui na manpha cu sang haw hi. 52Ngalbawi tei piakmi sui na manpha cu a venghawngin cuai za le sawm val ngit hi. 53Ngalbawi ahi ngawlte tei a laak haw mi na manpha cu a muta tukin koih tek haw hi. 54Moses le Eleazar ten Topa in Israel mite a hupnak tukin sui na manpha cu Puanbuk sungah koih hi.
Currently Selected:
MIPUM SIALNAK 31: NBF1
Highlight
Copy
Compare
Share
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.
MIPUM SIALNAK 31
31
Midian Ngaldo Haw
1 Topa in Moses lakah, 2“Israel tei hum a, thil a bawl haw mi hangin Midian mitei humah phu la in hi. Mah na bawl ceng ten leihum a, na nunnak cu bo tuk,” ti hi.
3Mah hangin Moses in Israel tei lakah, “Topa i humah thil a bawl haw mi hangin Midian do tuk le bawlsia tukin na tuangtim un. 4Israel hinnam khat pen ngalkap thawng khat ten suah un hi,” ti hi.
5Mah hangin Israel hinnam khat pen mihing thawng khat ten tul haw in, ngaldo tukin ngalkap thawng sawm le thawng nih mansa in um haw hi. 6Moses in thiampi Eleazar i capa, na thiangtho cingkhawi tu, Finehas cu a hotu haw tukin le ngaldo thupiaknak pengkul cawitu tukin bawlin, ngalkap thawng sawm le thawng nih cu hawhtik hi. 7Topa in Moses lakah thu a piak bangin Midian mite do haw a, pano hempoh that khang haw hi. 8Midian kumpi pa nga Evi, Rekem, Zur, Hur le Reba thi haw hi. Beor i capa Balaam vang nam tuah that haw hi.
9Mah hum pen Israel miten Midian numei le naupangte cu manin, a khui le a tuu, a ngan dang hempoh le a sum le pai vang sut khawng haw hi. 10A khuapi haw le a ngiahbuk vang haal khawng haw hi. 11A lon haw mi na hempoh, ngante le ngalmatte cu, 12Jerikho khua pen Jordan Ngun ngal, Moab munlawn a, um Moses, Eleazar le Israel mipi tei lakah hawhpih haw hi.
Ngalkap Kikleh Haw
13Moses, Eleazar le Israel hotu dangte hempoh cu ngalkap muak tukin hawh haw hi. 14Moses cu ngaldonak pen a kiklehtu ngalbawi thawng khat hotu le za khat hotu tei humah a thinukzet hi. 15Amu lakah, “Itakaw numei hempoh that ngawlin na um uh? 16Balaam thu ngai in, Peor ah Israel mipi Topa i mai ah lampialtiktu cu hi numeite hi, tih thei ma uh cim? Mah hangin si Topa in mihing tei humah natsia a henkik hi!#Mipum 25:1-9; 17Mah hangin Pano pawpoh naupang tiangin that unna, pano a phial awng sa mi numei hempoh vang that khawng un hi. 18Mahnaven khanglai le pano a phial awng ngawl numei hempoh cu nangmu ca in khawih un. 19Atu-in nangmu lakah mi a thattu le mi luang a zentu hempoh cu ni salih sung ngiahnak pua leu ah um tuk uh ci. Ni thumnak ni le ni salih ni ten nangmuh tek thianthohnak bawldun unna, na mat uhmi numei vang thiangthotik un hi. 20Puan hihen, savun tuah bawlmi na hihen, keel mul le thing tuah bawlmi na hei hihen, pa khat hei zam ngawlin thiangthotik khawng un,” ti hi.
21Thiampi Eleazar in ngaldonak pen a hungmi ngalkap tei lakah, “Topa in Moses lak a, thu a piakmi cu hite hi. 22-23Mei tuah haal tum theih ngawlmi sui, ngun, daal, thik, hak le suan hempoh cu mei ah haal unna, thiangthotik un hi. Adang hempoh cu tui tuah som ciang khawng un. 24Ni salih ni-in, na van uhte sawp khawng unna, mahten thiangtho tuk uh ci a, ngiahbuk sungah tumtik tuk uh ci,” ti hi.
Na Lonsakmi Semnak
25 Topa in Moses lakah, 26“Nangmah le Eleazar cu mipi hotu tuah a lonsak haw mi na, ngan le a mat haw mi mihingte cu sial khawng un hi. 27Bang tenno in khen nih khen un. Khenkhat cu ngal a dotu teita tuk hi, a dang ken khat cu Israel mipi teita tuk hi. 28Ngalkap tei co tukmi sung pen ngalmatmi za nga ah pa khat cu Topa i ca in siahin la un hi. Khui, laak, tuu le keel vang mah bang lengin la unna, 29Topa ca tukin Eleazar lakah pia un hi. 30Mipi tei co tukmi sung pen ngalmatmi sawm nga ah pa khat la in, khui, laak, tuu, le keel vang mah bang lengin la inna, Topa i Puanbuk cingkhawitu Levi mitei lakah pia in,” ti hi. 31Topa i tihnak bangin Moses le Eleazar in bawl khawng haw hi.
32-35A nuailam cu ngalkap ten amuta tukin a koih haw mi sial ngawl a lak haw mi le a mat haw mite hi: tuu thawng za luk, thawng sawm salih le thawng nga, khui thawng sawm salih le thawng nih. 36-40Hi sung pen ngalkap khenkhat tei co mi; tuu thawng za thum le thawng sawm thum le thawng salih le za nga hi, Topa i lakah siahpiakmi ah sawm salih le pa nih pia haw hi, laak thawng sawm thum le za nga hi, Topa i lakah siah piakmi ah sawm luk le pa khat pia haw hi, mahten khanglai him thawng sawm le thawng luk hi, Topa i lakah siah piakmi ah sawm thum le pa nih pia haw hi. 41Mah hangin Topa i thupiakmi bangin Topa i siah cu Moses in Eleazar lakah pia hi.
42-46Israel mipi tei covo cu: tuu thawng za thum le thawng sawm thum le thawng sa lih le za nga, khui thawng sawm thum le thawng luk, laak thawng sawm thum le za nga, khanglai him thawng sawm le thawng luk hi. 47Hi sung pen, Topa i thupiakmi bangin mihing hihen ngan hihen, sawm nga ah pa khat cu Moses in la in, Topa i Puanbuk cingtu Levi mitei lakah pia hi.
48Mahten ngalkap hotu ngalbawi cu Moses lakah hawh haw a, 49amuh ten, “Bawipa, ka uk uhmi ngalkap cu ka sial uhten kim khawng haw hi. 50Mah hangin ka lak ten uhmi sui na manpha, baan tuamte, caute, zungbutte, bengbette le khi nguite hunpih ung hi. Keimuh a hupnak tukin hi na manpha cu Topa i lakah ka nunnak uh ai-in pia ung hi,” ti haw hi. 51Moses le Eleazar in, a hunpih haw mi sui na manpha cu sang haw hi. 52Ngalbawi tei piakmi sui na manpha cu a venghawngin cuai za le sawm val ngit hi. 53Ngalbawi ahi ngawlte tei a laak haw mi na manpha cu a muta tukin koih tek haw hi. 54Moses le Eleazar ten Topa in Israel mite a hupnak tukin sui na manpha cu Puanbuk sungah koih hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.