MIPUM SIALNAK 21
21
Kanaan Mite Neh Haw
1Kanaan mi Negeb ngam a, ummi Kanaan kumpi Arad in, Israel mite Atharim lam pen hung haw tih a zak ten do in, a khenkhat cu salin man hi.#Mipum 33:40; 2Israel miten, Topa i lakah, “Hi hinnamte hi na nehtik ahi tale amuh hihen, a khua hei hihen, nangma lakah ap khawng tuk ung a, siatsuah khawng tuk ung,” tin thutiam haw hi. 3Topa in, mah thu a zak ten Kanaan mite cu nehtik hi. Mah hangin Israel miten Kanaan mite cu that khawng haw in, a khua siatsuah khawng haw hi. Mah mun cu Hormah#21:3 Hormah tih cu Hebru awn hi a, “Siatsuahnak” tihnak hi. tin sam hawta hi.
Daal Tuah Bawlmi Ngul
4Israel mite cu Hor mual lam pen Edom ngam kimin, Aqaba Tuipi lam pen hawh haw hi. Mahnaven lampi lakah a lung haw bingin,#Daan 2:1; 5Pathian le Moses humah sual zei haw hi, “Itakaw tui le an um ngawlnak, hilai munah thi tukin Izipt ngam pen kohte na tulpih? Hi an sesuak hi ciatzet zo ung!” ti haw hi.#1Kor 10:9; 6Topa in ngu nei ngulte a lak hawah, hengtikin, Israel mi tampi cik hum hi. 7Mipi cu Moses lakah hung haw in, “Topa le nang ka langpan uh cu sual ung hi. Hi ngul hi bo tukin Topa i lakah ngetsak zalin ti haw hi.” Mah hangin Moses in mipi tei ca tukin thungen hi. 8Topa in Moses lakah, “Daal ngul bawl inna, khuam humah takin hi. Ngul i cihmi hempoh ten, mahmi cu a zo haw tale dam haw tuk,” ti hi. 9Moses in a hilhnak bangin daal ngul cu bawlin, khuam humah tak hi. Ngul i cih mite mah daal ngul zotu hempoh cu dam haw hi.#2Kum 18:4; Jn 3:14;
Moab Munlawn Heng Haw
10Israel mite cu thawnleh haw in, Oboth ah ngiahbuk sam haw hi. 11A thawn ceng haw ten Oboth pen hawh leleu in, Moab ngam pen nisuahnak lam ngamkhing a, ummi Abarim ah ngiahbuk sam lehleu haw hi. 12Mahlai mun pen tulleh haw a, Zered Munlawnah ngiahbuk sam haw hi. 13Zered Munlawn pen thawn leleu haw a, Amor ngam ngi tian a zalmi ngamkhing a, um Arnon ngunpi i saklamah ngiahbuk sam haw hi. Arnon cu Moab mi le Amor mitei ngam ngi hi. 14Mah hangin Topa i ngaldonak Laibu sungah,
“Sufah peng Waheb khua
le a munlawn,
Arnon Ngunpi le munlawn;
15A muallawn pen Ar khua tian,
Moab ngam ngi tianin,”
tin a umnak hi.
16Mahlai pen hawh haw a, Topa in Moses lakah, “Mipi cu sam khawm inna, tui pia tung hi,” a tihnak Tuikhuk tihmi munah ngiak haw hi. 17Mah hun laihtakin Israel miten a nuailam a, la hi sa haw:
“Tuikhuk aw, tui suakto in!
La in pahcawi tuk ung.
18Hi tuikhuk cu kumpi capate,
hotu ten
a thiangkhut tuah kuatmi,
Mipi hotu tei kuatmi,
tuikhuk aw,” ti haw tuk hi.
Mah ngamkhing pen Mattanah ah thawn haw in, 19mah laih pen Nahaliel ah, Nahaliel pen Bamoth ah, 20Bamoth pen Moab ngam munlawn Pisgah Mual nuai a, phillawn vun muh theihnakah thawn haw hi.
Kumpi Sihon le Og Neh Haw
(Daan 2:26-3:11)
21Israel miten Amor kumpi Sihon lakah palai hah haw in, 22“Na ngamsung pen hawhtik zalin, Keimah hihen, a ngan uhte hihen, zinpi pen pial tukma ung. Na lo le, na sabit huanah hihen, tum tukma ung. Na tuikhuk a, tui vangin tukma ung. Na ngam ka hawh vawk uh laklawh zinpi bebekah zui tuk ung,” tin hilh haw hi. 23Mahnaven Sihon in Israel miten a ngam a pal haw tuk phal ma hi. A ngalkap samkhawmin, Jahaz ngamkhingah hawh haw a, Israel mite cu do haw hi. 24Mahnaven a dodunnak pen Israel miten mi tampi that haw in, a ngam haw cu Arnon Ngunpi pen saklam a, um Jabbok lui tian le Ammon ngam ngi tian la khawng haw hi. 25Mah hangin Israel ten Amor mitei khuapi, Heshbon le a elkim a, um khawla in, luah tum khawng haw hi. 26Heshbon cu Amor kumpi Sihon i umnak khuapi hi. Sihon cu masa laihin Moab kumpi a nehtu le a ngam hempoh Arnon Ngunpi tian a tinbaw khawngtu hi. 27Mah hangin la phuahtu ten:
“Heshbon ah hung un,
Sihon khuapi ah,
tundin lehmi khuapi in
suak hen.
28Heshbon khuapi pen
tul haw a, mei bangin
Sihon ngalkap ten,
Moab tei khuapi Ar cu
siatsuah haw hi.
haal khawng haw a,
Arnon mualsang tianin hi.#Jer 48:45-46;
29Moab mite khawngaihhuai uh cei,
na pathian uhin a cate cu
ngaltai in cangtik a,
numei cu Amor kumpi salin
cangtikta hi.
30Mahnaven atu-in, a cano cu
siatsuah khawng hi haw hi.
Heshbon pen Debon hen tian,
Nashim pen Medeba el
Nofah khua tian,” ti haw hi.
31Mah hangin Israel miten Amor mitei ngam cu luah haw hi. 32Moses in Jazer khuapi donak lampi zotu tukin mi hah hi. Israel ten Jazer khuapi le a elkim a khua cu nehin, mahlai a, um Amor mite cu hawlvawk khawng haw hi.
33Israel mite cu kikin, Bashan lamah hawh haw hi. Bashan kumpi Og cu Israel do tukin a ngalkapte tuah Edrei ah sihsan khualin um haw hi. 34Topa in Moses lakah, “Hi kumpi cu lau pahsun hi. Amah le a mihingte le a ngam humah nehnak pia tung hi. Heshbon a um, Amor hinnam tei kumpi Sihon humah na bawl bangin hi Bashan kumpi Og humah vang bawl tuk ci,” ti hi. 35Mah hangin Israel miten Og le a capate le a ngamsung mihing, pa khat hei tang ngawlin that khawngin, a ngam haw cu luah khawng haw hi.
Currently Selected:
MIPUM SIALNAK 21: NBF1
Highlight
Copy
Compare
Share
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.
