MIPUM SIALNAK 13
13
Zawldawttu Sawm le Pa Nihte
(Daan 1:19-33)
1 Topa in Moses lakah, 2“Israel hinnam sawm le pa nih sung pen nam khatah puitu pa khat ten teng inna, ka piak tukmi Kanaan ngam zo tukin le zawldawt tukin hahin hi,” ti hi. 3-15Topa i thupiakmi bangin Moses in bawlin, a nuailam a pui tute cu a ngiahnak mun haw Paran pen hah hi;
Reuben hinnam pen Zakkur capa Shammua.
Simeon hinnam pen Hori capa Shafat.
Judah hinnam pen Jefunneh capa Kaleb.
Issakhar hinnam pen Josef capa Igal.
Efraim hinnam pen Nun capa Hoshea.
Benjamin hinnam pen Rafu capa Palti.
Zebulun hinnam pen Sodi capa Gaddiel.
Manasseh hinnam pen Susi capa Gaddi.
Dan hinnam pen Gemalli capa Ammiel.
Asher hinnam pen Mikhael capa Sethur.
Naftali hinnam pen Vophsi capa Nahbi.
Gad hinnam pen Makhi capa Geuel haw hi.
16Hih hinnam hi Moses in Kanaan ngam zo tukin a hahmi haw hi. Nun capa i min Hoshea cu Joshua tin theksak hi.
17Mahti bangin Moses in, a hah ten amuh tei lakah, “Kanaan ngam hanglamah hawh unna, mah nungten a mualhum ngamah hawh un. 18A ngam haw cu iti bang ngam him, mihing i zong umin, a ummi cu mi ngil hi haw maw, hi haw ma him, tih phano in, na zawldawt un hi. 19A ngam haw cu ngam pha hi maw, hi ma him tih le mihingte cu khuano ah maw, kulhtian tuah upmi khuapi ah kaw a um haw, tihte; 20a ngam haw pha maw, tupite um maw, ahimata lenkolh tam kaw tihte phano in zo un hi. A ngam haw a ngahmi thing ngah khenkhat cu hunpih hi him un hi,” tin thu cah hi. Mah hun cu sabit ngah min hun hi. 21Israel puitute cu hawh haw in Kanaan ngam cu zo haw hi. A ngam haw i hang lam a um Zin tihmi phillawn pen saklam a Hamath Mual kawn el a Rehob tian hawh haw hi. 22Mahlai pen hawhleh leu haw in Anakim tihmi mi ngengzet tei cikhaih Ahiman, Sheshai le Talmai tei unaupih sang ngam tei umnak Hebron khua ah heng haw hi. Hebron cu Izipt ngam a Zoan khua a toh haw laih ngawl kum salih laihin tohmi khua hi. 23Eshkhol munlawn heng haw in mahlai munah bawk khat a ngahmi sabit cu a kak pen tan haw in, a ngitzet hangin mi pa nihin ngolh tuah zawng haw hi. Taleti le thei vang thawi in pua haw hi. 24Mah laih mun cu Israel puitu tei sabit bawk khat a sahnak haw a hih hangin Eshkhol#13:24 Eshkholtih cu Hebru awn hi a, “Sabit bawk” tihnak hi. munlawn tin minsa haw hi.
25Kanaan ngam cu sun sawm li sung a zoh nung haw ten, 26Moses, Aaron le Israel mipi tei umnak Paran phillawn a ngiahnak haw Kadesh ah heng haw hi. Amuh haw hempoh hilh haw in, a puak haw mi thingngah vang lak haw hi. 27Moses lakah, “Zo tukin na hahmi ngam cu zo ung a, ngamhau le ngam pha, khuinawi le khuaihum tuah a dim mi ngam hi. Thingngah vang hilai hah pua ung. 28Mahnaven mah laih mun a ummi cu mi tha ngilzet hi haw hi. A khuapi haw cu ngengzet ten haw in kulhtian tuah up mi ngeh hi. Mah i hum pen tawmi bang mi ngengpi pi vang mu ing. 29Amalek mite cu hanglam ngamah um haw hi. Hit mi, Jebus mi le Amor mite cu mualhum ngamah um haw in, Kanaan mite cu Mediterranean Tuipi elah le Jordan Ngun mawk tuanah um haw hi,” tin, ti haw hi.
30Kaleb in mipi a phu tawtok haw cu cawltik a, Moses in, “Mahmi cu tu loli in do tuk hung, a ngam haw cu la tuk hung. Amuh neh tukin ngilzet leng hung,” ti hi.
31Mahnaven Kaleb tuah a hawh bok Israel puitu ten, “Hi ma hi, amuh do tukin ngil viang ma hung hi; eimuh sangin ngil saw ngangai haw hi,” tin ti haw hi. 32Mah hangin amu sung pen a tam saw ten amuh le tawh haw mi thu cu Israel mipi lakah tha nau tukin a dik ngawl zawngin hilh haw hi. A muh ten, “Mahlai ngam a, ummi mihing tei kham tham tuk hei in, an suak zo ma hi. 33Ka muh uhmi hempoh cu mi ngeng le mi sangpi ten haw hi. Anak i casuante ngen cu ma, tawmi hi haw hi. Ohte cu amu lakah khaau bangfang hi ung a, amuh tei muhnakah mahti bang leleng hi tuk ung hi,” tin ti haw hi.#Pian 6:4;
Currently Selected:
MIPUM SIALNAK 13: NBF1
Highlight
Copy
Compare
Share
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.
