THIAMPI NADEHNAK 3
3
Lemnak Biakpiaknak
1Mi pa khatin lemnak biakpiaknak tukin a khui a pia, tale khuicang ahimata khuipi sonbang ngawlmi hi tuk hi. 2A khui lu humah a khutsuan tuk a, Topa i umnak Puanbuk kongka ah a khui cu ngo tuk hi. Aaron casuan thiampi ten biaklandawh ningli ah khui thisan cu theh haw tuk a, 3a nuailam a, cik cu Topa i nelah pia haw tuk hi; a sungngil hum a, kopmi a thau, 4a kal le a hum a, ummi a thau le a thinkak hum a, kopmi a thau hi tuk hi. 5Hi hempoh cu halkang biakpiaknak a, piakmi tuah thiampi ten biaklandawh humah haal haw tuk hi. Hi halkang biakpiaknak ngim cu Topa i ca in, a namtui mi hi.
6Lemnak biakpiaknak tukin tuu ahimata keel hihen a piak haw ten a nu ahimata, a cang hei hi thei; mahnaven sonbang ngawlmi hi loli tuk hi. 7Mi pa khatin tuu a pia tale, 8Mah a tuu i lu humah a khutsuan tuk a, Puanbuk kongka pen ngo tuk hi. A tuu thi cu Aaron hin thiampi ten biaklandawh ningli ah theh haw tuk hi. 9a nuailam a cik cu Topa i nelah pia tuk hi; a sunglam a, ummi a lap hempoh, 10a kal le a hum a, um a thau le a thinkak hum a, um a thau hempoh hi tuk hi. 11Topa i lak piak mite cu thiampi in biaklandawh humah haal khawng tuk hi. Hi cu Topa i nelah halkang biakpiaknak a, piakmi an hi. 12Mi pa khatin keel a pia tale, 13a keel lu humah a khutsuan tuk a, Puanbuk maiah ngo tuk hi. Thiampi ten a thi cu biaklandawh ningli ah theh haw tuk a, 14a nuailam a, cik cu Topa i nelah pia haw tuk hi; a sungngil hum a, um a thau hempoh, 15a kal le a kal hum a, um a thau le a thinkak hum a, ummi a thau hempoh hi tuk hi. 16Hi hempoh cu Topa i lakah halmi namtui hi tuk a thiampi in biaklandawh humah haal tuk hi. Hi cu Topa i lakah halkang biakpiaknak a, piakmi an hi, a thau hempoh cu Topa ta hi. 17A thau ahimata, a thi hihen, Israel mi in ei hihim pahsuh un hi; hi thu cu khang tawntung, ilai banglaiah na um uh hei in, na zui tuk uhmi daan hi.
Currently Selected:
THIAMPI NADEHNAK 3: NBF1
Highlight
Copy
Compare
Share
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.
