THIAMPI NADEHNAK 1
1
A Pum In Halkang Biakpiaknak
1 Topa in Moses cu Topa i umnak Puanbuk pen samin, 2Israel miten Pathian nelah biakpiaknak a bawl haw ten zui tukin a nuailam a daan na pia hi.
Akua hei in Topa i nelah biakpiaknak a bawl tale, a khuihon sung pen, ahimata a tuu le a keelhon sungta pia hen hi. 3A khuihon lak pen halkang biakpiaknak a pia tale sonbang ngawlmi khuicang hi tuk hi. Topa sanmi hi tukin a khuicang cu Topa i umnak puanbuk kongka ah hunpih tuk hi. 4a khuicang i lu humah a khutsuan tuk a sualhahnak tukin a ngan cu Topa i lakah biakpiaknakin san hi tuk hi. 5Mahlaiah a khuicang cu ngo in, Aaron i capa thiampi ten mah khuicang i thi cu Topa i nelah a piak nung haw ten Puanbuk kongka a, um biaklandawh i ningli ah theh haw tuk hi. 6a khuicang cu a vun hawkin, a cikcen khawng tuk hi. 7Aaron i capa thiampi ten biaklandawh humah thingkoihin meilam tuk hi. 8Cikcensa cu a lu le a thaute tuah mei humah koih tuk hi. 9Amah in, a sungngilte le a nunglam ke cu somin, thiampi in cik cu biaklandawh humah a venghawngin halkang khawng tuk hi. Hi cu Topa i ca in, a namtui mi biakpiaknak hi.
10Kua hei hihen a tuuhon sungta ahimata keelhon sungta biakpiaknakin, a mang tale, sonbang ngawlmi tuucang ahimata keelcang hi tuk hi. 11Biaklandawh pen saklam mawkah a ngan cu ngo in, a thi cu biaklandawh i ningli ah thiampi ten theh haw tuk hi. 12A cik cu acen khawng cengten thiampi in, a venghawngin, a lu le a thau tuah mei humah koih tuk hi. 13Amah in, a sungngil le a nunglam ke cu somin, thiampi in, a biakpiaknak cik cu Topa i lakah pia tuk a, biaklandawh humah a venghawngin haal tuk hi. Hi cu Topa i ca in, a namtui mi biakpiaknak hi.
14Mi pa khatin, a vano cu halkang biakpiaknakin, a mang tale khulo ahimata laileng dawnno hi tuk hi. 15Thiampi in vano cu biaklandawhah hawhpihin, a ngawng melh tawngin, a lu cu biaklandawh humah haal tuk hi. A thi cu biaklandawh mawkah a bo kang tian leih tuk hi. 16A diil le diil sung a, ummite cu la tuk a, vut a koihnak haw biaklandawh i nisuahnak lamah vawk tuk hi. 17A ha pa nih pen lenin, a ha zuk ngawlno in, a pumpi cu bot kek tuk a, biaklandawh humah haal tuk hi. Mahmi cu Topa i ca in, a namtui mi biakpiaknak hi.
Currently Selected:
THIAMPI NADEHNAK 1: NBF1
Highlight
Copy
Compare
Share
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.
