EZEKIEL 25

Ammon Siatnak Tuk Profet Otmi

1 Topa in,#Jer 49:1-6; Ezk 21:28-32; Amos 1:13-15; Zef 2:8-11; 2“Mihing pa, Ezekiel aw,” Ammon ngam hi siat inna, a phat ngawlnak hi phuangin hi. 3Cungnungbel Topa ka otmi hi ngai tukin hilhin: ka biakinn nawngkai in, a um ten na lungdam ci. Israel ngam siatsuah khawngin le Judah mitei saltan cu na thincimzet ci. 4Mahti bangin na lung a dam hangin nisuahnak lam phillawn a miphun ten nang cu neh haw tuk hi. Na ngam sungah ngalkap ngiahbuk bawl haw tuk a, na ngam cu luah haw tuk hi. Na eih tuk le na in tukmi thingngah, khuinawite cu ei in, in haw tuk hi. 5Rabbah khuapi cu kalauk tatnak ngamin bawl tung. Ammon ngam buppi cu tuu tei tatnak munin suaktik tung. Keimah hi Topa hi tih cu thei tuk uh ci.

6“Cungnungbel Topa in hi bangin ti hi: baibengin, lungdam zetin dawk li ci; Israel ngam humah iksiknak nei ci. 7Mahti bangin na um hangin miphun dang tei khutah pia tung a, amuh ten na thil uhte lonsak haw tuk hi. Nohte ka siatsuahnak cu nasezet tuk a, miphun pa khat hileh thei tukma toh uh ci. Ka ngam hi tih tuk vang neileh tukma toh uh ci. Keimah hi, Topa hi tih thei tuk ci,” ti hi.

Moab Siatnak Tuk Profet Otmi

8Cungnungbel Topa in, “Moab in, Judah vang hi midang bang leleng poh si a tih hangin,#Isa 15:1-16:14; 25:10-12; Jer 48:1-47; Amos 2:1-3; Zef 2:8-11; 9Moab ngamngi cingtu khua mawibel Beth Jeshimoth, Baal Meon le Kiriathaim telin, ngalte dotik tung. 10Nisuahnak lam phillawn a um miphun ten, Ammon mi tuah Moab ngam cu neh haw tuk hi. Keimah in nehtik tung a, Ammon mi tih umleh tukma toh hi. 11Moab cu bawlsia tung, mahten keimah cu Topa ka hihlam thei haw tuk,” ti hi.

Edom Siatnak Tuk Profet Otmi

12Cungnungbel Topa in, “Edom miten Judah mitei humah hehpihnak nei ngawlin phu alak haw hangin Edom mite cu kumkhua in, a hum hawah thu um leleng hi.#Isa 34:5-17; 63:1-6; Jer 49:7-22; Ezk 35:1-15; Amos 1:11-12; Oba 1-14; Mal 1:2-5; 13Atu-in, than ing. Edom cu dantat tung, a mihing le a ngan hempoh that khawng tung. Teman khua pen Dedan khua tian a ngam haw cu ngamkhingah bawl tung, a mihingte cu ngalnam tuah thi haw tuk hi. 14Ka mihing Israel miten keima ai-in, Edom tei humah phu la haw tuk a, ka thinuknak cu Edom miten thuak haw tuk hi. Keima phu lakmi cu iti bang hum tih cu Edom ten thei tuk hi tin, Cungnungbel Topa in hilh zo ing,” ti hi.

Filistin Siatnak Tuk Profet Otmi

15Cungnungbel Topa in, “Filistin ten kumkhua in, a ngal tei humah hehpihnak nei ngawlin phu la haw tuk a, mitkemin siatsuah khawng haw hi.#Isa 14:29-31; Jer 47:1-7; Joel 3:4-8; Amos 1:6-8; Zef 2:4-7; Zek 9:5-7; 16Mah hangin atu-in thu than ing. Filistin cu do tung a, that khawng tung hi. Filistin lei ngamah a nunglaih mite vang siatsuah tung hi. 17Nase zetin dantatin, a hum hawah nase zetin phu la tung hi. Ka thinuknak thuak li haw tuk hi. Keimah cu Topa ka hihlam thei haw tuk,” ti hi.

Currently Selected:

EZEKIEL 25: NBF1

Highlight

Copy

Compare