ZECHARIAH 4
4
Mangmuna Ngana: Meivah Tunna le Olive Kungte
1Kei ei hopi vantungmi ang kilekia a, mi khat a kimutna pana a kiphawn bangin ei phong hi. 2Ama in keima kungah, “Bang na mu ei?” ei ci hi. Tuale keima in, “A tunga hai khat a nei, kham tawh a kibawl meivah tunna khat ka mu hi; tuami tungah meivah sagi om a, a dawnah kam sagi ciet a nei meivah sagi a om hi. 3Tuami gei-ah olive kung ni om a, khat pen hai ziet lamah, adang khat pen hai vei lamah a om hi,” ka ci hi.#Kln 11:4 4Keima ei hopi vantungmi kungah, “Ka pu aw, tamte bang ahiei?” ka ci hi. 5Tua ciengin keima ei hopi vantungmi in, “Tamte na thei sih amah?” ci-in ei dawng hi. Keima in, “Thei sing, ka pu aw,” ka ci hi. 6Ama in keima kungah, “Tami pen Zerubbabel kunga a tung Topa’ kammal ahi hi: Thagumhatna hang hi lo, vanglietna hang zong hi lo, keima’ hlagau hang beh tawh ahi hi, Vanglien Topa in ci hi.#Ezr 5:2 7Muol golpi aw, nang bang na hei? Zerubbabel mai-ah zangtam na suoh ding hi; mite in, ‘Hepina, ama tungah hepina!’ ci-in a awh kawmin ama in inntung khupna suong puokhie ding hi,’ ci-in,” ei ci hi.
8Tua banah keima kungah Topa’ thu ang tung a, 9“Zerubbabel’ khut in tam inn khuombul phut zo hi.; ama’ khut tawh a zo sieng ding hi. Tua ciengin Vanglien Topa in na kung vua keima ei sawl ahi lam note in na thei ding uhi. 10Bangzieh ahei cile thuneu’ bawl ni a simmaw mi poma a lungdam ding vua, Zerubbabel khut sunga a om tena suongkhai a mu ding uhi.
“Tami sagite pen leitung buppi a encih Topa’ mittangte ahi hi,” a ci hi.#Kln 5:6 11Tua ciengin ama kungah, “Meivah tunna ziet lam le vei lama a om tami olive kungte bang ahiei?” ka ci hi.#Kln 11:4 12Tuale a ni veina ama kungah, “Kham penglawng ni tegel tawh sathau#4:12 Cn: Heb “kham” kisunna tami olive singba ni tegel bang ahiei?” ka ci hi. 13Ama in kei kungah, “Tamte bang ahei ci na thei sih amah?” ei ci hi. Keima in, “Thei sing, ka pu aw,” ka ci hi. 14Tua ciengin ama in, “Tam tegel pen leitung buppi a uh Topa kunga a ding sathau a kinusa mi nite ahi uhi,” ei ci hi.
Currently Selected:
ZECHARIAH 4: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
