ROME-TE 4

Abraham Tawh Gentena

1Tua ahile i pu uh Abraham in tahsa lam tawh a na nga#4:1 Adang tang laibute ah “a gen thu” ci-in kigiel hi. phattuomna khu eite in bang i gen ding vuoi? 2Azieh pen gamtatna zieha Abraham dih kitangsah ahile ama in kisah thei nading thu pawlkhat nei hi, hinanle tua pen Pasien mai-ah ahi sih hi. 3Lai Siengtho in bang a gen ei? “Abraham in Pasien um a, tua pen ama tungah dihna-in kisimpieh hi,” ci hi.#Pien 15:6; Gal 3:6 4Nasem mi khat tunga a kipie a thaman pen letsongin kisimpieh loin sep thaman kici zaw hi. 5Ahi vangin mi khat in na a sep lo vangin ama in migilote dih tangsah pa a muon leh, tua bang upna pen dihna-in kisimpieh hi. 6Tua ma bangin sepna kihal lo, Pasien in midih hi, ci-a a sim mite’ hamphatna thu David in zong tam bangin gen hi:

7“A tatkhielnate uh kimaisah a,

a mawnate uh a kisinpieh mite

mi hampha ahi uhi;

8 Topa in ama’ mawna

a ciepte lo pa mi hampha ahi hi,” a ci hi#Late 32:1-2.

9Tua ahile tami hamphatna pen teptan mite tung beha kipie amah? Ahi sihle teptan lo mite tunga zong kipie ahei? Eite in, “Abraham upna pen dihna-in kisimpieh hi,” i ci uhi. 10Tua ahile tua pen bang hun pana kisimpieh ahei? A teptan masang amah? Ahi sihle a teptan zaw ahei? A teptan zaw hi loin a teptan masang hizaw hi. 11Teptan ahi nai lo lai-in upna zieha a na neisa dihtanna ciemtena dinga ama in tua teptanna lim a na nga hizaw hi. A deina in ama pen a tep kitan lo thu um mi zosie le a upna uh dihna-a a kisimpieh mi zosie’ pupi a suo thei nading ahi hi.#Pien 17:10 12Tua ma bangin ama pen a tep kitante’ pupi beh hi loin, tep a kitan masanga i pa uh Abraham in a na nei a ettehuoi upna thu a zui mite adingin zong pupi a suo nading ahi hi.

Upna Tawh Thuciemna Tangtung

13Bangzieh ahei cile ama in leitung luo dingin Abraham le a suonlehlahte tungah a kamciem pen thukham zuina zieh ahi sih a, upna zieha dihtatna tawh hizaw hi.#Pien 17:4-6; 22:17-18; Gal 3:29 14Thukham zuite beh gouluo ding hi poma leh upna pen bangma lo ahi ta ding a, thuciemna zong a mawhna a suoh ta ding hi.#Gal 3:18 15Bangzieh ahei cile thukham in Pasien’ lungthahna piengsah hi; ahi vangin thukham a op lona munah tatkhielna zong om lo hi.

16Tam thu ziehin tua kamciem pen hepina tunga kinga ahi thei nading le ama’ suonlehlahte zosie tungah thukip ahi thei nadingin, thukham zuite beh in nga loin Abraham’ upna banga a um mite in zong a nga thei nadingin upna bulphu-a kipie ahi hi. (Bangzieh ahei cile Abraham pen eite zosie’ pa ahi a,#Gal 3:7 17“Minam tampite’ pa dingin kang bawl zo hi,” ci-in a kigiel ma bangin), ama in misite hingsahin a om nai lote a omsah pa ahi a up pa Pasien muna-ah eite zosie’ pa a suoh hi.#Pien 17:5 18Ama kungah, “Na suon na hlahte tam bangin tam ding hi,” ci-a a kigen ma bangin, “Minam zosie’ pa,” ahi thei nading lametna om lopi-in ama in a muong kenkon hi.#Pien 15:5 19Ama’ pumpi a si zo#4:19 Adang tang laibute ah “zo” ci om lo hi. tawh a kibahna thu le (azieh pen ama kum zakhat bang pha ta hi) Sarah’ nau nei thei lona thute a ngaisut ciengin upna lamah a tha a kiem tuon sih hi.#Pien 17:17 20Pasien’ kamciemna tungtang thu-a muonlana in ama a hawisah zo sih a, a upna sungah thakhau semsemin Pasien’ min thangsah a, 21Pasien in a kamciem ang tangtun zo tahtah ding hi, ci-in a um lenlon hi. 22Tua ahi ziehin a upna pen, “Ama adingin dihna-in kisimpieh hi,” ci-in kigiel hi. 23Tu-in, “Ama adingin kisimpieh hi,” ci-a kigiel kammalte ama ading beha kigiel ahi sih a, 24eite ading zong ahi hi. Misite lah panin i Topa Jesu a thosah pa a um eite tungah tua upna pen dihna-a ei kisimpieh ding ahi hi. 25Eite’ khielna ziehin a si dingin ama kipie a, eite’ dihtan nadingin ama kithosah zo hi.#Isa 53:4-5

Currently Selected:

ROME-TE 4: ZBOTF01

Highlight

Copy