MICAH 4
4
Thumanna Zieha Kilemna le Bihna
(Isa 2:2-4)
1Ang tung ding hunah
Topa’ biehinn opna muol pen
muolte lahah a sangpenin kikoi ding a,
muoltangte tungah kisangkhan ding hi.
Khum munah mite a pei ding vua,
2minam tampite zong ang pei in:
“Hing pei un, ama in a lampi ei hilin,
a lampite i zui thei nadingin,
Topa’ muol tung, Jacob Pasien’ biehinn ah
va kato va vui,” a ci ding uhi.
Azieh pen Zion panin
thuhilna ang pei ding a,
Jerusalem panin
Topa’ kammal ang pei ding hi.
3Ama in mi tampite kikalah thu khen ding a,
gamlapi-a om minam thahatte kikal kihaunate vengsah ding hi;
a namsaute uh lo kaina tuzumin a kheng ding vua,
a teipite uh singba heuna namkawi-in a kheng ding uhi;
minam khatlekhat kidona-in namsau lam nawn loin,
gal simdan ding zong a sin nawn sih ding uhi.#Joel 3:10
4Ahi vangin a lenggui hlim nei ule
a theikung hlimte uh nei-ah
a unpi-un a to ziuzieu ding vua,
koima in a zausah sih ding hi;
azieh pen Vanglien Topa Pasien in
a kam tawh a na gensa ahi hi.#Zech 3:10
5Azieh pen minam zosie
amau’ pasien min ciet tawh a kalsuon uhi,
eite i hi leh a tawntungin
Topa i Pasien’ minin i kalsuon zing ding hi.
Saltan Zaw Angai Bahkia ding Kikamciem
6Khum ni ciengin keima in
khelbaite ka khawm ding a,
a kidelmang mite le
ka bawlsiet mite ka kaikhawm ding hi.
7Khelbaite, a omlai minamin ka bawl ding a,
a kidelmang mite, a thakhau minam khatin ka bawl ding hi;
tuale Zion Muola amate tungah tu le a tawntungin
Topa a maang den ta ding hi.
8Tuuhon cinna tausang,
Zion’ tanu opna muol aw,
nangma tungah ang tung ding hi.
Nangma kungah nidanga
kumpi thuneina ang tung ding a,
Jerusalem tanu’ kumpi gam
ang tung ding hi.
9Bang dinga kap vapuoh na hei?
Na sungah kumpi om lo amah?
Na thu kuppi pa mangthai-in,
nausuoh natna in a tut numei bangin
natna in ang tun ta amah?
10Jerusalem tanu aw,
numei nausuoh bangin kipeh inlen tau#4:10 Heb ah a khietna kicien lo hi. in;
azieh pen khuopi panin
nang na pusuoh ding a,
gamlah ah giephuol satin
Babylon khuopi lam na zuon ding hi;
khum munah na suohta ding a,
khum munah Topa in
na galte khut sung panin ang tan ding hi.
11Nang ang sim dingin
minam tampi a kikhawm vua,
“Ama buasah vai-in,
i mit-in Zion kaihlit vai,” a kici uhi.
12Ahi vangin amate in
Topa’ ngaisutnate a thei sih uhi.
Ancilna phuola bulomte a kikaikhop bangin
kaikhop dinga a gel lam amate in a thei sih uhi.
13Zion tanu aw, tho-in cil in, azieh pen
na ki sia-in ahi a,
na kephang sumngo-in ahi zongin
ka bawl ding hi;
mi tampite tuoncilin, Topa tungah
amau’ neisate na pie ding#4:13 Gk Syr Tg: Heb “tuale keima in ka pie ding hi” a,
leitung buppi a uh Topa tungah
amau’ hauna teng na pie ding hi.
Currently Selected:
MICAH 4: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
