MICAH 2
2
Tangpi Gitlonate Kimawsah
1Gitlona le gamtat hoilo#2:1 Cn: Heb “sietna bawl” a gelte in
gimna a thuoh ding uhi!
Zingmawng khuo vah ciengin
amate in a bawl pai uhi,
bangzieh ahei cile amate in
bawl theina thu a nei uhi.
2Lo a deigaw uleh tuate a matpieh vazieu uhi;
inn a deigaw ule tuate a lahpieh vazieu uhi;
amate in innsuongpa le innte,
mite le a goute a bawlsie uhi.
3Tua ahi ziehin Topa in
tam bangin gen hi:
Tu-in tam innkuon tungah
sietna tunsah ka sawm a,
note in khum panin na ngawng uh
na pongsah zo sih ding uhi;
tua khu hun sie ahi ziehin,
na kiphatsah pei nawn sih ding uhi.
4Khum ni ciengin amate in
note ang tawhna uh la khat sa-in,
a hlasiet huoi kaala tawh
amate a kap ding vua,
“Eite i kisie dihdeh uhi;
Topa # 2:4 Heb “ama” in ka mite’ gouluo ei khelpieh hi;
tua khu ka kung panin
bang a ci lahdawh adiei!
Sala ei mante#2:4 Cn: Heb “a ledo” tungah
i logamte hawm sieng ta,” a ci uhi.
5Tua ahi ziehin
Topa’ mite kikhopna ah
aisanin khau tawh a te ding
koima na nei sih ding uhi.
6“Thu hil sih un,” ci-in tam bangin thu hil uhi.
“Mi khat in tam bang thute gen dingin kilawm lo hi;
mindaina in ei nuaphah zo sih va,” a ci uhi.
7Jacob innkuonte aw,
Topa’ thuohzawhna a tawp sieng ta amah?
Tamte ama bawl ma amah?
ci-in tam thute kigen ding amah?
Thuman taha gamtate tungah
ka kammalte in na hoi bawl hi lo amah?
8Ahi vangin ka mite,#2:8 Cn: Heb “Ahi vangin zani-in ka mite a ding uhi” gal banga do dingin na kuonto uhi;
lungmuonga a omte,#2:8 Cn: Heb “Puonsil mai panin” a puontuol hawhin,
gal thu ngaisuta zong a nei lo
lungmuonga a peite kung panin,
a puontuolte uh na sut uhi.
9Amau’ innnuom panin
ka mite’ numeite na notmang uhi;
a tasente uh tung panin kumtawnin
ka minthanna na lamang uhi.
10Tho unlen pei un;
kisietna#2:10 Heb ah a khietna kicien lo hi. a nasie mama tawh
a susie sientho lona om ahi ziehin,
tam mun tawlngahna ding mun hi lo hi.
11Zuouthu hawmpi genin
mi khat pei kawikawi a,
keima in “Lenggazu le khamtheizu thu
kang hil ding hi,” ci-in thu ang gen leh,
tua bang mipa pen tam mite adingin
a thuhil pa uh ahi ding hi!
A Omlai Israel ading Kamciem
12Jacob aw, na unpi-un
kang kaikhawm valon ding hi,
Israel a omlai teng zong
kang kaikhawm ding hi;
tuubuh sunga tuu khum bang le
lonona muna tuuhon bangin
amate ka koiton ding hi;
khum mun pen mi husa tawh
a kidimkia ding hi.
13A masang vuah
a honpieh pa a pei ding hi;
tunkot phukehin a kantan ding vua,
tua tunkot panin a pusuoh ding uhi.
A mai vuah a kumpipa uh a pei ding a,
Topa pen amau’ lutang hi ding hi.
Currently Selected:
MICAH 2: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
